Author: Elisa Piperi

Kryemadhi: Sot është koha ti japim fund shtetit të qeverisë dhe për qeverinë, dhe të ndërtojmë shtetin e qytetarëve dhe për qytetarët

Fjala e plotë e Kryetares së LSI-së Monika Kryemadhi gjatë takimit me qytetarët në Shkodër

Duke qenë se ne jemi në një lëvizje  të madhe në të gjithë Shqipërinë, sepse nuk do të ndalemi vetëm me protestat e mëdha, por do të shkojmë në çdo rreth të Shqipërisë, në çdo fshat të Shqipërisë, për tu takuar me njerëzit, për të biseduar me ta, për ti sqaruar, për të qarë hallet, sepse jo të gjithë shqiptarët sot kanë mundësi për të ardhur në Tiranë dhe për të protestuar. Sepse jo të gjithë e kanë mundësinë për të paguar biletat e transportit, jo të gjithë i kanë mundësitë për të lëvizur. Kështu që ne, përveç protestave të mëdha që do të bëjmë në Tiranë, do të dalim në çdo qytet të Shqipërisë dhe do të takohemi me qytetarët. Do të takohemi me ta për të biseduar dhe për të diskutuar për hallet dhe shqetësimet e tyre. Sepse ne tashmë nuk jemi më deputetë, nuk jemi më deputet të një Parlamenti fasadë. Njerëzit ndjejnë neveri për deputetët, për shkak të luftës politike, për shkak të tranzicionit të stërgjatur politik që Shqipëria ka kaluar në këto 27 vjet. Sot deputetët e opozitës që ishin deputet në Parlament, me djegien e mandateve, atë që tha edhe Goni, u bëmë qytetarë si ju. U bëmë qytetarë si ju për të njëjtat probleme, për të qarë të njëjtat halle dhe për të treguar që ka dy lloj politikanësh. Ka një lloj politikani që lidhet me karrigen dhe është gati ta çojë në humnerë vendin e tij, vetëm e vetëm për të mos e lëshuar karrigen. Ka edhe disa politikanë të tjerë, të cilët për të larë kusuret, e tyre së të kaluarës, që bën një kryeministër i cili mban peng vendin, djegin mandatet dhe bëhen njësh me popullin për të thënë që ne do të jemi të gjithë bashkë për ta përmbysur njëherë e përgjithmonë këtë klikë. Ne që merremi me politikë, flasim për kapjen e shtetit, flasim për mungesën e Gjykatës Kushtetuese, flasim për mungesën e Gjykatës së Lartë, flasim për polici të kapur nga krimi, flasim për një administratë që nuk ekziston, por 90% e shqiptarëve diskutojnë për kafshatën e bukës. 90% e shqiptarëve nuk arrijnë të ushqejnë dot fëmijët e tyre. 90% e shqiptarëve nuk arrijnë dot të mbajnë prindërit e tyre. 90% e shqiptarëve nuk kanë mundësi të paguajnë faturën e energjisë elektrike. 90% e shqiptarëve nuk kanë mundësi të paguajnë faturën e ujit. 90% e shqiptarëve duan të ikin një orë e me përparë nga Shqipëria dhe për të mos e kthyer më kokën pas. Përse ndodh kjo? Kjo ndodh, sepse qeveria e cila është e vetmja në këmbë sot, sepse i gjithë sistemi ka rënë, do të mendojë vetëm për pesë veta, të cilët paratë e shqiptarëve i merr dhe i fut në xhepat e tyre. Në fakt ne sot përballemi me deklaratat nga më të ndryshmet, me fyerjet nga më të ndryshmet, por ne kemi marrë vendimin tonë. Kemi marrë vendimin tonë për të qenë të gjithë si ju, për të qenë qytetar të thjesht dhe të përballemi me sfidat tona, me sfidat për ta bërë Shqipërinë një vend europian. Aspirojnë shqiptarët për të qenë anëtarë të Bashkimit Europian, aspirojnë shqiptarët për të qenë europian edhe pse janë në mes të Europës, por kemi 30vjet që vazhdojmë të jemi në tranzicion, kemi 30 vjet që vuajmë tranzicionin, vuajmë varfërinë, vuajmë emigrimin, vuajmë pasigurinë, vuajmë mungesën e shtetit dhe tashmë sot është momenti i fundit. Sot është momenti i fundit, o do të ndërtohet një sistem ku ka balancim të pushteteve, ku gjykata është e pavarur nga politika, ku prokuroria është e pavarur nga politika, ku arsimi është i pavarur nga politika dhe i mëson fëmijët njëlloj, pavarësisht bindjeve politike që kanë prindërit e tyre, ku shëndetësia është e barabartë për të gjithë qytetarët, pavarësisht nëse je i varfër apo i pasur, pavarësisht nëse e njeh mjekun apo nuk e njeh mjekun, ku çdo gjë është e drejtë dhe e barabartë për të gjithë qytetarët. Sot ne ndihemi të zemëruar, ndihemi të mërzitur, por ndihemi edhe të revoltuar për mënyrën e pabarabartë, sesi qeveria drejton ndaj popullit të saj. Sot ne ndihemi jashtëzakonisht të lodhur nga ky tranzicion. Nuk mund të vazhdojë më Shqipëria me tranzicion. Nuk mund të vazhdojë më Shqipëria me një qeverisje, e cila kërkon të zgjasë agoninë e Shqipërisë dhe të shqiptarëve. Vetëm në 3 vitet e fundit më shumë se 400 mijë shqiptarë janë larguar nga Shqipëria dhe nuk duan të kthehen. Shqipëria po mban vendim e parë në Europë për azilkërkuesit. Shqipëria çdo ditë dhe më shuam varfërohet. Shqipëria çdo ditë e më shumë nuk ka shanse dhe mundësi për t’ua krijuar ato të rinjve shqiptarë. Fëmijët e shqiptarëve që nga mosha 7 vjeç duan të ikin nga Shqipëria dhe të mos kthehen më. Dhe jo është fatkeqësia më e madhe. Kjo është fatkeqësia më e madhe, se pse ne duam që Shqipërinë ta bëjmë shtëpinë e shqiptarëve. Sepse nëse ne nuk e kthejmë Shqipërinë në shtëpinë e shqiptarëve, Shqipëria nuk do të ekzistojë më. Dhe të mos ekzistimi i Shqipërisë do të jetë fatkeqësi e madhe kombëtare, jo vetëm për shqiptarët, por do të jetë një mallkim për klasën politike që po i detyron shqiptarët të largohen nga Shqipëria.

Mund të flasim pafundësisht. Mund të flasim pafundësisht dhe hallet e problemet e shqiptarëve nuk kanë  të mbaruar. Ka ardhur koha që t’i japim fund stabilitetit të krimit të organizuar. Këtij stabiliteti që ka korruptuar dhe kapur brez pas brezi politikën, drejtësinë, ekonominë. Këtij stabiliteti i cili po i merr shpirtin çdo ditë e më shumë shqiptarëve dhe po i varfëron. Ka ardhur koha ta destabilizojmë krimin e organizuar, që të krijojmë stabilitet për të ardhmen e shqiptarëve dhe për fëmijët e tyre. Edhe në kohën e Enver Hoxhës, ju shkodranët e dini më mirë se kushdo tjetër, edhe në kohën e komunizmit Shqipëria krijonte stabilitet në Rajon. Por ama shqiptarët ishin në diktaturë. Shqiptarët internoheshin, pushkatoheshin dhe burgoseshin. Pse? Për hir të stabilitetit të Rajonit. E pra ne nuk duam stabilitet për diktatorët, për diktatorët e krimit sot. Ne duam stabilitet për shqiptarët dhe për fëmijët e shqiptarëve. Ne duam të ardhme për shqiptarët dhe për fëmijët e tyre. Ne duam një të ardhme të ndritur, një të ardhme të begatë, ku shqiptarët të jenë të barabartë përpara drejtësisë. Ku shqiptarët të kenë shëndetësi dhe arsim të barabartë, pavarësisht se nga vijnë dhe çfarë janë.

