Petrit Vasili: Kryeministri e ka çuar Shqipërinë në udhëkryqin më të rrezikshëm të saj.

Intervista e Kreut të Grupit Parlamentar të LSI-së, Petrit Vasili për Report TV datë 26 Maj.

Një tjetër protestë e opozitës e cila duket se mbyllet pa arritur qëllimin e saj. Mendoni se kjo i dekurajon mbështetësit tuaj?

Jo kjo dekurajon besoj të gjithë pritshmëritë e atyre të cilët besoj janë shumë të intersuar dhe të karikuar, qofshin këta në politikë, klientë të politikës. Të cilët për shkak të kapjes së tyre pasi ekzistojmë në një shtet të kapur vuajnë të njëjtën sëmundje shumë të rëndë që është ajo që shkatërron një shoqëri pra pikërisht problemin e kapjes dhe nuk kuptojnë që ka sot një kulmim politik të jashtëzakonshëm. Dhe e gjithë kjo situatë kulmoi me një protestë popullore të jashtëzakonshme. Me mijëra qytetarë ishin mërzitur, shumë të rreptë ndaj qeverisë, ndaj ministrisë së brendshme. Sigurisht u dekurajuan pritshmëritë e atyre të cilët menduan që ne do vinim flakën, që do përdornim dhunë. Absolutisht nuk ka për të pasur asnjë protestë të tillë nga opozita shqiptare e cila nuk do ndërtojë kurrë të ardhmen e saj politike mbi kufoma. Kush pret standardet e 21 Janarit do mbetet i zhgënjyer. Ju e mbani mend si u dhunuan dhe policët dhe kur ngrinin flamurin kombëtar ,dhuna solli dhunën. Ju e mbani mend se nuk besoj se jua ka hequr memorien Edi Rama të gjithëve, sesi u dhunuar policët në mes të sheshit, pavarësisht se ata që bëjnë sikur e duan shumë qeverinë bëjnë sikur harrojnë. Pra ka një reagim shumë të fortë qytetar , nuk është një shoqëri që fle, është shoqëri e zgjuar e fortë të cilën opozita e prin. Dhe e cila mban manifestime madhështore, në mënyrë të veçantë për dimensione të cilat është vendi ynë, që përcjell një mesazh të qartë dhe nuk dominohet nga flamujt politikë. Dominohet nga kredo e integrimit e cila kërkon të reagohet ndaj krimit të organizuar, ndaj drogës, ndaj inkriminimit të ministrisë së brendshme. Sepse janë pikërisht ato që na pengojnë rrugën e integrimit. Ne me opozitën tonë pastrojmë rrugën e integrimit nga këto fenomene. Pasi ju e dini shumë mirë që kemi një hapje negociatash që duket se nuk është me shpresa të mëdha. Nuk kemi pse ta gënjejmë veten, pasi shtete të ndryshme kanë treguar qartë që nuk i bindim. Dhe kanë vënë kryefjalën e tyre krimin dhe drogën. Dhe kur ne godasim fort qeverinë te krimi i organizuar te droga dhe te inkriminimi i qeverisë së punëve të brendshme, pikërisht për këtë qytetarët janë vigjilent që të reagojnë me fuqinë e duhur.

Z. Vasili gjithmonë pas një proteste nis një luftë numrash, sa persona ishin sot në shesh?

Nuk dua t’i hyj këtij debati, nuk më intereson fare. Ata që janë në shesh janë pjesë e demonstrimit për të treguar se çfarë i detyron të dalin në këtë temperaturë. Lojën e numrave, e kam ua lëmë atyre që paguhen nga kryeministri. Ata që nuk paguhen nga kryeministri përpiqen të jenë objektiv, aq sa kanë mundësi për mbijetesën e tyre mediatike. Sot ne kemi një favor të madh, kemi shumë mundësira komunikimi dhe ku secili ka mundësi të shikojë ato që do. Ju e keni parë, ne kemi një Kuvend që ka mbyllur mundësitë e komunikimit, kemi krijuar një mundësi në Facebook dhe ju vazhdoni të na ndiqni dhe kur mbyllet goja dhe dhunohet parlamenti. Dhe kështu nuk kemi nevojë për interpretim e kemi zgjidhur këtë problem.

