Category: News

“Të gjitha betejat i ka fituar me koalicone jo me përballje”, Kryemadhi: Rama për mua një zvarranik politik

Kryetarja e LSI ishte e ftuar në emisionin e gazetarit Cim Peka në Syri Tv e cilësoi kryeministrin Rama si  një zvarranik politik pasi në asnjë nga betejat e tij politike nuk ka luftuar ndershmërisht.

Pjesë nga intervista:

Cim Peka: Ilir Meta në fakt duhet të ishte i qartë dhe para 20 viteve, kur ju po benit një vepër më të mirë sesa të merreshit me politikë, po sillnit ne jetë një djalë të mbarë siç është Besi. Gjithsesi fakti që i gëzoheshit ardhjes në jëtë të një djali të mbarë si Besi, nuk ju bën fare pergjegjegjës qe bashkëshorti juaj babai Besit po rriste në kuptimin e mirë të fjalës një kafshë politike si Edi Rama i cili është i gatshëm të kapë gjithçka dhe të mos pyesë pastaj për asnjë? Duhet ta konsiderojë veten edhe babai Besit se është babai kombit…
Kryemadhi: E para, njëherë zoti Peka unë them se duhet ta ndani pyetjen nga kjo gjë. Përsa i përket babai Besarit, me Ilir Metën kryeministër në atë kohë që po rriste një kafshë politike, unë nuk mund ta quaj kafshë politike zotin Rama. Unë do ta quaj një zvarranik të politikës.
Cim Peka: Në kuptimin figurativ..
Kryemadhi: Varet nga percetimi. Unë p.sh me fjalë kafshë politike quaj njerëz të cilët janë punëtor, përballen, luftojnë për sfidat e tyre që janë të drejta. Ndërsa, zotin Rama unë do ta quaj zvarranik. Zotin Rama, nuk e shoh në asnjë një asnjë betejë, të fituar me ndershmëri në betejat e tij politike. Të gjitha betejat e tij politike kanë qenë të stimuluara në koalicione të ndryshme. Pra, po themi njëherë më Ilir Metën, një herë me Gramoz Ruçin, njëherë me Lulzim Bashën, pastaj njëherë me dikë tjetër dhe asnjëherë nuk ka fituar një betejë të vetme i vetëm.

/ In News / By Admin / Comments Off on “Të gjitha betejat i ka fituar me koalicone jo me përballje”, Kryemadhi: Rama për mua një zvarranik politik

Mbyllja në orën 17:30, Vasili: Një maskarallëk politik, që ka zero ndikim mbi pandeminë!

Nënkryetari i Lëvizjes Socialiste për Integrim Petrit Vasili ka reaguar sërish kundër vendimit të qeverisë për të mbyllur pas orës 17:30 qytetet  e shpallura si “zonë e kuqe” nga pandemia e koronavirusit si një maskarallëk politik, pasi siç thotë ai, ky vendim nuk ka asnjë efekt mbi pandeminë.

Përmes një reagimi në rrjetet sociale, Vasili shprehet se refuzimi qytetar për zbatimin e këtij vendimi është i ligjshëm, sepse është një shterrethim politik pa argumente shkencore, pa fakte dhe pa statistikë.

Postimi i plotë

Mbyllja në orën 17.30 një MASKARËLLËK politik, që ka ZERO ndikim mbi Pandeminë!!

Tirana futet në shtetrrethim në orën 17.30.

Mos vallë coronavirusi “tërbohet” e del rrugëve vetëm pas orës 17.30??

Mos vallë Tirana që gumëzhin nga njerëzit gjatë paradites dhe ngujohet në shtetrrethim në 17.30 e beson kush se mbrohet kësisoj nga corona?

Mos vallë ekziston ndonjë shpjegim shkencor, që shpjegon këtë gjoja karantinë të shqyer me orë të tëra e që më pas mbyllet dhe fle në muzg?

Mos vallë ka ndonjë teori shkencore që shpjegon dot një idiotësi të tillë të ligë?

