Category: News

Kryemadhi: Lutjet tona, për një shërim të shpejtë për zonjën Melania dhe Presidentin Trump

Monika Kryemadhi, Kryetarja e LSI dhe bashkëshortja e Presidentit të Shqipërisë Ilir Meta, i ka uruar sot Presidentit të SHBA Donald Trump dhe bashkëshortes së tij, shërim të shpejtë, pas njoftimit se çifti Trump ishte infektuar nga koronavirusi.

Kryemdhi shkroi në Twitter në dy gjuhë, anglisht dhe shqip: “Mendimet dhe lutjet tona shkojnë për një shërim të shpejtë për Zonjën e Parë Melania Trump dhe Presidentin e SHBA Donald Trump.”

Pojana: ‘Rilindja’ i harroi njerëzit e zakonshëm të këtij vendi, ne do ta bëjmë t’i harrohet emri!

Anëtari i Kryesisë së LSI-së, Klevi Pojana ka reaguar me anë të një postimi në Facebook pas takimit me disa qytetarë të njësisë 8 ne Tiranë.

Të pranishëm në takim ishin dhe ish-deputeti i LSI-së Përparim Spahiu dhe Kryetari i LSI Njësia 8 Erjon Xhafa

Më 25 Prill të bashkuar për t’i kthyer shtetin njerëzve të zakonshëm!-shkruan Pojana

Postimi i plotë:

‘Rilindja’ i harroi njerëzit e zakonshëm të këtij vendi, ne do ta bëjmë t’i harrohet emri!

E kujtoni premtimin e Ramës në 2013 për legalizime falas dhe ujë 24 orë!

Edi Rama MASHTROI!

Ai shkatërroi me dhunë e gaz lotsjellës banesat e qindra familjeve duke i lënë në rrugë, pa kompensim.

Ai ka abuzuar si askush tjetër me pushtetin dhe sot në 2020, ende Tirana vuan mungesën e furnizimit me ujë.

Sot, bashkë me Përparim Spahiun dhe Erjon Xhafën në njësinë 8, me njerëz punëtorë dhe qytetarë të denjë të këtij vendi por të nëpërkëmbur e të tradhëtuar.

Në 25 Prill të bashkuar për t’i kthyer shtetin njerëzve të zakonshëm!

Asgjë nuk e ndal ndryshimin!

/ In Archived Articles, News / By Admin / Comments Off on Pojana: ‘Rilindja’ i harroi njerëzit e zakonshëm të këtij vendi, ne do ta bëjmë t’i harrohet emri!

Tushaj: Ramën e pret ndëshkimi popullor në 25 prill 2021. S’ka skemë që e shpëton

Ish-deputeti i LSI-së Viktor Tushaj flet për zhvillimet e fundit të aktualitetit politik në vend, ndërsa vë në dukje skemat që po përdor PS për të shmangur sipas tij humbjen e sigurt që e pret në 25 prill 2021.

Po ashtu Tushaj, komenton edhe situatën në kampin e opozitë dhe përkatësisht të LSI-së ku bën të ditur edhe çelësin e suksesit të saj të garantuar. Si ish-kryebashkiak, Tushaj komenton edhe situatën e bizneseve në vend pas krizës së pandemisë ku thekson se dështimi i Rilindjes dhe udhëheqesit të tyre ne kete sfid do jetë edhe vula e shqiptarëve për ndryshim rrënjësor.

Partia Socialiste ka propozuar një draft për listat e kandidatëve për deputetë, ku pretendon se përmes tij, sigurohet hapja 100% e tyre. Ju si e vlerësoni draftin e PS-së?

