Category: Uncategorized

Mehmetaj: Lajmet e mira nga Brukseli përballë lajmeve të hidhura të qeverisë!

Nënkryetarja e LSI-së, Kejdi Mehmetaj e cilëson pozitiv vendimin e Këshillit të Ministrave të BE për hapjen e negociatave me Shqipërisë.

Përmes një reagimi në Facebook, Mehmetaj shprehet se ky është i vetmi lajm pozitiv përballë lajmeve negative të qeverisë “Rama”.

Postimi i plotë:

Lajmet e mira nga Brukseli përballë lajmeve të hidhura të qeverisë!

Sot Brukseli u tregua shumë bujar me ne duke konfirmuar edhe njëherë, për këdo skeptik, se rruga jonë drejt Bashkimit Europian është e padiskutueshme dhe pa kthim pas. Ministrat e Jashtëm të vendeve anëtare dhanë dritën jeshile për çeljen e negociateve, por nuk harruan ta shoqëronin vendimin e tyre me një skaner të thellë të situatës në Shqipëri duke na dhënë një “recetë” kushtet, ku vetëm zbatimi i plotë i tyre do i hapte vërtet rrugën negociatave. Gjithashtu, po sot, Komisioni Europian i akordoi Shqipërisë 50 milion euro për luftën kundër COVID-19.

Nga ana tjetër, cinizimit të përsëritur të Kryeministrit tonë mbi hapjen e negociatave (kujtesë! Për të cilin negociatat janë hapur çdo vit qysh prej 2017-ës) ju bashkua lajmi i keq i shtimit të kushteve të reja që do e bënin realitet të prekshëm hapjen e negociatave. Nga 9 të hartuara nga Bundestagu Gjerman disa muaj më parë ato janë bërë 15 dhe nuk janë fjalë kot. 4 prej tyre janë parakushte për mbajtjen e Konferencës së Parë Ndërqeveritare. Këto kushte në fakt tregojnë se hapja e negociatave nuk ishte një hap i merituar nga ne, por vendim strategjik i BE për të konfirmuar edhe njëhere vullnetin e tyre të palëkundur për ta parë Shqipërinë sa më parë pjesë integrale të BE.
Së dyti, u bën ditë tashmë që qytetarët presin të mësojnë konkretisht se si do të përfitojnë nga plani ekonomik që Kryeministri shpalosi gjithe pathos në facebook-un e tij. Ende asgjë! Me çduket Bashkimi Europian ja doli të mendojë e veprojë më shpejt me ndihmën ekonomike dhe planifikimin e saj edhe pse i duhet në të njejtën kohë të veprojë për vendet anëtare e vende të tjera si puna e Shqipërisë.

Ps. 140 milion euro nga taksat tona me vendim të Arbitrazhit Ndërkombëtar do të duhet ti paguaj shteti shqiptar biznesmenit Beketi vetëm për një tekë të Kryeministrit Rama. Dhe pastaj thotë në recitim e sipër se “kaq dhjam ka” buxheti ynë.

#Qëndronështëpi
#Kujdesu për veten e të tjerët

/ In Uncategorized / By Admin / Comments Off on Mehmetaj: Lajmet e mira nga Brukseli përballë lajmeve të hidhura të qeverisë!

Vasili: 2 Marsi i Kushtetutës, përballë antiligjit dhe horrllëkut qeveritar!

Nga Petrit Vasili

2 Marsi i Kushtetutës, përballë antiligjit dhe horrllëkut qeveritar!

2 marsi si takimi mbarë popullor i të gjithë shqiptarëve është momenti që ndan gjërat.