Kjo mbyllje ka ZERO efekt dhe vlerë shendetësore.

Kjo mbyllje ka ZERO argumente shkencore.

Kjo mbyllje ka ZERO efekt në kontrollin e Pandemisë.

Cilido pseudoprofesionist, që mund ta ketë mbështetur këtë turp ka shkelur mbi veten.

Ky është një MASKARËLLËK Politik, që s’ka asnjë lidhje me mbrojtjen nga Pandemia.

Si i tillë refuzimi i tij është i ligjshëm, sepse është një SHTERRETHIM politik pa argumente shkencore, pa fakte dhe pa statistikë.

Ky është dhunim lirie i paligjshëm.

Paligjshmëria REFUZOHET!!!

/ In News / By Admin / Comments Off on Mbyllja në orën 17:30, Vasili: Një maskarallëk politik, që ka zero ndikim mbi pandeminë!

Nuk iu përgjigj ftesës së Albin Kurtit, Spahiu “shigjeton” Ramën: Vendi drejtohet nga një kryeministër skizofren

Ish-deputeti i LSI, Përparim Spahiu ka sulmur kryeministrin Rama, pasi ky i fundit nuk i është përgjigjur kërkesës së Albin Kurtit.

Kurti ka propozuar çelje të kufinjve për turizëm të përbashkët, dhe këtë mungesë përgjigje nga Rama, Spahiu e ka dënuar rëndë.

POSTIMI:
Bëri mbledhje të përbashkëta me qeverinë e Kosovës vetëm për fasadë, pa asnjë produkt.

Sot, kur mbledhje e tillë duhej me patjetër, për të bashkërenduar e bashkëpunuar, në të mirë të të gjithë shqiptarëve, Ai, nuk i përgjigjet ftesës së Kryeministrit të Kosovës.

Janë të gjitha mundësitë që me bashkërendim të punëve të të dy qeverive, të mundësohet që kjo krizë të kthehet në një oportunitet të jatëshazkonshëm për turizmin, nga Shkodra në Konispol.

Mbyllja e kufinjve me vende si Greqia dhe Itali, ku shumica e Shqiptarëve pushojnë, nuk ka pse mos të mundësojë hapjen e kufirit me Kosovën (ai kufi nuk duhet të ekzistonte në asnjë rast) madje të diskutohej kjo dhe me qeverinë Maqedonase.

Normal do të ishim bindës për ta nëse do qartësonim pozicionin tonë, ofrimin e kujdesit shëndetësor në Sarandë, Vlorë, Durres e Lezhë.

Por nuk ke shpresë kur vendi drejtohet nga një kryeministër skizofren, njeri inatesh, që ka ndarë shqiptarët në dy gjysma, ata që i do dhe nuk i do.

Dukshëm Albin Kurti hyn te të dytët.

/ In News / By Admin / Comments Off on Nuk iu përgjigj ftesës së Albin Kurtit, Spahiu “shigjeton” Ramën: Vendi drejtohet nga një kryeministër skizofren