Z.Vasili në protestën e sotme keni patur një rol më të tërhequr të LSI-së?

Është një nga këto gjethet pa shije. Roli i LSI ishte më aktiv se kurrë, për t’i dhënë rritje tjetër protestës u zgjodh që të fliste vetëm z. Basha. Znj.Kryemadhi kanë qenë live në median tuaj. Por aktivistët e LSI nuk ishin te përplasjet? Ju nuk i njihini aktivistët e LSI, sepse kanë qenë. Unë dhe Kryemadhi kemi qenë përballë Ministrisë së Brendshme , por ju keni dashur të shikoni vetëm Bashën. Ju keni të drejtën të shikoni me ata sy që zgjidhni të shikoni. Eksluzivisht për ju ka qenë Endrit Braimllari paradite, më pas në rrugën drejt protestës me një grup të madh të organizuar, kemi qenë unë dhe znj. Kryemadhi dhe mijëra të tjerë. Ne kemi qëndruar për një kohë të gjatë para Ministrisë së Brendshme. Z.Basha dhe znj.Kryemadhi janë larguar në të njëjtën kohë. Më pas z.Basha, po jua kujtoj unë, u detyrua të rikthehej për tu bërë një thirrje protestuesve sepse situata po precipitonte.

Edhe njerëz të afërt të familjeve tona kanë qenë aty, jo vetëm aktivistët e LSI. Nuk ua tregoj, se ata maskarenjtë e policisë edhe mund t’i arrestojnë. Disa nga fotot më vjen keq tua them që janë foto të bëra nga afër are, janë foto të miat personale. Në rast se ju do të kishit parë që flisnin kryetarët e partive, flisnin qytetarë, fliste kryetari i PD dhe nuk fliste znj. Kryemadhi, do kishte një qëndrim. Në formatin e 27 janarit kanë folur qytetarët, të gjithë kryetarët e partive dhe Kryemadhi, ndërsa sot kishte vetëm një fjalë për tu dhënë mundësi që të ishte marshim. Në rast se doni të gërmoni për këtë punë, vazhdoni po është pa kuptim. Po ta keni parë në sinkron të plotë që Monika Kryemadhi përshëndeti dhe mbajti një fjalë tjetër nga Selia e LSI, në të njëjtën kohë me z.Basha sepse veprimet kanë qenë të sinkronizuar.

A jeni të bindur se Fatmir Xhafaj është i përshirë në trafikun e drogës, duke ndihmuar vëllanë e tij?

