Category: News

“Kujtesë për demagogët”, Vasili publikon dokumentin: LSI kërkoi lista të hapura që në 2017!

Nënkryetari i LSI-së, Petrit Vasili ka publikuar një dokument të vitit 2017, ku LSI i paraqiste kërkesë komisionit Parlamentar të Reformës Zgjedhore kërkesën për lista të hapura.

“Dokumenti flet vetë dhe është një kujtesë për të gjithë ata hipokritë dhe demagogë që sot bëjnë sikur ju dogj shpirti për listat e hapura, ndërsa dje vegjetonin pa hapur gojën.” – shkruan Vasili.

Postimi i plotë:

Kujtesë për demagogët. (DOKUMENTI)

Listat e hapura LSI i kërkoi që në 2017!

Sapo u ngrit Komisioni Parlamentar i Reformës Zgjedhore, në vjeshtën e vitit 2017, të drejtuar nga Bledar Çuçi dhe Oerd Bylykbashi LSI i paraqiti propozimet.

Propozim kryesor i LSI që në 2017 ishin listat e hapura.

DOKUMENTI flet vetë dhe është një kujtesë për të gjithë ata hipokritë dhe demagogë që sot bëjnë sikur ju dogj shpirti për listat e hapura, ndërsa dje vegjetonin pa hapur gojën.

 

 

/ In News / By Admin / Comments Off on “Kujtesë për demagogët”, Vasili publikon dokumentin: LSI kërkoi lista të hapura që në 2017!

Kryemadhi: Klajda i siguroi Shqipërisë statusin kandidat, qëllimet e Rilindjes ishin larg BE-së

Kryetarja e LSI-së, Monika Kryemadhi ka vlerësuar punën që Klajda Gjosha bëri gjatë mandatit si Ministre e Integrimit, pasi siç thotë Kryemadhi, falë punës së saj, Shqipëria siguroi statusin kandidat edhe pse qëllimet e Rilindjes ishin larg BE-së. Mesazhi i Kryemadhi është që të gjithë bashkë, me vajza dhe djem si Klajda që kanë vendosur të jetojnë si europianë në Shqipëri, ”do ta bëjmë të mundur integrimin në BE”,- shkruan kryetarja e LSI-së në facebook.

Postimi i plotë

Klajda punoi dhe i siguroi Shqipërisë statusin kandidat edhe pse qëllimet e Rilindjes ishin larg BE, në drejtime të paditura.

Por të gjithë bashkë, me vajza dhe djem si Klajda që kanë vendosur të jetojnë si evropianë në Shqipëri, do ta bëjmë të mundur integrimin në BE.

Të gjithë bashkë për fëmijët tanë dhe për të gjithë ata që kanë sakrifikuar në këtë vend.

/ In News / By Admin / Comments Off on Kryemadhi: Klajda i siguroi Shqipërisë statusin kandidat, qëllimet e Rilindjes ishin larg BE-së

Gjosha: Përdorim politik i Këshillit. Integrimi i Shqipërisë ka vetëm një shpresë, largimin e kësaj qeverie

Ish-deputetja e LSI Klajda Gjosha ka reaguar lidhur me mbledhjen e sotme në Kuvend të Këshillit të Integrimit Evropian, i cili sipas saj, nuk prodhoi asgjë të re.

Në reagimin e saj përmes rrjeteve sociale, ish-deputetja e LSI-së thekson se sot nuk pamë asnjë iniciativë konkrete për të ofruar, por e vetmja gjë që pamë është përdorimi i Këshillit për interesa politikë.

Në këtë kontekst, Klajda Gjosha deklaron se Integrimi i Shqipërisë ka vetëm një shpresë, largimin e kësaj qeverie dhe gjithëpërfshirjen e të rinjve, grave dhe vajzave dhe profesionistëve në vendimmarrjen e vendit

“Sot pamë sërish tek u mblodh Këshilli i Integrimit Evropian ne Kuvend. Asgjë e re, asnjë iniciativë konkrete për të ofruar. E vetmja gjë që pamë është përdorimi i Këshillit për interesa politikë.