Edmond Haxhinasto: Legalizimi i kanabisit dështim për formalizim të ekonomisë

Nga Edmond Haxhinasto

Mazhoranca do të miratojë së shpejti një ligj për legalizimin e kanabisit për përdorim mjeksor. Dhe për këtë është konsultuar me ekspertë ndërkombëtarë, por jo me Bashkimin Evropian, ku ekonomia jonë pritet të integrohet pas procesit të negociatave. Çështja e legalizimit të kanabisit, sigurisht, nuk është vetëm një çështje shqiptare. Debati për të është i hershëm. Akoma diskutohet gjatë për të në SHBA, në Kanada, në shumë vënde të Afrikës, etj. Vendimarrja për legalizimin e kanabisit, aspak e lehtë e tepër komplekse, kalon përmes diskutimeve që marrin në konsiderate kryesisht opinionin dhe moralin publik, shëndetin publik, si dhe impaktin ekonomik: Efektin tek ekonomia në përgjithësi, dhe risqet me të cilat duhet të përballet investitori, prodhuesi, tregëtuesi e konsumatori. Ndërkohë që kjo mazhorancë nuk ka treguar shëmbuj se merr në konsideratë ndonjërin nga këta faktorë. Prandaj, çdo vendim-marrje e nxituar do të kishte pasoja të rënda për ekonominë, bujqësinë në veçanti, si dhe individët që do të përfshiheshin në këtë sektor “të ri”. Në fakt, një analizë e plotë do të bëhej pasi të njihemi konkretisht me ligjin. Por një sërë pyetjesh janë më se të natyrshme në këtë moment. Një pyetje është: Pse tani? Janë disa shpjegime, si politike, ashtu edhe taktike. Së pari, duhet një temë “e nxehtë” për të dominuar diskursin politik e për të lënë jashtë “radarit” tema të tjera të keq-qeverisjes. Tjetër arsye është se opozita nuk është në parlament. Dhe diskutimi për këtë çështje mund të shkojë “vaj” me “disiplinën politike” të mazhorancës dhe pseudo-opozitës parlamentare. Ndokush mund t’i referohet efektit ekonomik: Mund shihet si mënyrë për t’i dhënë serum ekonomisë post-Covid-19, një si punë “asi nën mëngë”. Ndërkohë që angazhimi siç duhet i paketës 1 miliard Euro për rindërtimin nga tërmeti i 26 nëntorit mund të ishte një injeksion i vërtetë për ekonominë, gjë që është shumë larg realizimit. Për të shkuar më tej, legalizimi mund të jetë një lloj “amnistie”, një lloj formalizimi i resurseve të mëdha të angazhuara sot në prodhimin e kanabisit. Që, në çdo rrethanë, do të ishte një kapitullim përpara premtimit (ndonëse të pabesueshëm) për të çuar në zero prodhimin e tij. Nëse vërtetë besojmë se përpjekja bëhet për formalizim të prodhimit dhe përfitim taksash nga ky aktivitet, legalizimi i kanabisit është një dorëzim dhe dështim tjetër për formalizim të ekonomisë informale, që ekspertë serioze vlerësojnë se shkon deri në rreth 50 % ekonomisë në përgjithësi, formalizimi i te ciles do te dyfishonte te ardhurat ne buxhet.

Po kështu, nëse motivimi për legalizimin është punësimi që mund të sjellë, kjo zgjidhje është veçse një pranim se ekonomia (ajo para Covid-19) nuk garantoi hapsirë për punësim në shifrat e premtuara.

Nuk dimë nëse është diskutuar, veçanërisht me “ekspertet ndërkombëtarë” eksperienca e disa vendeve të tjera, ku kanabisi si produkt, nuk ka qënë panacea e zgjidhjes së problemeve, aq më pak të problemeve të mëdha si ato të ekonomisë sonë.

Një raport serioz (MarketWatch) tregon disa tipare të kësaj “industrie” në disa shtete të SHBA që e kanë legalizuar prodhimin

Prodhimi i kanabisit i ka nuk ka sjellë përfitimet e pritshme; kompanitë që merren me të, në vitin 2019, me shumë vështirësi kanë mbuluar shpenzimet.

Aksionet e këtyre kompanive (që janë publike, -vini re: PUBLIKE, pra me aksione të kuotuara në bursë) kanë vlerë shumë të ulët.

Kërkohen investime shumë të larta kapitale për të hyrë në treg e për të garantuar qëndrueshmëri prodhimi.

Legalizimi i prodhimit nuk ka sjellë formalizimin të tregut, dhe rrjedhimisht vjeljen e taksave (përfitimi shoqëror). Tregu i zi përsëri ekziston në përmasa të mëdha.

Infrastruktura e shitjes se kontrolluar (në SHBA dhe në Kanada) është shumë e papërgatitur dhe për pasojë, nuk ka përfitime në taksa për shtetin. Tani, të mendojmë për një çast sa të përgatirur jemi ne, kur SHBA e Kanadaja kanë probleme të tilla!!!