E kam bindje këtë, për një arsye shumë të thjeshtë. Çështja e vëllait të z.Xhafaj është prej 15 vitesh. Xhafaj është akuzuar dhe më parë, por është mbrojtur në Parlament dhe në 2010. Edhe kur ka marrë për herë të parë detyrën e ministrit të brendshëm se tani e mori për herë të dytë. E ka përbuzur këtë akuz. Kur e mori për herë të dytë është në rekordet tuaja, tha qartë që unë nuk kam të bëj me vëllanë, nuk dua të kem të bëj fare. Në deklaratat e mëparshme ka pasur tjetër qëndrim. Pas 15 vitesh që përmendet kjo gjë në mënyrë të rrufeshme vëllai i tij iku në mes të natës. Ndërkohë që kushdo që do të kishte një qëndrim tjetër, nuk dua të më komentoni sepse kjo është bindja ime, është një gjë që do të bënte çdo shqiptar që është në detyrë të lartë publike. Unë kam pasur nderin që të bëj dhe detyra të larta publike, do të bënte këtë gjë tjetër ,duhet të vendoste në dispozicion të drejtësisë këtë çështje dhe verifikimin e çështjes në fjalë dhe pastaj do të shkonte të kryente këtë dënim të cilin e kishte përbuzur për 15 vite , por jo të ikte në 4 të mëngjesit Pyetja ime është pse të mos e besoj kur ky shqetësim krijoi një konfuzion kaq të madh? I ka dëgjuar këto deklarata vazhdimisht kryeministri, ku ka një organ hetimi? Prokurorinë e zgjedhur e dimë tashmë si është zgjedhur në mënyrë të paligjshme me 69 vota. Po çpati që nuk e la prokurorinë të verifikonte tha unë e kam bërë verifikimin. Ça është ky kryeministër që heton, prokuror është ky? Ekzekutivi është nën hetim vetë nuk është ai që heton. Në momentin që doli audio-përgjimi pati reagime të rrufeshme. Vëllai i këtij ministri që nuk kishte asnjë shqetësim u largua me urgjencë të tmerrshme në mungesë të plotë transparence. Njëri nuk raportoi , kam qenë ministër drejtësie, ka rregulla, nuk shkon njeriu të prenotojë hotel për të vuajtur dënimin. Pastaj dhe ngutja e kryeministrit. , tha kam audio përgjimin origjinal. Po ku e gjeti. Nëse e ka dmth, ia ka dhënë prokuroria. Ja ku ka rënë dhe prokuroria. Gjithë ky ngut i madh për të bërë veprime të mëdha njëri pas tjetrit është provë e një fakti që i rëndon dhe shqetëson, ndryshe do shkonte personi përkatës para drejtësisë, do kishte mundësi të dënonte gjithë dynjanë nëse këtij njeriu i ishte bërë padrejtësi. Nuk do të ikte me rrëmbim, Rama nuk do të fliste do priste rezultatet e hetimit sepse ishte vëllai i një anëtari të tij të ekzekutivit. Nuk është ky që i vendos njerëzit në ekzekutiv dhe iu bën pastaj dhe hetimin se në këtë rast nuk kemi shtet por një diktaturë e qartë e stabilizuar në sytë e të gjithëve. As në kohën e Partisë së Punës nuk ka ndodhur që kryeministri i qeverisë të bënte hetimin. Tani gjithë këto gjëra për ça ndodhin. Një njeri që është i qetë për ça i bën. Ne nuk do mund ti bënim këto se nuk do na lejonin, do na i lexonin ligjin nga e para deri te e fundit .Ndaj dhe ky zemërim popullor është që bëhet fjalë për standarde të ndryshëm të drejtësisë që duan të funksionoj. Ka një problem del kryeministri thotë ska nevojë do ti bëj unë të gjitha, kurse qytetari për një shkelje të zakonshme vete në burg. Do duhej një ministri e shëndoshur që të mos kishte asnjë hije jo vetëm në planin politik por edhe në planin moral .Kolegia juaj gazetare bëri një pyetje shumë të thjeshtë. Po kjo PS tha, nuk mund të zgjidhte një njeri, që edhe unë mund të jem i qetë për këtë gjë. Ndaj dhe arsyeja pse lindin jo thjesht këto dyshime të forta por dhe besohen është pikërisht sepse e kanë ushqyer ata në këtë lloj besimi.

Cili do jetë aksioni i radhës i opozitës dhe i LSI?

Do jetë aksion i pandalshëm. Do ketë dhe mjaft qëndrime të tjera politike. Para se të vijë protesta ndodhin një seri ngjarjesh politike, njëra më e rëndë sesa tjetra dhe ky denoncim por edhe marrja e qëndrimeve politike të caktuara pa asnjë kompromis do të jetë rruga në të cilën ne do të ecim. Dhe mungesa e vëmendjes tuaj më shqetëson. Kryeministri ndodhet nën akuzë që i bëri thirrje policisë së shtetit në 25 qershor të hiqte uniformën dhe të bënte vota. Dhe ju e patë që kërkoi falje në Facebook. Po ta kishit bërë ju një faj të tillë dhe të kërkonit falje në Facebook do ishit në burg për vite të tëra. Ju mbyll çështja, u hap prapë në gjykatën e Beratit dhe u mbyll sërish. Unë prisja që gjithë media të ishte solidare jo e LSI absolutisht. Ai bëri një thirrje që shkatërroi zgjedhjet e të gjitha partive jo vetëm të LSI. Por në këtë rast do të kërkonte për të kuptuar që kemi një shtet që ka dy standarde. Ky i bën thirrje policisë, nuk hetohet. Thotë kam bërë hetime paralele , vepër penale, nuk hetohet .Pra kemi një drejtësi për kryeministrin që nuk hetohet edhe një për ne qytetarët e tjerë. Gazetarët, kolegët e tu u dhunuan nga kryeministri në mes të sheshit dhe unë jam solidar me ta, shpresoj që dhe ju do jeni solidar si me Ambrozia Metën atje në aeroport. Ajo llojj media i bën mirë Shqipërisë dhe kryeministrit vetë.

