Category: Archived Articles

Mehmetaj: Dje së bashku me gratë e LGI Fier nderuam Liri Geron

Nga Kejdi Mehmetaj

Edhe pse shiu nuk na e beri të thjeshtë, ditën e djeshme së bashku me zonjat e LGI Fier nderuam kujtimin e Liri Geros, vajzës Fierake që dha jetën për lirinë e Shqipërisë.

Në 14 shtator të vitit 1943, 68 vajza fierake, ndër to edhe Liri Gero, brenda të njejtës natë ju bashkuan partizanëve në luftën për çlirimin e vendit.

Liria nuk pati mundësinë ta gëzonte Shqipërinë e lirë, ajo u dogj e gjallë nga pushtuesi pasi u plagos në betejën e zhvilluar në Fier-Shegan dhe humbi jetën më 6 tetor të vitit 1944.

Liria e 67 vajzat e tjera Fierake kanë qenë e do të vazhdojnë të jenë model për ne. Jo vetëm duhet të nderojmë kujtimin e tyre, por edhe duhet ta tregojmë historinë e tyre me zë të lartë, tu flasim vajzave tona të vogla për trimërinë e kurajon që ato treguan.

Këto ditë më shumë se kurdo herë tjetër duhet të frymëzohemi nga ato vajza të reja, të cilat nuk u trembën, nuk pritën duarkryq por reaguan, e shkruajtën vet fatin e tyre dhe me gjakun e tyre vulosën çlirimin e Shqipërisë.

Edhe sot vajzat e gratë fierake dhe të gjithë Shqipërisë duhet të reagojnë. Të mos tremben, të kenë kurajo të luftojnë për familjet e tyre e për të ardhmen e vendit. Sot asnjërës prej nesh nuk i duhet të marrë armët e të rrezikojë jetën si Liria e shoqet e saj, por me mençuri secila prej nesh mund të ndryshojë këtë realitet të hidhur aty ku punon e jeton.

Vasili: Rumania shembulli ekselent për Tao-n dhe Tao-t!

NënKryetari i LSI-së, Petrit Vasili ka reaguar pas ngjarjeve të fundit duke krahasuar vendin tonë me Rumaninë ku Presidenti i vendit i doli në mbrojtje Kushtetutës duke se ky është shembulli ekselent për Tao-n dhe Tao-t.
Në një postim në Facebook Vasili shton se Presidenti pas reagimeve për mbrojtjen e Kushtetutës ka marrë më shumë vota se mandatin e parë.
Postimi i plotë
Rumania shembulli ekselent për Tao-n dhe Tao-t!
Meqënëse Tao & co duan një shembull nga një vend i BE dhe anëtar i NATO-s, se si Presidenti ngrihet në lartësinë e misionit mbrojtjës Kushtetutës dhe sundimit të ligjit duke u përballur me qeverinë e kapur nga krimi atëherë po i japim Rumaninë.
Për Tao-n është edhe më e lehtë falë rumunçes, që e njeh jo vetëm se i duhej për shkollë, por edhe për të tjera….punë!
Tre vjet më parë Presidenti Iohannis në krye të dhjetëra mijëra qytetarëve rumunë deklaronte:
“Një bandë politikanësh me probleme kriminale dëshiron të ndryshojë ligjin në Rumani dhe të dobësojë sundimin e ligjit. Kjo nuk mund të lejohet. Është e papranueshme të ndryshohet legjislacioni në mënyrë që dhjetëra apo qindra politikanë me probleme ligjore të pastrojnë të dhënat penale dhe të vazhdojnë veprimet e tyre të gabuara. Rumunët janë indinjuar me të drejtë,” hoshte Iohannis në shesh.
Liviu Dragnea në atë kohë Kryetar i partisë në pushtet dhe njëherazi Kryetar i Parlamentit rumun deklaroi për veprimet e Presidentit Iohannis se:
“Një fillim grushti shteti. Presidenti ishte jashtë ligjit sot, duke synuar avantazhe politike personale dhe duke kërkuar shmangie kushtetuese”.
Populli rumun që e kishte votuar ne mandatin e parë Presidentin me 53% të votave e votoi ne mandatin e dytë me 66% të votave sepse Presidenti Iohannis u vu në krah të popullit dhe Kushtetutës.
Ja në Foto Presidenti Iohannis në mes te mijëra protestuesve.

