Category: News

Nora Malaj: Burri i shtetit foli

Nga Nora Malaj

Burri i shtetit foli!

“Vetëm ata që kanë guximin për të shkruar fjalën “Fund” mund të gjejnë forcën për të shkruar fjalën “Fillim” , – thotë një shprehje e vjetër.
Tashmë burri i shtetit foli.
E para është kushtetuta dhe shteti sovranë! Faleminderit dhe krenari për Presidentin e Republikës së vendit tim!
Populli ka kohë që ka folur ! Me sontazhe dhe bojkot kanë treguar se 86 për qind janë kundra kapjes së drejtësisë nga politika!

Departamenti i ShBA foli , qartë dhe prerë, askush nuk është mbi ligjin!

“Kushtetuta është ligji suprem, është trupi që mishëron parimet themelore sipas të cilave qeveriset një vend.

E projektuar për të hedhur themelet e një shteti që garanton liritë dhe të drejtat themelore të individit, të ndarjes dhe jo uzurpimit të pushteteve, të ruajtjes së sovranitetit dhe ndërtimit të të ardhmes europiane dhe euroatlantike të vendit, Kushtetuta e ’98-ës mundësoi rivendosjen e paqes sociale dhe rotacionin normal politik në vend.

Kjo kushtetutë që ende gëzon respektin dhe nderimin më të madh të të gjithë qytetarëve shqiptarë, fatkeqësisht u zhbë brenda natës nga marrëveshja politike e vitit 2008.

Sot jemi në kushtet ku qeveria nuk është llogaridhënëse ndaj askujt;

Ku pushteti ekzekutiv është unifikuar me atë legjislativ;

Ku nga Kuvendi i Shqipërisë janë dorëhequr 182 deputetë dhe kandidatë për deputetë të opozitës;

Ku numrin kushtetues prej 140 deputetësh të Kuvendit nuk e plotëson dot më;

Ku janë kapur të gjitha bashkitë e vendit, në një proces antiligjor me votime një-partiake, duke dhunuar edhe parimin kushtetues të autonomisë vendore;

Ku vendi është lënë qëllimisht për dy vite rradhazi pa Gjykatë Kushtetuese dhe ku po bëhet çmos për bllokimin e mëtejshëm të krijimit të saj siç e parashikon kushtetuta;

Ku vendi dhe qytetarët janë lënë pa Gjykatë të Lartë, si pasojë e së cilës janë mbivendosur mbi 32.000 çështje gjyqësore, që do të kërkonin të paktën 20 vite për t’i trajtuar;

– pra me këto afate një pensionist mund të mos arrijë ta gëzojë asnjëherë pensionin që i takon.

Ku Prokurori i Përgjithshëm i Përkohshëm u zgjodh në mënyrë antikushtetuese, për të korrur rezultatet mahnitëse që nuk i mbron dot as vetë;

Ku dhunohen të drejtat e qytetarëve në mënyrë arbitrare, duke u rrëmbyer pronën, shtëpitë, bizneset, etj;

Ku kanë kaluar rreth 20 ligje antikushtetuese dhe që cënojnë hapur interesin publik;

Ku qeveria për të pasuruar një kastë që i shërben asaj verbërisht, ka krijuar një borxh që qytetarët shqiptarë do të duhet ta shlyejnë në 20 vitet e ardhshme;

Ku fjala e lirë është zëvendësuar nga çensura dhe autoçensura në shërbim të propagandës;

Ku Shqipëria zhytet poshtë e më poshtë në të gjithë treguesit politikë, ekonomikë, sundimit të ligjit dhe respektimit të të drejtave themelore;

Ku vendi po shpopullohet pa ndalim;

Ku si rezultat i sukseseve imagjinare në Shqipëri nuk ka më asnjë investim serioz as nga ShBA, as nga Gjermania, as nga Franca, as nga Italia, e as nga Britania;

Ndaj është koha për t’i thënë NDAL këtij degradimi të shtetit!

Shqipëria nuk mund të drejtohet me Rezolutë por me Kushtetutë!

Kushtetuta e Republikës është Vija e Kuqe dhe e pakalueshme nga armiqtë e saj dhe të Republikës!”

Presidenti Ilir Meta

Krenar për Presidentin e Republikës Ilir Meta, për presidentin e vendit tim!

Kryemadhi: SHBA mbështetje për Shqipërinë, krijimi i Gjykatës Kushtetuese i hap rrugë zgjidhjes së krizës

Bashkëbisedimi i Kryetares së LSI-së, Monika Kryemadhi me gazetarët

Shqipëria ndodhet në moment kritik. Momenti kur unë ndava këtë situatë kritike me Kongresin, Senatin Amerikan dhe Departamentin e Shtetit, mendoj ishte momenti më i veçantë për mua.

Sapo jam kthyer nga kjo vizitë pune në SHBA dhe dua të ndaj me ju, me qytetarët me opinionin publik jo vetëm informacione mbi vizitën, por edhe vlerësime, çfarë ndamë jo vetëm me partnerët amerikanë por edhe shqiptarët që jetojnë atje ngriten me shqetësim në takimet tona.

Natyrisht që kriza e rëndë politike ishte në qendër të gjitha takimeve që unë pata në Kongres, Senat, në Departamentin e Shtetit, por edhe me komunitetin shqiptar të cilët tashmë e shikojnë më një sy mjaft shqetësues vendin dhe Atdheun e tyre.

Ajo që është e rëndësishme dhe dua ta theksoj, situata politike, e gjithë Shqipëria, është ka vëmendjen e Washingtonit dhe kjo na bën ne të jemi optimist dhe të kemi besim se padyshim situata në të cilën ndodhet Shqipëria dhe zgjidhja që do ofrohet nga partnerët do jetë në funksion të interesave të Shqipërisë dhe popullit shqiptar.

Ecja me rigorozitet në zbatimin e Reformës në Drejtësi, në zbatim të Kushtetutës dhe ligjit, duke mos lejuar në asnjë moment kapjen e saj nga politika, është qëndrim i palëkundur që unë gjeta te të gjithë bashkëbiseduesit e mi amerikan.

Tashmë politika Amerikane ka një vëmendje të re, të shtuar e më të intensifikuar amerikane për Shqipërinë dhe rajonit në përgjithësi.

SHBA presin që Shqipëria të rimarrë rolin e saj si faktor stabiliteti dhe paqeje në rajon, rol të cilin Shqipëria e ka luajtur më së miri në të shkuarën. Një tjetër lajm i mirë që dëshmon vëmendjen e madhe amerikane është dhe dëgjesa që do të bëhet shumë shpejt në Kongresin Amerikan për rajonin dhe Ballkanin.

Unë jam shumë e kënaqur që ndava me të gjithë bashkëbiseduesit e mi, që Shqipëria ka vetëm një të ardhme, Integrimin Europian.

Shqipëria si vend i NATO-s, mund ta përmbush procesin jetik të anëtarësimit në Bashkimin Europian, duke plotësuar të parin kusht mbi të gjitha kushtet e tjera, që është respektimi i demokracisë. Çdo lëkundje dhe tronditje, e vlerave themelore të demokracisë, ashtu sikurse po ndodh aktualisht në Shqipëri, është një largim nga ky objektiv madhor dhe ata që marrin përsipër të godasin themelet e demokracisë nuk e kanë integrimin Europian, objektivin e tyre, por u shërbejnë objektivave të kundërt me të.

Plotësimi i Gjykatës Kushtetutese edhe me anëtarin e gjashtë, që siguron funksionalitetin e plotë të saj është një proces që duhet mbyllur sa më parë dhe ne e mbështesim plotësisht atë. Një hap i rëndësishëm është hedhur me plotësimin e vakancave të realizuara deri tani, por nuk duhet humbur kohë për plotësimin e Gjykatës Kushtetuese, pasi çështje të mëdha jetike për demokracinë presin gjykimin e saj.

Ngritja e Gjykatës Kushtetuese, është një garanci madhore në një sistem demokratik të brishtë si Shqipëria dhe është një motiv politik më shumë për opozitën e bashkuar dhe për kauzat që ajo ka ngritur por që nuk kanë marrë përgjigje.