Mbrojtja e Kushtetutës është mbrojtje nga antiligji qeveritar :

që grabit pronën, që ndëshkon njeriun e thjeshtë dhe mbron hajdutët e qeverisë,

që dhunon çdo të drejtë të njerëzve të zakonshëm dhe garanton çdo privilegj të shfrenuar të qeveritarëve gangsterë,

që shkeljen e ligjit e quan normalitet dhe respektimin faj

që lejon të grabiten miliarda me koncesione ndërsa njerëzit e varfër nuk sigurojnë dot as bukën e përditshme,

që i mbyll gojën fjalës së lire dhe paguan fjalën e maskarenjve mediatike të paguar nga qeveria,

që lejon të pastrohen paratë e pista që asgjësojnë mijëra biznese të ndershme,

që jua bën jetën ferr shqiptarëve aq sa ata ikin me mijëra nga Shqipëria,

që është gati të shkëmbejë shqiptarët me sirianë e bangladeshas,

që e shndërron Shqipërinë ndër tre vendet më të korruptuara të botës,

që e shndërron Shqipërinë në Kolumbinë e Evropës.

që ua shet edhe Shqipërinë edhe Kosovën interesave më të zeza antishqiptare.

2 marsi është vija e ndarjes mes pabarazisë përpara ligjit dhe drejtësisë së barabartë për të gjithë.

2 marsi i jep fundit drejtësisë së blerë, të kapur e të rrëmbyer nga qeveria që e mbron atë dhe dënon egërsisht njeriun e thjeshtë.

2 marsi është beteja për Kushtetutën që duan ta rrëmbejnë dhe ta shqyejnë Ram- rilindasit idiote të tij.

2 marsi është festa e ligjit dhe e barazisë së njerëzve të lirë.

2 marsi është dita e rikthimit të dinjitetit të nëpërkëmbur nga degjenerimi arrogant i ram-rilindjes.

2 marsi është dita e ndarjes me horrllëkun rilindas të antiligjit.

/ In Uncategorized / By Admin / Comments Off on Vasili: 2 Marsi i Kushtetutës, përballë antiligjit dhe horrllëkut qeveritar!

Kryemadhi: Pesë kërkesat e fermerëve dhe kooperativa e krokodilave

Kryetarja e Lëvizjes Socialiste për Integrim, Monika Kryemadhi ka dalur në mbështetje të fermerëve, të cilët ditën e sotme kanë dalë në protestë kundër qeverisë dhe kanë nxjerrë pesë kërkesa për qeverinë, të cilat Kryemadhi i quan si kërkesa minimale.

Në një postim në Facebook, Kryeatrja e LSI-së ka theksuar gjithashtu se qeveria e Rilindjes ka si inspirim grabitjen e më të dobtëve, nëpërkembjen, trajtimin e tyre si qytetarë të dorës së dytë dhe arrogancën kriminale ndaj kërkesave të tyre.

Postimi i plotë i Monika Kryemadhit në Facebook.

PESË KËRKESAT E FERMERËVE DHE KOOPERATIVA E KROKODILAVE

Sot fermerët u mblodhën për herë të tretë, brenda pak javësh, në protestë për të drejtat e tyre. Protestat dhe kërkesat e tyre kanë mbështetjen e plotë, timen dhe të LSI.

PSE PROTESTOJNË FERMERËT?

Pesë kërkesat e fermerëve janë minimale. Unë po i rendis një e nga një ato, për t’ua bërë të njohura çdo shqiptari. Censura qeveritare dhe manipulimi me të vertetën rreth kërkesave të fermerëve ka qënë prioriteti i vetëm i makinës dezinformuese dhe përçarëse mes shqiptarëve, që ka për shofer dhe timonier Edi Ramën.

1: Fermerët shqiptarë kërkojnë subvencion sipas prodhimit. Metodë që e ndjekin të gjithë vendet fqinje, të cilët janë edhe konkurrentet direkt të fermerëve tanë.

2: Vlerësim dhe kompensim financiar me çmim dysheme të tregut për produktet e humbura nga fatkeqësi të mëdha natyrore dhe për stokun e prodhimeve të shkaktuara nga çrregullimet e tregut. Kjo politikë ndiqet nga të gjithë fqinjët tanë për fermerët e tyre.

3: Barazimi i TVSH për produktet bujqësore, si në shitje ashtu edhe në blerje.

4: Drejtoritë e Bujqësisë dhe ministria, të mos jenë në shërbim të monopolistëve të importeve bujqësore dhe të imputeve, por të bëjnë punën e tyre sipas ligjit dhe t’i përgjigjen tatimpaguesve, që i paguajnë rrogën. Të bëjë analiza, kontrolle, monitorime për tokën, plehrat dhe farërat. Të ndërtojë një laborator të akredituar, që eksportet shqiptare të garantohen përballë sulmeve nga agjencitë e shteteve konkurrente.