Megjithatë, unë do doja që të flisnim pafundësisht për problemet e shqiptarëve. Do doja që të flisnim pafundësisht për hallet e grave shqiptare, që çdo ditë e më shumë problematikat e tyre shtohen. Sepse xhepi i shqiptarëve po varfërohet. Edhe pse rrogat janë të njëjta, po rriten çmimet. Rriten çmimet çdo ditë e më shumë. Rritet kostoja e jetesës çdo ditë e më shumë dhe nuk rriten asnjëherë të ardhurat e shqiptarëve. Në 5-6 vitet e fundit ajo çfarë të bën përshtypje është që pagat e shqiptarëve nuk janë rritur. Por përkundrazi, janë zhvlerësuar sepse janë rritur çmimet. Është rritur çmimi i bukës, është rritur çmimi i miellit, është rritur çmimi i qumështit, është rritur çmimi i vajit, janë rritur çmimet e ushqimeve të shportës. Dhe në fund të ditës rritja e çmimeve çfarë do të thotë? Varfëri më shumë për shqiptarët, që të kenë më pak ushqim në tryezat e tyre. Të kenë më pak mundësi për fëmijët e tyre, jo vetëm për t’i shkolluar, por edhe për t’i krijuar mundësi sepse nuk po flasim më për ushqime e mundësi të tjera.

Kur po vija rrugës për në Shkodër më shkruajnë disa fermerë nga Lushnja, të cilët ishin mjaft të irrituar për vendosjen e TVSH-së për qumështin.  Por ç’do të thotë kjo? Do të thotë që shqiptarëve në vend që t’u japin qumësht organik ju japin qumësht pluhur. Pse? Sepse këta janë që paguajnë taksidarët e Edi Ramës për të falimentuar baxhot e shqiptarëve dhe për të krijuar një netëork dhe sistem të sjelljes së qumështit pluhur nga Serbia apo nga vende të tjera, vetëm e vetëm për të pasuruar xhepat e njerëzve të Edi Ramës. Boll më me klientelizëm, boll më me kapje të ekonomisë. Boll më me oligarkët. Ka ardhur koha që shqiptarët t’i marrin fatet e tyre në dorë. Ka ardhur koha që të mendojmë për të krijuar ekonominë shqiptare. Një ekonomi të pastër e cila fillon në zinxhir, që nga fermeri në shtëpinë e tij dhe përfundon deri te hotelet që ofrojnë turizmin e mrekullueshëm. Nuk mund të vazhdojmë më, të ofrojmë turizëm, i cili zhvillohet me paratë e drogës dhe të krimit. Nuk mund të vazhdojmë më që të shkatërrojmë bujqësinë e shqiptarëve, ku 50% e shqiptarëve jetojnë me bujqësi, vetëm e vetëm  për të sjellë ushqime organike të modifikuara dhe që nuk garantojnë absolutisht edhe më minimalen në ushqimin e shqiptarëve. Nuk mund të vazhdojmë më me ilaçe të skaduara për të cilat i marrin në qafë shqiptarët. Nuk mund të  vazhdojmë më me një polici të korruptuar, e cila çdo ditë dhe më shumë në vend që të ndalojë kriminelin, ndalon hallexhiun i cili nuk paguan dot 5 mijë lekë të vjetra të energjisë elektrike. Ne jemi të qartë në rrugën tonë dhe jemi të vendosur. E dimë që djegia e mandateve tona ishte një vendim ekstrem, por di të them që çdo ditë e më shumë që takohem me qytetarët  nga Shkodra deri në Sarandë, na thonë bravo ju qoftë. Sepse iu dhamë njerëzve idenë që ne nuk mendojmë për veten tonë. E dimë që është një veprim ekstrem. Dhe për shumë ndërkombëtarë është e pakuptueshme. Por di të them që mungesa e shtetit dhe kapja e shtetit e detyroi opozitën shqiptare për të djegur mandatet. Ne deputetët e LSI e dimë shumë mirë që marrja e mandatit tonë këtu në Shkodër ka qenë shumë e vështirë dhe është mandat gjaku. Jo vetëm në Shkodër por kudo. Në Elbasan, në Lezhë, në Vlorë, në Dibër, në Tiranë. Kanë qenë mandate gjaku dhe ne e dimë shumë mirë sesa e vështirë ka qenë për ti mbajtur votat e LSI-së, për ti mbrojtur edhe për ti numëruar, por dimë të themi vetëm një gjë, që mandatet e LSI-së nuk janë mandatet as të Monikës, as të Agronit, as të Luanit dhe të as një tjetri. Mandatet e LSI-së janë mandatet e qytetarëve, janë mandatet e atyre njerëzve që besuan tek LSI-ja, që besuan tek vlerat e LSI-së, që besuan tek programi i LSI-së sepse LSI-ja ka treguar dhe do të tregojë se di t’i mbajë njerëzit, sepse ne dimë t’i mbajmë njerëzit, ne dimë t‘i mbrojmë njerëzit, ne dimë t’jua japim dorën njerëzve, ne ju japim njerëzve shansin për të ecur përpara, për tu zhvilluar, për tu rritur dhe për të krijuar jo vetëm emrin e tyre dhe identitetin e tyre, por për të ndihmuar edhe njerëz të tjerë. Prandaj unë ju ftoj të gjithëve kudo që jeni, mos ndaloni, sqarojini qytetarët, bisedoni me qytetarët, komunikoni me ta, me komshinjtë dhe familjarët tuaj. E dimë që është vështirë, e dimë që kërcënimet janë pafund, por dimë edhe një gjë tjetër, që rruga në të cilën ne do të ecim është një rrugë që na e ndriçon Zoti, sepse duke na e ndriçuar këtë rrugë Zoti, do të na fusë në rrugën e drejtë, rruga e drejtë është për të gjithë ata që ndërtojnë sistemin e vlerave dhe sistemi i vlerave fillon tek familja, tek familja që është gjëja më e shtrenjtë edhe kështu me radhë dhe ne besojmë tek familja dhe duke besuar tek familja, ne besojmë edhe tek Zoti. Zoti ju ruajttë ju, Zoti ju ruajttë familjet tuaja dhe Zoti e bekoftë Shqipërinë. Faleminderit.

/ In News / By Elisa Piperi / Comments Off on Kryemadhi: Sot është koha ti japim fund shtetit të qeverisë dhe për qeverinë, dhe të ndërtojmë shtetin e qytetarëve dhe për qytetarët

Petrit Vasili: Poshtë Republika e qeverisë!

Intervista për emisionin 7pa5 në Vizion Plus

Keni përfunduar protestën në datën 16,protestë masive në fakt nga ana e opozitës,si do të vijojë më pas aksioni juaj?