Në takimet e shumta në Senatin dhe në Kongresin e SHBA, si dhe në Departamentin e Shtetit, krahas interesimit të tyre të jashtëzakonshëm unë pata mundësinë jo vetëm të ndaja shqetësimin për Krizën në Shqipëri por edhe të gjeja një vullnet dhe interesim të veçantë të niveleve më të larta të politikës amerikane për të ndihmuar në zgjidhjen e saj, dhe ky besoj është lajmi më i mirë që unë po u sjell shqiptarëve nga SHBA.

Njëkohësisht takimi që pata me komunitetin shqiptar në shtetin e Miçiganit në Detroit ishte një takim shumë i rëndësishëm ku shqiptarët ndjenin mungesën e komunimit me vendin dhe qeverinë e tyre duke filluar që me pajisjen e fëmijëve të lindur në SHBA me pashaporta shqiptare apo me rifreskimin e pashaportave shqiptare, mungesën me institucionet e shtetit shqiptar dhe ajo që i bënte shumë më të rëndësishme harresa nga shteti shqiptar. Ne nuk mund të kërkojmë investitorë Amerikanë kur nuk i japin shansin shqiptaro-amerikanëve për të ardhur dhe për të investuar në Shqipëri duke filluar me taksimin e dyfishtë dhe më pas duke iu munguar ajo që është shumë e rëndësishme hapja dhe mundësia e institucioneve shqiptare që ata të investojnë në Shqipëri. Monopolizimi dhe dhënia me koncesion apo dhe e oligarkëve të cilët kontrollojnë tregun në të gjitha drejtimet, i largon shqiptaro amerikanët për të investuar në Shqipëri. Krijimi i një infrastrukture për investimin e shqiptaro-amerikanëve do i krijonte mundësinë e investimeve shumë të tjera amerikane në Shqipëri. Pra një nga shqetësimet më të mëdha që ata ngrenin ishte përkrahja nga shteti, nga qeveria e Atdheut të tyre për të ardhur dhe për të investuar në Shqipëri dhe mungesa e lehtësirave që ata të vinin sa më shpejt. Po kështu në takimin që patëm me shqiptarët ishte dhe ideja e një super brain ku shqiptarët e Amerikës mund të përfshihen në qeverisjen dhe në ndërtimin e një politike për kalimin e kolapsit ekonomik që po kalon Shqipëria, të cilin do ta ndjejmë shumë shpejt në vitin e ardhshëm për situatën në të cilën gjendet ekonomia shqiptare .Aq më shumë kur Shqipëria sot më shumë se kurrë ka nevojë për përfshirjen e të gjithë atyre shqiptareve të cilët kanë pasur sukses jo vetëm në ekonominë amerikanë por dhe në sistemin e drejtësisë amerikanë të cilët mund të ishin përfshirë por u larguan në mënyrë të qëllimshme nga mazhoranca dhe Rilindja që ata mos të përfshiheshin në ngritjen e sistemit të drejtësisë apo edhe për tu përfshirë në zgjedhjet e shumë institucioneve të drejtësisë të pavarura. Pra ndarja e këtyre diskutimeve ishte një informacion i jashtëzakonshëm jo vetëm për mua por për të gjithë delegacionin. Ndarja e shumë shqetësimeve që ata kishin, mungesa e informacionit apo dhe harresa nga qeveria shqiptare.

Pyetjet nga gazetarët

1.Opozita ka deklaruar se janë të gatshëm për zgjedhje të parakohshme ndërkohë që Kryeministri Rama ka deklaruar që nuk do të heqë dorë nga mandate i tij. Ditën e nesërme keni një takim me Presidentin Meta i cili së fundmi për retorikë ose jo është shprehur për shpërndarje të Parlamentit. A është kjo mundësia e vetme që i ka mbetur opozitës që të rikthehet në Parlament duke qenë se me protesta dhe me denoncime nuk ka arritur ta largojë Kryeministrin Rama?

Unë nuk mendoj që sot Shqipëria ka nevojë për emra të përveçëm, mendoj që sot Shqipëria ka nevojë për një zgjidhje të krizës politike në të cilën ne gjendemi. Ngritja e Gjykatës Kushtetuese është një hap përpara zgjidhjes së këtij problemi sepse duke u ngritur Gjykata Kushtetuese, duke filluar funksionimi i saj do të jetë një garanci për opozitën. Mos të harrojmë që largimi i opozitës në shkurt nga Parlamenti dhe djegia e mandateve vinte edhe si rezultat i mungesës së Gjykatës Kushtetuese ku shumë problematika ose shumë shkelje, jo vetëm të Kushtetutës por edhe të të drejtave të njeriut që i janë bërë opozitës në Parlamentin Shqiptar nuk kishin më se ku të gjykoheshin. Kështu që, rifillimi I këtij institucioni do të krijonte hapësira shumë të reja. Jam e bindur që Z. Rama do të vazhdojë dhe do të luajë që për të gjitha veprimet që ka marrë tani mazhoranca është dakordësuar me partnerët strategjikë, SHBA-të dhe BE por unë dua të theksoj edhe një herë, SHBA-të kanë vetëm një qëndrim ndaj Shqipërisë, zbatimi i Kushtetutës dhe larg duart e partive politike nga sistemi i drejtësisë. Larg duart një herë e përgjithmonë të politikës nga sistemi i drejtësisë në mënyrë të tillë që pandëshkueshmëria të mos jetë më vlerë e qeverisjes dhe partive politike por pandëshkueshmëria të harrohet në Shqipëri dhe të ndëshkohen të gjithë ata që shkelin ligjet, Kushtetutën dhe janë të përfshirë në krimin e organizuar dhe në të gjithë proceset korruptive që kalon sot Shqipëria.

2.Znj. Kryemadhi, ka pasur një padi të Presidentit të Republikës ndaj Ardian Dvoranit. Cili është qëndrimi i LSI-së lidhur me këtë ngjarje dhe a besoni se Prokuroria, në këto kushte që ndodhemi është në gjendje që të hetojë me paanshmëri këtë padi?
Ajo që dua të theksoj, e thash edhe pak me parë, unë e kam bërë të qartë edhe ne intervistën time në Zërin e Amerikës, nuk jam një juriste që të diskutoj proceset ligjore por di të them diçka që në Kushtetutë janë shumë të qarta veprimet e Presidentit. Di të them edhe diçka tjetër që, katër kandidatë për katër vende ku kemi të njëjtët persona që kandidojnë në listat, vakancat për Gjykatën Kushtetuese ndërkohë nga ana tjetër dua të theksoj që shkelja e ligjit të Z. Dvorani përsa i përket shpalljes dhe publikimeve në Fletoren Zyrtare është një proces për të cilin ajo është një zgjedhje që ka bërë vetë Presidenti i Republikës për ta çuar më tutje por dua të theksoj që nuk janë të rastësishme të gjitha veprimet dhe kapjet që ka kërkuar të bëjë mazhoranca dhe sidomos Kryeministri Rama për sistemin e drejtësisë. Mosngritja e Gjykatës Kushtetuese prej më shumë se dy vitesh, bllokimi i ngritjes së KED-së në mënyrë të tillë që KED-ja të drejtohej nga një njeri i besuar nga Z. Rama dhe ne jemi shumë të qartë se çfarë ka ndodhur me KED-në sepse në fakt situata ekonomike dhe e gjithë kriza ekonomike që ka ndërtuar Z. Rama e ka bërë të pavëmendshëm opinionin publik ndaj kapjes dhe ndaj përdorimit të instrumenteve të ndryshme po themi shqiptare dhe anti shqiptare apo kombëtare dhe ndërkombëtare për kapjen e sistemit dhe të Reformës në Drejtësi. Ajo çfarë është e rëndësishme dhe që dua të theksoj, mospublikimi i dekreteve të Presidentit që është me ligj, në Fletoren Zyrtare dhe publikimi i një vendimi apo shpallje e kryetarit të KED-së që është e paligjshme, tregon hapur se si është përdorur dhe përdoret sistemi i drejtësisë për të cilët shqiptarët mezi e kanë pritur, për të cilët ndërkombëtarët kanë paguar fonde jashtëzakonisht të mëdha dhe tregon hapur që lidhja e Z. Dvorani dhe kapja e Z. Dvorani nga mazhoranca, duke filluar nga Kryeministri Rama, Ëngjëll Agaci e të gjithë me radhë, nuk kanë bërë gjë tjetër vetëm se kanë prodhuar këtë krizë politike në të cilën ne jemi sot. Ngritja e Gjykatës Kushtetuese, nuk është e thënë që Gjykata Kushtetuese nuk jeton dot pa Ardian Dvorani si Kryetar të KED-së dhe nëse ne mendojmë që duhet të sabotojmë të gjithë procesin e Reformës në Drejtësi që Z. Rama të zgjedhë kryetar të KED-së ose më shumë Ëngjëll Agaci të zgjedhë kryetar të KED-së Ardian Dvoranin unë nuk mendoj që kjo është sfidë e shqiptarëve. Sfida e shqiptarëve sot është integrimi në Bashkimin Evropian. Jo rastësisht gruaja e avokatit të Saimir Tahirit është drejtoresha e publikimeve dhe e printimeve të vendimeve në Fletoren Zyrtare. Pra ajo që dua të them është që, një sistem i kapur totalisht dhe është përdorur në mënyrën më intensive nga Kryeministri dhe grupet rreth tij, mendoj që i ka ardhur fundi dhe do të çmontohet çdo ditë. Ajo çfarë është shumë e rëndësishme është që ngritja dhe fillimi i punës së Gjykatës Kushtetutese ka dhënë një dritë jeshile për opozitën shqiptare, për opinionin publik shqiptar dhe për shumë të tjerë dhe shpresoj që mazhoranca të mos vazhdojë të bllokojë më ngritjen e Gjykatës së Lartë, mos të vazhdojë më të kërcënojë kandidatët që duan të kandidojnë në këtë proces dhe në këtë sistem të drejtë, do t’i kërkoja edhe Ministrisë së Arsimit që të fillonte dhe të bënin akreditimet ose njohjen e diplomave të shumë shqiptaro-amerikanëve të cilët kanë mbaruar në universiteteve më prestigjoze por për fatin tonë të keq Ministria e Arsimit nuk ua ka njohur diplomat shqiptarëve që janë shkolluar në SHBA-të për shkak se ndërhyrja e tyre ose zgjedhja e tyre në sistemin e drejtësisë nuk do të ndikonte dhe nuk do të kishte ndikimin e grupit të afërt të juristëve të famshëm në katror të Z. Rama dhe të gjithë grupeve të tyre të interesit.