5: Pika e fundit është një lutje ndaj qeverisë për të kryer detyrën e saj parësore. Të bëjë rregullime me ligj të kushteve dhe mënyrën e kryerjes së tregtisë me produktet bujqësore.

PSE NUK PLOTËSOHEN KËRKESAT MINIMALE TË FERMERËVE?

Sot shqiptarët kanë një qeveri të ardhur në pushtet me votat e mbledhura nga presioni dhe intimidimi i votuesve nga krimi i organizuar dhe blerja me paratë e PPP të oligarkëve, ndaj ata janë kaq të papërgjegjshëm dhe arrogantë me fermerët, si edhe me çdo shqiptar që punon dhe jeton me djersën e tij.
Kjo qeveri udhëhiqet nga paaftësia, këtë e tregoi me dëmin që i solli eksporteve dhe prodhimeve bujqësore dhe blegtorale ulja e TVSH në masën 6%. Kjo masë solli uljen e eksporteve dhe rikthimin e balancës negative mes eksporteve dhe importeve. Para dy vitesh Shqipëria eksportonte prodhime bujqësore më shumë se importonte. Sot fermerët e kanë kuptuar që kanë të bëjnë me nje qeveri të paaftësh.

Qeveria e Rilindjes ka si inspirim grabitjen e më të dobtëve, nëpërkembjen, trajtimin e tyre si qytetarë të dorës së dytë dhe arrogancën kriminale ndaj kërkesave të tyre.

Heqja e TVSH për imputet bujqësore u shpall si iniciativë në mbrojtje e fermerëve. Nga kjo manovër propagantistike dolën të fituar vetëm qeveritarët hajdutë edhe monopolistët e importeve. Çmimi i imputeve nuk ul përkundrazi u rrit.

Sot janë ulur me shtatë herë subvencionet në bujqësi. Qeveria e krokodilave e ka mendjen tek PPP-të korruptive në miliarda euro dhe nuk arrin t’i japë fermerëve as vlerën e një “kilometri” rrugë, që pa garë dhe me letra false i ndan me oligarkët hiena. Fermerët japin 24% të prodhimit kombëtar, por paratë shkojnë për “Kooperativën e Krokodilave të Qeverisë dhe Oligarkëve”.

Numri i gjedheve vetëm këto dy vite ka rënë me mbi 100 mijë kokë dhe i të imtave ka rënë me mbi 500 mijë kokë, ndërsa numri i autobotëve me qumësht nga Serbia është rritur në mënyrë eksponenciale, si dhe importet e produkteve bujqësore janë rikthyer frikshëm duke shkatërruar prodhimet shqiptare.
Kjo qeveri, me politikat e saj është antikombëtare, në thelb edhe në veprim.

Goditja e fermerëve dhe blegtorëve po i detyron ata të braktisin tokat dhe serrat. Me dhjetra shqiptarë të kthyer nga emigrimi për të punuar dhe investuar në tokën e tyre, po largohen sërish nga vendi më të zhgënjyer se kurrë.

Kjo qeveri dhe Edi Rama si inspirues i kësaj politike antikombëtare po asgjesojnë me vetëdije shtyllën kurrizore të kombit. Goditjet ndaj fermerëve dhe biznesit të vogël kanë për qëllim asgjesimin ekonomik të patriotëve dhe familjes shqiptare. Rilindasit, me këto praktika ekonomike po detyrojnë shqiptarët të braktisin vendin, që në vend të tyre të sjellin emigrantë nga Azia apo Afrika. Kësaj qeverie antikombëtare dhe oligarkëve që e komandojnë, ju duhen njerëz pa shtyllë kurrizore, pa gojë, pa krenari kombëtare, pa dashuri për Shqipërinë. Atyre ju duhen numra konsumatorësh dhe skllevër modernë.

Këmbët e trinomit që mban në pushtet Edi Ramën dhe oligarkët e tij janë: Paaftësia qeverisëse, grabitja e pasurive dhe taksave, si dhe veprimet e saja antikombëtare.