Integrimi nuk është thjesht kapituj që do hapen dhe do mbyllen në të ardhmen. Integrimi është kapitulli i jetës së cdo qytetari shqiptarë, është procesi i zhvillimit, transformimit dhe i vlerave. Është  procesi i dialogut, konsesusit dhe respektimit të marrëveshjeve. Nga ky këndvështrim nuk mund të presim më asgjë nga njerëz që e kanë vrarë perspektivën europiane të Shqipërisë. Nuk mund të presim që ky proces të drejtohet nga ata që marrëveshjen e 5 Qershorit e grisën vetëm pak ditë pasi hodhën firmën në të! Dhe sot Shqipëria qëndron peng i kushteve të vendosura mbi papërgjegjshmërinë qeverisëse.

Integrimi i Shqipërisë ka vetëm një shpresë, largimin e kësaj qeverie dhe gjithëpërfshirjen e të rinjve, grave dhe vajzave dhe profesionistëve në vendimmarrjen e vendit!”, shprehet ish-deputetja e LSI-së, Klajda Gjosha

/ In News / By Admin / Comments Off on Gjosha: Përdorim politik i Këshillit. Integrimi i Shqipërisë ka vetëm një shpresë, largimin e kësaj qeverie

Elona Guri: Olta, shteti nuk është buqetë trëndafilash të zinj!

Anëtarja e Kryesisë së LSI-së, Elona Guri ka reaguar ndaj Ministres së Mbrojtjes, Olta Xhaçka.

Përmes një postimi në Facebook, Guri i bën thirrje ministres të lëri gënjeshtrat dhe lojërat dhe të marrë përgjegjësitë që i takojnë.

Postimi i plotë:

OLTA, SHTETI NUK ËSHTË BUQETË TRËNDAFILASH TË ZINJ!

Më vjen keq për ty realisht, të kanë vënë në rolin e megafonit ose të Kizit të Pazarit. Në fakt, ajo e shkreta kishte më shumë respekt për veten se ti. Atë, etërit tuaj e kishin lënë rrugëve pa asnjë përkujdesje!
Sot, sërish në rolin e Ministres së Mbrojtjes sulmove Presidentin e Republikës. Kujton se politika është punë futbolli, ku ka një postulat: Mbrojtja më e mirë është sulmi.

Gabohesh Oltë, gabohesh!

Si sot, shqiptarët kujtojnë përgjigjen tënde ndaj Presidentit, kur nëpërmjet një letre zyrtare, por edhe sekrete, domethënë jo publike kërkonte që të merrnit masa për rritjen e kapaciteteve për përballimin e situatave të shkaktuara nga tërmetet. Ti, jo vetëm shkele çdo protokoll zyrtar duke shpërdoruar hapur detyrën e duke nxjerrë në publik një komunikim sekret të Komandantit të Përgjithshem të Forcave të Armatosura, por bëre të njëjtën përgjigje, me të njëjtin fjalor vulgar, rrugaçëror, aspak shtetëror si sot. Në fakt, pergjigjen e bëre sipas asaj që normalisht përfaqëson, të një qeverie që nuk mban asnjë përgjegjësi shtetërore, asnjë përgjegjësi për shtetasit e Republikës, por hedh në përdorim një zhargon, që nuk është i denjë as për ato të trotuareve, që e kanë nga halli i punës ta përdorin. Edhe ty të ka zënë halli.
Besoj se e mban mend, jo si tekst se nuk e ke bërë vetë as atë të 31 korrikut, as këtë të sotmin, por si ngjarje.
U talle me shkresën serioze të Presidentit, në vend të përgjigjeshe për masa u more me slogane, njësoj si etërit e tu! I kërkove Presidentit të firmoste ligjin për emergjencat civile dhe jo të bëje raport për gjendjen si t’a detyron Kushtetuta.

