|
|
|
|
| |
|
|
|
13/12/2005 22:30 - Projektligji për Nxitjen e Investimeve Private në Sektorin Elektroenergjetik
|
|
PER NXITJEN E INVESTIMEVE PRIVATE NE SEKTORIN
ELEKTROENERGJITIK
Ne mbeshtetje te n.____te Kushtetutes, me propozim te nje grupi deputetesh,
KUVENDI
I REPUBLIKES SE SHQIPERISE
VENDOSI:
KREU I
DISPOZITA TE PERGJITHSHME
Neni 1
Qellimi i ligjit
Qellimi i ketij ligji eshte: Te nxise investimet private ne sektorin elektroenergjitik, nepermjet lehtesimit te procedurave administrative, e aplikimit te stimujve financiare.
Neni 2
Objekti i ligjit
Ky ligj zbatohet per te gjitha investimet private qe do te kryehen ne sektorin elektroenergjitik.
Me investime private do te kuptohen, te gjitha investimet e kryera drejtperdrejt, apo nepermjet marreveshjeve koncesionare, ne ndertimin e objekteve te reja per prodhimin e energjise elektrike.
Neni 3
Investitoret
Investitore, ne kuptim te ketij ligji, jane te gjithe personat fizike apo juridike, shqiptare apo te huaj, te cilet investojne, ne ndertimin e HEC-eve, TEC-eve, apo impianteve te tjera, qe sherbejne per prodhimin e energjise elektrike.
KREU II
PROCEDURAT E MIRATIMIT TE PROJEKTIT TEKNIK
Neni 4
Pergatitja dhe miratimi i projektit teknik
Projekti teknik i vepres hartohet nga investitori, ne perputhje me te gjitha rregullat dhe standartet ne fuqi.
Projekti teknik miratohet nga autoriteti shteteror pergjegjes, brenda 30 diteve nga dita e dorezimit te kerkeses dhe dokumentacionit perkates.
Neni 5
Autoriteti shteteror pergjegjes per miratimin e projektit teknik
Autoriteti shteteror pergjegjes per miratimin e projektit teknik eshte:
Agjensia Kombetare e Energjise (AKE) dhe Komiteti Kombetar i Digave, ne rastet e HEC-eve;
Agjensia Kombetare e Energjise, ne rastin e TEC-eve, apo impianteve te tjera per prodhimin e energjise elektrike.
Neni 6
Procedurat e shqyrtimit te projektit teknik
Keshilli i Ministrave, me propozim te Ministrit pergjegjes per energjine, vendos te gjitha rregullat mbi plotesimin e dokumentacionit, procedurat e shqyrtimit te projektit teknik dhe marrjes se vendimit, nga autoriteti shteteror pergjegjes.
Neni 7
Miratimi ne heshtje
Nese autoriteti shteteror pergjegjes, brenda afatit te percaktuar ne nenin 4 te ketij ligji, nuk merr nje vendim te motivuar, per pranimin apo rrezimin e projektit teknik, projekti konsiderohet si i miratuar dhe eshte i vlefshem ne fazat e tjera te miratimit te investimit.
Neni 8
E drejta e ankimit
Kunder vendimit te autoritetit shteteror pergjegjes, mund te behet ankim, brenda 10 diteve nga marrja dijeni per vendimin, prane Ministrit pergjegjes per sektorin energjitik, i cili brenda 15 diteve, u komunikon investitoreve vendimin perfundimtar.
Kunder ketij akti administrativ mund te behet ankim ne gjykate.
KREU III
KERKESAT PER KONCENSIONE
Neni 9
Shqyrtimi i kerkesave per koncensione
Investitoret, pas miratimit te projektit teknik, nese kerkojne te realizojne nje marreveshje koncesionare, sipas percaktimeve te Ligjit Nr.7973, date 26.7.1995 “Per koncensionet dhe pjesemarrjen e sektorit privat ne sherbimet publike dhe infrastrukture”, i drejtojne kerkesen perkatese dhe gjithe dokumentacionin e nevojshem Organit Shteteror te Autorizuar (OSHA).