Braimllari: Rinia e paparë dhe energjike e Korçës do t’i japi rilindjes një goditje spektakolare më 25 prill

Nga Endrit Braimllai

Rinia e paparë dhe energjike e Korçës do t’i japi rilindjes një goditje spektakolare më 25 prill.
Uragani rinor nuk ndalet përballë një kalbësire si Rilindja.
Shqipëria është e të rinjve, më 25 prill vendos rinia.

#shqiperia_shtepia_juaj

/ In Archived Articles, News / By Admin / Comments Off on Braimllari: Rinia e paparë dhe energjike e Korçës do t’i japi rilindjes një goditje spektakolare më 25 prill

Nunci Apostolik mbyll misionin e tij në Shqipëri, takon Kryemadhin: Jo një lamtumirë, por një mirupafshim!

Nunci Apostolik Imzot Charles John Brown mbylli misionin e tij në Shqipëri pas 3 vitesh në krye të përfaqësisë diplomatike të Vatikanit në Tiranë.

Para largimit të tij nga Shqipëria, Nunci Apostolik Imzot Charles John Brown zhvilloi një takim me kryetaren e Lëvizjes Socialiste për Integrim, Monika Kryemadhi.

Kjo e fundit përmes rrjeteve sociale, teksa vlerëson rolin e Nuncit Apostolik Imzot Charles John Broën, shprehet se ky takim nuk ishte një takim lamtumire, por “Një mirupafshim”.

Mesazhi i kryetares së LSI-së

Jo një lamtumirë, por një mirupafshim!

Nunci Apostolik Imzot Charles John Brown mbylli misionin e tij në Shqipëri pas 3 vitesh në krye të përfaqësisë diplomatike të Vatikanit në Tiranë. Në një takim miqësor dhe të ngrohtë Imzot Charles John Brown më shprehu dëshirën dhe më premtoi se do të rikthehet sërish në Shqipëri. Ai do të vijojë misionin e tij në Filipine por më tha se Shqipëria është një vend i mrekullueshëm që ja vlen për t’u rikthyer dhe pse jo për ta quajtur ‘shtëpinë e tij’.

Familja e fortë, mikpritja, Besa dhe të gjitha vlerat më të mira të kombit tonë janë trashëgimia më e çmuar, për të cilat duhet të punojmë fort, me besimin në Zot dhe dashurinë për njëri-tjetrin.

/ In Archived Articles, News / By Admin / Comments Off on Nunci Apostolik mbyll misionin e tij në Shqipëri, takon Kryemadhin: Jo një lamtumirë, por një mirupafshim!

Tavo: Shqipëria po shpopullohet, fakti më tragjik ikja e të rinjëve

Ish-deputeti i LSI-së, Vangjel Tavo ka publikuar shifra të frikshme të shpopullimit. Ai thotë se Shqipëria është me numrin më të lartë të azilkërkuesve në rajon. Për të fakti më tragjik është se rinia do ikën masisht nga vendi.

Postimi i plotë

Shqipëria po shpopullohet 
⭕️ Korrik 2018 – korrik 2020
⭕️ Shqipëria me numrin më të lartë të azilkërkuesve në rajon.
⭕️ 18.4 herë më të lartë se Bosnja
⭕️ 17.4 herë më të lartë se Mali i Zi
⭕️ 12 herë më të lartë se Serbia
⭕️ 5.1 herë më të lartë se Maqedonia e Veriut
⭕️ 3.9 herë më të lartë se Kosova.
⭕️ Sot në 1 mijë banorë emigrojnë në Bashkimin Europian 12 qytetarë nga Shqipëria
⭕️ Nga Kosova largohen 3.3 persona
⭕️ Nga Maqedonia e Veriut 2.3 persona
⭕️ Nga Serbia 1 person
⭕️ Nga Mali i Zi 0.7 persona
⭕️ Nga Bosnja Hercogovina 0.6 persona.