3.Mini-Shengeni Ballkani,nisma e Kryeministrit Rama, Vuçic dhe Zaev. Është thënë dhe ka një frikë që mund të sjellë ndikimin rus në Ballkan. Kur opozita e sotme të vijë në pushtet do të ketë një nismë për zhbërjen e mini-shengenit ballkanik dhe duke qenë se jemi te Kosova si janë marrëdhëniet tuaja me z.Kurti dhe znj.Osmani si bashkëdrejtues të qeverisë së re?

Unë mendoj që duhet të jemi transparent në të gjitha marrëveshjet që nënshkruajmë. Shqipëria ka qenë një faktor stabiliteti në rajon dhe ka qenë një nga partneret më të konsoliduar për SHBA, NATO dhe BE për menaxhimin e konflikteve në rajon që është një nga rajonet më të ndezura mund të themi ose që janë konsideruar historikisht në politikën e jashtme si fuçi baruti. Jemi shumë dakord për lëvizjen e lirë të njerëzve dhe lëvizjen e mallrave, e cila duhet të jetë nga të dyja anët pra mos të na vijë vetëm mielli dhe qumështi serb në Shqipëri por anasjellas edhe prodhimet shqiptarë të shkojnë drejt Serbisë apo dhe drejt vendeve të tjera. Jo siç ndodh që domatet e shqiptarëve kalben dhe hidhen nëpër kanale sepse politikat doganore që janë ndjekur kanë qenë në disfavor të shqiptarëve dhe nga ana tjetër të gjitha produktet serbe kalojnë po themi pa asnjë lloj kontrolli dhe shumë gjëra të tjera. Jemi shumë dakord për lëvizjen e mallrave pa dogana, për lëvizjen e lirë njerëzve por kjo duhet të jetë reciproke dhe transparentë për shqiptarët. Sepse në fund të fundit ne jemi një rajon që duhet të jetojmë dhe të bashkëpunojmë me njëri-tjetrin, për paqen dhe integrimin e këtij rajoni në BE. Përsa i përket anës tjetër dua të them që përderisa Shqipëria aspiron për të qenë anëtare e BE, çdolloj nisme tjetër duhet të jetë e rakorduar me partnerët tanë strategjik siç janë BE por mbi të gjitha SHBA ku mos të harrojmë që SHBA kanë jo vetëm partnerët tanë strategjik por kanë qenë dhe ata që kanë drejtuar në njëfarë mënyre dhe kanë bashkëpunuar ngushtas me qeveritë shqiptarë që mbas përmbysjes së regjimit komunist drejt integrimit të Shqipërisë për të qenë anëtare me të drejta të plota në NATO, por edhe për të qenë anëtarë të denjë të BE. Ndërsa përsa i përket për z.Kurti dhe znj.Osmani nuk kam ndonjë takim me ta, nuk është se mendoj që sot për sot pas ngritjes së qeverisë së tyre, nuk është po themi një gjë e jashtëzakonshme. Unë uroj që Kosova të vazhdojë në rrugën e saj të integrimit europian, të vazhdojë në rrugën e saj të ngritjes së institucioneve dhe të jetë sa më larg ndikimeve antishqiptare dhe anti-interesave të partnerëve tanë strategjikë që janë SHBA dhe BE. Kjo do të ishte një nga sfidat për Kosovën dhe drejt zgjidhjes përfundimtare, në një bashkëbisedim transparent dhe të hapur me Serbinë për njohjen e Kosovës dhe për të zgjidhur njëherë e përgjithmonë një konflikt të cilin dashje pas dashje politika shqiptare dashje pa dashje kohët e fundit i ka hedhur benzinë zjarrit. Unë mendoj që qeveria e re e Kosovës do të sjellë një realitet të ri për Kosovën por edhe për Shqipërinë dhe për të gjithë faktorin shqiptar në rajon.

4.Kur folët për mini-shengenin ballkanik një nga shembujt që morët ishte çështja e fermerëve. Bujqësia zë 22% të GDP dhe fermerët ndihen të lënë në harresë. Keni një paketë sesi nuk do të hidhen më produktet?
Sigurisht që kemi një paketë konkrete, ne kemi bërë atë që sot z.Basha po bën sot me fermerët. Turin e kemi bërë para disa muajsh dhe në fakt jemi në një rakordim të plotë për të hartuar një program të përbashkët përsa i përket fermerëve. Edhe në propozimet e z.Basha, jemi në të njëjtën pikë që kemi thënë, një subvencion prej 100 milionë eurosh për Bujqësinë. Mos të harrojmë që bujqësia është një nga fushat më të vështira që ka sot Shqipëria. 52% e popullsisë shqiptare jetojnë me bujqësinë, ku 22% e PBB është bujqësia. Nuk mund të ketë një bujqësi që konkurron nëse nuk ka subvencion mbështetje nga shteti. Të njëjtin problem dhe në disa bashkëbisedime që kemi pasur me ekspertë të disa institucioneve që kishim dhe ishin disa shtete që kishim në një roundtable të cilën ne nuk e kemi bërë publike ku kemi diskutuar për këtë situatë. SHBA por dhe institucione të tjera ndërkombëtare janë të prirura për të investuar në zhvillimin e bujqësisë dhe aq më shumë Shqipëria, një vend i vogël që nuk përballon dot vendet e mëdha që prodhojnë në masivitet ose me produkte të modifikuara gjenetike, Shqipëria mund të konkurrojë në tregun europian me produktet e saj bio pa pesticide, organike dhe jashtëzakonisht të shëndetshme. Në sasi më të vogla por në cilësi shumë më të mirë dhe në çmime shumë më të lira. Por kjo nuk mund të ndodhë nëse shteti bën politika denigruese ku favorizon importin pra ku shqiptarëve ju tregtohet një produkt importi dhe ndërkohë kalben produktet shqiptare edhe pse mund të jenë më të shëndetshme dhe më të shijshme, sigurisht që do të jetë shumë me e vështire. Apo mollët në zonën e Korçës që po i bëjmë të rinjtë dembelë sepse edhe pse ata po investojnë dhe punojnë, produktet e tyre nuk shiten prapë. Ne kemi qenë të gatshëm dhe në një program të përbashkët që do të hartojmë me të gjithë partitë e tjera por duke mos harruar që ne si LSI e kemi pasur prioritet bujqësinë sepse edhe vetë gjatë kohës që është drejtuar Ministria e Bujqësisë nga LSI ka pasur probleme por në buxhetin e shtetit nëpërmjet bujqësisë janë arkëtuar +50 milionë euro. Sot jo vetëm që nuk arkëtohen, por është minus.