Presidenti e firmosi ligjin brenda ditës. Ndodhi që tërmeti i 21 shtatorit ju zuri gafil. Pa Drejtori Emergjencash, megjithëse ligji iu detyronte ta ngrinit. Dole sërish në deklaratë duke thënë që janë marrë të gjitha masat. Dëmet do riparoheshin brenda dy muajsh. Thatë që kishit kryer inspekime dhe kishit marrë masa me pushtetin lokal, të njëjtat fjalë si sot. Por në 26 nëntor ndodhi tërmeti me mbi 50 viktima, jetë shqiptaresh. Ju ende nuk kishit firmosur, atë që iu detyronte ligji, emërimin e Drejtorit të Emergjencave Civile duke shkelur dhe shpërdoruar detyrën. Në atë ditë u detyruat në mënyrë të kamufluar, pasi kishte rënë tërmeti dhe disa kishin humbur jetën të shpallnit me nxitim dhe në krim në Fletore Zyrtare emërimin e drejtorit.

E dashur Oltë, paaftësia juaj, shpërdorimi i detyrës, arroganca dhe papërgjegjshmëria sollën mbi 40 viktima. Ju dalin në ëndërr jetët e tyre të humbura? Ju dalin në ëndërr fëmijet e vegjël që humbën jetën se ti në radhë të parë nuk ke zbatuar ligjin? E mban mend konferencën e shtypit më 22 shtator si garantoje jetën shqiptarëve? Ti je përgjegjëse direkte për humbjen e atyre jetëve si në pallatet e Thumanës ashtu edhe në ato të Durresit. Mosveprimet e tua sollen ato vdekje! Por ti nuk ke asnjë ndjenjë njerezore, se ndryshe do kishe dhënë që atëhere dorëheqje. E mban mend si na gjeti tërmeti, as eskavatorë, as profesionistë të trajnuar, as qen kërkimi nuk kishin Emergjencat Civile, se ti shpërdorove detyrën duke mos emëruar në kohë organigramën, buxhetin dhe drejtuesin, pavarësisht mendimit për të.
Si nuk të vjen fare turp që keqpërdoresh kaq shumë. Nuk ke faj, ke hall të madh, jo një por disa!
Erdhi pandemia, të gjeti sërish zbuluar. Në vend që të ngrinit ekipet e mjekëve, nxorrët Policinë Ushtarake me autoblinda në rrugë, a thua se do sulmonit virusin me mitrolozë.

Mjerë ju të papërgjegjshëm!

Besoj të detyron tenderi i ushqimeve që bëre me nxitim, gjoja për të ndihmuar qytetarët, ku i fituar doli vetëm ai që mori tenderin. Edhe ky një skandal që është duke u hetuar në SPAK. E fitoi një dyqan kompjuterash në Maqedoninë e Veriut, tenderin e drejtpërdrejtë të ushqimeve në Shqipëri.
E kuptoj që të ka zënë halii, Oltë!

Shumë probleme ke!

“Beteja” jote me Presidentin nuk është asgjë, përpara mashtrimeve me shifra që i bëni NATO dhe SHBA.

Çfarë nuk po manipuloni që të rrisni detyrimet që kemi në këtë organizatë. Merrni fusni Emergjencat Civile nën varësinë e Ministrisë së Mbrojtjes, ku asnjë vend nuk i ka nën këtë përgjegjësi, merrni Spitalin e Traumës e riktheni në Ministri vetëm për buxhet, helikopterët po ashtu. Morët një buxhet mbrojtjeje në 1,67 % të PBB dhe e keni çuar megjithë falsifikimet ne 0,89%. Ju kur mashtroni NATO-n mendoni shqiptarët.
Oltë, lëri resortet dhe gënjeshtrat dhe kthehu punës dhe përgjegjësive, aq kohë sa të ka ngelur.
Detyra zyrtare dhe përgjegjësia qeverisëse nuk është tufë trëndafilash të zinj!