Tani ju të gjithë jeni ndërgjegjësuar që tani nis një proces pa kthim,një proces i cili e ka ndërgjegjësuar qartazi jo vetëm gjithë shqiptarët të cilët, sigurisht jo thjesht shkon mirënjohja për ta,por për mua një moment reflektimi dhe të gjithë duhet të ndihemi mirë që ndërgjegjja shoqërore shqiptare është rizgjuar. Ka parë problemet në sy ka kuptuar që me këtë lloj qeverisje të kriminalizuar në rrënjë të saj dhe të korruptuar pa shërim nuk ka të ardhme për asnjërin nga shqiptarët dhe të gjitha këto protesta që janë gjithmonë dhe më masive dhe pse për sa i takon  dimensionit të tyre janë të pashembullta, pasi jo rastësisht kemi theksuar për të qenë shumë objektiv, që ku do që të ndodhin me këto dimensione do ishin një tronditje e madhe për shoqëritë, sigurisht që për shoqëritë që reflektojnë që e duan vendin e tyre. Por për dimensionin që është Shqipëria janë vërtet protesta vërtet tronditëse dhe së dyti do të thosha që një element thelbësor është që sot edhe i gjithë opinioni ndërkombëtar është absolutisht në alert, në një vëzhgim shumë të vëmendshëm si asnjëherë tjetër ,shkalla e reflektimit në mediat botërore për shkak se shqetësimi është madhor është i tillë sa nuk besoj dhe nuk ka pasur kurrë në historinë e Shqipërisë, një vëmendje dhe një reflektim të medias botërore. Ju e keni parë , amerikane deri dhe te televizioni shtetëror kinez, Al Jazeera, ZDF-ja dhe e gjithë media botërore e vendeve më të mëdha të botës ka në plan të parë Shqipërinë. Duke menduar sa e madhe është Shqipëria pra si dimensione, si popullsi qenia në gjithë televizionet botërore do të thotë Shqipëria demonstron një nga problematikat më kritike e cila nuk duhet të përsëritet, është një shembull duhet zgjidhur dhe duhet dhënë fund sepse një vatër ku kriminalizimi i qeverisjes udhëheq vendin është e patolerueshme për gjithë edhe botën demokratike por për Shqipërinë jo e jo sepse të tërë këtë dëm të këtij kriminalizimi e pësojnë shqiptarët. Unë jam njeri i politikës dhe e kuptoj, ju jeni gazetare dhe e jeni më e ftohtë dhe e kuptoni dhe më mirë. Nuk janë mijëra anëtarë partish të partive të caktuara të opozitës.

Nëse të gjithë janë militantë atëherë qeveria ka arsye që të shqetësohet…

Jo, problemi qëndron këtu, metafora qëndron por unë më mirë dua që të jem shumë i qartë me teleshikuesit tuaj pra janë shumë mirë dhe është nder i madh për të gjithë ata militantë që ndodhen atje, i bëjnë një shërbim vendit por është një nder akoma më i madh për ata mijëra qytetarë të cilët nuk janë anëtarë të asnjë partie, të cilët një shqetësim shumë i thellë familjar apo privat dhe shoqëror i ka bërë që të jenë atje dhe të durojnë të gjitha llojet e përplasjeve.

Z.Vasili, ambasadorët ndërkombëtarë e kritikuan djegien e mandateve…

Kritikët kanë ardhur nga ajo që quhet burokracia diplomatike e cila për fat të keq në shumë raste jeton me disa ritme teorike dhe nuk jeton me ritme praktike. E cila neglizhon informacionet tronditëse që ka në tavolinat e saj për të cilat nuk i di arsyet. Nuk jam këtu për të dhënë këto arsye sepse do ishte një përgjegjësi e rëndë pastaj të merrja dhe arsyet përsipër. Nuk e di për çfarë arsye mbyllin sytë dhe nuk shqetësohen sepse të të thonë që në Shqipëri brenda një ditë 30 milionë euro kalojnë në xhepat e një recepsionisti, kuptohet që është një korrupsion i paparë që, një rrugë atje bëhet me oferta me zero lekë, dosja e krimit elektoral rri bllokohet dy vite ndërkohë kemi bërë një bujurdi të madhe, kjo qeveri ka thënë “drejtësia e re” , e keni dëgjuar që çdo gjë do funksiononte, nuk kishte më të pabarabartë para ligjit. Dosjet e qytetarëve i keni parë, vajtën i kapën protestuesit atje, i rrëmbyen e i rrahën në ,mënyrë anonime e vutë re. Rrahën djalin e deputetit dhe thoshin dikush i ra nga këta tanët derisa në fund bëri shumë mirë PD i nxorri dhe emrin atyre rrugaçëve që qëlluan në atë mënyrë. Ndërkohë që recepsionisti që merr 30 milionë eurot ikën, ata Vangjush Dakot me shokë për dosjet të cilat janë pronë e juaj e të gjithëve tashmë, nuk i prek njeri. Dhe këto fakte i di bota mbarë se që bllokohen dosjet e krimit elektorale thotë Zëri i Amerikës dhe nuk e thonë diplomatët në Tiranë.

Ka pasur reagime nga diplomatët në Tiranë pas protestave masive të opozitës?

Kur gjigantët e media botërore në mënyrë të vazhdueshme janë këtu,raportojnë në mënyrë të përditshme, të hollësishme dhe shumë e shumë,pamjet televizive ne po i marrim falë tyre, nuk po i marrim  dot as falë televizioneve shqiptare. Pra ato media të cilat kanë udhëhequr mendimin botëror, ju e dini shumë mirë që një artikull, tezë, reportazh i tyre drejton botën. Kjo vëmendjen botërore e këtij pushteti të vërtetë të katërt më duhet mua. Pushteti i burokratëve nuk më duhet. Më duhet ç’mendon populli dhe ç’reflekton ky pushtet i katërt i vërtetë i pakapur i atyre medieve, pasi  Shqipëria për fat të keq ka halle të mëdha. Ju i lexuat raportet e DASH që presioni i qeverisë, privacionet ekonomike, shantazhi i jashtëzakonshëm, kontrollet e paligjshme të pabesa e kanë bërë median shqiptare të përballet me një kapje të madhe, në mjaft raste të saj për fat të keq. Dhe mua tashmë si çdo opozitar tjetër më intereson vetëm që kemi gjithë botën më të qytetëruar, më të vëmendshme, më kritike, e kemi me vete.  Ka ardhur gjithë kjo vëmendje kaq e madhe botërore për këtë qeveri të vogël pikërisht për shkak  të këtij reagimi kaq të madh popullor, të udhëhequr nga opozita shqiptare.

Në zgjedhjet e ardhme, ato të 30 qershorit, të dekretuara nga Presidenti i Republikës, do duhet që të shkoni përballë një alternative që është mazhoranca. Deri tani si ju duket qëndrimi i mazhorancës? Sepse si kundërpërgjigje e protestës masive të 16 marsit kishim dje organizimet e ditës së verës, ku përfaqësues të mazhorancës kanë bërë edhe ironi duke treguar 2 modele ndryshe të Shqipërisë…

Unë do ta mbyll këtë gjë shumë thjeshtë. E para e punës me këta budallenj dhe hajdutë që qeverisin Tiranën kam neveri të bëj komente për ta, që ditën që kanë hequr që dita e verës të mos jetë në 14, por në datë 17. Dhe i bie që të çojnë një buletin për 31 dhjetor dhe të thonë do bjerë borë për vit të ri dhe ne do ta bëjmë vitin e ri në prill. Sepse atëherë e kemi të mundur,  se kemi një hall që kemi zgjedhje përpara. Këta janë ca sharlatanë, këta janë turpi i këtij vendi. Dhe ne prandaj duhet të ndahemi që njëherë e përgjithmonë, së bashku me këta të ikë edhe ky model i fëlliqur. Dhe kur të vijë atje, kushdo që do qeverisë, të ketë kokën ulur,  të ketë modestinë, dhe të ketë gjithmonë pakënaqësinë e madhe me veten e tij, që sa nevoja të mëdha  ka vendi dhe sa pak po bëjmë. Për këto lloj drejtuesish shtetërorë ka nevojë Shqipëria.