5.Po vazhdoj pak te bujqësia dhe dua të dal pak tek dy pyetje të tjera. Siç e dimë ka një rrjedhje të jashtëzakonshme të popullsisë e cila dyndet të iki jashtë. Një fenomen i tillë ka prekur edhe fqinjët siç janë Greqia, ku prodhimet bujqësore tashmë kalben në pemë. A mendoni se ky problem mund të ndodhë edhe këtu?

Po nëse qeveria shqiptare ka prioritet se si të krijojë konflikt në rajon dhe nuk ka prioritet se si të shesë produktet shqiptare, sigurisht që do të kalben produktet dhe prodhimet shqiptare. Unë mendoj që ajo çfarë është shumë e rëndësishme sot për Shqipërinë dhe shqiptarët është krijimi dhe shpalosja e një mundësie sa më shpejt të cilën ne kemi filluar dhe do të vazhdojmë ta bëjmë, në mënyrë të tillë që shqiptarët të kenë mundësinë e implementimit të prodhimeve të tyre sa më shpejt dhe të konkurrojnë në tregun Evropian me produktet shqiptare si produkte organike dhe produkte në cilësi shumë më të mira se shumë vende të tjera. Mungesa e vëmendjes nga qeverisja për një kohë shumë të gjatë me thënë të drejtën, unë nuk mund të marr dot përsipër të flas shumë përsa i përket atij kalvari vuajtjesh që ka kaluar Z. Panariti kur ka qenë Ministër Bujqësie dhe debateve që janë bërë në qeverinë e asaj kohe se si buxheti për subvencionet e bujqësisë hiqej nga subvencioni i fermerëve dhe kalohej për të bërë fasada. Vetëm Ministrinë e Mjedisit dhe të Integrimit shikojini se sa ua ka ndërruar ambientet Kryeministri dhe sa herë ua ka ndërruar pllakat dhe fasadat ministrive. Pra, heqja e subvencioneve ndaj bujqësisë dhe kalimi I tyre për fasada godinash dhe për vendosjen e objekteve sipas shijes së Kryeministrit të veprave të artit të tij në godina shtetërore, mendoj se është shumë e rëndësishme subvencioni drejt atyre. Ne jemi të qartë në atë politikë që do të ndjekim dhe do të vazhdojmë që të ecim drejt kësaj politike dhe mendojmë që fuqizimi I bujqësisë dhe blegtorisë shqiptare do të jenë shumë të rëndësishme për kalimin e një situate krize. Mos të harrojmë që sot qeveria shqiptare ka një borxh jashtëzakonisht të madh nga doganat dhe tatimet që deri në fund të vitit do të shkojë rreth 100 milion euro. Mos të harrojmë edhe për ligjin antikushtetues dhe korruptiv të dividentit ku ai mbuloi një borxh përsa i përket momentit që vinte si rezultat i të ardhurave nga tatimet, e krijoi këtë me një ligj antikushtetues siç ishte ai i dividentit ku faljen më të madhe ua bëri kompanive më të mëdha të cilat janë kompani që kanë pasur mundësinë e përfitimit dhe mos shpërndarjen e dividentit… ky është një debat tjetër që ne duhet ta hapim. Janë disa gjëra të cilat kanë krijuar dhe tashmë pak nga pak të gjitha këto do të fillojnë dhe do të dalin, do të njihen me publikun por nuk mendoj se thjeshtë është tek denoncimi sepse tashmë denoncimi e mbaroi fazën e saj, tashmë ne duhet të ndërtojmë politikën tonë të daljes së Shqipërisë nga kriza dhe ndërtimin e një ekonomie të barabartë për të gjithë shqiptarët.

6. Folët për kapje të institucioneve nga z. Edi Rama dhe mazhoranca, siç bëhet fjalë për gjyqësorin. Pyetja konkrete është, cilat janë mekanizmat konkretë që ka opozita për ta ndaluar këtë kapje që po vazhdon? Si do e ndaloni? Është bërë një premtim prishja e ‘Teatrit Kombëtarë’. Ça do bëhet edhe me këtë?

Besoj që Rama nuk do e ketë shansin për të vajtur drejt prishjes së Teatrit Kombëtar. Tentoi diku drejt fundit të korrikut por e di shumë mirë se cila ishte arsyeja që nuk e ccoi procesin e tij deri në fund. Nuk jam këtu për ta thënë por ai e di më mirë pse nuk arriti dot ta prishte. Dhe ashtu siç nuk u prish Teatri Kombëtar, ashtu nuk do vazhdojë dot më të kapë institucionet e tjera. Vërtetë opozita nuk ka asnjë mekanizëm për ta ndaluar Ramën sepse opozita përderisa u detyrua të djegë mandatet, erdhi si rezultat i bejsbollit kushtetues që bëri Rama duke përdorur grupe të caktuara kombëtare dhe ndërkombëtare për të izoluar dhe për të nxjerrë jashtë loje opozitën. Për të instaluar një sistem në thonjëza demokratik por në të vërtet ishte autokratik ku jepte instalimin e një diktature por që vinte si rezultat i një financimi nëpërmjet parave që vinin nga trafiku i drogës, nga sisteme të tjera kriminale. Por shumë shpejt ky komplot kriminal do fillojë të çmontohet dhe hapja dhe ngritja e Gjykatës Kushtetuese është hapi i parë. Çmontimi i këtij ngërçi politik dhe institucional që z.Rama ka krijuar por që sigurisht dhe opozita do të vazhdojë punën e saj të informimit, të gjithë partnerëve dashamirës të Shqipërisë, përsa i përket kapjes së drejtësisë nga z.Rama, është një fazë e dytë. Pak nga pak ky grusht shteti mund të themi, që ka bërë Rama me ndihmën e individëve të caktuar, disa nga padia, disa nga shantazhi, disa të tjerë dhe nga korrupsioni, sigurisht që ka qenë e vështirë, nuk ka qenë e lehtë. Mos të harrojmë që Shqipëria është një vend i vogël dhe përballë interesave të tjera të qarqeve antishqiptare në rajon, është shumë e vogël. Por falë Zotit ka akoma njerëz që e duan Shqipërinë dhe mendojnë që Shqipëria është një vend Europian dhe vendin e saj e ka në BE.

7 .Znj. Kryemadhi duam një mendim tuajin për një zhvillim që sapo ka ndodhur. Atëherë, kemi një letër të Presidentit të vendit, z. Ilir Meta të dërguar eprorëve të z. Boschard ku i thotë se ky i fundit vuri në diskutim dekretin e Presidentit të Republikës së Shqipërisë, për zgjedhjet vendore dhe që publikisht i tregoi qytetarëve gishtin dhe nuk është i mirëpritur në institucionet e presidencës…