FAKTI MË TRAGJIK

⭕️ Pjesa më e madhe e shqiptarëve që po largohen janë TË RINJ.

Ky është ALARM 

FATKEQËSI KOMBËTARE 

NDAL SHPOPULLIMIT 

VT

Petrit Vasili zbulon faktet: Ja si u shkel 5 qershori

Nënkryetari i LSI-së, Petrit Vasili ka publikuar faktet se si u shkel 5 qershori. “Nenet që u ndryshuan në 5 qershor dhe u miratuan në 23 korrik u asgjësuan vetëm pas një jave në 30 korrik”, shkruan Vasili në postimin e tij në facebook.
Lexoni më poshtë postimin e plotë të Petrit Vasilit: 
5 qershori u shkel, ja Faktet!!
5 qershori u shkel dhunshëm dhe faktet flasin ulërasin.
Cdo alibi për Edi Ramën, që shkeli 5 qershorin është kundër popullit shqiptar.
Nenet që u ndryshuan në 5 qershor dhe u miratuan në 23 korrik u asgjësuan vetëm pas një jave në 30 korrik.
Vetëm një mashtrues si Edi Rama mund ta mohojë këtë, por faktet sërish ulërasin.
Alibitë për mashtruesin janë faj i rëndë.
Ja se si u ndryshuan me konsensus në 5 qershor nenet 67 dhe 164 të Kodit Zgjedhor, që u zhbënë dje.
Image may contain: text

Vasili: Drejtorët e Ramës marrin me dhunë kartat e identitetit të punonjësve, kështu duan të fitojnë delenxhinjtë

Nënkryetari ii LSI-së Petrit Vasili, me anë të një statusi në “Facebook” ka shpërndarë një video nga një emisionin investigativ, ku tregohet sesi punonjësve iu kërkohet të japin kartën e identitetit, me qëllim që të votojnë partinë në pushtet.

Vasili shprehet se delexhinjtë e Edi Ramës duan që të fitojnë në këtë formë.

Postimi i Petrit Vasilit:

Ja si duan te fitojne delenxhinjte e Edi Rames!(VIDEO).

Qeveria e Edi Rames dhe drejtoret e tij u marrin me dhune dhe presion per vendin e punes kartat e identitetit punonjesve te administrates per votimet e 25 prillit.

Cdo veprim i ketyre drejtoreve mbahet shenim dhe burgu vonon, por s’harron per secilin prej tyre!!

/ In Archived Articles, News / By Admin / Comments Off on Vasili: Drejtorët e Ramës marrin me dhunë kartat e identitetit të punonjësve, kështu duan të fitojnë delenxhinjtë

Gjoshaj: Shqipëria e Maqedonia të ndara për integrimin, ne nuk kemi datë për konferencën e parë

Në një internistë për Ora News, ish-ministrja e Integrimit, Klajda Gjosha u shpreh se Shqipëria është e ndarë nga Maqedonia e Veriut në lidhje me procesin e integrimit.

Ajo tha se ndryshe nga Maqedonia, vendit tonë akoma nuk i është dhënë një datë konkrete për konferenca e parë ndërqeveritare.

Klajda Gjosha: Është cenuar kushti i reformës zgjedhore. Në gjithë rekomandimet e OSBE/ODHIR është thënë që ndryshimet kushtetuese nuk mund të bëhen pak muaj para zgjedhje dhe pa konsensus. Ne jemi të ndarë nga Maqedoni e Veriut në lidhje me negociata. Në raport thuhet le të nisë konferenca e parë ndërqeveritare, por nuk ka një datë konkrete, ndërsa për Maqedoninë po. Kjo do të thotë se vendi ynë është i ndarë nga Maqedonia në këtë proces. Raportet për Shqipërinë janë pak a shumë të njëjtat dhe ekzistojnë gjithashtu edhe 15 kushtet e vënë. Mendimi i vendeve anëtare nuk ka ndryshuar, madje ato kanë vendosur një mur kundrejt nesh.

Gjoshaj theksoi se Maqedonia ka sakrifikuar për integrimin, ndërsa vendi ynë ka një qeveri të lidhur me krimin.