Unë jam në atë vijë të parë, nuk jam aty për të bërë karrierë politike. Nuk kam ndonjë merak mbi karrierën politike. Kam një moshë të tillë që më jep mundësinë të reflektoj gjatë për çfarë kam parë nga Shqipëria. Dhe më rezulton që, unë jam tek të 60-tat dhe sigurisht që i kam të gjitha mundësitë të bëj një analizë politike, kam parë për shkak të moshës edhe pushtetin para viteve ’90, me gjithë negativitetet e mëdha që ka pasur, po karagjozë të tillë, sharlatanë e të papërgjegjshëm të tillë si këta historia e Shqipërisë nuk ka parë. Sepse edhe ata para viteve ’90 nuk kishin demokraci, ishin në diktaturë, po së paku 5 detyrime të mëdha kur i merrnin para popullit, i merrnin dhe i çonin deri në fund. Thoshin do bëjmë këtë hekurudhë, do jenë këto të drejta. Edhe nj njeri i rëndësishëm i partisë dhe një qytetar i thjeshtë kur vinin dhe aplikonin për të drejtën e banesës , e merrnin po njëlloj. Dhe kur vinte puna që i shkelej një e drejtë bazike, trajtoheshin po njëlloj. Pabarazi dhe poshtërsi të tilla, të dëgjoj këta modele.

Po çfarë modeli të dëgjoj? Atë që kanë bërë Tiranën qytetin më të pa jetueshëm në Europë? Indeksi Mercer që doli ishte i institucioneve më të rëndësishme shkencore amerikane dhe qyteti më i pa jetueshëm në Europë. As në Ballkan nuk ka si Tirana. E për çfarë del ky Kryetari i Bashkisë? Në qoftë se ky ka ndërmend të jetë provincial, thotë meqë unë kam xhepat e mia plot dhe i mbush përditë me para thotë, jam i qetë dhe rri e bëj si karagjoz atje, vesh bluza me Mickey Mouse dhe kujton se ky është qyteti, unë e refuzoj të qeverisem si kryeqytetas këtu. Dhe kjo Tiranë, ju e keni parë, i keni edhe kamerat shumë të mira, merrni dhe shikoni sesi në qendër të Tiranës vazhdon të mbillet me kulla. Mbi ç’kulla? Kulla të cilat ngrihen nga 40 kate atje, shpojnë një vrimë dhe po të njëjta tubacione dhe instalime i akne shërbyer një Tirane rreth 20-30 herë më të vogël janë po atje. Tirana jeton mbi një potencial edhe të një shpërthimi epidemik të jashtëzakonshëm dhe të një mungese kualiteti të jetës që nuk ka ku të shkojë më. Fëmijët nuk kanë ku të luajnë. Ju keni rritur fëmijët, keni hall se ku t;i çoni dhe t’i shëtisni fëmijët, me një pasiguri të jashtëzakonshme. Në shkollat e Tiranës keni një mori makinash se do shkojnë të presin fëmijët atje se qyteti është i pasigurt. Në vend që të ulin kokën para një Tirane që vuan e lëngon, merren atje e flasin budallallëqe nga mëngjesi deri në darkë.

Deklarata e ambasadores gjermane, reagon Luan Rama: Një përpjekje për t’a mirëkuptuar

POSTIMI:

Një përpjekje për t’a mirëkuptuar ambasadoren e Gjermanisë në Tiranë dhe, edhe një pyetje për të…

E lexova me vëmendje deklaratën e ambasadores së Republikës Federale të Gjermanisë në Tiranë, të publikuar gati dy orë më parë.
E madje, edhe e rilexova, për t’a motivuar më shumë veten drejt vullnetit të mirë jo vetëm për t’a mirëkuptuar atë, por, edhe për t’i dhënë vetes një mundësi reflektimi!
Dhe natyrisht, e mirëkuptoj plotësisht.
E mirëkuptoj dhe e justifikoj.
Sepse zonja ambasadore as që e ka idenë se në ç’gjendje është cilësia e demokracisë në Shqipëri, ku shumicën parlamentare e përcaktojnë votat e blera nga grupet kriminale dhe jo vullneti i lirë i qytetarëve, siç ndodh në Gjermaninë e saj e kudo tjetër në botën demokratike! Të paktën, këtë perceptim më jep mundësinë të kem deklarata e saj.
Por, në këtë çështje, nuk mund t’a ndihmoj më shumë se kaq. Thjeshtë, vetëm mund t’a mirëkptoj e po aq ta justifikoj.
Sepse, unë e di që në Gjermani nuk ndodh që të ketë përgjime të prokurorisë, të ketë dosje të administruara ligjërisht prej saj, ku dokumentohet se kriminelë flasin për blerje votash, për të prodhuar deputetë për qeverinë e të mos ndodhë asgjë!
Sepse, unë e di që në Gjermani nuk ka ndodhur ndonjëherë që Kancelari Federal të ketë marrë në mbrojtje e të ketë kandiduar në listat e partisë së vet kriminelë, për t’i bërë deputetë dhe kryetarë bashkish!
Unë e di që në Gjermani nuk ndodh si në Shqipëri ku nuk funksionon prej kohësh Gjykata Kushtetuese dhe Gjykata e Lartë dhe as nuk janë në kolaps e të bllokuara gjykatat e niveleve të tjera!
Ndaj, thjeshtë vetëm mund t’a mirëkptoj e po aq ta justifikoj zonjën ambasadore të Gjermanisë.
Por, kam edhe një pyetje për të:
A mund të ketë demokraci në një vend ku nuk ka drejtësi dhe a mund të ketë drejtësi në atë vend ku nuk ka Gjykatë Kushtetuese dhe Gjykatë të Lartë?!
Ajo, zonja ambasadore në deklaratën e vet nënvizon se:“E rëndësishme është që edhe Gjykata Kushtetuese dhe Gjykata e Lartë, si instrumenta të rëndësishëm korrektivë të shtetit ligjor, të mund të jenë së shpejti sërish funksionale”.
Nuk mund të jem dakord me këtë përcaktim të zonjës ambasadore, jo ngaqëkështu dua apo mendoj unë, por, sepse fatkeqësisht ajo shpreh mosnjohje në rastin më të mirë, e njohje të deformuar në rastin më të keq për Gjykatën Kushtetuese dhe Gjykatën e Lartë në Republikën e Shqipërisë!
Ndaj po ia shpjegoj se Gjykata Kushtetuese dhe Gjykata e Lartë nuk janë “instrumenta të rëndësishëm korrektivë të shtetit ligjor” siç shprehet ajo!
Gjykata Kushtetuese është organi më i lartë i drejtësisë kushtetuese, ndërsa Gjykata e Lartë është shkalla më e lartë e pushtetit gjyqësor në Republikën e Shqipërisë.
Gjithashtu po i shpjegoj zonjës ambasadore të Gjermanisë në Tiranë, se ndërsa ajo na flet për shtetin ligjor, duhet t’a dijë se në sistemet demokratike shteti është shtet i së drejtës, pra shumë më tepër se vetëm shtet ligjor, sepse jo çdo shtet ligjor është edhe shtet demokratik, pra edhe shtet i së drejtës!
E për fat të keq, Shqipëria ime nuk është bërë ende shtet i të drejtës, e nëse zonja ambasadore kur flet për shtet ligjor ka parasysh këtë të vërtetë, atëherë po, ka të drejtë.
Por, duke iu referuar sërish deklaratës së të nderuarës ambasadore, në të me të drejtë ajo thekson se: “Ne presim hapa të tjerë përpara edhe në luftën kundër krimit të organizuar dhe korrupsionit”.
Por, ndërkaq, duhet t’a dijë mirë, se nuk mund të ketë sukses në luftën kundër krimit të organizuar dhe korrupsionit, pa luftuar edhe krimin e organizuar dhe korrupsionin zgjedhor, prej nga buron ajo që deklaratën e vet zonja ambasadore e quan “qeveri e legjitimuar në mënyrë demokratike”!
Dhe në fund, edhe një korrektim tjetër për deklaratën e saj, teksa shprehet se: “Të gjitha këto përpjekje janë të rëndësishme për të bindur shqiptaret dhe shqiptarët, por edhe investitorët e huaj, që drejtësia shqiptare garanton siguri ligjore”.
Drejtësia shqiptare duhet të garantojë jo “siguri ligjore”, por drejtësi ligjore, sepse është drejtësia ligjore që garanton siguri ligjore bazuar në parimet e shtetit të së drejtës.
Koncepti i shprehur në deklaratën e zonjës ambasdore se “drejtësia garanton siguri ligjore” është ose i mangët, ose i referohet konceptit që ajo e përmend edhe në deklaratën e vet mbi shtetin ligjor!
Duke shpresuar se e kam mirëkuptuar, besoj sinqerisht se edhe e kam ndihmuar, të paktën të kuptojë se çfarë është Gjykata Kushtetuese dhe Gjykata e Lartë në Republikën e Shqipërisë dhe se ku ndryshon shteti i së drejtës për të cilin e kam fjalën unë, nga shteti ligjor për të cilin flet ajo!
Natyrisht, jemi në Shqipëri, se po të ishim në Gjermani, do të flisnin ndryshe!