Unë mendoj që z, Boschard mund të kishte kandiduar për Gjykatën Kushtetuese sepse përderisa mori vendim për dekretet e presidentit,Engjëll Agaci mund ta kandidonte shumë mirë në Gjykatën Kushtetuese. Mund të kishte qenë një nga kandidatët e tij dhe mund të kishte qenë edhe në vakancat e Kuvendit të cilat, çuditërisht Kuvendi që i ka 122 vota, priti afatin e fundit për ta miratuar dhe e miratoi në mënyrë të paligjshme dy kandidatë për Gjykatë Kushtetuese. Për sa i përket pastaj gishtit të mesit, unë kush i nxjerr gishtin e mesit apo kush fyen shqiptarët, ta marrë mbrapshtë për veten e tij apo për ata që përfaqëson ai. Nuk kam asnjë lloj komenti për të. Mendoj që individ të tillë, të cilët fyejnë integritetin e shqiptarëve, pavarësisht se kjo ka ardhur si rezultat i një klase politike të papërgjegjshme. Dhe prandaj jemi dhe këtu sot sepse kemi vlerësuar më shumë individë që nuk kanë asnjë lloj merite, asnjë lloj vlere në vendin e tyre më shumë se sa integritetin dhe dinjitetin e njerëzve tanë, akademikëve tanë, të qytetarëve tanë. Atyre njerëzve që kanë shumë më shumë për të dhënë seç i kemi dhënë ne dhe ndjenja e inferioritetit që ne kemi treguar herë pas here ndaj individëve të tillë, lejon që të marrin guximin për të bërë një fyerje të tillë që kalon çdo lloj norme njerëzore. Çfarëdo justifikimi të gjejë kushdo që është në krah të një veprimi të tillë, unë do të thoja që çdo njeri ka mënyrën e vetë për të shprehur protestën. Si një diplomat mund ti drejtohej ministrisë së jashtme sepse mos harroni që provokimi vinte në radhë të parë nga zotëria në fjalë duke kaluar mes për mes një turme me gra të revoltuara që i’u kishin arrestuar në mënyrë të padrejtë fëmijët dhe burrat e tyre se mbronin shtëpitë. Mos harrojmë që kemi një projekt i cili është ndërtuar mbi një firmë false tw njw sekretari shteti të Delaware dhe përveç kësaj mos harrojmë që kemi një tender të bllokuar nga prokuroria e shtetit por ndërkohë që nën presion prokuroria e shtetit me Vetting mbahet nën presion për të mos hetuar dhe për të mos thirrur asnjë nga shkaktarët e një tenderi dhe mos të harrojmë që në asnjë vend të botës dhe në botën më të zhvilluar hapnin sytë çdo amerikan që ne flisnim dhe i thoshim që 1 km e një rruge të ndërtuar kushton 20 milion euro në Shqipëri, thanë edhe në hënë po të ndërtosh një rrugë të tillë nuk kushton aq shumë. Kështu që janë të gjitha proceset që lidhen me njëra tjetrën të cilat në backstage të tyre kanë korrupsionin. Nëse s’kanë korrupsionin kanë shantazhin që nënshtrohet ndaj diplomatëve. Ata që s’kanë shantazhin kanë injorancën ose padijen e tyre ose urrejtjen që mund të kenë për popullin shqiptar.

8.Në një intervistë të fundit Presidenti Meta ju ka quajtur shkaktarë të situatës politike në vend ju dhe Z. Basha, a keni një përgjigje?

Ky është një këndvështrim që ka Z. Meta, mos të harrojmë që edhe Z. Meta është shkaktar i kësaj situate sepse zgjedhje e Edi Ramës si Kryeministër në 2013-ën, pa kushte duke filluar që të Ministria e Brendshme e cila u kap nga grupet kriminale dhe që nuk u fol dhe nuk u denoncua nga LSI-ja deri në 2015-ën dhe më pas u denoncua më vonë nga deputetë të LSI-së dhe ish ministra të saj. Më pas vazhdon me Z. Meta të cilin edhe pse i’u garantoi SHBA-ve duke filluar që nga Ambasadori Broënfield edhe Ambasadori Donald Lu që asnjëherë nuk e besonte që votat e LSI-së do të ishin në favor të Reformës në Drejtësi dhe duke i’a lënë përsëri me modestinë e tij të tepruar dhe të ekzagjeruar që të kapte Ëngjëll Agaci me grupet e tij kriminale, duke vazhduar me zyrat e avokatisë dhe me të gjitha institucionet e tjera, sistemin e drejtësisë, sot kemi këtë shtet autokratik që ka ndërtuar Edi Rama. Ajo që është shumë e rëndësishme është që tashmë të gjithë jemi në një vjë të drejtë me partnerët tanë strategjikë për të zgjidhur krizën politike, për të ecur përpara drejt miratimit të Reformës në Drejtësi më përfshirjen e të gjithë partnerëve dhe të gjithë klasës politike bashkë me grupet e interesit dhe implementimit të kësaj reforme do të ishte shumë e rëndësishme për të shkuar drejt zgjedhjeve të reja, të lira dhe të ndershme ku vota e shqiptarëve mos të ndryshohet, mos të intimidohet dhe mos të deformohet gatë rrugës. Janë shumë të rëndësishme kushtet e Bundestagut që tashmë janë një road map i jashtëzakonshëm jo vetëm për opozitën por janë një road map edhe për mazhorancën, edhe për faktorin ndërkombëtar që jeton dhe punon në Shqipëri për të ecur dhe për t’i dhënë një zgjidhje të menjëhershme krizës politike në mënyrë të tillë që në mbledhjen e ardhshme të Ministrave të Jashtëm të Bashkimin e Evropian, Shqipëria të marrë një ‘po’, qoftë edhe me kushte për të vazhduar drejtë asaj që është shumë e rëndësishme. Ngritja e Gjykatës Kushtetuese është hapi i parë, miratimi i Reformës Zgjedhore me të gjithë partnerët politikë është hapi i dytë dhe implementimi i saj është hapi i tretë dhe më pas për të vajtur drejtë ndëshkueshmërisë së prokurorëve, gjyqtarëve të korruptuar, luftës kundër korrupsionit, bandave dhe krimit të organizuar të cilët kanë kapur sot jetën politike shqiptare.

9. Nesër pritet të mblidhet tryeza për Reformën Zgjedhore. Do të jetë pjesë opozita e kësaj tryeze?

Ne kemi marrë pjesë dhe në tryezat e mëparshme, do të marrim pjesë përsëri. Opozita është e vetmja e interesuar që kërkon që kjo Reformë të miratohet menjëherë sepse miratimi i kësaj reforme do të krijonte implementimin e saj që do të thotë zgjedhje të reja. Reforma zgjedhore do të kryhet ashtu si SHBA, edhe Bundestagu por edhe BE e kërkojnë të domosdoshme dhe e kanë një nga pikat e tyre kryesore. Mos të harrojmë që opozita ka mbledhur ekspertët e saj më të mirë, ka ecur përpara me propozime të tjera që vijnë jo vetëm për rekomandimet e OSBE-ODHIRI-t por përbën edhe një analizim të thjeshtë të të gjitha problematikave që kanë ngritur sistemi zgjedhor. Propozimet e opozitës dhe disa drafte, ne kemi bashkëpunuar dhe me partnerë të tjerë ndërkombëtarë siç është instituti demokratik Amerikan, ku kemi punuar për transparencën dhe financimet e partive politike. Kemi bërë dhe një draft të cilin e kemi hartuar dhe po negociojmë dhe me ekspertë ndërkombëtarë në mënyrë të tillë që ky draft të jetë sa më i plotë dhe funksional jo vetëm për partitë politike por dhe për kandidatët. Sepse në fund të fundit, kandidatët janë ata që bëjnë në total fushatat elektorale të partive politike të cilat në këto 30 vjet asnjëherë kandidatët nuk kanë deklaruar financimet e tyre. Por deklarohen vetëm financimet e partive politike. Ajo që të bën përshtypje, mjafton të hyni në faqen e KQZ, do të shikoni që e vetmja parti politike që deklaron me emër mbiemër dhe me kartë identiteti donacionet dhe të gjithë kontributet në parti politike është LSI. Ndërsa PS thotë vetëm person fizik ose person juridik, pa emër pa mbiemër dhe pa kartë identiteti. Po të bëjmë një investigim dhe të masim metrat katrorë, të printuara ta banerave të PS dhe të zyrave elektorale të PS apo dhe të kandidatëve të PS sigurisht që fatura do të jetë shumë më e madhe dhe do ia kalonte dhe buxhetit të shtetit

10.Presidenti Meta foli për ndërkombëtarët e korruptuar, ndërkohë që Rama vazhdimisht flet për një partneritet me ndërkombëtarët. Ju folët pak më parë që ata janë keq informuar deri në këto momente. Meqë ju vini nga takime shumë të frytshme, a janë të qartë ndërkombëtarët për situatën në Shqipëri?