Drafti i propozuar nga maxhoranca për hapje listash, është përpëlitja e Rilindjes për të mashtruar elektoratin e PS dhe gjithë shqiptarët se gjoja listat janë të hapura dhe repektohet vullneti i zgjedhësve. Por nuk ka shqiptar përfshi edhe anëtarët e PS-së që nuk e ka kuptuar manovrën e tyre. Mekanizmi i propozuar prej tyre është pikërisht mbyllja e listave, diktimi i vullnetit të zgjedhësve dhe dhunimi i të drejtes se tyre per tu perfaqesuar në parlamentin e ardhshëm të Shqiperise me të zgjedhurin dhe vullnetin e tyre. Mekanizmi i tyre me herësa e shumëzues është turpi i Ramës dhe ‘rilindasve’ që s’kane kurajo te shkojnë dhe të votohen haptas nga populli i këtij vendi që kaq shume e atikuloi ne bisedat e tij të lodhshme e vend e pa vend me shqiptaret. Nëse Rama mendon se ka punuar mirë dhe i ka sjelle vendit zhvillim, ju ka shërbyer qytetareve shqiptare si dhe ka realizuar premtimet dhe prittshmërite e njerëzve të zakonshëm të këtij vendi, ç’dreqin do që shpik skema e mekanizma, ben çdo lloj manovre e përpjekje për te konfliktuar popullin e perçarë opoziten? Keto skema te dala boje nuk tjetërsojne dëshiren dhe vullnetin e shqiptareve për ta ndeshkuar Ramen dhe Rilindjen më 25 prill 2021. Kjo datë nuk do jetë thjeshtë një datë rotacioni por nje datë ndëshkimi për bëmat e këqija të kësaj qeverie, për gropën e zezë ekonomike që bëri, për dëbimin masiv të shëiptarëve nga vendi i tyre, për shkatërrimin e institucioneve publike të vendit, shkatërrimin e themeleve të shtetit të së drejtës dhe demokracisë. Asnjë skemë dhe mekanizëm herësash çoroditës nuk e shpëton Ramen dhe Rilindjen nga humbja e thellë.

Ndërkaq me ndërhyrjen e ndërkombëtarëve, mazhoranca bëri një hap pas sa i takon votimit të njëanshëm të Kodit Zgjedhor, duke e shtyrë atë. Si e shihni këtë zhvillim të ri?

Më vjen shumë mirë që ndërkombetarët po zgjohen. Ata i kanë besuar Rames më shumë se shqiptarëve. Ata po e kuptojnë tashmë se e keqja, degradimi, shpopullimi, kriminalizimi, kapja e shtetit dhe vrasja e shpresës ka vetem një emer. Dhe këto dite ka filluar artikulimi më i qarte dhe i prerë i tyre. Ata e duan integrimin e Shqipërise ne BE por duhet te kuptojne se shumë më tepër e duan shqiptarët. Duhet të kuptojne se kush po e largon vendin nga rruga e BE-së vetëm e vetëm për të ruajtuar pushtetin e tij personal.

A besoni se nëse shumica voton një Kod të ri pa konsensus dhe që heq koalicionet parazgjedhore, mund t’i minimizohen shanset e Opozitës së Bashkuar për fitore në 25 prill 2021?

Arroganca e Ramës dhe e Rilindjes është parë e vërtetuar tashme por, edhe pasojat e vendimarrjeve të tilla të njëanshme janë po kaq evidente. Kjo arrogancë ka prodhuar nje konfliktualitet të paparë me parë në politiken shqiptare. Rendja e tij pas çmendurisë së rradhes, për të miratuar një kod elektoral pa konsensus, është stacioni i fundit i vrapimit politik të Ramës. Kodi është rregulli i garës. Ai edhe në kohe te lashta është vendosur me konsesus nga palët garuese. Nëse njëra pale zgjedh fushën tjetra gjuan topin dhe arbitri është asnjanës. Ky eshte kodi i lojrave argëtuese e jo më atëhere kur nga kjo lojë luhen fatet e vendit dhe te njerëzve. E megjithatë përpjekja për të diktuar e miratuar edhe rregullat e garës përmes miratimit pa konsensus te kodit, tregon panikun ku ka rënë si dhe frikën nga populli opozitar se permbysja është e pashmangshme.

Ndërkohë LSI ka nisur prej javësh takimet intensive me anëtarët e partisë dhe qytetarët. Cilat janë pritshmëritë e para nga terreni? Sa e sigurtë shkon në këto zgjedhje LSI dhe Opozita e Bashkuar?

Levizja Socialiste per Integrim është forcë e rendesishme në tastieren politike të vendit. Pjekuria e saj politike ka garantuar balancat dhe ekuilibrat politik në Shqiperi. Duke qenë e qarte politikisht dhe vendosur në mbrojtje te interesit publik, e fokusuar realisht tek të rinjte dhe interesat e tyre ka bërë që nga zgjedhjet ne zgjedhje të rritet e forcohet, të piqet e farkëtohet duke përballuar kështu gara sfiduese nga më të ashprat. LSI nuk punon me fushata apo vetëm atëherë kur afrohen zgjedhjet. Ajo gjithnjë ka qenë dhe është në mes njerëzve, duke biseduar dhe analizuar me ta çdo situatë politike ekonomike dhe sociale, çdo vendimarrje që prek interesat e tyre, duke i ndërgjegjesuar per te drejtat e tyre themelore në një shtet të së drejtes, duke evidentuar probleme e fenomene si dhe duke kërkuar së bashku me ta se cilat janë rrugët më të mira dhe me të shpejta të një progresi të garantuar, duke evidentuar se bashku me ta resurset zhvilimore të vendit si dhe kapacitetet njerëzore intelektuale të përgjegjshëm dhe të përkushtuar, duke u fokusuar tek të rinjtë dhe të rejat, grate dhe vajzat si kapitale të pashfrytëzuara sa dhe si duhet në kete vend. Ky eshte modeli i punës së LSI se si dhe çelësi i saj suksesit të garantuar.