Dikush mund të thotë me të drejtë që kanabisi rekreativ dhe ai për qëllime mjeksore nuk janë e njëjta gjë. Po. Kjo është e vërtetë. Por prodhimi i kanabisit mjeksor vetëm sa i vështirëson më shumë problemet.

Investimi kapital është shumë më i madh (kemi të bëjmë me serra dhe teknologji ku standartet e prodhimit janë shumë rigoroze). Rrjedhimisht, risku për kthimin e investimit është shumë më i lartë. Procesi i përpunimit të produktit, është shumë teknologjik dhe me një nivel të lartë përqëndrimi në tregun ndërkombëtar, që e bën edhe më të lartë riskun e investimit.

Por pikëpyetjet janë të shumta edhe për sektorin bujqësor, me strukturën siç është sot. Çfarë do të ndodhë me bujqësinë? A do marrë kjo “industri e re” mbështjetje në subvencione apo grante? Me fjalë të tjera, a do të thithë kanabisi mbështjetje shtetërore aq të pritshme prej kohësh nga fermerët e tjerë (jo të kanabisit)?

Po me strukturën e prodhimit bujqësor, çdo të ndodhë? A do të kemi një rendje pas kanabisit, dhe prodhimet e tjera t’i importojmë, duke sjellë varësi, risqe në rritje nga tregu ndërkombetar dhe çmime në rritje për konsumatorin e produkteve ushqimore?

Po vendi, a ka ndonje avantazh konkurrues në drejtim të prodhimit të kanabisit, krahasuar me p.sh. disa shtete afrikane që kanë toka pa fund dhe krah pune shumë më të lirë se ne?

Përtej konsideratave ekonomike, legalizimi i kanabisit është edhe një çështje e opinionit publik. Legalizimi i kanabisit duhet të kalojë testin e miratimit ose refuzimit publik. Si vend pa traditë referendumesh, testimin e bëjmë zakonisht gjatë konkurrimeve zgjedhore. Deri më sot asnjë forcë politike nuk është votuar me legalizimin e kanabisit në program. Për një çështje të tillë, që prek shëndetin publik, strukturën e ekonomisë dhe standartin e jetesës së qytetarëve, duhet domosdoshmërisht një testim publik. Në shumë vende të tjera, përpjekjet për legalizimin e kanabisit, i kanë dhënë fund karrierës politike të promovuesve të tij. Në SHBA, aktualisht, si presidenti Trump, ashtu edhe kandidati demokrat Biden, nuk kanë mbajtur qëndrime mbështetëse për legalizimin.

Prandaj, vendim-marrja për legalizimin kërkon përmbajtje, transparence dhe vlerësim të kostove e përfitimeve edhe sepse kanabisi nuk është as ari as nafta e tregut botëror.

/ In News / By Admin / Comments Off on Edmond Haxhinasto: Legalizimi i kanabisit dështim për formalizim të ekonomisë

‘Të hiqen kufizimet drastike’, Xhixho: Ajo që po bën qeveria është çnjerëzore

Nënkryetarja e LSI, Erisa Xhixho, komentoi në një lidhje me “Skype” në rubrikën “Opinion”, në News24, situatën e krijuar nga koronavirusi në vend.

Xhixho tha se nuk duhet të vijojmë me kufizimet aq drastike, kur kemi një kurbë të sheshtë të infektimeve, pasi kufizimet rëndojnë edhe më tej situatën ekonomike, por shkelin edhe të drejtat e njeriut.