Ndërkombëtarët janë shumë të qartë, sigurisht që janë keq informuar, sigurisht që kanë pasur një terr informativ për atë që ka ndodh por ndërkombëtarët nuk do të bëhen kurrë palë me asnjë njeri që shkel Kushtetutën dhe ligjin. Ata janë vetëm, sidomos partnerët tanë amerikan, për zbatimin e Kushtetutës, zbatimin e ligjit me rigorozitet të plotë dhe larg duart e politikës nga sistemi në drejtësi. Prandaj amerikanët janë investuar totalisht, jo vetëm ata por dhe BE për të pasur një sistem drejtësie të pavarur nga politika. Sepse vetëm me një sistem drejtësie të pavarur nga politika ne do të krijojmë garancinë për investitorët e juaj për të ardhur në Shqipëri. Ardhja e investitorëve të huaja në Shqipëria do të krijonte vende të reja pune për shqiptarët dhe garancinë për qëndrimin e shqiptarëve në Shqipëri. Mendojmë që kjo është kryesore dhe thelbësore. Nëse nuk e kuptojmë këtë nuk kemi për të kuptuar asgjë dhe nuk do të ngelet gjë tjetër veçse do të plotësojmë dëshirën e Edi Ramës dhe të oligarkëve shqiptarë për të larguar shqiptarët që kanë sy vesh dhe votë për të votuar dhe për të sjellë skllevër nga endet e tjera në mënyrë të tillë që as nuk kanë vesh, as nuk kanë gojë të flasin dhe as nuk votojnë. Kjo është nga shqetësimet kryesore qe kanë sot partnerët dashamirës të Shqipërisë. Ka të tjerë që thonë jemi dashamirës por që kanë interesat e tyre për ta shkatërruar këtë vend dhe për ta kthyer në një skllavëri moderne të vendeve të tyre.

/ In News / By Admin / Comments Off on Kryemadhi: SHBA mbështetje për Shqipërinë, krijimi i Gjykatës Kushtetuese i hap rrugë zgjidhjes së krizës

Vasili: Katica politike, që mbron Katicën e KED dhe betimin te Bregu i Lanës!

Nënkryetari i LSI-së, Petrit Vasili ka reaguar pas deklaratave të deputetit Fatmir Xhafaj lidhur me njohjen nga Gjykata Kushtetuese të anëtares, Marsida Xhaferrlari. Xhafaj mori në mbrojtje kreun e Këshillit të Emërimeve në Drejtësi, Arian Dovrani dhe kritikoi qëndrimin e kreut të shtetit.

Vasili i krahason Xhafajn dhe Dovranin me Janeva Katicën e Maqedonisë së Veriut. Katica u mbështet nga ndërkombëtarët për krijimin e Prokurorisë Speciale në këtë vend, por më vonë rezultoi se vet Katica ishte e përfshirë në afera korruptive dhe presione që bënte ndaj politikës me anë të reformës se prokurorisë speciale.

Postimi i plotë i Vasilit:

Katica politike, që mbron Katicën e KED dhe betimin te Bregu i Lanës!

Sot Katica politike e reformës në drejtësi, Fatmir Xhafaj po guxon të mbrojë palaçollëkun e Katicës Dvorani Kryetar i KED, që shkeli e dhunoi Kushtetutën e Ligjin për t’i shërbyer kapjes së Gjykatës Kushtetuese nga rilindja dhe për ta kthyer drejtësinë në pronën kriminale të saj.

Sot Katica politike guxon të shantazhojë edhe anëtarët e KED në mbrojtje të Katicës Dvorani të KED.

Mashtrimi publik arriti deri aty sa Katica politike të gënjejë edhe për vendime të KED, që nuk janë marrë kurrë si dhe për vendime që KED e ka të pamundur me ligj që ti marrë dhe të shpallë fitues.

KED ka marre vendim vetëm, që vendimet e saj të publikohen në faqen e Gjykatës së Lartë dhe kjo është e zeza mbi të bardhë e nuk e luan topi.

Katica Dvorani dhe Katicat e tjera thjesht shndërruan Gazetën Zyrtare në Landfill Zyrtar gjë të cilin mbron sot Katica politike Xhafaj.

Mbi Katicën Dvorani bie e gjithë përgjegjësia individuale penale për këtë veprim dhe shumë të tjera në funksion të rolit të tij në puçin kushtetues duke filluar nga loja kriminale me dërgimin e listave, manipulimin e vlerësimit të kandidateve etj etj. Ndaj edhe do të përgjigjet deri në një.

Katica politike Xhafaj, që bën presion gjoja në emër të reformës duke përmendur veçanërisht partnerët amerikanë, është dita sot që ti kujtojmë se SHBA është simboli i drejtësisë së pavarur, të pa kapur dhe të pa shantazhuar.

Katica politike nuk mund të shpërdorojë e keqpërdorë dot më SHBA dhe atë që ato simbolizojnë, si alibi për të kapur drejtësinë dhe Gjykatën Kushtetuese.

Katica politike, që bekoi zgjedhjen antikushtetuese të Arta Markut, që vuri Ministrinë e Brendshme në funksion të vëllait trafikant, që deklaroi 24 orë përpara vazhdimin dinjitoz të reformave dhe 24 orë më pas iku me bisht në shalë flet sot për parime e për Kushtetutë.

Katica politike me shokë e çuan Kushtetutën në atë derexhe që kandidatja e vetëshpallur të betohej te Bregu i Lanës.

Një notere e thjeshtë u tregua shumë më dinjitoze se të gjithë Katicat e kapura të marra bashkë.

I gjithë populli i sheh me neveri Katicat e Bregut të Lanës, që mbrojnë njëra tjetrën dhe kërkon veç ndëshkimin e tyre.

 

/ In News / By Admin / Comments Off on Vasili: Katica politike, që mbron Katicën e KED dhe betimin te Bregu i Lanës!

75 vjetori i çlirimit të Tiranës, ja mesazhi i Zëvendëskryetarit të LSI-së

Në kuadër të 75 vjetorit të çlirimit të Tiranës, ka reaguar edhe Zëvendëskryetari i LSI-së, Luan Rama.

Postimi i Luan Ramës:

17 nëntori i vitit 1944, si “medalje krenarie e luftës balliste” për çlirimin e Shqipërisë.

Sot është 75-vjetori i çlirimit të Tiranës. Brigadat, divizionet dhe korparmatat balliste me në krye Mid’hat Frashërin dhe Kadri Cakranin, me “vendosmërinë, heroizmin, atdhedashurinë dhe sakrificat” e tyre të panumërta, ia dolën ta shporrnin pushtuesin nazistë dhe bashkëpunëtorët e tyre partizanë, dhe çliruan kryeqytetin.

Në themelet e lirisë së Tiranës, qëndron gjaku i ballistëve dhe ballistëve trima që u flijuan për çlirimin e atdheut dhe ëndrra e tyre si amanet në poturet e Edi Ramës, që jargavitet pas kufomës së Mid’hat Frashërit!

/ In News / By Admin / Comments Off on 75 vjetori i çlirimit të Tiranës, ja mesazhi i Zëvendëskryetarit të LSI-së

Çlirimi i Tiranës, Kryemadhi: 17 nëntori, amanet i gjakut të dëshmorëve

Kryetarja e LSI-së Monika Kryemadhi ka përkujtuar sot 75-vjetorin e çlirimit të Tiranës. Përmes një mesazhi në “Facebook” Kryemadhi tha se kjo ditë është amanet i gjakut të dëshmorëve.

“Tirana antifashiste sot është në 17 nëntorin e 75-të të çlirimit prej pushtuesve nazifashistë dhe bashkëpunëtorëve të tyre, është në ditën e madhe të lirisë, që u arrit me aq shumë luftë, sakrifica, privacione dhe heroizëm popullor.

75-vjet më parë, partizanët e lirisë dhe populli i kryeqytetit i bërë njësh me ta, shënuan një nga betejat më të mëdha dhe më të lavdishme të Luftës Antifashiste Nacionalçlirimtare, betejën për çlirimin e Tiranës së barrikadave, që qe preludi i bukur i çlirimit të të gjithë Shqipërisë.