/ In News / By Elisa Piperi / Comments Off on Deklarata e ambasadores gjermane, reagon Luan Rama: Një përpjekje për t’a mirëkuptuar

Vasili: Sot shqiptarët ishin pa fund në shesh për një Shqipëri të paqtë dhe njerëzore!

Ish Kreu i Grupit Parlamentar të Lëvizjes Socialiste për Integrim, Petrit Vasili ka reaguar me anë të një postimi në rrjetin social Facebook ku shkruan mbi protestën e sotme.

Vasili shprehet se sot shqiptarët ishin të pa fund në shesh për një Shqipëri të paqtë dhe njerëzore, dhe jo për Shqipërinë në ankth e brengë për shkak të një kryeministri të sëmurë.

Më poshtë postimi i plotë i Vasilit:

Sot shqiptarët ishin pa fund në shesh për një Shqipëri të paqtë dhe njerëzore pikërisht si kjo qytetare, që në mënyrë divine proteston duke luajtur në violinë,
dhe jo për Shqipërinë në ankth e brengë për shkak të një kryeministri të sëmurë për karrige dhe para’.

/ In News / By Elisa Piperi / Comments Off on Vasili: Sot shqiptarët ishin pa fund në shesh për një Shqipëri të paqtë dhe njerëzore!

Një shpjegim dhe një falenderim për ndërkombëtarët e Tiranës dhe standardin e tyre të dyfishtë

Nga Luan Rama, Zevendëskryetar i LSI-së

Tirana sot ishte në protestë. Me më shumë qytetarë se çdo herë tjetër më parë. E nesër, padyshim do të ketë edhe më shumë se sot. Ditë pas ditë uragani i revoltës popullore do të vijë duke u rritur, sepse e keqja mundet vetëm me forcën dhe vendosmërinë qytetare!
Varfëria dhe dhimbja që ajo shkakton janë akuzë për qeverisjen, e prej saj shumica e qytetarëve ka zgjedhur protestën që edhe ndërkombëtarët e burokratët e Europës në Tiranë, të kuptojnë se realiteti shqiptar nuk është ai i lulishteve të Rogner-it apo i fluturave me ngjyra në zyrën e Kryeministrit.
Realiteti shqiptar është i trishtë, është i dhimbshëm, është tragjik, e fatkqeqësisht, ky realitet po iu imponohet fatalisht qytetarëve, sa ata të thonë se “ishim më mirë kur ishim më keq!”
Eshtë e rëndë, është e turpshme që Shqipëria anëtare e NATO-s që prej 10 vjetësh vazhdon të jetë vendi i vetëm në Europë ku zgjedhjet blihen e vidhen dhe ku qytetari nuk e ka votën të veten!
Eshtë kriminale dhe padyshim, edhe skandaloze, e vërteta që Shqipëria anëtare e NATO-s që prej 10 vjetësh, vazhdon të tregohet me gisht si vendi i krimit të organizuar, si qendra europiane e kultivimit dhe trafikimit të drogës dhe si vendi me Parlamentin që u detyrua të miratojë një ligj për të dekriminalizuar vetveten e për të përzënë prej andej kriminelët që ishin futur me firmat e kryetarëve të partive, kur në fakt të parët duhej të ishin përzënë ata që i kishin bërë kriminelët deputetë!
Eshtë fyese dhe poshtëruese për një popull të tërë të një vendi anëtar të NATO-s, siç është Shqipëria që prej 10 vjetësh, që nga njëra anë të pranosh në raportin zyrtar të ODIHR-it se mbi 20 përqind e votës është blerë në zgjedhjet e vitit 2017, e nga ana tjetër të dëgjosh një “ndërkombëtar” të mbajë leksione për legjitimitetin e Kuvendit të dalë me vota të blera nga kriminelë e trafikantë!
Po në cilin vend tjetër të Europës mund të ndodhë kjo shfaqje dyfytyrësie e hipokrizie?!
Në cilin vend të Europës së vlerave qytetare e demokratike prej nga vini ju zotërinj ndërkombëtarë do të heshtnit po të mësonit se në dosjet e prokurorisë për grupet e krimit të organizuar, ka prova se grupet kriminale kanë blerë vota për të prodhur deputetë për qeverinë?!
Në cilin vend të Europës do të ishte normale që shteti të mos ketë Gjykatë Kushtetuese e Gjykatë të Lartë, të mos ketë Prokuror të Përgjithshëm të zgjedhur në zbatim të Kushtetutës siç ndodh në Shqipërinë anëtare të NATO-s?!
Nga cili vend tjetër i Europës vetëm në 5 vjet janë larguar mbi 400 mijë qytetarë si nga Shqipëria anëtare e NATO-s dhe që kërkojnë azil në dyert e vendeve që ju përfaqësoni zotërinj ndërkombëtarë, dhe ketë të mos e shohësh si një të vertetë alarmante, por të thuash se vendi po bën progres?!
Përse ky standard i dyfishtë? Përse kjo hipokrizi?
Apo kjo është diplomacia e ndërkombëtarëve?
Sot Tirana dhe gjithë Shqipëria ishte në protestë. Ishte protesta më e madhe dhe më qytetare që është zhvilluar ndonjëherë në bulevardin “Dëshmorët e Kombit”.
Shikojeni këtë protestë ashtu siç ishte zotërinj ndërkombëtarë: si shenjë alarmi që Shqipëria nuk është lulishtja e Rogner-it dhe as zyra me flutura shumëngjyrëshe e Kryeministrit!
E nëse protesta e sotme ishte me më shumë qytetarë se çdo protestë tjetër më parë, merita është edhe e juaja. Për këtë faleminderit!
E në mbyllje të këtyre rradhëve, bashkë me falenderimin për ndërkombëtarët e Tiranës, edhe një këshillë për ta; lexojeni poezinë “Laokonti” të Ismail Kadaresë…

/ In News / By Elisa Piperi / Comments Off on Një shpjegim dhe një falenderim për ndërkombëtarët e Tiranës dhe standardin e tyre të dyfishtë

Monika Kryemadhi: Mirënjohje pa fund për mijëra qytetarë që morën pjesë në protestën më të madhe të pluralizmit!

Deklarata për mediat e Kryetares së LSI-së, Monika Kryemadhi

Në emër të LSI-së dhe në emër të të gjithë atyre mbështetësve që ishin sot në protestën e organizuar, shpreh mirënjohje pafund për mijëra qytetarë shqiptarë që vërshuan sot në rrugët e Tiranës, me bindjen dhe me dëshirën për të protestuar ndaj kapjes së shtetit, për të protestuar ndaj të keqes më të madhe, e cila ka uzurpuar jetën dhe shpresën e shqiptarëve.

Sot qytetarët u përballën pa bërë asnjë hap pas, përballë pushtetit të grabitur, pushtetit kriminal dhe pushtetit të pamoralshëm të Edi Ramës. Populli tashmë e ka marrë vendimin e tij, vendim të pakthyeshëm për të refuzuar deri në fund që të qeveriset nga armiku i vetëm i tij, që është Edi Rama.