“Me ardhjen e pandemisë opozita u tregua shumë konstruktive për të mbështetur masat e OBSH dhe për të qenë pranë qytetarëve. Efektet e gjithanshme të kësaj pandemie padyshim që duheshin administruar me shumë përgjegjësi. Me shfaqjen e pandemisë nuk pamë testime massive për të parë edhe masën e infektimit të qytetarëve, por që të kishim dhe një menaxhim më të mirë të të infektuarve dhe të lironim njerëzit e tjerë. Të kishim një lirim më të shpejtë, pasi gjithë ky izolim ka prekur ekonominë. Zgjatja e fatkeqësisë natyrore deri në qershor është e paargumentuar. Nuk duhet të vazhdojmë me kufizime kaq drastike, kur kemi një kurbë të sheshtë. Pandemia nuk duhet të ndikojë në shkeljen e të drejtave të njeriut, por ne kemi kufizim të të drejtave të tyre.

Shohim skena jo të bukura dje në Sheshin Skënderbej, ku njerëzit po protestonin për Teatrin Kombëtar me të drejtë. Por edhe raporti i Freedom House vënë alarmin për shkeljen e të drejtave të njeriut, duke i dhënë më shumë pushtet ekzekutimit. Menaxhimi i pandemisë nuk duhet të cojë absolutisht në shkelje të të drejtave të njeriut. Tërheqja e Shqipërisë nga Konventa e të Drejtave të Njeriut është absolutisht një vendim jo i drejtë”, tha Xhixho.

/ In News / By Admin / Comments Off on ‘Të hiqen kufizimet drastike’, Xhixho: Ajo që po bën qeveria është çnjerëzore

Vasili: Rastet me COVID-19 kanë qarkulluar që në janar, ja fakti

Nga Petrit Vasili

Rastet me COVID-19 që në janar, ja Fakti! (FOTO).

Pa pasur nevojë për arsyetime të gjata, por duke u bazuar në fakte, provohet thjesht që COVID-19 ka qarkulluar që në janar.

Është fakt publik që 5 shqiptarë që kanë kërkuar në janar azil politik në Norvegji, pas testimit të kryer atje kanë rezultuar pozitivë, por pa simptoma.

Kërkesa e Presidentit që në 31 janar dhe kërkesat profesionale pa fund të opozitës gjatë gjithë shkurtit u nënvlerësuan dhunshëm nga Edi Rama dhe qeveria.

Rezultati:

  1. Masat kufizuese të qeverisë nuk kishin asnjë vlerë.

2. Masat ishin terësisht të vonuara.

3. Masat ishin trashanike nga ana shkencore.

4. Testimet shumë të pakta për COVID-19 fshehën të vertetën.

5. Mungesa e mjekut të familjes la qytetarët pa ndihmë të kualifikuar mjekësore dhe kyçi një burim të së vërtetës.

6. Përqëndrimi vetëm te tel 127 privoi terësisht shqiptarët nga kontakti me mjekët dhe ishte gjithashtu në funksion të fshehjes së të vërtetës.

7. Tronditën sistemin shëndetësor

8. Sëmundshmëria kronike u la pas dore.

9. Rrënuan jetën ekonomike të shqiptarëve.

10. Masat kufizuese po përdoren thjesht dhe vetëm si shtetrrethim politik.

Faleminderit Telnis Skuqi për dëshminë e paçmuar.

/ In News / By Admin / Comments Off on Vasili: Rastet me COVID-19 kanë qarkulluar që në janar, ja fakti

Braimllari: Edi Rama një frikacak që përdor pushtetin për të dhunuar qytetarët

Sekretari i Përgjithshëm i LSI-së, Endrit Braimllari ka reaguar me anë të një postimi në Facebook pas ngjarjes së sotme ku aktivistë te shoqërisë civile u dhunuan nga policia në protestën e organizuar në Sheshin Skënderbej.

Braimllari shkruan se  Edi Rama dhe sot në këtë ditë të lirisë, të vlerave më të larta europiane e nxiu përsëri emrin e Shqipërisë në mediat europiane duke u bërë i vetmi kryeministër i cili dhunon qytetarët e vendit të tij.