Në fund dua të ritheksoj edhe njëherë qëndrimin tim si kryetare e LSI, por edhe si qytetare e këtij vendi se mbështes fuqimisht kërkesat e fermerëve. Duke mbështur fermerët mbështesim Kombin, Familjen dhe Atdheun.

Sepse Shqipëria është shtëpia e çdo fermeri, blegtori, artizani dhe e çdo shqiptari, që do të jetojë në vendin e tij, me punë të ndershme.

Kryemadhi takon vajzat dhe gratë e Unazës së Re: Nuk mund t’i lëmë në mëshirë të Rilindjes dhe oligarkëve

Kryetarja e LSI, Monika Kryemadhi është takuar sot me një grup vajzash dhe grash, banorë të Unazës së Re, të cilat prej muajsh protestojnë kundër shembjes së banesave të tyre nga qeveria. Kryemadhi u shpreh se edhe sot nuk ka asnjë të ndaluar për vjedhjen e tenderave te Unaza e Re, ndërkohë që qytetarët rrihen dhe burgosen nga policia vetëm pse protestojnë.

“I vetmi faj i këtyre familjeve është se ndërtimet e shtëpive i kanë bërë me punë të ndershme,  jo si oligarku i Taulantit dhe Erionit. LSI nuk mund t’i braktisë këta shqiptarë të ndershëm, as nuk mund t’i lejojë që për fitimet e oligarkëve dhe tutorëve të tyre, këta shqiptarë të ndershëm të marrin arratinë në rrugët e Evropës”,- deklaron Monika Kryemadhi në një reagim në rrjetet sociale.

Mesazhi i kryetares së LSI, Monika Kryemadhi:

“Sot pasdite pata një takim me një grup vajzash dhe grash, banorë të Unazës së Re. Shtëpitë e tyre, djersa, gjaku dhe sakrificat së bashku me bashkëshortët, fëmijët dhe prindërit e tyre është duke u rrezikuar të shkatërrohet nga pangopësia e oligarkëve dhe qeverisë së Rilindjes.

Këto gra të sakrificës familjare, të shkëlqyera janë në zgrip të ekzistencës. Ato dhe familjet e tyre nuk mund t’i lëmë në mëshirë të fatit, as në lëmoshë të qeverisë së korruptuar të Edi Ramës. As të bien pre e mashtrimeve bajate të bashkëpunëtorit të krimit tek Unaza e Re, Erion Velisë.

Ndërkohë qëndresa e tyre është bërë frymëzim për çdo qytetar të këtij vendi, që padrejtësia, grabitja dhe arroganca e qeverisë së Rilindjes ua ka bërë jetën të padurueshme.

Ende asnjë i ndaluar apo hetuar nga autorët e skandalit të Unazës së Re. Damiani drejton Komisionin e Reformës së Vjedhjes së Votave në Parlamentin monist, askush nga firma nuk është ndaluar. Ish drejtuesit e ARRSH tallen nga lokalet e shtrenjta të Tiranës me fatkeqësinë e këtyre grave fisnike.

Një skandal edhe më i madh, i bërë në kurriz të këtyre familjeve është devijimi i shtratit të lumit të Lanës nga projekti fillestar, për ti hapur rrugë një oligarku tjetër, mikut të Taulant Ballës, i cili ka qëlluar edhe pak i dënuar për trafik droge. Së bashku me Edi Ramës dhe Erion Velinë janë autorët e shkatërrimit të jetës së dhjetëra familjeve shqiptare. Ata janë rrënuesit e së ardhmes të qindra shqiptarëve. Ata janë ekzekutorët e ëndrrave të dhjetëra fëmijëve shqiptarë, të cilët kanë ëndërruar të kenë një shtëpi të tyren dhe të jetojnë bashkë me prindërit e tyre.

I vetmi faj i këtyre familjeve është se ndërtimet e shtëpive i kanë bërë me punë të ndershme,  jo si oligarku i Taulantit dhe Erionit.

LSI nuk mund t’i braktisë këta shqiptarë të ndershëm, as nuk mund t’i lejojë që për fitimet e oligarkëve dhe tutorëve të tyre, këta shqiptarë të ndershëm të marrin arratinë në rrugët e Evropës.