Ëndrrat të janë thyer, por mos i bëj shqiptarët të vuajnë për hir të tyre, as mos u përdor kaq shumë, e dashur Oltë!

/ In News / By Admin / Comments Off on Elona Guri: Olta, shteti nuk është buqetë trëndafilash të zinj!

Vasili: Shqiptarët në Kakavijë digjen, KM krihet e kridhet!

Nënkryetari i LSI-së, Petrit Vasili ka reaguar me anë të një postimi për situatën e krijuar në lidhje me situatën e krijuar në Kakavijë. Vasili shkruan se në rrugë, në mes të vapës përvëluese janë shqiptarë vëllezërit, motrat, vajza e djem, që punojnë e robtohen dhe ndihmojnë edhe njerëzit e tyre në Shqipëri të cilët qeveria i ka lënë pa bukë.

Postimi;

Shqiptarët në Kakavijë digjen, KM krihet e kridhet!

KM i kërkohet sot të lërë kredhjet në det dhe krehjen politike në FB e Twiter dhe të përballet me dramën humanitare në Kakavijë.

Kakavija është në Shqipëri dhe jo në fund të globit.

Në rrugë, në mes të vapës përvëluese janë shqiptarë vëllezërit, motrat, vajza e djem, që punojnë e robtohen dhe ndihmojnë edhe njerëzit e tyre në Shqipëri të cilët qeveria i ka lënë pa bukë.

KM drejton qeverinë dhe gjithçka që nga logjistika dhe deri tek paratë për të ndihmuar shqiptarët në mes të rrugës e në vështirësi.

Ndaj atij dhe vetëm atij do t’i kërkohet zgjidhja e kësaj situate.

KM ka zgjedhur të japë si ndihmë një postim në FB sepse ka mbaruar si KM.

Sot çdo shqiptar ndihet shumë keq që paratë e taksave të tyre janë me duart e një KM që s’lëviz as gishtin në këtë ditë halli.

S’ka më KM ka veç një mumje impotente që belbëzon në FB.

Shqiptarëve një KM si ky nuk ju duhet gjëkundi!

/ In News / By Admin / Comments Off on Vasili: Shqiptarët në Kakavijë digjen, KM krihet e kridhet!

Fajësimi i qytetarëve për radhët e gjata në kufi/ Tavo: Skandaloz dhe i papërgjegjshëm reagimi i dy ministrave të rilindjes

Ish-deputeti i LSI-së, Vangjel Tavo ka reaguar me anë të një postimi në Facebook ku shprehet se eshte skandaloz dhe i papërgjegjshëm reagimi i dy ministrave të rilindjes, të cilët sërish, siç ka bërë qeveria e tyre prej 7 vitesh e drejtojnë gishtin gjithmonë larg vetes, duke fajësuar qytetarët për radhët e gjata në kufi dhe duke u shprehur se po i kërkohet autoriteteve greke gjetjen e mundësive për përshpejtimin e procedurave të testimit ndërkohë që qeveria shqiptare e ka për detyrim por nuk po bën asnjë testim.

Postimi :

Skandaloz dhe i papërgjegjshëm reagimi i dy ministrave të rilindjes, të cilët sërish, siç ka bërë qeveria e tyre prej 7 vitesh e drejtojnë gishtin gjithmonë larg vetes, duke fajësuar qytetarët për radhët e gjata në kufi dhe duke u shprehur se po i kërkohet autoriteteve greke gjetjen e mundësive për përshpejtimin e procedurave të testimit ndërkohë që qeveria shqiptare e ka për detyrim por nuk po bën asnjë testim.