Sot qytetarët e Shqipërisë, por më shumë qytetarët e Tiranës bënë protestën më të madhe të pluralizmit në vend. Bënë protestën më të madhe që është parë në Shqipërinë më të rrudhur, sepse ata tashmë kanë respekt për veten e tyre dhe nuk e shesin dot lirinë e tyre me asnjë çmim ndaj kujtdo.

Rruga tashmë është e nisur për të ndryshuar demokracinë në Shqipëri dhe lirinë e njerëzve në Shqipëri. Ky është vendimi që qytetarët kanë marrë. Opozita do ta udhëheqë atë në çdo orë dhe në çdo ditë zemërimin edhe indinjatën e qytetarëve kundër qeverisë të krimit, kundër narko-shtetit të Edi Ramës.

Tashmë rruga jonë nuk ka më kthim pas. Tashmë ne do të qeverisim zemërimin dhe indinjatën e qytetarëve shqiptarë, për të përmbushur një akt patriotik, që është integrimi i Shqipërisë në BE. Flamuri i Shqipërisë dhe zemra e qytetarëve do të jenë simbolet e Shqipërisë, që do ta çlirojnë atë nga krimi, nga korrupsioni, nga kapja e shtetit dhe nga varfëria. Qytetarët do të largojnë pengesën e vetme që kanë, për ëndrrën e tyre europiane, kjo pengesë e cila ka emrin e Edi Ramës. Ata kanë marrë në dorë sot fatet e tyre dhe çdo sakrificë për Shqipërinë do të jetë shumë e vogël përballë sfidës që kanë shqiptarët për ta bërë Shqipërinë shtëpinë e tyre, shtëpinë e fëmijëve të tyre.

Çdo qytet dhe çdo cep i Shqipërisë, sot i bën qytetarët e saj më të fortë, më të bindur që rruga e tyre nuk ka më kthim pas. Rruga e vetme që ka Shqipëria është integrimi në Bashkimin Europian sepse e vetmja gjë që shpëton Shqipërinë nga kapja e krimit, nga largimi njëherë e përgjithmonë i kriminelëve dhe grabitësve, jo vetëm të shpresës, por edhe të xhepave të shqiptarëve, është integrimi europian. Dhe për ta arritur këtë gjë duhet që të iki një orë e më përpara i vetmi njeri që mban peng Shqipërinë dhe shqiptarët, që mban peng ëndrrat e shqiptarëve, që mban peng shpresën e të rinjve shqiptarë, i cili është Edi Rama me sektin e tij kriminal.

Sot ai mori një shuplakë. Loja tashmë do të hyjë prej vërteti. Loja ka filluar të luhet fort sepse ka vetëm një rrugë, e cila u krijon shqiptarëve mundësinë e vetme. Mundësinë e vetme për ta kthyer Shqipërinë në shtëpinë ë fëmijëve të tyre, në shtëpinë e familjeve të tyre. Faleminderit!

/ In News / By Elisa Piperi / Comments Off on Monika Kryemadhi: Mirënjohje pa fund për mijëra qytetarë që morën pjesë në protestën më të madhe të pluralizmit!

Kryemadhi: Qytetarët në shumicë përballë së keqes që ka marrë peng të ardhmen e vendit

Prononcimi i Kryetares së LSI-së, Monika Kryemadhi

Qytetarët e Shqipërisë protestojnë, sidomos qytetarët e Tiranës, përballë një njeriu që ka ikur tashmë. Dhe çdo ditë më shumë që zvarritet dhe që qëndron është ditë më e zezë për të dhe ditë më e bardhë për shqiptarët. Sepse çdo ditë e më shumë shqiptarët kuptojnë që një njeri nuk mund të marrë dot peng të ardhmen e fëmijëve të tyre, ashtu sikurse çdo ditë dhe më shumë shqiptarët e kuptojnë që e keqja më e madhe e këtij vendit  është përfaqësuesi i krimit të organizuar, i cili ka kapur pushtetin, ka kapur ekonominë shqiptare, ka kapur shëndetësinë, ka kapur çdo gjë për të cilën shqiptarët duan të jetojnë të lumtur në vendin e tyre si qytetarë Europianë.

Do të qëndroni 48 orë përpara Kryeministrisë sot?

Ajo nuk është në dorën tonë, është në dorën e qytetarëve. Janë ata të cilët do ta vendosin. Ish-deputetët e opozitës janë qytetarë të lirë, të cilët protestojnë si çdo qytetar. Sot asnjëri nga ne nuk përfaqëson flamuj politik. Sot të gjithë përfaqësojmë familjet tona, njerëzit tanë edhe ata të cilët nuk kanë mundësi për të ardhur  për shumë arsye në protestë. Edhe të gjithë ata anëtarë të administratës publike të cilët i kanë kërcënuar për të mos qenë sot në protestë. Edhe të gjithë ato biznese të cilët kërcënohen dhe shantazhohen për të mos qenë sot në protestë. Sot të gjithë ne jemi përfaqësues të gjithë atyre njerëzve të cilët duan taksa më të ulëta, duan naftën më të lirë, duan energji elektrike më të lirë, duan arsim me standarde evropiane për fëmijët e tyre, duan shëndetësi me standarde evropiane për familjarët e tyre. Duan një shtet dhe një qeveri që iu shërben qytetarëve të vetë dhe mbi të gjitha duan atë sistem vlerash për të cilin shqiptarët kanë aspiruar. Për atë sistem vlerash, për demokracinë e vërtetë, për fjalën e lirë, për ekonominë e lirë, për lëvizjen e lirë të 30 viteve më përpara ashtu siç u ngritën studentët shqiptarë. Sot nuk mund të them që nuk janë ngritur studentët, por sot mund të them që janë ngritur që te gjithë për ta ndryshuar këtë sistem të kapur, që ishte sistem i tranzicionit qe e ndaloi integrimin e Shqipërisë në BE. E ktheu Shqipërinë në një vatër të krimit të organizuar. Prandaj tashmë protesta e shqiptarëve dhe protestat e opozitës janë protesta për ta rrëzuar njëherë e mirë këtë sistem të kalbur të tranzicionit dhe për të hapur etapën e re të integrimit evropian, sepse Shqipëria e ka vendin vetëm në BE. Shqipëria nuk e ka vendin në asnjë vend tjetër. Sot në këtë ditë me diell hapet një faqe e re për historinë e Shqipërisë, hapet faqja e fillimit të negociatave. Sepse negociatat në Shqipëri nuk hapen nga një njeri që nuk lufton krimin e  organizuar, negociatat nuk hapen nga një njeri që shantazhon dhe blen votat me paratë e krimit të organizuar, negociatat nuk hapen nga një njeri që nuk sulmon dhe nuk lufton korrupsionin dhe kriminalitetin, por përkundrazi i stimulon dhe i zhvillon ato, negociatat nuk hapen duke kërcënuar dhe duke shantazhuar popullin tënd. Sot unë them që një ditë e bukur do të çelet dhe një etapë e re do të hapet për Shqipërinë dhe shqiptarët kudo që janë.

Znj. Kryemadhi, dje kryeministri Rama tha se nuk do të ketë zgjedhje të parakohshme parlamentare, madje tha që shfaqjet e opozitës dëmtojnë vetëm interesat kombëtare të  Shqipërisë dhe jo qeverinë.