Do i qëndrojmë në krah derisa ata të fitojnë të drejtën e tyre, për kompensim të plotë për pronat e tyre dhe për anulimin e projektit të devijimit të lumit të Lanës duke e çuar atë në kufijtë e projektit fillestar.

#ShqipëriaShtëpiaJuaj”.

/ In Uncategorized / By Admin / Comments Off on Kryemadhi takon vajzat dhe gratë e Unazës së Re: Nuk mund t’i lëmë në mëshirë të Rilindjes dhe oligarkëve

Dëmet e tërmetit, Pojana: Show mediatik dhe mashtrime të turpshme, qytetarët kanë nevojë për ndihmë

Konferencë për shtyp e Anëtarit të Kryesisë së LSI-së, Klevi Pojana

Lëkundjet e tërmetit të djeshëm, më i forti në 30 vitet e fundit, kanë krijuar një situatë emergjence dhe pasigurie në të gjithë vendin, veçanërisht në qytetet e Durrësit dhe Tiranës ku aktiviteti sizmik ishte edhe më i lartë.

Duke shprehur dhe njëherë solidaritetin me të gjithë qytetarët në këto momente të vështira, ne apelojmë për një reagim më efikas të institucioneve përgjegjëse.

Show mediatik që po zhvillohet që nga mbrëmja e djeshme nën regjinë e Kryeministrit, tregon fare qartë se qeveria shqiptare ka zero aftësi reaguese në raste të tilla të emergjencave civile.

Injorimi me arrogancë që i është bërë nga qeveria e Edi Ramës paralajmërimeve për të marrë masa paraprake në rast të fatkeqësive natyrore, fakton dhe pamundësinë e këtij të fundit për të shpallur gjendjen e emergjencës.

Qytetarët shqiptarë sot kanë nevojë për ndihmë dhe mbështetje reale, jo për show mediatik dhe mashtrime të turpshme.

Para disa orësh Kryetari i Bashkisë së Tiranës ka publikuar në faqen e tij në Facebook këtë foto me ndihma për qytetarët e prekur nga tërmeti i djeshëm.

Po e njëjta foto është publikuar edhe në datën 4 Qershor,në një organizim të Bashkisë Tiranë për të ndihmuar banorët e Korcës të prekur po ashtu nga një tërmet që la pas dëme të shumta materiale.
Mashtrime të tilla vulgare tregojnë edhe njëherë se fasadës së Rilindjes i ka dalë boja.

Erjon Veliaj të kërkojë falje publike për të tilla tallje me qytetarët shqiptarë, në një moment kaq kritik.
Përmbushja e obligimeve ligjore për ti ofruar ndihmë cdo qytetari është një detyrim për qeverinë shqiptare, e cila duhet zgjuar nga gjumi letargjik që e ka zënë.

I urojmë shërim të shpejtë të gjithë të dëmtuarve dhe me besim tek Zoti e solidaritet do ta kalojmë këtë sprovë.

Faleminderit!

  

/ In Uncategorized / By Admin / Comments Off on Dëmet e tërmetit, Pojana: Show mediatik dhe mashtrime të turpshme, qytetarët kanë nevojë për ndihmë

Spahiu publikon raportin: 13 tetori, shansi i rikthimit në normalitet

Nga Përparim Spahiu

Raporti i fundit i Koalicionit për Reforma, Integrim dhe Institucione të Konsoliduara (KRIIK), ngre alarmin që data 13 tetor të konsiderohet si shanci më i afërt i rikthimit në shina normaliteti të një demokracie të brishtë, ndërtuar në 29 vite, kundrejt një anormaliteti absolut të asaj që prodhuan votimet e 30 Qershorit.

Raporti veren se:

– U shënua një administrim totalisht i njëanshëm politik me shkelje jo të pakta ligjore, si dhe rezultoi realisht një proces gati tërësisht pa garim duke përbërë kështu de facto një emërim politik të qeverisjes vendore.

– Ky proces i ashtuquajtur zgjedhor shënoi përmbylljen e një serie dështimesh të klasës politike vendase.