Kjo qeveri e papërgjegjshme nuk u bën testime as familjarëve të infektuar me COVID-19 dhe pas gjashtë muajsh ka liberalizuar testimet me kosto prej 120-140 eurosh në laboratorë privat.
Ministria e Brendshme u bën thirrje qytetareve që të informohen për gjendjen në pikat kufitare por nuk u sigurojnë testimet e freskëta prej 72 orësh që është edhe kushti për kalimin e kufirit.
Qeveri e papërgjegjshme. Nuk bën asgjë. Nuk i shërben aspak qytetarëve të vet! Nga ana tjetër Ministria e Evropës dhe Punëve të Jashtme lan gojën duke thënë se duhen bërë testime që do të thotë për një familje kostoja shkon mbi 600 euro!
Duhen testime falas e jo me mik e duke i detyruar të paguajnë qindra euro në laboratorët privat. Qeveria duhet të sigurojë testime falas për të gjithë qytetarët. Po i zhvasni shqiptarët edhe në këto kohë të vështira dhe po rrezikoni jetën e qindra qytetarëve.

/ In News / By Admin / Comments Off on Fajësimi i qytetarëve për radhët e gjata në kufi/ Tavo: Skandaloz dhe i papërgjegjshëm reagimi i dy ministrave të rilindjes

Vasili: Dështimi shumë i rëndë i qeverisë në administrimin e pandemisë është fakt i dhimbshëm dhe i pakundërshtueshëm.

Nënkryetari i Lëvizjes Socialiste për Integrim Petrit Vasili kërkon dorëheqjen e menjëhershme të Qeverisë, pasi për faj të saj, sot jemi në një gjendje katastrofale me pandeminë.

Përmes rrjeteve sociale, Vasili shprehet se dështimi shumë i rëndë i Qeverisë në administrimin e Pandemisë është fakt i dhimbshëm dhe i pakundërshtueshëm.

“Dështimi shumë i rëndë i qeverisë në administrimin e pandemisë është fakt i dhimbshëm dhe i pakundërshtueshëm.

Sot u diagnostikuan 154 raste të reja me COVID-19.

Nga 6971 raste gjithsej, 5654 raste janë vetëm në nëntë javet e fundit.

Pra mbi 81% e rasteve janë c’faqur pasi u konkludua nga qeveria se faza kritike u kalua dhe se maksimumi i rasteve kishte kaluar.

Situata me Pandeminë po rëndohet keqas dita ditës.

Qeverisë i ka dalë teresisht nga kontrolli cdo gjë që lidhet me Pandeminë.

Vetmohimi dhe sakrificat e mjekëve nuk mjaftojnë në përballimin e kësaj situate.

Armata e punonjësve të mjekësisë po drejtohet në mënyrë të coroditur,konfuze,duke improvizuar empirizma antishkencore.

Thene shkurt armata e mjekeve dhe infermiereve eshte pa drejtim dhe realisht e demotivuar pasi rezultatet jane gjithmone e me negative dhe me pasoja vdekje dhe infektime te vazhdueshme.

Hapi i pare i qeverise ne emer te jeteve te humbura dhe te mijra infektuarve eshte te jape menjehere doreheqjen.

Qeveria refuzoi cdo propozim, beri nje testim minimal dhe teresisht te pamjaftueshem imponoi kufizime levizje jo shkencore administroi ne menyre te gabuar permes numrit 127, nuk mobilizoi ne kohen e duhur Kujdesin Shendetesor Paresor, nuk siguroi paisje mbrojtese per personelin shendetesir dhe popullaten ne teresi, nuk siguroi respiratore dhe trinomin testim gjurmim trajtim nuk e vuri ne qender te strategjise.

Eshte e qarte qe qendrimi i kesaj qeverie rendon se tepermi pergjesite e saj penale, duke filluar nga kryeministri Edi Rama, qe eshte perfshire personalisht ne veprime e deklarime shume te gabuara e me pasoja te renda ne shendetin e njerezve.

Doreheqja e qeverise eshte vetem hapi i pare.