Postimi i plotë:   

Edi Rama dëshmoi përsëri që është një frikacak i cili urdhëron në ditën e Europës në ditën e fitores kundër nazifashismit të dhunohen përfaqësues të shoqërise civile.
Edi Rama dhe sot në këtë ditë të lirisë, të vlerave më të larta europiane e nxiu përsëri emrin e Shqipërisë në mediat europiane duke u bërë i vetmi kryeministër i cili dhunon qytetarët e vendit të tij.
Dhuna e ushtruar tregon qartë, se politika e tij nuk është ajo e vlerave europiane por e goditjes së fjalës së lirë, e grabitjes dhe e ushtrimit të dhunës ndaj qytetarëve të lirë dhe të ndershëm të këtij vendi.
/ In News / By Admin / Comments Off on Braimllari: Edi Rama një frikacak që përdor pushtetin për të dhunuar qytetarët

Ligji për kultivimin e kanabisit, kryetarja e LSI, Monika Kryemadhi përshëndet qëndrimin e zyrës së delegacionit të BE

Kryetarja e LSI-së, Monika Kryemadhi ka përshëndetur reagimin e Bashkimit Europian kundër projektit të Edi Ramës për kultivimin e kanabisit. Në një reagim në Twitter, Kryemadhi shprehet se BE u distancua qartë ndaj fushatës së Edi Ramës.

👏@EUinAlbania për distancimin e qartë nga fushata dizinformuese e @Ediramaal në keqpërdorimin e imazhit të BE për të justifikuar rikanabizimin e vendit për efekt elektoral. Sot në ditën e Evropës dhuna shtetërore nuk kurseu shoqërinë civile, e cila protestonte ndaj aktit korruptiv të pastrimit të parave në dëm të trashëgimisë kombëtare. Populli shqiptar kërkon e meriton jetesë me standarte të BE, ndaj inkurajojmë më shumë qëndrime të tilla me vlerë për opinionin publik dhe besimin e tyre te institucionet e pavarura të BE.‬ Bashkë të luftojmë dezinformimin dhe ti sigurojmë shqiptarëve një qeveri përtej propagandës, që realizon 15 kushtet e integrimit dhe çon përpara ëndrrën evropiane.

 Set featured image

/ In News / By Admin / Comments Off on Ligji për kultivimin e kanabisit, kryetarja e LSI, Monika Kryemadhi përshëndet qëndrimin e zyrës së delegacionit të BE

Dhunimi i aktivistëve të shoqërisë civile/Pojana: Një akt i neveritshëm dhe i dënueshëm, tipar dallues i regjimeve fashiste

Ndër reagimet e shumta për ditën e sotme, 9 majin si Dita e Europës, ka qenë edhe ai i Anëtarit të Kryesisë së LSI-së, Klevi Pojana.

Përmes një postimi në rrjetin social Facebook, Pojana shkruan se sot në 9 Maj 2020, në Ditën e Europës, 70 vite nga deklarata ‘nismëtare’ e Bashkimit Europian nga Robert Schuman, Tirana e përkujton këtë datë me dhunimin e aktivistëve të shoqërisë civile!

Postimi i plotë:

Sot në 9 Maj 2020, në Ditën e Europës, 70 vite nga deklarata ‘nismëtare’ e Bashkimit Europian nga Robert Schuman, Tirana e përkujton këtë datë me dhunimin e aktivistëve të shoqërisë civile!

Një akt i neveritshëm dhe i dënueshëm, tipar dallues i regjimeve fashiste, kjo ngjarje na tregon edhe njëherë sa larg jemi nga demokracia reale dhe standardet e vendeve të Unionit!

Europa sot ka humbur shkëlqimin, por për ne ajo sërish mbetet drita në fund të tunelit të shpresës.

Europa sot ka humbur forcën, por për ne ajo sërish mbetet bashkësia e vlerave në të cilat duam të jetojmë!

Europa sot ka humbur kursin, sepse kollaris diplomatë burokratë, të cilët i bëjnë fresk ‘diktatorëve të rinj’, sic i bëhet fresk Benito Ramës!

Shqipëria nuk mund dhe nuk do të jetojë më kurrë një diktaturë të dytë!

Parimet europiane janë modeli nga i cili populli shqiptar nuk do të heqë dorë asnjëherë!