– Zhbërjen e qeverisjes vendore si një pushtet i decentralizuar si dhe me pamundësinë e një dialogu serioz politiko-institucional, mungesa e të cilit ka sjellë radikalizimin e përballjes politike duke u përpjekur për të instaluar një krizë kushtetuese permanente.

– Me këtë “proces zgjedhor”, “u hodh në erë” edhe mekanizmi i kundër-balancimit politik, praktikisht bi-partizan, në mbarëvajtjen zgjedhore.

– Në “çertifikimin” e rezultatit, me standardin e ri të vendosur, procesi u mundësua të jetë tashmë edhe krejt unilateral.

– Me procesin e 30 Qershorit, në shoqërinë shqiptare u imponua mënjanimi i tërë aspiratave demokratike përballë rrezikut të krizës që thellohet gjithmonë e më shumë.

– Pas 30 Qershorit rotacioni mekanik zgjedhor, po orientohet drejt një rotacioni mirëfilltazi autokratik, me një “biletë dyshe” qeverisje qendrore-vendore së bashku.

– Situatë kjo në të cilën bien tërë parimet e një demokracie kushtetuese si kontroll dhe balancë, transparenca vendimmarrëse, llogaridhënia ndaj qytetarëve, ligjzbatimi, e të tjera si këto.

– Marrëdhënia kushtetuese e qeverisjes vendore me atë qendrore, në vijimësi të qeverisjes së vendit është de-natyruar.

– Vertikalizimi i pushtetit pa prezencë opozitare, në kontekstin vendas të ligjzbatimit dhe sjelljes institucionale, paraqet një rrezik shumë të lartë për qeverisjen vendore.

– Përballë këtij vertikalizimi pushteti dhe një opozite të angazhuar në një konflikt në rend madhor, problematikat e përditshme të jetesës së qytetarëve në nivel mikro, rrezikojnë të mbeten të pazëshme dhe të pambështetura politikisht.

– Nevojitet të merret në konsideratë shkrirja e trupës së Komisionit Qendror të Zgjedhjeve dhe e Kolegjit Zgjedhor, si dhe nisja e punës për hartimin e një Kodi të Zgjedhor të ri.

Siç shihet raporti pasqyron një situat shumë të rëndë pas votimeve të 30 Qershortit, por unë besoj fort që jemi të gjithë në kohë për të reflektuar, sidomos SHUMICA (kjo e fundit e dalë e tillë po nga zgjedhje anormale dhe te grabitura të vitit 2017) të ndalojmë një dëm të pallogaritshëm për demokracinë në Shqipëri.

30 Qershorin ta lëmë thjesht një ngjarje për tu studiuar dhe për të mos u përsëritur më.

Pamundësia e zgjidhjes në kohë, me argumenta kushtetues, të situatës së krijuar, duhet të na udhëheqë në një angazhimim konstruktiv të të gjithë faktorëve politikë në vend për realizimin e zgjedhjeve të 13 Tetorit.

Kjo do të krijonte vërtet shance të mëdha për hapjen e negociatave, vendim që do të meret vetëm pesë ditë më vonë.

Vasili: Ky kryeministër dhe kjo qeverisje peng i krimit të organizuar, pengesa e vetme që u kanoset shqiptarëve për të ardhmen dhe ecjen e tyre në Europë

Deklarata për media e Nënkryetarit të LSI-së, Petrit Vasili

 

Të nderuar qytetarë,

Dje, të gjithë shqiptarët kanë ndjekur publikimet tronditëse të Bild, gazetës më të madhe gjermane  dhe një nga më të mëdhatë në botë, e cila demaskoi qartë dhe hapur, kriminalizmin e shfrenuar të zgjedhjeve në Shqipëri dhe pushtimin e zgjedhjeve nga kriminelët.

Por tashmë që ju i keni shumë të qarta të vërtetat po ndaj me ju sesi kanë mashtruar pacipësisht, publikisht dhe pa iu dridhur qerpiku, që të gjithë përfaqësuesit e Rilindjes nga i pari i tyre Edi Rama e të tjerët. Për të qenë më konkret po japim një video se çfarë deklaronte Edi Rama  si person lidhur me videot me përgjimin dhe sesi mohonte ai përgjimin.