Neni 10
Organi Shteteror i Autorizuar
Ne kuptim te ketij ligji, me Organ Shteteror te Autorizuar do te kuptohet:
Komuna apo Bashkia perkatese, ne territorin e se ciles shtrihet projekti i propozuar, ne rastet kur objekti ka nje fuqi te instaluar deri ne 10 MW;
Ministria pergjegjese per energjine, kur objekti i propozuar ka nje fuqi te instaluar mbi 10 MW.
OSHA ushtron te gjitha kompetencat e parashikuara per te, nga Ligji Nr.7973, date 26.7.1995 “Per koncensionet dhe pjesemarrjen e sektorit privat ne sherbimet publike dhe infrastrukture”.
Neni 11
Afatet
OSHA shqyrton dokumentacionin dhe merr vendim, brenda 30 diteve, nga dita e depozitimit te kerkeses.
Kunder vendimit te OSHA-se behet ankim ne gjykate, brenda 10 diteve, nga marrja dijeni per te.
Neni 12
Miratimi ne heshtje
Nese OSHA, brenda afatit ligjor te percaktuar ne n.11, nuk merr vendim, kerkesa konsiderohet e miratuar ne heshtje dhe palet fillojne menjehere negocimin per n/shkrimin e marreveshjes se koncesionit.
Neni 13
E drejta e demshperblimit
Refuzimi i OSHA-se per negocimin e n/shkrimin e kontrates, i jep investitorit te drejten e demshperblimit.
Masa e demshperblimit percaktohet nga gjykata, me kerkese te investitorit, mbi bazen e rregullave te percaktuara ne Kodin Civil per shperblimin e demit.
Neni 14
Propozimet e kerkuara
Kur per ndertimin e nje objekti, prane OSHA, eshte depozituar me shume se nje kerkese, OSHA vepron si ne rastin e propozimeve te kerkuara, duke organizuar tender, sipas percaktimeve te bera ne Ligjin Nr.7973, date 26.7.1995 “Per koncensionet dhe pjesemarrjen e sektorit privat ne sherbimet publike dhe infrastrukture”.
Neni 15
Procedurat e tenderit
Vendimi per hapjen e tenderit merret jo me vone se 10 dite, nga marrja e informacionit perkates mbi projektet e miratuara nga AKE.
Keshilli i Ministrave, me propozim te Ministrit pergjegjes per energjine, miraton rregullat per zhvillimin e tenderit.
Neni 16
Marreveshja e koncensionit
Ne perfundim te negocimit investitori dhe OSHA, nenshkruajne marreveshjen e koncensionit, sipas kushteve dhe afateve te percaktuara nga Ligji Nr.7973, date 26.7.1995 “Per koncensionet dhe pjesemarrjen e sektorit privat ne sherbimet publike dhe infrastrukture”.
Marreveshja e koncensionit hyn ne fuqi me n/shkrimin e paleve
KREU IV
DETYRIMET E ORGANEVE TE QEVERISJES VENDORE
Neni 17
Leja e sheshit dhe leja e ndertimit
Pas miratimit te projektit teknik, apo n/shkrimit te marreveshjes se koncesionit, gjithe dokumentacioni i hartuar ne perputhje me kerkesat e ligjit “Per Urbanistiken”, dergohet prej investitorit, per miratimin e sheshit te ndertimit dhe lejes se ndertimit, ne Keshillin e Rregullimit te Territorit, te Komunes apo Bashkise, ku shtrihet investimi, kur objekti i propozuar ka nje fuqi te instaluar deri ne 10 MW; dhe ne KRRTRSH kur objekti i propozuar ka nje fuqi te instaluar mbi 10 MW.
KRRT kompetente, vendos brenda 30 diteve, nga depozitimi i kerkeses, per miratimin e lejes se sheshit, apo ndertimit.