Qeveria realisht ka rene,ka gabuar rende,eshte mposhtur per shkak te paaftesise se saj nga pandemia, ndaj largimi dhe doreheja e saj eshte thjesht formalizimi i ketij fakti real e te padiskutueshem.

Doreheqja do te ishte nje akt shume i vonuar, por ne cdo rast cdo dite me shume do te ishte nje fund edhe me i hidhur per Edi Ramen dhe Qeverine e tij.

Shqiptaret e shohin dhe po e vuajne ne kurriz deshtimin e qeverise qe ju kushton jeten atyre.

Shqiptaret cdo gje mund t’a falin po jeten dhe shendetin nuk ja falin kurre kesaj qeverie”, shprehet nënkryetari LSI-së, Petrit Vasili.

/ In News / By Admin / Comments Off on Vasili: Dështimi shumë i rëndë i qeverisë në administrimin e pandemisë është fakt i dhimbshëm dhe i pakundërshtueshëm.

Caka: Shqiptarët po vdesin nëpër spitale, Rilindja harxhoi 92 milionë euro për militantët

Deklarata e plotë e ish-deputetes së LSI, Silva Caka

Si çdo premtim i dhënë dhe i pambajtur i Edi Ramës, edhe Reforma Administrative-Territoriale, u zhyt në gropën e korrupsionit dhe kriminalizimit qeveritar! Reforma Administrative-Territoriale u nis me qëllimin e shkurtimit të shpenzimeve administrative, të një administrate të tejmbushur, e cila nuk ofronte shërbime për qytetarët. Me një llogari të thjeshtë, Edi Rama premtoi se me këtë reformë, do të kurseheshin 60 milionë euro në vit. Por në çfarë situate ndodhemi sot?

60 milionë euro jo vetëm që nuk u kursyen, por u shpenzuan 92 milionë euro për të paguar militantët e Rilindjes, të cilët shkojnë në zyrat e shtetit vetëm për të hartuar baza me të dhënat e qytetarëve e këto të fundit t’i përdorin në zgjedhje, për të keqtrajtuar qytetarët, të cilët enden për të marrë shërbimet që vetë i paguajnë dhe për të rritur shifrat e korrupsionit në nivele alarmante. Pra, dëmi i shkaktuar dhe fitimi i munguar i shqiptarëve, kap shifrën e 152 milionë eurove, me të cilat shqiptarët mund të kishin përfituar shumë shërbime.

E meqë jemi në një situatë të vështirë për shkak të pandemisë, pa asnjë dyshim mund të themi se me këto para mund të kishim ndërtuar 3 spitale me standarte të larta, për të përballuar shifrat në rritje të të prekurve nga virusi.
Me kaq shumë para, mund të kishim kryer testimin e gjithë popullatës, duke parandaluar deficencën e ofrimit të shërbimeve shëndetësore ndaj qytetarëve.

Me kaq shumë para, mund të kishim parandaluar nga falimenti dhe mbyllja, mijëra biznese, të cilat dështuan, duke nxjerrë në rrugë mijëra të papunë. Me kaq shumë para, edhe nëse shërbimi do të tenderohej, mund të ishin ndërtuar të paktën 2000 apartamente të reja, të cilat do të strehonin 2000 familje që mbetën pa shtëpitë e tyre, pas tërmetit të 26 nëntorit të vitit të kaluar.

Por Edi Ramës nuk i intereson asgjë nga këto; Edi Ramës nuk i intereson nëse qytetarët hyjnë në spitalet shqiptare e nuk dalin më të gjallë prej andej, për shkak të mungesës së kapaciteteve spitalore; Edi Ramës nuk i intereson nëse bizneset dështojnë dhe mbyllen çdo ditë; Edi Ramës nuk i intereson nëse qytetarët mbeten çdo ditë pa punë; Edi Ramës nuk i intereson as nëse shqiptarët flenë ende nëpër çadra. Edi Ramës i intereson të pasurohet vetë dhe të mbajë në bordero militantët e Rilindjes. 8100 vende pune për militantët e Rilindjes, të cilët shpërdorojnë paratë e shqiptarëve. 92 milionë euro të çuara dëm, pa ofruar asgjë në këmbim të tyre, sepse kjo është filozofia e Rilindjes: Shërbime jo, grabitje masive të parave po!