/ In News / By Admin / Comments Off on Dhunimi i aktivistëve të shoqërisë civile/Pojana: Një akt i neveritshëm dhe i dënueshëm, tipar dallues i regjimeve fashiste

Vasili: Në Ditën e Europës Shqipëria u zgjua nën dhunë dhe me 2 kushte të reja

Deklarata për media e nënkryetarit të LSI, Petrit Vasilit

Të nderuar qytetarë dhe qytetare!

Sot më 9 maj, pikërisht në Ditën e Europës, Tirana u zgjua nën dhunë. Nën një shtetrrethim politik dhe jo më karantinor. U zgjua sot në këtë ditë të 9 majit me 2 kushte të tjera mbi ato 15, të cilat Europa ka vendosur për ecurinë e mëtejshme të integrimit europian dhe për hapjen e negociatave.

2 kushtet e tjera, të gjithë prisnin t;I dëgjonin nga ambasadori Soreca në bashkëbisedimin e tij shumë të ëmbël dhe miqësor me kryeministrin e Shqipërisë, shkaktarin e 15 kushteve , por dhe të 2 kushteve shtesë. 2 kushte shtesë, me qenë se ambasadori Soreca nuk shqiptoi dot po ua them unë.
Kushti I 16 është ndalja edhunës dhe mospengimi I demostrimit demokratik të qytetarëve, cilëtdo qofshin, në çfarëdo numri qofshin dhe kurdo që ata do ta gjykojën të udhës, në këmbim të kësaj ju e dini se çfarë ndodhi sot me qytetarët.

Dhe kushti i 17, të cilin prisnim ta dëgjonim nga ambasadori Soreca mbasi Europa Nostra e mbledhur nga Këshilli Europian dhe nga Parlamenti Europian u tregua e gatshme të marrë në dorë çështjen e teatrit duke ruajtur integritetin historik dhe vlerat dhe rehabilitimin e tij, përkundrazi bashkëbiseduesi i tij i gjatë në krah, mbrëmë në mënyrë clandestine natën, ashtu siç veprojnë hajdutët e natës, mori dhe nxorri vendim dhe ia kaloi Bashkisë së Tiranës ashtu si për ti hapur rrugën prishjes së teatrit.

Natyrshëm ambasador Soreca nuk mund ti thoshte këto gjëra dhe ne e mirëkuptojmë pasi selia e Evropës u shëndërrua sot për fat të keq ditën e 9 majit në sallën e konferencave të shtypit të kryeministrit Edi Rama, pasi në vend që të dëgjonim aspiratat e Evropës, çfarë nuk kanë bërë dhe çfarë nuk funksionon në Shqipëri, se si Shqipëria është shndërruar në narkoshtet dhe si Shqipëria nuk ka shtet ligjor, se si në Shqipëri grabiten miliardat me PPP, se si një pushtet arbitrar vendos për çdo gjë, se si dhe për pandeminë dhe epideminë e madh që ka pushtuar vendin në lidhje me coronavirusin flet ju e keni parë epidiomologu popullor adhamudhi shqiptar, i cili është i gatshëm të sfidojë edhe profesionistët më të mëdhenj në emër të mbajtjes së shtetrrethimit politik që ndalon protestat por ç’ndodhi sot, ndonëse nuk u fol asnjë fjalë në ditën e Evropës.

Në ditën e Evropës qytetarët u dhunuan në këtë formë, në ditën e Evropës policë tufa-tufa, nga dhjetë bashkë nëpër fugone arrestonin qytetarët. Ku ishte distancimi fizik për tu mbrojtur nga coronavirusi, i cili shqetëson kryeminstrin?