/ In News / By Elisa Piperi / Comments Off on Petrit Vasili: Kryeministri e ka çuar Shqipërinë në udhëkryqin më të rrezikshëm të saj.

Monika Kryemadhi: Shqiptarët e kanë lënë vetëm Edi Ramën. Koha e tij mbaroi

Deklarata për media Kryetares  LSI-Monika Kryemadhi 

Detyrohem të dal para mediave për të falenderuar të gjithë qytetarët shqiptarë të cilët pretendojnë një jetë më të mirë . Pretendojnë të drejtohen dhe qeverisen nga një qeveri që ata e meritojnë, që e do popullin e tij. Kështu që nëpërmjet kësaj dalje publike në emër të të gjithë atyre simpatizantëve dhe mijëra anëtarëve të LSI-së që morën pjesë sot në protestën e organizuar nga opozita. Të falenderoj të gjithë qytetarët që ishin atje por jo vetëm ata. Por edhe të gjithë ata që nuk patën mundësi për të marrë pjesë në protestë. Që e ndoqën nga shtëpitë e tyre apo edhe nga vendet e punës së tyre, të cilët nuk lejoheshin për të marrë pjesë në protestë. Ti falenderoj për besimin forcën dhe kurajon që iu dhanë qindra mijërave protestuesve sot në Bulevardin Dëshmorët e Kombit. Dita e sotme ishte një protestë qytetarë për të treguar dhe njëherë se kjo opozitë është një opozitë e bashkuar , për të treguar dhe njëherë që kjo është një opozitë qytetare e cila gjithmonë e më shumë e afron Shqipërinë me BE. Sepse protestat qytetare të opozitës e afrojnë më shumë Shqipërinë me BE. Dhe është vetëm qeveria e krimit dhe e drogës e cila largon çdo ditë e më shumë Shqipërinë nga BE. Sot në emrin tuaj dua të falenderoj dhe të gjithë ata policë të cilët kryen punën e tyre me ndershmëri. Por dua të dënoj edhe ata të cilët dhunuan gazetarin apo kryeredaktorin e gazetës Rilindja Demokratike. Dhe i bëj thirrje prokurorisë të marrë masat për të dënuar dhunuesit e gazetarëve dhe për të dënuar çdo polic apo çdo segment të qeverisë së krimit të cilët venë dorë mbi gazetarët, mbi qytetarët dhe mbi fjalët e lirë. I bëj thirrje Edi Ramës që të dalë nga tuneli i krimit ku ka hyrë. Të dali dhe ti thërrasë ndërgjegjes së tij nëse i ka ngelur ndopak ndërgjegje , të tërhiqet, të largohet nuk e ndjek më njëri nga mbrapa. 