Ka muaj që vendi është hapur pas mbylljes për shkak të pandemisë, bizneset e vogal dhe të mesme duket se janë në vështirësi të mëdha, madje një pjesë e tyre në kushtet e mbijetesës. Cili është komenti juaj për këtë situatë?

Tërmeti i 26 nentorit por edhe pandemia Covid 19 ishin nga njera anë provat e rradhës për një popull të vogel si i yni por nga ana tjetër edhe sprova apo sfida të qeverisjes. Humbja e 51 jetëve, disa prej të cilave akuzojnë rëndë sot për krim shteteror, dëmet e mëdha në banesa dhe premtimet e pambajtura, mungesa e trasparencës dhe vendimet selektive e korruptive janë pararendëse të situates pandemike. Qeveria me paaftesinë dhe ç’organizimin perfekt në rastin më të mirë si dhe me etjen për të fituar përmes korrupsionit galopant edhe në situata fatkeqësish në rastin më të keq jane skaneri i keqeverisjes. Pasojat lexohen shumë lehte. Tako çdo banor të këtij vendi, shiko qepenat e ulura të bizneseve, ndiq çdo emision lajmesh, bisedo me çdo fermer, blegtor, sipermarrës, qiramarrës, punëdhënës a punëmarrës, mesues a mjek, punonjes të admistrates publike apo asaj private dhe kupton varferinë enonomike dhe stresin social i krijuar nga konfuzioni e paaftësia, moskonsultimi dhe arroganca, korrupsioni dhe etja për të zhvatur çdo pushtet e prone te qytetarëve të zakonshëm dhe te rraskapitur të këtij vendi. Kjo sfidë në vend që t rriste përgjegjshmërinë drejtuesve te institucioneve dhe punonjesve shtetit, ministrave dhe qeverisë, parlametit dhe kryeministrit, shkërmoqi edhe me teper enderren e shqiptareve për një Shqiperi të banueshme me dinjitet. Deshtimi i Rilindjes dhe udhëheqesit të tyre ne kete sfide pandemike, ashtu si në çdo sfide tjeter ne ketë vend, do jete edhe vula e shqiptarëve për ndryshim rrenjesor duke themeluar keshtu Republikën e re demokratike që meritojnë dhe dëshirojne njerëzit e zakonshëm të këtij vendi më 25 prill 2021.Standard

Kushtet në QSUT, Tavo: Skandaloze! Miliarda shkojnë për konçesione dhe PPP të oligarkëve

Ish-deputeti i LSI, Vangjel Tavo i ka cilësuar si skandaloze kushtet në QSUT.

Tavo ka theksuar se miliarda lekë shkojnë për koncesione dhe PPP, teksa ka bashkangjitur edhe një lajm ku shihet qytetari duke mbajtur me forcë derën e dhomës së pavionit që hapet nga era.

POSTIMI:

Kushte skandaloze në QSUT ⭕️
Miliarda shkojnë për konçesione dhe PPP të oligarkëve ndërsa qytetarët nuk marrin as shërbimet më minimale shëndetësore.
Qeveri turpi! 👇

Panariti: Fatura e borxheve për shqiptarët më e “kripur”, falimenti po troket. Vendi në kolaps

Ish-deputeti i LSI-së, Edmond Panariti, thotë se fatura e borxheve për shqiptarët është më e ”kripur” sesa shfaqet. ”Pyetje shtetit dhe pushtetit! Me çfarë do të paguhen këto borxhe? Sepse të ardhurat fiskale nga ekonomia si e vetmja rrugë për shlyerjen e borxheve, nuk përballojnë më as pagesat e interesave të borxhit. Kjo është e qartë për këdo! Çfarë do të thotë kjo? Do të thotë se vendi është në kolaps, faliment dhe blerja e borxhit nga blerës globale si e vetmja zgjidhje, në thelb do të thotë shitje e Shqipërisë”,- shkruan Panariti në facebook.