Ndaj sot, nderimi më i thellë dhe mirënjohja më e madhe shkon për partizanët e lirisë, për bijat dhe bijtë e paharruar që dhanë jetën dhe derdhën gjakun e tyre në themelet e lirisë së Tiranës antifashiste, që është kryeqyteti i vetëm në Europë i çliruar pa praninë e ushtrive të huaja.
Por, një nderim dhe mirënjohje e madhe shkon për të gjithë popullin e Tiranës, që me vetmohim, përkushtim dhe heroizëm shembullor, jo vetëm iu bë krah luftës partizane, por u bashkua me të, luftoi e sakrifikoi rrugë më rrugë, barrikadë më barrikadë e shtëpi më shtëpi, deri në agimin e lirisë.
17 nëntori i çlirimit të Tiranës nuk është vetëm ditë nderimi dhe feste. Është edhe amanet i gjakut të dëshmorëve, për ta dashur dhe mbrojtur Tiranën dhe Shqipërinë, e për të mos e lejuar të keqen të vrasë ëndrrën e tyre për liri dhe demokraci, për një jetë më të mirë dhe të sigurtë në në këte vend dhe këtë tokë që quhet atdhe dhe që është shtëpia jonë!
——————-
Pikturë e të mirënjohurit Bukurosh Sejdini “Agimi i 17 nëntorit 1944”, shkruan Kryemadhi.

/ In News / By Admin / Comments Off on Çlirimi i Tiranës, Kryemadhi: 17 nëntori, amanet i gjakut të dëshmorëve

Intervistë/Braimllari: Dvorani, ushtar i Ramës. Grup i strukturuar që duan Gjykatën Kushtetuese

Sekretari i Përgjithshëm i LSI-së, Endrit Braimllari intervistë për “Koha Jonë”: Rama u investua në ndarjen e kufijve duke dalë kundër politikën zyrtare të Kosovës por dhe të asaj kombëtare

Intervistoi: Redjon Shtylla

Për Sekretarin e Përgjithshëm të LSI-së, Endrit Braimllari, një Gjykatë Kushtetuese e pavarur është tmerri i vërtetë i Edi Ramës. Në një intervistë për “Koha Jonë”, ai akuzon kreun e KED, ku thekson se: “Kryeministri po përdor ushtarin e tij, simbolin e korrupsionit të drejtësisë, Ardian Dvorani për të kapur Gjykatën Kushtetuese në kundërshtim me Kushtetutën”. I pyetur sesi e komenton qëndrimin e Presidentit Ilir Meta, që nëse qeveria kap Gjykatën Kushtetuese, shqiptarët nuk kanë rrugë tjetër vetëm se të marrin armët, ai thotë se: “Presidenti i Republikës ka qenë shumë i qartë se është garant i Kushtetutës së vendit dhe mbrojtës i shtetit të së drejtës. Beteja e tij ka të bëjë me mbrojten e themeleve të shtetit të së drejtës sepse Gjykata Kushtetuese është më e rëndësishme në vend sepse ruan balanca e demokracisë dhe mbron shtetin e së drejtës. Në këtë situatë kemi Edi Ramën, i cili është rreshtuar në krah të paligjshmërisë, korrupsioni, bandave, shkatërrimit të demokracisë dhe nga ana tjetër, kemi Presidentin e Republikës i cili po mbron demokracinë dhe shtetin e së drejtës”. Lidhur me aksionin e opozitës dhe çfarë hapash po merr për Reformën Zgjedhore, ai thotë se: “Ne jemi të vendosur në plotësimin e detyrave tona si opozitë, duke filluar nga Reforma Zgjedhore për ti dhënë vendit një Reformë Zgjedhore gjithëpërfshirëse dhe që dekriminalizon zgjedhjet”.

Ringritja e Gjykatës Kushtetuese, ka shkaktuar një ngërç dhe kaos mes institucioneve. Arta Vorpsi e betuar tek noteri dhe Marsida Xhaferllari e dekretuar nga Presidenti dhe e betuar në Presidencë, janë “përplasur”, edhe pse znj.Xhaferllari, Gjykata Kushtetuese e ka pranuar si anëtare. Maxhoranca e cilëson përpjekje për bllokim nga Kreu i Shtetit, ndërsa ky i fundit flet për manovra mafioze për ta çuar atë në shkelje të Kushtetutës. Si e komentoi Ju këtë situatë?

Është e qartë që kemi të bëjmë me një përpjekje të Edi Ramës për të kapur Gjykatën Kushtetuese sepse një Gjykatë Kushtetuese e pavarur është tmerri i vërtetë i Edi Ramës. Kryeministri po përdor ushtarin e tij, simbolin e korrupsionit të drejtësisë, Ardian Dvorani për të kapur Gjykatën Kushtetuese në kundërshtim me Kushtetutën. Edi Rama, Ardian Dvorani janë pjesë e një grupi të strukturuar për të shkatërruar sistemin e Drejtësisë. Edi Rama kërkon të kapi Gjykatën Kushtetuese duke shkatërruar themelet e shtetit të së drejtës, që të thellojë paligjshmërinë e tij dhe të mos ketë kontroll mbi projektligjet korruptive, koncensionerë klientelistë. Çështja është shumë e qartë dhe e zgjidhur nga anëtarët e Gjykatës Kushtetuese, që kanë bërë betimin tek Presidenti i Republikës dhe tani kanë marrë detyrën.

Hierarkia më e lartë është Presidenti dhe kur maxhoranca e sulmon, a mund të besojmë se qeveria është e interesuar për të pasur një Gjykatë Kushtetuese në zbatim të Kushtetutës apo po “lufton” për ta pasur në kontroll?

Edi Rama kërkon qartë të kapi Gjykatën Kushtetuese sepse ka frikë nga një gjykatë e pavarur për shkak të shumë vendime apo projektligjeve në kundërshtim me ligjin që qeveria e tij ka kaluar në Parlament. Kapja e Gjykatës Kushttuese nga Edi Rama do të thellonte më tej paligjshmërinë e tij dhe do të shkatërronte themelet e shtetit të së drejtës. Është e qartë që një njeri si Edi Rama, i korruptuar kërkon të kapi çdo sistem sepse vetëm kështu mund ti shpëtojë drejtësisë, duke i kapur apo dhe duke e shkatërruar sistemin e drejtësisë.

Si e komentoi deklaratën e Presidentit Ilir Meta, që nëse qeveria kap Gjykatën Kushtetuese, shqiptarët nuk kanë rrugë tjetër vetëm se të marrin armët?

Presidenti i Republikës ka qenë shumë i qartë se është garant i Kushtetutës së vendit dhe mbrojtës i shtetit të së drejtës. Beteja e tij ka të bëjë me mbrojten e themeleve të shtetit të së drejtës sepse Gjykata Kushtetuese është më e rëndësishme në vend sepse ruan balancën e demokracisë dhe mbron shtetin e së drejtës. Në këtë situatë kemi Edi Ramën, i cili është rreshtuar në krah të paligjshmërisë, korrupsioni, bandave, shkatërrimit të demokracisë dhe nga ana tjetër, kemi Presidentin e Republikës i cili po mbron demokracinë dhe shtetin e së drejtës.

PD-ja nga “Rama IK” në “Rrugëtimi për Shqipërinë”. Jemi në fund të vitit dhe ende opozita nuk ka arritur që vendi të shkojë në zgjedhje të parakohshme, siç i kërkon prej muajsh. Ku e shihni gabimin? Strategji e gabuar e PD-së, apo lidhet me faktorë të tjerë? Për Ju si LSI, çfarë duhet të bëjë ndryshe aksioni opozitar?

Opozita është e fokusuar në zgjidhjen e krizës dhe po angazhon të gjitha potencialet e saj në këtë drejtim. Moshapja e negociatave është goditje shumë e rëndë për Edi Ramën dhe qeverinë e tij, Bundenstagu Gjerman ka vënë 9 kushte shumë të rëndësishme për të çuar vendim përpara një platfome të vërtetë, e cila zgjidh krizën dhe ky duhet të jetë fokusi i qeverisë. Ne jemi të vendosur në plotësimin e detyrave tona si opozitë, duke filluar nga Reforma Zgjedhore për ti dhënë vendit një Reformë Zgjedhore gjithëpërfshirëse dhe që dekriminalizon zgjedhjet.

Në vend ka pasur një sërë ngjarjesh kriminale, si ajo e Prokurorit të Durrësit, ku lidhjet mes qeverisë duken më qartë se kurdo herë tjetër. Kryeministri në vitin e 7-të të qeverisjes, thotë se shumë shpejt do të nisë luftë frontale ndaj krimit. Më këtë nivel kriminaliteti dhe ndërhyrje të krimit me strukturat qeverisës, a nuk ndjehet e rrezikuar opozita dhe në zgjedhjet e radhës?