Ndiqni videon dhe shikoni si gënjen Edi Rama.

E patë të nderuar qytetarë sesi mashtrimi nuk njeh kufij. Por dhe provën që në krye të këtij grupi të strukturuar kriminal që grabit zgjedhjet , grabit pushtetet dhe grabit gjithçka në Shqipëri është vetë Kryeministri.

Megjithatë të ecim më poshtë të nderuar qytetarë, të shohim sesi këta nën Kryeministrit, këta që çjerrin gjoksin e shesin parime nga mëngjesi në darkë por që janë të zhytyr deri në grykë në këtë pacipësi kriminale që po i mbyt. Hajde të ndjekim së bashku të nderuar qytetarë se çfarë deklaronte lidhur me votën e qytetarëve dibran, votë që ju e keni shumë të qartë sesi u rrëmbye, si u trafikua Kryetari i Grupit Parlamentar të Partisë Socialiste Taulant Balla.

Ju qytetarë e dini më së miri se ç’ndodh në Dibër, ju e dini që në Dibër në krye të operacionit ishte vetë Kryeministri që pyeste për realizimin  e planit të vjedhjes së votave . së dyti patë shumë mirë sesi kërcënoheshin për tu fluturuar nga vendi i punës në qoftë se nuk jepnin me imponim votën për Rilindjen. Patë sesi bëhej pazari i votës me 30, me 40 mijë lekë sheshit. Dhe patë sesi të gjithë bashkë manipuluan poshtërisht dhe në mënyrë kriminale vullnetin e qytetarëve dibranë. Kjo video dëshmon se ç’ndodh në realitet dhe sesi mashtrojnë këta njëri pas tjetrit duke filluar nga kryetari i partisë dhe i qeverisë deri të kryetari i grupit parlamentar.

Po ecim më tutje. Kemi dhe një ministër në video, i cili ka pozicione të veçanta në reformën zgjedhore dhe që është përbetuar që nuk ka lidhje me kriminelët. Ndiqeni videon pasi keni ndjekur dhe përgjimet e Bildit ku në mënyrë kristaline del roli i tyre.

Ndjekim se çfarë ka deklaruar në mënyrë të pacipë ish-ministri Gjiknuri aktualisht kryetar i reformës zgjedhore të PS lidhur me përfshirjen e grupeve kriminale në zgjedhjet në Dibër dhe sesi e ka mohuar këtë gjë.

 

BILD na tregoi shumë qartë sesi ky ministër niste fugonë me banditë e kriminelë, të cilët i paguante vetë e kujdesej vetë për këta që këta të kujdeseshin për zgjedhjet e lira dhe të ndershme. Të nderuar qytetar mendoni se cilat janë zgjedhjet që do donin të bënin këta. Ato zgjedhje për të cilat u shqyen që ti mbanin në 30 qershor. Gjendjet e paligjshme, inekzistente, pra do ti bënin me këta kriminelë e në krye të reformës zgjedhore të përmirësohen zgjedhjet në Shqipëri, është ky ministër i cili niste me vullnet të plotë kriminelët dhe gangsterët që të vidhnin zgjedhjet. Të gjithë shqiptarët janë sot shumë të qartë dhe shumë të vendosur që mos të pranojnë kurrën e kurrës që Kryeministri dhe qeveria e tij e kriminalizuar të vazhdojnë të qëndrojnë në zyrat e tyre sepse janë ilegjitim, kanë lindur nga një proces tërësisht ilegjitime dhe të kontrolluar a nga kriminelët dhe gangsterët.