Shqiptarët e kanë lënë vetëm përfundimisht. Por jo vetëm shqiptarët, por tashmë duket hapur që e kanë lënë vetëm ministrat e tij, drejtorët e tij, kabineti i tij. Prandaj nuk ka zgjidhje tjetër vetëm të largohet. Të largohet për t’i dhënë mundësi dhe shans Shqipërisë për të hapur negociatat me Bashkimin Europian. Të largohet për t’i dhënë një shans dhe mundësi Shqipërisë për t’u bërë pjesë e Bashkimit Europian. Atë që Zoti ia ka dhënë me pozicionin e saj gjeografik t’ia japim tashmë si klasë politike shqiptarëve politikisht për të qenë pjesë e BE-së. Falenderoj edhe njëherë të gjithë ata qytetarë. Falenderoj edhe njëherë të gjithë ato djem dhe vajza të reja të cilët sot ishin në bulevard, protestuan me prezencën e tyre, por jo vetëm me prezencën e tyre, dhe me angazhimin e tyre, me zemrën e tyre, me entuziazmin e tyre për t’i thënë Edi Ramës dhe klikës së tij  që koha e tij mbaroi. Tashmë ai nuk është më asgjë tjetër. Tashmë është kthyer thjesht në një send dhe objekt të vjetër, por pa vlerë. Është kthyer në një mbulesë që nuk shërben më për gjë tjetër vetëm për të mbuluar kauçukun e tij në derën e kryeministrisë ku i kujtoi atij dhe gjithë shqiptarëve që ai kauçuk që atij i pëlqen shumë dhe e vlerëson më shumë se shqiptarët. Nuk është as buka, as shkolla, as mjekësia dhe as e ardhmja e shqiptarëve. Nëse Edi Ramës sot i dhimbset kauçuku i derës së kryeministrisë sesa e ardhmja e të rinjve shqiptarë., në qoftë se Edi Ramës sot i dhimbset më shumë pamja e tij, tutat e sportit të tij, kazani i tij dhe tepsia e tij, shqiptarët kanë një obligim dhe një ëndërr më të madhe, Bashkimin Europian, të ardhmen e fëmijëve të tyre dhe për të pasur një Shqipëri që e meritojnë. Dhe për të pasur një Shqipëri Europiane, të mirë, të bukur ashtu siç Zoti e ka bërë. Prandaj dhe njëherë në emër të LSI-së falenderoj me mirënjohje dhe respekt të gjithë ata qytetarë që ishin sot në Bulevardin Dëshmorët e Kombit. Falenderoj të gjithë ata djem dhe vajza të reja që ishin atje prezent, me prindërit e tyre, me gjyshërit e tyre sepse tashmë shembja e murit të drogës, shembja e murit të krimit ka filluar shumë shpejt. Ka filluar dhe nuk do të mund të ndalet më.  

/ In News / By Elisa Piperi / Comments Off on Monika Kryemadhi: Shqiptarët e kanë lënë vetëm Edi Ramën. Koha e tij mbaroi

MONIKA KRYEMADHI: SOT SHQIPTARËT KËRKOJNË LARGIMIN E EDI RAMËS!

Prononcimi i Kryetares së LSI-së, Monika Kryemadhi

Është shumë e qartë për Shqipërinë dhe për të gjithë shqiptarët dhe sidomos për Edi Ramën për progres raportin i cili ka dalë në prill. Janë 37 faqe raport ku ka vetëm 7 kushte që po t’i mbledhësh në një, përfundojnë në rezultatin që duhet të iki Edi Rama në mënyrë të tillë që të hapen negociatat. Lufta kundër krimit dhe trafikut të drogës janë gjërat më kryesore të cilat e kushtëzojnë hapjen e negociatave të Shqipërisë. Unë mendoj që hapja e negociatave të Shqipërisë nuk ka lidhje me klasën politike, ka lidhje me shqiptarët. Prandaj sot më shumë se kurrë kërkojmë ikjen e Edi Ramës me të gjithë grupin e tij të trafikimit të cilët kanë arritur të bllokojnë negociatat. Largimi Ii Edi Ramës është shans për shqiptarët që me datën 7 qershor europianët t’i thonë po Shqipërisë. Qoftë edhe duke na vendosur kushte shumë të vështira ne jemi të gatshëm t’i marrim përsipër ato kushte në mënyrë të tillë që shqiptarëve t’i jepet shansi për të qenë anëtar të Bashkimit Europian. Mendoj që kjo është gjëja më e rëndësishme dhe më e domosdoshme për të cilën ka nevojë çdo shqiptar në këtë ditë shumë të bukur me shumë diell faktikisht por që është shumë e zymtë ekonomikisht dhe shpirtërisht për shqiptarët.