Edi Rama nuk lufton dot krimin sepse ai është i lidhur me krimin organizuar. Edi Rama i përdori në fushatë dhe nuk ndahet dot nga krimi i organizuar, pasi ai është shërbëtor i tyre dhe nuk i lufton dot. Edi Rama është pjesë e asaj strukture. Ndaj ne po kërkojmë dhe po punojmë për një Reformë Zgjedhore gjithëpërfshirëse që i jep përgjigje dekriminalizimit të zgjedhjeve me qëllim që mos të guxojë më njëri ti përdori në fushata dhe të deformojë vullnetin e qytetarëve.

Kryeministri Edi Rama kritikon ashpër Albin Kurtin dhe Vetëvendosjes në Tiranë. Besoni se Rama është i shqetësuar nga aktivizimi politik i degës së VV-së në Shqipëri? Si e shihni të ardhmen mes dy qeverive, Shqipëri-Kosovë, me Albin Kurtin si Kryeministër?

Edi Rama ka aplikuar një politikë agresive kundër Kosovës, qëllimet e tij të këqija për Kosovën për të përfituar ai personalisht dihen tani botërisht. Edi Rama u investua në ndarjen e kufijve duke dalë kundër politikën zyrtare të Kosovës por dhe të asaj kombëtare. Edi Rama i ka vënë taksë kosovës në Rrugën e Kombit duke goditur qytetarët e Kosovës por dhe biznesin. Politika e tij nuk është kombëtare dhe shkon kundër interesit të Kosovës.

/ In News / By Admin / Comments Off on Intervistë/Braimllari: Dvorani, ushtar i Ramës. Grup i strukturuar që duan Gjykatën Kushtetuese

SHBA, Kryemadhi takim me kongresmenët Wilson dhe Costa, ‘Intesifikim të bashkëpunimit SHBA- Shqipëri

̈ ̈ , ̈ ̈ ̈ ̈ .

Z. Joe Wilson përfaqësues i South Carolinës ishte shumë i interesuar dhe tepër i vëmendshëm për zhvillimet në Shqipëri.

Gjatë diskutimit mjaft impresionues me të, ai shprehu gatishmërinë për të nxitur dhe intensifikuar dukshëm rritjen e vëmendjes së Kongresit të SHBA drejt Shqipërisë, rritjen e intensifikimin e mëtejshëm të partneritetit strategjik me Shqipërinë dhe rolin e veçante që vendi i saj ka si mbështetësja më e spikatur e politikave të SHBA për rajonin tonë.

Fryma e të gjithë takimeve mbresëlënëse në Kongres dhe Senat ishte rikonfigurimi i një mbështetje sa më të madhe për Shqipërinë përmes një prezence sa aktive të SHBA.

#MoreAmericaInAlbania

/ In News / By Admin / Comments Off on SHBA, Kryemadhi takim me kongresmenët Wilson dhe Costa, ‘Intesifikim të bashkëpunimit SHBA- Shqipëri

Kryemadhi takon simbolin e përmbysjes së komunizmit në Poloni: Një shembull i jashtëzakonshëm se si përmbysen diktaturat

Gjatë qëndrimit të saj disa-ditor në SHBA, kryetarja e LSI, Monika Kryemadhi, përveç takimeve me drejtues të institucionesh në Washington, ka patur një takim edhe me Lech Valesan, liderin e lëvizjes Solidarnost në vitet 1980, lëvizje që i dha edhe grushtin e parë regjimit komunist në Europën Lindore dhe ish-presidentin e Polonisë.

Përmes një postimi në Facebook, Kryemadhi e konsideron Valesan si një shembull të jashtëzakonshëm se si përmbysen diktaturat.

“Takim shumë i veçantë me Lech Valesa. Me simbolin e përmbysjes së komunizmit në Poloni, drejtuesin e sindikatave Solidarnosh dhe ish Presidentin e Polonisë. Një shembull i jashtëzakonshëm se si përmbysen diktaturat qofshin edhe të forta në aparencë”, shkruan Kryemadhi mbi foto.

/ In News / By Admin / Comments Off on Kryemadhi takon simbolin e përmbysjes së komunizmit në Poloni: Një shembull i jashtëzakonshëm se si përmbysen diktaturat

Braimllari përkrah banorëve të ‘Unazës së Re’: Rama përdori çdo institucion shtetëror për të mbuluar hajdutërinë e tij tek unaza.

Sekretari i Përgjithshëm i LSI, Endrit Braimllar, vijon të dalë në mbështetje të banorëve të Unazës së Re.

Sipas tij, kryeministri Edi Rama ka përdorur çdo institucion shtetëror për të mbuluar atë që, ish deputeti e quan “Hajdutëri” tek Unaza.

Përkrah banorëve të prekur nga projekti i “Unazës së Re”, Braimllari u shpreh se, duhet kërkuar hetim ndërkombëtar për Edi Ramën, Sandër Lleshaj, Damian Gjiknurin për aferën korruptive tek Unaza e Re, dhunën në kundërshtim me ligjin të ushtruar nga Policia e Shtetit me porosi të drejtpërdrejtë të kryeministrit, si vetmja mundësi, sipas tij, për të vënë drejtësinë në vend.

“Gjatë një viti është ushtruar terror nga Edi Rama dhe gjithë shpura e tij shtetërore e korruptuar tek Unaza e Re. Edi Rama përdori çdo institucion shtetëror për të mbuluar hajdutërinë e tij tek unaza. Edi Rama nuk hetohet nga prokuroria shqiptare për këtë aferë korruptive sepse Edi Rama ka kapur çdo segment të drejtësisë.
Nëpërmjet ushtarit të tij, Ardian Dvorani simbolit të korrupsionit në drejtësi, që në deklarimin e tij të pasurisë nuk justifikon 90 milionë lekë pjesë të korrupsionit të tij kërkon të kapë Gjykatën Kushtetuese për të thelluar me tej paligjshmërinë e tij.

Si e vetmja mënyrë për të mos pasur më Gjykatë Kushtetuese që të kontrollojë veprimtarinë e tij korruptive. Si e vetmja mënyrë për të goditur njëherë e përgjithmonë themelet e shtetit të së drejtës.

Edi Rama, Taulant Balla, Ulsi Manja, Ardian Dvorani dhe një tufë matrapazësh të tjerë janë pjesë e një grupi të strukturuar për të kapur dhe shkatërruar reformën në drejtësi.

Sot publikisht nga Unaza e Re, nga kjo skenë krimi qeveritar duhet të kërkojmë hetim ndërkombëtar për Edi Ramën, Sandër Lleshaj, Damian Gjiknurin për aferën korruptive tek Unaza e Re, dhunën në kundërshtim me ligjin të ushtruar nga Policia e Shtetit me porosi të drejtpërdrejtë të Edi Ramës si të vetmen mënyrë për të vënë drejtësi në këtë vend”, u shpreh Endrit Braimllari.

/ In News / By Admin / Comments Off on Braimllari përkrah banorëve të ‘Unazës së Re’: Rama përdori çdo institucion shtetëror për të mbuluar hajdutërinë e tij tek unaza.

Kryemadhi takim me Christopher Coons, Senator i Delaware

Kryetarja e Lëvizjes Socialiste për Integrim gjatë qendrimit në Shtetet e Bashkuara të Amerikës, ka zhvilluar një takim me Senatorin e Delaware, Z.Christopher Coons me të cilin ka ndarë probleme, çështje të brendshme në Shqipëri, por edhe disa nga argumentet më të nxehta të politikës së jashtme të rajonit tonë.

Gjithashtu Kryemadhi ka kërkuar një vëmendje më të shtuar të SHBA dhe Senatit të saj për Shqipërinë.

Reagimi i plotë:

“Kryemadhi takim me Christopher Coons senator i Delaware

Me Z.Christopher Coons, Senator i Delaware dhe stafin pata kënaqesinë të ndaja mjaft probleme çështje të brendshme në Shqipëri, por edhe disa nga argumentet më të nxehta të politikës së jashtme të rajonit tonë.
Kërkova një vemendje më të shtuar të SHBA dhe Senatit të saj për Shqipërinë .#More America in Albania#”

/ In News / By Admin / Comments Off on Kryemadhi takim me Christopher Coons, Senator i Delaware