Ky realitet të cilin opozita e ka denoncuar shumë fort në të gjitha nivelet, e ka ndarë me të gjithë shqiptarët,të cilët tashmë e kanë kuptuar atë si kurrë më parë nën dritën e fakteve të reja tronditëse, të jashtëzakonshme të gazetës Bild dhe kjo është tashmë një provë integriteti dhe vijë ndarëse edhe për disa ndërkombëtarë, të cilët mbyllën sytë përpara shkatërrimit të themelit të demokracisë që janë zgjedhjet e lira dhe të ndershme. Janë një provë për disa ndërkombëtarë që duartrokitën dhe u ekzaltuan për këtë fitore “bindëse” në thonjëza të kriminelëve, janë provë për disa ndërkombëtarë që fatkeqësisht u kthyen jo rrallëherë në megafonë të së qeverisë. Këta ndërkombëtarë janë përpara dy alternativave: 1. Ose të denoncojnë, të demaskojnë, të dënojnë qartë e prerë kriminalizimin e zgjedhjeve dhe qeverisjes në çdo qelizë të Shqipërisë dhe sundimin e krimit të organizuar, korrupsionit, trafikantëve dhe gangsterëve 2. Ose alternativa tjetër, më e keqe e mundshme, të vazhdojnë të mbështesin një qeveri e kryeministër si ky duke u vendosur në anën e gabuar të historisë, duke humbur përfundimisht çdo lloj besimi të shqiptarëve tek ata dhe të vendosen njëherazi kundër idealit të shqiptarëve Shqipëria si gjithë Europa, pasi ata nuk kërkojnë as më shumë e as më pak , por të drejtën të votojnë të lirë, jo nën kërcënim dhe që të ndërtojnë të ardhmen e tyre dhe të fëmijëve të tyre në Shqipëri. Pasi Shqipëria të jetë në Europë, kjo do të ishte ëndrra e realizuar e çdo shqiptari sepse këtë ëndërr, në mes të saj është vendosur si shkëmb ky kryeministër, i cili i ka vendosur shqiptarët përpara alternativës së tmerrshme të izolimit, të vendosjes së vizave për shqiptarët, për arsyen sepse kriminaliteti dhe korrupsioni i tij janë bërë një shqetësim madhor për të gjithë Europën. Ky kryeministër dhe kjo qeverisje peng i krimit të organizuar, peng i trafikantëve, peng i të korruptuarve, peng i gangsterëve, është pengesa e vetme që u kanoset shqiptarëve për të ardhmen dhe ecjen e tyre në Europë. Shqiptarët të bashkuar dhe me mijëra do të jenë sërish të premten në shesh, pasi Shqipëria dhe fati i familjeve të tyre janë përpara gjithçkaje tjetër. Askush nuk mund dhe nuk përballet dot me këtë fuqi njerëzore, e cila ka të drejtën si motivin themelor të protestës dhe Europën si ëndrrën e gjithsecilit.

/ In Uncategorized / By Admin / Comments Off on Vasili: Ky kryeministër dhe kjo qeverisje peng i krimit të organizuar, pengesa e vetme që u kanoset shqiptarëve për të ardhmen dhe ecjen e tyre në Europë

Kryemadhi: Sot më shumë se kurrë, Shqipëria ka nevojë për forcën e protestës qytetare

Sot më shumë se kurrë, Shqipëria ka nevojë për forcën e protestës qytetare, ka nevojë që të gjithë bashkë të dëshmojmë se e ardhmja e fëmijëve tanë nuk mund të jetë peng i papërgjegjshmërisë së Edi Ramës!

Sot është dita e qytetarëve.

Prandaj të gjithë bashkë,
pa asnjë dallim në jemi të rinj apo të moshuar,
burra apo gra,
nga fshati apo nga qyteti,
nga Jugu a nga Veriu,
me apo pa parti,
të majtë apo të djathtë,
të jemi bashkë në protestën e shpresës, sepse e keqja po shembet dhe se e nesërmja bëhet më e mirë, vetëm kur qytetarët i dalin zot fatit të tyre!

Shqipëria pa varfëri dhe me punë të ndershme, pa korrupsion e në luftë me krimin e organizuar, pa drogë e oligarkë, por me njerëz që e duan familjen dhe atdheun e konsiderojnë shtëpinë e tyre, është më e rëndësishme, më e madhe dhe më e fortë se Edi Rama dhe klani i tij kriminal!

Sot më shumë, sot më të vendosur, sot më të fortë, sot më të bashkuar!

/ In Uncategorized / By Admin / Comments Off on Kryemadhi: Sot më shumë se kurrë, Shqipëria ka nevojë për forcën e protestës qytetare