Ky kryeministër ka një problem shumë të madh me shqiptarët, me veten e tij, me besimin e tij në vetvete sepse normal që besimi do ti mungojë në vetvete sepse një njeri që nuk beson në Zot dhe tallet me Zotin, normal që nuk ka se si të kuptojë se çfarë ndodh. Unë mund të them vetëm këtë gjë, që në momentin që Edi Rama flet për zgjedhje të parakohshme, po përgatitet për zgjedhje të parakohshme, madje po përgatitet edhe për kandidatin për kryeministër të qeverisë tjetër, por ky nuk është problemi ynë, është problemi i z. Rama. Problemi ynë është hapja e negociatave që Shqipëria të jetë pjesë e Bashkimit Europian, ky është problemi ynë, ne aspirojmë për këtë, mjaft më me tranzicionin, mjaft me këtë qeveri dhe shtet të kapur, mendojmë që shqiptarët meritojnë më shumë se kushdo për të qenë anëtarë të BE-së, meritojnë më shumë se kroatët, meritojnë më shumë se sllovenët sepse e kemi filluar procesin e integrimit në Bashkimin Europian me Kroacinë dhe sot Kroacia është anëtare e Bashkimit Europian, ndërsa ne akoma diskutojmë hapjen e negociatave.

Znj. Kryemadhi, ambasada amerikane tha se nuk do të ketë protesta të dhunshme pasi janë të paligjshme, gjithashtu ai tha se opozita ka lënë mandatet dhe duhet të lënë Parlamentin të vazhdojë punë, i cili është legjitim sipas tyre.

Unë lexoj raportin e Departamentit të Shtetit sepse besoj se raporti i DASH dhe jo vetëm raporti i DASH, por i shumë kancelarive të tjera evropiane bëjnë shumë të qartë që zgjedhjet e 2017 janë blerë dhe janë marrë ndërmjet kërcënimit të votuesve, jo vetëm që janë blerë dhe deformuar, por di të them që në raportin e DASH është shumë e qartë, lufta kundër korrupsionit e cila nuk zhvillohet, kundër krimit të organizuar dhe problematika të tjera të cilat jo vetëm që nuk i krijojnë mundësi dhe hapësira Shqipërisë, por përkundrazi ja mbyllin dyert e integrimit, ajo që dua të them është që dëshmitarët më të mirë dhe viktimat më të mëdha të këtij sistemi që ka instaluar Edi Rama janë shqiptarët, nuk janë njerëz të tjerë të cilët e kanë tranzitore jetesën në Shqipëri.

Zonja Kryemadhi ju keni thënë që nuk jeni përgjegjëse për listën e 2017,të cilët disa nga kandidatët kanë marrë dhe mandatet e deputetit,fajësoni zotin Meta për këtë?

Nuk është as zoti Meta as kushdo tjetër që ka bërë listën,një nga arsyet që Levizja Socialiste për Integrim vendosi Vettingun e kandidatëve është sepse që këtej e tutje kandidatët e LSI nuk do të jene kurrë peng i të kaluarës të tyre,nëpërmjet të cilës ata të kërcënohen për të marrë pastaj vendime jashtë dëshirave të tyre dhe jashtë po themi dhe vendime që janë në kundërshtim me të mirën e popullit të tyre,kështu është shumë e qartë vendosja dhe marrja e vendimit për të bërë Vetingun e kandidatëve,të cilën e gjithë opozita po shkon drejt kësaj pra këtë Vetting në politikë qe ne e kërkuam, mendojmë që është shumë e rëndësishme sepse duhet ndarë njëherë e përgjithmonë , ashtu siç themi ti japim fund tranzicionit në politik, duhet ti japim fund edhe lidhjes politike me krimin. Vetëm një politik e çliruar nga krimi, vetëm një politik e lirë, mund të sjelli dhe mund të çojë përpara Shqipërinë dhe shqiptarët dhe mund të garantojë të ardhmen e fëmijëve të shqiptarëve.

Si e shikoni deklaratën e z. Koka i cila tha se ndihet sërish sikur është pjesë e LSI dhe ka një marrëdhënie shumë të mirë me ju, znj. Kryemadhi?

Unë ajo që mendoj është se sot nuk ka më kohë për të folur për emra të përveçëm, sot është koha të flasin shqiptarët dhe sot më shumë se çdo gjë tjetër janë shqiptarët të cilët kanë vendosur për çdo vendim politik të çdo partie politike. Çdo njeri bën zgjedhjen e tij. Ka njerëz që bëjnë zgjedhje të gabuara, ka njerëz që bëjnë zgjedhje të mira,ka dhe njerëz që nuk bëjnë zgjedhje fare. Kështu që kjo është zgjedhja e tij dhe nuk më shqetëson dhe as nuk më intereson të them të drejtën sepse mendoj se sot ka gjëra më të rëndësishme për të folur dhe më të bukura për të folur për shqiptarët.

Znj. Kryemadhi, nëse nuk do të ketë zgjedhje të parakohshme, LSI do të marrë pjesë në zgjedhje vendore të 30 qershorit?

Nuk mund të ketë zgjedhje në Shqipëri pa dalë përpara drejtësisë shkaktarët e blerjes së votës nëpërmjet parave të krimit dhe të drogës. Nuk është thjesht shit blerje vote, po është blerja e votës, intimidimi i votës, kërcënimi i votës nëpërmjet parave të krimit të organizuar që është shumë më e rëndë  sesa thjesht një veprim rutinë që kërkon ta kaloj z. Rama.

/ In News / By Elisa Piperi / Comments Off on Kryemadhi: Qytetarët në shumicë përballë së keqes që ka marrë peng të ardhmen e vendit

Braimllari: Protestë historike, uragan popullor i jashtëzakonshëm

Prononcimi i Sekretarit të Përgjithshëm të LSI-së, Endrit Braimllari para protestës

Z.Braimllari, si do jetë skenari i protestës së sotme?

E para , dua të falënderoj të gjithë qytetarët e Shqipërisë që tani më janë nisur dhe po i afrohen sheshit përpara Kryeministrisë, protesta do të jetë historike përsa i përket pjesë marrjes, do të jetë një uragan popullor që do të vërshojë drejt kryeministrit për shkaqe që janë thënë dhe stërthënë sepse protesta masive dhe të dhënat që kemi janë më shumë masive në krahasim me 16 shkurtin, kanë të bëjnë me keqqeverisjen e Edi Ramës, kanë të bëjnë me varfërinë që Edi Rama i ka sjellë këtij vendi, kanë të bëjnë me taksat e larta përsa i përket biznesit të mesëm, kanë të bëjnë me qytetarët që po largohen nga vendi, 500 mijë janë larguar, por mbi të gjitha për të rinjtë dhe të rejat që po e lënë vendin si pasojë e mungesës së shpresës së punës në këtë vend, dhe si pasojë e këtij kryeministri që ka degraduar çdo gjë në këtë vend. Ne nuk mund të mbetemi dot peng e krimit të organizuar të Edi Ramës, peng e strukturave kriminale të Edi Ramës, qytetarët tani e kanë marrë vetë fatin e këtij vendi në dorë dhe kam bindjen maksimale që uragani popullor do të jetë i jashtëzakonshëm në raport me protestat e tjera të zhvilluara në këtë vend.

Ju keni kërkuar leje 48 orë për të zhvilluar protestën e sotme, por policia e shtetit ju ka dhënë leje 24 orë?

Nuk ka skemë policie të Sandër Lleshit që ndalon uraganin popullor, tanimë qytetarët e kanë vetë në dorë fatin e tyre dhe protesta do të jetë masive, nuk ka skemë policie të kësaj policie, Sandër Lleshi ka lajmëruar efektivë policie nëpër rrethe që të shkojnë në mëngjes herët që të bllokojnë eksponentë të LSI-së, të Partisë Demokratike, por dhe të opozitës.