Neni 18
Ankimi kunder vendimit te KRRT
Nese KRRT e Komunes apo Bashkise, sipas percaktimit te n.17, refuzon dhenien e lejes perkatese, investitori ka te drejte, brenda 10 diteve, nga njohja me vendimin, ta ankimoje ate ne KRRTRSH.
KRRTRSH, brenda 15 diteve, shqyrton ankimin dhe shpall vendimin perkates.
Kunder vendimit te KRRTRSH-se, sipas percaktimeve te n.17 dhe 18/2, mund te behet ankim ne gjykate.
Neni 19
E drejta e demshperblimit
Nese KRRT, apo KRRTRSH, pa ndonje arsye objektive, nuk merr vendim brenda afatit, investitorit i lind e drejta e demshperblimit, per demin e shkaktuar nga vonesa e pajustifikuar, sipas kushteve te percaktuara ne n.13 te ketij ligji.
Neni 20
Kontrolli i investimit
Kontrolli mbi investimin kryehet nga komunat, apo bashkite perkatese, ku ndodhet objekti, ne perputhje me ligjin “Per Urbanistiken”.
KREU V
LEHTESIRAT FINANCIARE
Neni 21
Lehtesirat financiare
Per nxitjen e investimeve ne kete sektor te rendesishem, aplikohen disa lehtesira financiare sic jane:
-Perjashtimi per nje afat 10 vjecar, i ketyre investimeve, nga tatimi mbi
fitimin;
-Perjashtimi nga taksat doganore i te gjitha makinerive dhe pajisjeve, te
nevojshme per realizimin e ketyre investimeve;
Neni 22
Procedurat e aplikimit te lehtesirave financiare
Pas miratimit te gjithe dokumentacionit te nevojshem, nga AKE dhe organet kompetente te qeverisjes vendore, investitori paraqet kerkesen per perfitimin e lehtesirave fiskale ne Ministrine e Financave.
Autorizimi leshohet nga Ministri i Finacave, brenda 15 diteve nga paraqitja e kerkeses. Ky autorizim u dergohet per egzekutim organeve kompetente doganore dhe tatimore.
Neni 23
E drejta e ankimit
Kunder vendimit te Ministrit te Financave mund te behet ankim, brenda 10 diteve, ne gjykate.
KREU VI
DISPOZITA TE FUNDIT
Neni 24
Leja e shfrytezimit
Ne perfundim te punimeve, AKE dhe zyra e urbanistikes pergjegjese, te Bashkise apo Komunes, pasi bejne kontrollin e plote teknik, leshojne lejen e shfrytezimit te objektit.
Neni 25
Licensimi i subjektit
Ne perputhje me rregullat e percaktuara ne Ligjin Nr. 9072,date 22.05.2003 “ Per sektorin e energjise elektrike”, Enti Rregullator i Energjise (ERE), ben licensimin e subjektit si prodhues i energjise elektrike
Neni 26
Marredheniet me KESH sh.a
Prodhuesit private te energjise elektrike n/shkruajne me KESH sh.a, ne perputhje me legjislacionin ne fuqi, marreveshjet perkatese, per shperndarjen apo shitblerjen e energjise elektrike.
ERE miraton rregullat dhe procedurat e nevojshme, per realizimin e ketyre marreveshjeve dhe mbikqyr realizimin e tyre.
Neni 27
Miratimi i akteve n/ligjore
Autorizohet Keshilli i Ministrave te miratoje, brenda 3 muajve, te gjitha aktet n/ligjore qe rrjedhin nga miratimi i ketij ligji.
Ngarkohet Keshilli i Ministrave, te marre te gjitha masat e nevojshme administrativo-financiare, qe mundesojne aktivitetin normal te AKE-se, ne perputhje me dispozitat e ketij ligji.
Neni 28
Hyrja ne fuqi e ligjit
Ky ligj hyn ne fuqi pas botimit ne Fletoren Zyrtare |
|
|
| |
|
|
|
|
 |
|
| PARTIA SOCIALISTE EUROPIANE |
|
| NATIONAL DEMOCRATIC INSTITUTE |
|
|