Klajda Gjosha: Maqedonia ka sakrifikuar gjithçka për integrimin, madje edhe emrin. Ka dhënë një shembull për negocim për integrimin në rajon. Ka një arrestim të prokurores së përgjithshme, ndërkohë që në vendin tonë, grupet kriminale bashkëqeverisin. Po ashtu, ne jemi një vend që vijmë pas Sirisë në lidhje me azilkërkuesit, kur nuk jemi një vend në luftë sikurse është Siria. Ne jemi një moment ku janë mbyllur 30 mijë biznese dhe kanë dalë si të papunë rreth 42 mijë njerëz. Ne nuk kemi një asnjë politikë që lehtëson ekonominë e vendit.

Gjoshaj shtoi se marrëveshjet mes Kosovës dhe Shqipërisë i shoh më shumë si shfaqje, por që në fakt nuk kanë prodhuar asgjë.

Klajda Gjosha: Unë marrëveshjet mes Kosovës dhe Shqipërisë i shoh më shumë si shfaqje, por që në fakt nuk kanë prodhuar asgjë. Kryeministri Rama e ka si tendencë për të bërë mbledhje të tilla që krijojnë një bum mediatik. Janë mbi 70 marrëveshje në këto vite që nuk janë implementuar, nuk e di për çfarë janë mbledhur. Kur firmosim marrëveshje të paktën me një shtet si Kosova të ishim korrektë. Këto marrëveshje duhet të konkretizohet dhe jo vetëm të mbesin në letër apo në fotografi që shpërndahen.

Vasili: Edi Rama i lemerisur nga humbja i mbyll listat ,dhunoi 5 qershorin me qëllimin e vetëm antishqiptar

Nga Petrit Vasili
Edi Rama një këlysh në shërbim të interesave antishqiptare, që e duan Shqipërinë të izoluar dhe jashtë Europës.
Edi Rama dhunoi 5 qershorin me qëllimin e vetëm antishqiptar, që të sabotojë me çdo kusht Integrimin Europian
Edi Rama lakuriq para shqiptarëve.
Edi Rama i lemerisur nga humbja i mbyll listat.
Edi Rama i çakërdisur flet për OFL, që është vetëm zgjatim i kriminelëve.
Edi Rama i tromaksur nga asgjesimi politik është i vetëm fare përpara popullit dhe përpara ndëshkimit që e pret.
/ In Archived Articles, News / By Admin / Comments Off on Vasili: Edi Rama i lemerisur nga humbja i mbyll listat ,dhunoi 5 qershorin me qëllimin e vetëm antishqiptar

Kryemadhi: Rilindja ngatërron llucën me ‘Lucën’, Rama kufomë politike, parfumet e shtrenjta s’ja heqin dot erën e kufomës, do ketë fundin e shokëve

Kryetarja e LSI, Monika Kryemadhi ka reaguar ashpër pas miratimit me 96 vota të ndryshimeve në Kodin Zgjedhor duke kërcënuar drejtpërdrejt Ramën.

Me një mesazh të qartë Kryemadhi theksoi se Rama sot e tregoi se ka frikë dhe s’mund të ndahet nga bandat.

Kryemadhi në fund shtoi se Rama e ka kot që lodhet me truket, pasi pas zgjedhjeve do të shkojë në qeli dhe do të jetë koleg qelie me bashkëpuntorët e tij.