Postimi i plotë

Fatura e borxheve për shqiptarët është më e “kripur” nga sa shfaqet. Falimenti po troket! Sepse paratë dhe shpenzimet pa logjike ekonomike që do të hidhen nga pushteti për fushatë, do ti kthejnë financat në një tokë të djegur!

Edhe sipas aritmetikës së thjeshtë, një ekonomi e cila rrudhet me rreth 10% brenda vitit, ( kjo sipas vlerësimeve të BB, FMN, BERZH) nuk e ka më borxhin e kontabilizuar mbi 80% të PPB. Në fund viti do ta kemi borxh zyrtar mbi 90%.., dhe kjo sipas vlerësimit të tanishëm të institucioneve të Breton Woods.

Sepse ka gjasa që mund të jetë edhe më keq se kaq kur të kemi rivlerësimin financiar të fund vitit. Vini re, ky rishikim në përkeqësim ka ndodhur edhe me tre mujorët e kaluar prandaj shënjat nuk janë të mira! Por po ti shtojmë kësaj fature edhe atë që nga ekspertët financiarë cilësohen si borxhe të fshehura, (dhe që përllogariten në rreth 16 përqind të PPB) , atëhere borxhi publik është de facto 106 % i PPB.

Pyetje shtetit dhe pushtetit! Me çfarë do të paguhen këto borxhe? Sepse të ardhurat fiskale nga ekonomia si e vetmja rrugë për shlyerjen e borxheve, nuk përballojnë më as pagesat e interesave të borxhit..Kjo është e qartë për këdo! Çfarë do të thotë kjo? Do të thotë se vendi është në kolaps, faliment dhe blerja e borxhit nga blerës globale si e vetmja zgjidhje, në thelb do të thotë shitje e Shqipërisë.

Spahiu: Qeveria ka dështuar me planin e rimëkëmbjes pas tërmetit

Nga Përparim Spahiu

Fakti që oligarkët (term i përdorur sot nga KM-ja) kanë paguar tre herë më shumë tatim fitimi tregon se:

-Ata kanë fituar shumë më tepër ndërkohe që evazioni fiskal vazhdon të mbetet në nivelet më të larta në rajon.

-Qeveria, edhe pse ka arkëtuar më shumë para, ka dështuar në rritje pagash, pensionesh.

-Qeveria, edhe pse ka arkëtuar më shumë, ka dështuar në investime direkte, porte, rrugë, hekurudha e për të mos përmendur premtimet bajate për aeroporte.

-Qeveria ka dështuar për të ofruar shërbim shëndetësor edhe pse janë harxhuar e po harxhohen miliona në kontrata PPP-sh.

-Qeveria ka dështuar me planin e rimëkëmbjes pas termetit, kur edhe pse ka kaluar një vit, nuk ka ndërtuar asgjë veç propagandës.

-Qeveria ka dështuar në mbeshtetjen e biznesit të vogël e të mesëm, bujkut dhe blegtorit, gjatë pandemisë, duke bërë që mijëra biznese të mbyllen e mijëra shqiptarë të mbeten të papunë.

Fakti që bizneset kanë paguar më shumë nga tatimi i rritur 50% dhe Ti s’ke bërë asgjë tregon se je super i KORRUPTUAR!

Bixha: Të gjesh një vend parkimi në Tiranë është kthyer në një mision të pamundur!

Sekretarja Organizative e LSI, Eriona Bixha ka folur në lidhje me dështimin e kartës së rezidentit.

Bixha ka theksuar se ndërkohë që kryeqyteti po rritet nga popullsia dhe ndërtimet, asnjë rrugë nuk është zgjeruar, madje janë ngushtuar për më shumë funksione.

POSTIMI:

DËSHTIMI I KARTËS SË REZIDENTIT !

Të gjesh një vend parkimi në Tiranë është kthyer në një mision të pamundur!

Ndërkohë që kryeqyteti po rritet nga popullsia dhe ndërtimet, asnjë rrugë nuk është zgjeruar, madje janë ngushtuar për më shumë funksione.
Misioni vështirësohet edhe më shumë tek vendet e parkimit për rezidentët.

Konkretisht, qytetarët që banojnë në rrugën “Sami Frashëri”, “Mysylym Shyri”, rruga tek gjimnazi “Petro Nini Luarasi”, rruga e “Dibrës”, rruga “Mine Peza”, rruga e Kavajes etj, përveç stresit të trafikut tejet të rënduar, përballen edhe me stresin e gjetjes së një vendi parkimi.