/ In News / By Admin / Comments Off on Caka: Shqiptarët po vdesin nëpër spitale, Rilindja harxhoi 92 milionë euro për militantët

Kejdi Mehmetaj: Arsim apo propagandë?

Ish-deputetja e LSI-së. Kejdi Mehmetaj, ka ngritur shqetësimin lidhur mbi mungesën e një strategjie nga Ministria e Arsimit, lidhur mbi vitin e ri shkollor, duke ngritur shumë pikëpyetje që duhet të marrin përgjigje nga ky institucion.

Postimi:

Arsim apo propagandë?

“Data 14 shtator pritet të jetë data e fillimit të vitit akademik 2020-2021, por, përveç datës, çdo detaj tjetër mbi vitin e ri akademik vazhdon të jetë enigmë për mësuesit, nxënësit e prindërit.

Në kushtet kur OBSH thotë se të rinjtë janë jo vetëm transmetues të virusit por kanë filluar të shfaqin edhe simptoma, vendi ynë akoma nuk ka mbi tryezë një strategji të qartë për funksionimin e shkollave. E ndërsa për Kosovën e Maqedoninë e Veriut mjafton të bësh një kërkim të thjeshtë online e gjen udhëzime e skenarë të parashikuar për mbarëvajtjen e vitit të ri akademik, për Shqipërinë gjen vetëm foto të kuruara bukur të Ministres, foto që u shkojnë për shtat blogereve, por jo një institucioni që ka në dorë fatet edukuese të qindra mijëra nxënësve e studentëve.

Pse ende sot, një muaj përpara fillimit të shkollës, ende nuk dihet si do të zhvillohet mësimi?

A do të kthehen nxënësit në auditore?

Nëse po, çfarë masash janë marrë për të siguruar kushtet e duhura të distancimit dhe higjenës në mënyrë që shkollat të mos kthehen në vatra infektimi?

A do të zhvillohet mësimi online?

Nëse po: A është siguruar ministria se çdo nxënës pavarësisht se ku banon apo çfarë kushtet sociale dhe ekonomike ka do të mund ta aksesojë mësimin online?

A do vazhdojë të quhet mësim online shpërndarja e detyrave nga Ëhats App dhe Facebook?

Duke qenë se prindërit janë kthyer në punë, kush do të kujdeset për fëmijët dhe kush do i asistojë ata për mësimet?

A është standartizuar e certifikuar kurrikula online, apo mësuesit do të improvizojnë sipas rastit?

A janë bërë gati programet specifike që përdoren për mësimdhënie e mësimnxënie online?

Si do të jetë sistemi i vlerësimit të dijeve të marra?

Po maturantët e këtij viti a do të përballen sërish me gafat dashakeqe me të cilat u përballën maturantët që sapo mbyllën vitin akademik?

Nëse nxënësit kthehen në klasa e situata me COVID-19 përshkallëzon, a ka ministria një skenar?

Po nëse çdo gjë kthehet në normalitet, si do rikuperohen dijet e mangëta nga viti që lam pas?

Kur do të pajisen nxënësit me librat shkollorë?

A ka një plan masash që të lehtësojë shpenzimet e familjeve në këtë fillim viti të ri akademik, kur dihet tanimë se ekonomia ka rënë ndjeshëm, papunësia është rritur e çmimet po ashtu?

A është njohur Ministria e Arsimit me udhëzimet e UNESCO-s, UNICEF-it, BB-së, OBSH-së, etj dhe a janë reflektuar këto udhëzime?