Fjala e plotë e kryetares së LSI, Monika Kryemadhi

Përshëndetje qytetarë të dashur të Tiranës!
Përfitoj nga rasti për t’iu uruar një javë të këndshme dhe në këtë trysni atmosferike të rënduar për shkak të ndotjes të madhe që ka sot qyteti i Tiranës.
Me gjithë atë, dua të kaloj drejtpërdrejt tek veprimet e fundit në panik e sipër të kufomës politike, Edi Rama.
Frikacaku tregoi dhe njëherë që ka frikë nga populli i tij, ka frikë nga verdikti i popullit të tij, frikacaku tregoi dhe njëherë që ka frikë nga partia e tij dhe mbi të gjitha ka frikë nga vota e lirë e shqiptarëve.
Ai jo vetëm sot nuk hapi listat për qytetarët shqiptarë, por përkundrazi i bunkerizoi ato për të larguar njëherë e përgjithmonë dhe për të distancuar Shqipërinë nga integrimi europian dhe sidomos shqiptarët nga Europa.
Ai tregoi dhe njëherë frikën e tij që ka nga partnerët serioz europian, të cilët ndjekin hap pas hapi dhe ndjekin lëvizjet e tij kriminale kur jo më larg se disa ditë më parë u dekonspirua drejtori i tij i OFL-së, i cili ndante informacionet e partnerëve ndërkombëtarë me bandat dhe krimin e organizuar.
Në fakt llumi në të cilën e ka zhytur sot shtetin, prokurorinë, policinë dhe çdo instrument me të cilët paguhet me taksat e taksapaguesve shqiptarë. Rilindja ngatërron llucën me Lucën, por nuk është as pastrim i barkut të peshkut dhe as mbushje e barkut apo dhe kokës së peshkut, këtë duhet ta kuptojë Rilindja sepse tashmë këtë e dinë që të gjithë, sot Edi Rama tregoi dhe njëherë që ka frikë dhe nuk mund të ndahet dot nga bandat dhe krimi i organizuar. Edi Rama është armiku i qytetarëve të cilët humbën shtëpitë e tyre në tërmetin e 26 nëntorit dhe kanë për strehë sot rrënojat e këtij tërmeti.
Edi Rama sot është armik i naftëtarëve të Ballshit që djersa dhe paga e tyre janë në xhepat e familjarëve të tij, ku kontratat e off-shorëve, të kompanive fantazmë ja përplasin në fytyrë, për të kërcënuar dhe për të marrë gjëra që janë në të keq të shqiptarëve dhe të Shqipërisë. Edi Rama sot është armik i mjekëve dhe infermierëve shqiptarë të cilët për disa muajve jo vetëm që nuk paguhen, por as nuk mbrohen për infeksionet më të vogla, jo më për të pasur mbrojtjen nga pandemia, në të cilën e kemi të pllakosur në Shqipëri, edhe ekonomike, edhe politike, por përkundrazi ai paratë e tyre ai i kalon menjëherë me vendime sekrete në xhepat e oligarkëve. Edi Rama është armik i arsimit dhe i mësuesve të cilët në kushte mizerabël sot mundohen të edukojnë fëmijët e shqiptarëve. Është armiku i të rinjve shqiptarë, i nxënësve i studentëve që paratë e tyre, taksat e prindërve të tyre i ka marrë dhe i ka kthyer në xhepat e tij për të favorizuar SHPK e radhës. Nuk ka faj që flet broçkulla sepse i është prishur qetësia, 6 muaj nuk i mjaftojnë tashmë që të pastrojë pisllëqet e 8 viteve, as të mbyll hesapet me banditët dhe bandat e tij. Madje nuk i dalin që të mbylli as bilancet e SHPK të Lindës dhe shokëve të tij, janë 6 muajt e fundit të cilat kufomës politike do t’i sillen vërdallë e do t’i dalin në ëndërr mëngjes, drekë, darkë. Sot bënin të fortin nëpër televizione por natën sjell emisarët e tij për të shpëtuar kokën mbas 25 prillit. Më kot lodhesh era e qelbur e kufomës politike që të rrethon ty dhe shpurës tënde nuk mund ta mbulojnë dot as parfumet më të shtrenjta të rilindjes brenda dhe jashtë Shqipërisë. Ti zotëri e ke vendin aty tek bashkëpunëtoret e tu, aty ku i ke çuar ti bashkëpunëtoret më të afërt, dhe siç ndodh rëndom do të jesh kolegu i qelisë së tyre. Faleminderit.

/ In Archived Articles, News / By Admin / Comments Off on Kryemadhi: Rilindja ngatërron llucën me ‘Lucën’, Rama kufomë politike, parfumet e shtrenjta s’ja heqin dot erën e kufomës, do ketë fundin e shokëve