Dje ambasada amerikane ka dhënë një deklaratë të fortë kundrejt opozitës  duke thënë që ju keni dorëzuar mandatet, lërini ato që janë  në Parlament të punojnë…

Kjo është ditë historike për Shqipërinë, sepse protesta është qytetare. Ne kemi porositur strukturat e LSI që kjo është një protestë paqësore, të mos provokohen nga policia, sepse qytetarët e kanë marrë vetë në dorë fatin e tyre. Nuk dua të komentoj asnjë deklaratë të ambasadave sot, sepse sot është një ditë historike. Ka pasur një raport nga Departamenti Amerikan i Shtetit, I cili është shumë I rëndësishëm ku thuhet qartë, është blerë vota në 2017, krimi i organizuar dominon, ka nivel të lartë të mungesës së ndëshkueshmërisë në këtë vend. Dhe këto janë krijuar të gjitha nga Edi Rama.

Dje Kryeministri nga Berati ka deklaruar se nuk do të ketë zgjedhje të parakohshme…

Nuk vendos më Edi Rama në këtë vend, ai është minorancë. Populli është mazhorancë, këtë e vendosin qytetarët e Shqipërisë. E shikoni këtë Kryeministër që sa herë ka protesta gjen ndonjë bunker dhe strehohet. Populli e ka marrë vetë fatin e tij. Edi Rama nuk përbën më lajm për shqiptarët.

Do të ketë fjalime politike?

Unë di që rreth orës 11 Sheshi por dhe gjithë rrugët që të çojnë te Kryeministria do të jenë të bllokuara nga një uragan popullor që po vjen nga Shqipëria por që do të jenë kryesisht nga Tirana.

Jeni pajisur me maska kundra-gaz?

Nuk ka gaz helmues që ndal uraganin popullor. Sandër Lleshi t’i bëjë llogaritë mirë sepse po bie pre e Edi Ramës dhe po lan gjithë hesapet që ka Edi Rama me qytetarët. Nuk ka skemë policie që të tremb dhe të largojë uraganin popullor. Ka një ndryshim shumë të madh mes Sandër Lleshit dhe atyre oficerëve të policisë që duan të godasin popullin me policët e ndershëm dhe të thjeshtë që rrinë në rreshtin e parë. Këta policë te thjeshtë nuk përfaqësojnë Sandër Lleshin.

Sandër Lleshin e përfaqësojnë ata policë të cilëve iu jep urdhrin për të hedhur gazin helmues qytetarëve. Por kjo nuk I tremb qytetarët sepse kemi pasur rreth 5 protesta dhe nuk ka përbërë rrezik për qytetarët. Janë marrë të gjitha masat që mos të ketë asnjë skemë policie që të dekurajojë protestën qytetare.

Z.Braimllari ju protestoni kundër Kryeminstrit Rama por nga radhët e LSI-se po marrin mandatet?

Sot është ditë historike për shqiptarët,ne kemi vendosur të lëmë mandatet për tu përgjigjur popullit dhe qytetarëve të këtij vendi,ne jemi me qytetarët e këtij vendi dhe mendoj që masa popullore, përkrahja popullore e opozitës. Është ajo përkrahje që e do vendin larg krimit të organizuar që e do vendin që të dalë nga varfëria, që kërkon që në këtë vend të ketë më shumë mundësi punësimi dhe shpresë për të rinjtë,që kërkon në këtë vend të rinjtë dhe të rejat të mos largohen por të rrinë e të punojnë këtu,që kërkon që një Parlament të mos jetë thjesht një noter i Edi Ramës. Por të jetë Parlamenti i qytetarëve. Ne kemi vendosur të jemi me qytetarët dhe nuk duam që sot ta bëjmë pis këtë protestë të jashtëzakonshme qytetare mbarëpopullore me këto monstra që vendosin të dalin kundra vullnetit të qytetarëve

Petrit Vasili: Çdo qytetar në shesh për të zgjidhur hallet, problemet dhe brengat e tij

Vëllezër e motra që jeni këtu. Shumica juaj që jeni këtu jeni të deklaruar armiq të Edi Ramës, ju ka deklaruar vite për vite me radhë, ju ka vënë nofka, çfarë nuk ju ka quajtur. Tani, meqenëse juve ju ka armiq dhe ju ka vënë të gjithëve nofka, gjithë Shqipëria mendoi që ky mbaroi këtu. Jo nuk mbaroi këtu. Sot nuk shpëtoi dot as Mali i Tomorit dhe as Abaz Aliu, i zuri edhe ata me gojë. Tani kam një pyetje për të gjithë ju: Qenit kur i vjen ngordhja dhe shkon në Xhami, çfarë e gjen? I heqin kokën… Ju dini dhe një gjë shumë të mirë, e keni parë nëpër televizione që ky ka atë sistemin, sepse është psikopat këtë e dini që të gjithë, dhe thotë që unë bashkëqeveris me qytetarët dhe del që në sabah atje, ka edhe ca të paguar atje mirë, i marrin paratë. Sepse kjo është si puna e asaj, hajde rrini zgjuar, hani gjellën e budallait. I marrin lekët dhe pastaj do ikin, do e lënë. Tani unë kam një pyetje, me aq shkollë sa kam unë, se ai s’ka shkollë fare, ai është shkollëpak, unë kam çik më shumë: Pse nuk shkoka ky që bashkëqeveris me qytetarët, të flasë atje me qytetarët e Unazës së Re? Unë jam i bindur që ata do ta presin me krahë hapur, me shumë dashuri do ta presin. Pse nuk shkon të flasë atje në Shkozë me ata banorë që po u prish shtëpitë? Meqenëse ka pasur këtë inat kaq të madh, edhe me zonën e Kamzës, le të vijë këtu, ta dëgjojmë ne, por ky s’bën dot asnjë mbledhje. Dhe a e dini pse? Sepse ky psikopat në qoftë se dikush i thotë që e ke gabim, ky çmendet. Kur këtij i thonë: Na vodhe ore, na vodhe ditën për diell. Jo thotë, ti ke vjedhur kokrrën e rrushit atje në hardhi, I tillë njeri është ky. E zënë atje me presh në dorë dhe thotë: Janë kazan thotë. Kush është kazani? Kazani është Amerika, Zëri i Amerikës, kushdo që i flet këtij është kazan. Ka një të keqe shumë të madhe kur bëhet edhe krimineli, edhe psikopati bashkë është ky lloj syneti që është këtu. Prandaj e dini se për çfarë do të shkojmë atje nesër, më 16 mars? Shkojmë edhe për një gjë të madhe: Ju që të gjithë duhet të jeni nesër atje, sepse secili kur kthehet në shtëpi, burrë apo grua, në radhë të parë ata që mbajnë familjet në këmbë, i dhemb gjithmonë koka, sepse ka qindra halle që nuk i zgjidh dot, ka hallet e veta, hallet e fëmijëve, hallet e prindërve. Punë nuk ka. Një psikopat që në vend që të hapë vende pune, po e shkatërron këtë vend dhe për t’i dhënë përgjigje të gjithë këtyre halleve, patjetër që duhet të jemi atje nesër, më 16. Sepse një derr i egër ka zënë rrugën dhe ne duhet të zhbllokojmë rrugën që të vazhdojmë të ecim drejt, nuk mund të rrimë më të na pengojë. Kjo është një betejë pa kthim pas. Një gjysmë hapi po të bëjmë pas, bën përpara ky derri i egër dhe na e zë rrugën. Prandaj nuk ka asnjë hap pas. Secili është në atë shesh për veten e tij, për hallet e tij, për problemet e tij dhe në fund të fundit është për këtë vend që të gjithë e kemi të përbashkët, sepse në qoftë se ky vend nuk është i qetë, asnjë nga ne nuk është i qetë. Ju ja keni kthyer gjithmonë xhevapin ashtu sakllam siç e ka merituar, por nesër e do dyfish më të fortë. Ju presim nesër më 16.

/ In News / By Elisa Piperi / Comments Off on Petrit Vasili: Çdo qytetar në shesh për të zgjidhur hallet, problemet dhe brengat e tij