Cila është puna që ka bërë ministria dhe institucionet e saj të varësisë me mësuesit gjatë këtyre dy muajve për ti përgatituar për çdo situatë? Mbi të gjitha, a i ka dëgjuar ministria shqetësimet reale të mësuesve e prindërve mbi “mësimin online” që u zhvillua gjatë periudhës së karantinës?

A ka shtesa në buxhetin e arsimit për vitin e ri akademik?

Këto janë pak pyetje dhe shumë të përgjithshme krahasuar me lëmin e problemeve e pyetjeve që mund të ngrihen për fillimin e vitit të ti akademik, për infrastrukturën, studentët, shkollat profesionale, etj. Pyetje që duket të jenë retorike. Pyetje, përgjigjet e të cilave me çduket nuk do i marrim ndonjëherë, pasi përgjigjet e tyre do nxirrnin në pah dështimin e neglizhencën e Ministrisë së Arsimit.

Koha nuk pret! Urgjentish duhet të fillojnë të merren masa e veprime konkrete. Në të kundërt, për sa kohë Ministria e Arsimit shqetësohet vëtëm për dukjen online, ndërsa situatën e krijuar në arsim si pasojë e pandemisë e harron, e neglizhon dhe mbi të gjitha nuk e trajton, arsimi në Shqipëri do degradojë edhe më keq se gjatë viteve të mëparshme të qeverisjes së Ramës”, deklaron Kejdi Mehmetaj.

“Të gjitha betejat i ka fituar me koalicone jo me përballje”, Kryemadhi: Rama për mua një zvarranik politik

Kryetarja e LSI ishte e ftuar në emisionin e gazetarit Cim Peka në Syri Tv e cilësoi kryeministrin Rama si  një zvarranik politik pasi në asnjë nga betejat e tij politike nuk ka luftuar ndershmërisht.

Pjesë nga intervista:

Cim Peka: Ilir Meta në fakt duhet të ishte i qartë dhe para 20 viteve, kur ju po benit një vepër më të mirë sesa të merreshit me politikë, po sillnit ne jetë një djalë të mbarë siç është Besi. Gjithsesi fakti që i gëzoheshit ardhjes në jëtë të një djali të mbarë si Besi, nuk ju bën fare pergjegjegjës qe bashkëshorti juaj babai Besit po rriste në kuptimin e mirë të fjalës një kafshë politike si Edi Rama i cili është i gatshëm të kapë gjithçka dhe të mos pyesë pastaj për asnjë? Duhet ta konsiderojë veten edhe babai Besit se është babai kombit…
Kryemadhi: E para, njëherë zoti Peka unë them se duhet ta ndani pyetjen nga kjo gjë. Përsa i përket babai Besarit, me Ilir Metën kryeministër në atë kohë që po rriste një kafshë politike, unë nuk mund ta quaj kafshë politike zotin Rama. Unë do ta quaj një zvarranik të politikës.
Cim Peka: Në kuptimin figurativ..
Kryemadhi: Varet nga percetimi. Unë p.sh me fjalë kafshë politike quaj njerëz të cilët janë punëtor, përballen, luftojnë për sfidat e tyre që janë të drejta. Ndërsa, zotin Rama unë do ta quaj zvarranik. Zotin Rama, nuk e shoh në asnjë një asnjë betejë, të fituar me ndershmëri në betejat e tij politike. Të gjitha betejat e tij politike kanë qenë të stimuluara në koalicione të ndryshme. Pra, po themi njëherë më Ilir Metën, një herë me Gramoz Ruçin, njëherë me Lulzim Bashën, pastaj njëherë me dikë tjetër dhe asnjëherë nuk ka fituar një betejë të vetme i vetëm.

/ In News / By Admin / Comments Off on “Të gjitha betejat i ka fituar me koalicone jo me përballje”, Kryemadhi: Rama për mua një zvarranik politik