Me këtë situatë të krijuar, kryebashkiaku i Tiranës po e shndërron kryeqytetin në një qytet ku ankthi dhe stresi janë bërë pjesë e zakonshme e përditshmërisë së qytetarëve.

Tirana ka nevojë për një administrator që e do qytetin dhe e sheh ate me dashurinë e një shtëpie të madhe.

https://www.facebook.com/eriona.bixha/videos/10215050775302224/

LSI e Elbasanit denoncon: Bashkia, punësime fiktive për të blerë vota

Dega e LSI-së në Elbasan ka denoncuar kemenaxhimin e fondeve për pandeminë e koronavirusit dhe lënien në mëshirë të fatit të familjeve që përfitonin nga skema e ndihmës sociale.

Fjoralba Hoxha, anëtare e Komisionit të Çështjeve Sociale të LSI-së në Elbasan dhe pedagoge e politikave sociale, u shpreh se “qeveria keqmenaxhoi të ardhurat që duhet të ishin përdorur për njerëzit më në nevojë. Tashmë nuk ka asnjë mbështetje për ato 529  familje të cilat u futen përkohësisht në skemën e ndihmës sociale këtu në Elbasan. Askush nuk mendon më për ta”.

Ajo denoncoi dhe punësimet fiktive në administratën vendore të Elbasanit, të cilat kanë si qëllim vetëm blerjen e votave. “Ndërkohë që rriten në mënyrë absurde stafet e bashkive, apo shërbimeve të tjera, vetëm për arsye zgjedhore. Qëllimi është i qartë me këto punësime, thjeshtë duan të blejnë votën e 25 prillit, por urrejtjen popullore nuk ka mashtrim që mund ta devijojnë. Askush nuk mund të blejë votën e qytetarëve të revoltuar, njerëzve të lirë dhe sidomos rinisë së këtij vendi”,- tha anëtarja e Komisionit të Çështjeve Sociale të LSI-së në Elbasan, Fjoralba Hoxha.

Elona Guri i përgjigjet Ramës me mesazhin e filmit “Kapedani”: Ta tregon fatorinoja ty…

Anëtarja e Kryesisë së LSI-së, Elona Guri ka reaguar për deklaratat e kryeministrit Edi Rama kundër opozitës. Guri ka publikuar disa momente nga filmi i njohur “Kapedani”, pikërisht momentin kur personazhit maskilist, pra Xha Sulos do t’i shkulen mustaqet nga gratë dhe vajzat.

Duke ironizuar qëndrimet e kreut të qeverisë, Guri shprehet: “Ta tregon fatorino ty, se je mësuar me shokun Ropi ti, që të shpëton gjithmonë. Këtë e ke si fillim, se më datë 25 prill do të të shkulen gjëra të tjera, e di vetë ti..!”.

Kryeministri Edi Rama deklaroi sot në Twitter: “Programi i Lulit është një tramvaj me shalqi që nuk piqen kurrë, me Ilirin makinist, Monikën fatorino, Saliun shkarkues gazrash dhe vetë Lulin pasagjer VIP”.

Pojana: Të ndërtojmë një shtet të drejtë që gjeneron një ekonomi vitale, që hap vende pune dhe ofron siguri për të ardhmen në Shqipëri

Anëtari i Kryesisë së LSI-së, Klevi Pojana ka reaguar pas takimit të zhvilluar një pjesë të antarësisë së organizatës 1944 të LSI njësia 8 ne Tiranë.

Në një postim në Facebook, Pojana shkruan se Shqipëria ka nevojë sot më shumë se kurrë për njerëz të përgjegjshëm dhe aktiv!

Postimi:

Asgjë nuk e ndal dot ndryshimin!

Shqipëria ka nevojë sot më shumë se kurrë për njerëz të përgjegjshëm dhe aktiv!

Kjo është një betejë për 30 vitet e ardhshme!

Të ndërtojmë një shtet të drejtë që gjeneron një ekonomi vitale, që hap vende pune dhe ofron siguri për të ardhmen në Shqipëri!

Sot, me një pjesë të antarësisë së organizatës 1944 të LSI njësia 8

/ In News / By Admin / Comments Off on Pojana: Të ndërtojmë një shtet të drejtë që gjeneron një ekonomi vitale, që hap vende pune dhe ofron siguri për të ardhmen në Shqipëri