Ku ishin rregullat e shtetrrethimit të çuditshëm të kryeministrit, i cili pranon dhe lejon që mijëra qytetarë pa respektuar asnjë lloj distancimi fizik bëjnë të dalin rrugëve, ndërsa 7 apo 10 apo qindra apo 200 apo 500 apo 1000 qytetarë që dalin të protestojnë për të respektuar rregullat edhe distancimin fizik shpërndahen dhunshëm nga qindra policë ngjeshur trup më trup, për të cilët nuk ka rëndësi distancimi fizik a thua se coronavirusi nuk zë policët që rrinë bashkë por zë vetëm qytetarët apo zonjën protestuese atje në shesh, është fare e qartë që në ditën e Evropës Shqipëria zgjohet sot pikërisht në të kundërtën e atyre vlerave për të cilat europa është ngritur dhe themeluar për të cilat të gjithë ne aspirojmë që të jemi pjesë e saj e ku demokracia me themele të forta, fjala e lirë, solidariteti dhe kurrën e kurrës dhuna janë vlerat themelore të cilat e mbajnë bashkë.

Sot ne kemi djegur një përkremtim të ditës së Evropës për fat të keq edhe nga përfaqësuesit e Evropës në Tiranë, të shurdhër, të verbër për gjërat që ndodhin në Tiranë, që nuk dëgjojnë klithmat e qytetarëve atje në shesh, që nuk shohin korrupsionin e një nate më parë, të cilët përtypin nëpër dhëmbë fajet e tmerrshme të korrupsionit dhe nuk thonë asgjë. Në këtë mënyrë sigurisht, kjo është e kundërta e rrugës evropiane, pasi në 17 kushtet, sepse aq kemi tani, pas dhunës ndaj protestuesve dhe heqja dorë nga kjo dhunë e sëmurë patologjike, dhunë e narkoshtetit në një anë dhe teatri nga ana tjetër, pra për këto 17 kushte nuk ekziston asnjë hap i vetëm i kryer. Përkundrazi, vazhdojmë dhe dëgjojmë të njëjtën demagogji të cilës nuk i thuhet kurrë ndal.

Sot është dita për të thënë njëherë e përgjithmonë që shqiptarët do të protestojnë ashtu siç protestojnë qytetarët europianë në Gjermani, në Izrael, në SHBA, Itali dhe në këtë kohë duke respektuar rregullat, pasi e drejta për të protestuar, për të mos u pajtjar me shtetrrethimet politike, me grabitjen miliardere që vazhdon për koncesione dhe për tendera sekrete nuk mund të ketë asnjëlloj pengimi dhe ndalimi. Kushtetuta është e qartë dhe e drejtë, flet qartë dhe nuk ia provon kërkush shqiptarëve, qofshin këta shqiptarë si Edi Rama, qofshin këta miq të tyre që flasin shqip e anglish, dhe që fatkeqësisht qëllojnë herë pas here që të kenë verbësi dhe shurdhësi, që duket e zhduket, që shfaqet dhe humbet, por problemet janë këtu. Sigurisht shqiptarët e kanë marrë vendimin e tyre që të marrin fatet e tyre në dorë dhe asnjë llojë hap dhe mbyll me pandeminë nuk mund të funksionojë. Kauza e pandemisë, e shndërruar tashmë nga Edi Rama në kauzë politike, pra për fat të keq në një mënyrë dishumane nga një kauzë mjekësore, në një kauzë të shëmtuar politike është tashmë e qartë për të gjithë.

Mijëra qytetarë që janë sot aty dhe shikojnë edhe raportimet e tjera, ia kanë dhënë përgjigjen duke kuptuar fare mirë farsën. Është koha për ti dhënë fund njëherë e mirë farsës, pasi çdo e drejtë që popullit i dhunohet, çdo e drejtë e fituar me ligj e Kushtetutë, i lejon këtij populli që të reagojë më çdo mjet dhe formë demokratike me të gjithë nervin, me të gjithë pathosin, me të gjithë vendosshmërinë, me të gjithë papërkundshmërinë e duhur për ta çuar dhe për ti vënë në vend këto të drejta.

Faleminderit të gjithëve.

/ In News / By Admin / Comments Off on Vasili: Në Ditën e Europës Shqipëria u zgjua nën dhunë dhe me 2 kushte të reja