Znj. Kryemadhi Z. Basha proteston dhe kërkon dorëzimin dhe largimin  e Ministrit Xhafaj, nga detyra ju kërkoni largimin e Ramës, pse nuk bini dakord?

Unë mendoj që është paketë. Mos u shqetësoni, se këtu nuk është çështje emri, është çështje filozofie, është çështja e antivlerës e cila është instaluar në qeverisjen shqiptare që kushtëzon çdo ditë  e më shumë integrimin dhe zhvillimin e Shqipërisë. Gjë për të cilën ne kemi 27 vjet që aspirojmë për të pasur një Shqipëri Europiane.

Ju vetë besoni te implikimi i ministrit Xhafaj?

Faktet janë shumë të qarta megjithatë unë nuk mendoj që kjo është çështja kryesore sepse e kemi thënë gjithmonë është një pikë në oqeanin dhe llumin e zullumit që Edi Rama ka instaluar në Shqipëri. Largimi i Edi Ramës largon çdo problematikë dhe do ti japi shpresë shqiptarëve.

whatsapp-image-2018-05-26-at-11-37-58 whatsapp-image-2018-05-26-at-11-39-25

Kryemadhi: LSI mbështet kryerjen sa më të shpejt të Reformës Zgjedhore.

Kryetarja e LSI-së Monika Kryemadhi pret Presidentin George Tsereteli dhe Sekretarin e Përgjithshëm të Asamblesë Parlamentare të OSBE-së, Roberto Montella

Kryetarja e LSI-së Monika Kryemadhi priti sot në selinë e LSI-së, Presidentin e Asamblesë Parlamentare të OSBE-së-së George Tsereteli si dhe Sekretarin e Përgjithshëm të Asamblesë Parlamentare të OSBE, Roberto Montella. Kryetarja e LSI-së shoqërohej nga Kryetari I Grupit Parlamentar të LSI-së Petrit Vasili si dhe deputetja e LSI-së Klajda Gjosha.

 

Gjatë takimit, Kryetarja e LSI-së Monika Kryemadhi nënvizoi se LSI mbështet kryerjen sa më të shpejt të Reformës Zgjedhore. “Moskryerja e Reformës Zgjedhore para zgjedhjeve të 25 Qershorit 2017 u shfrytëzua nga qeveria për prishjen e zgjedhjeve, blerjen masive të votës dhe krijimin e kësaj qeverie, e cila po I bën shqiptarët të ikin nga Shqipëria për shkak të varfërisë, korrupsionit dhe kapjes së shtetit nga krimi dhe trafiqet”, tha Kryetarja e LSI-së Monika Kryemadhi.

Ajo theksoi gjithashtu se Reforma zgjedhore përpara çdo gjëje tjetër duhet ti jap përgjigje shumë të fortë problemit të blerjes së votës, si fenomen që po shkatërron të tashmen dhe të ardhmen e vendit. Kryetarja e LSI-së nënvizoi rolin shumë të madh që OSBE mund dhe duhet të luajë për Reformën Zgjedhore, për të adresuar fenomenet kritike të zgjedhjeve të fundit, por edhe për të reflektuar rekomandimet e mëparshme të OSBE-ODIHR-it.

/ In News / By Elisa Piperi / Comments Off on Kryemadhi: LSI mbështet kryerjen sa më të shpejt të Reformës Zgjedhore.

Endrit Braimllari: 26 maji protesta e qytetarëve kundër kryeministrit që mbolli krim dhe varfëri ekstreme në Shqipëri.

Intervista e deputetit të Lëvizjes Socialiste për Integrim, Endrit Braimllari, në “Oranews”

Prej katër javësh parlamenti nuk po zhvillon punime normale. Çfarë po ndodh, sipas jush?
Nuk është përgjegjësi e opozitës, që Parlamenti nuk po funksionon normalisht. Është përgjegjësi e Kryeministrit dhe e qeverisë, që e kanë futur Parlamentin në këtë situatë. Shkaku i vetëm është fakti që kemi një Kryeministër të papërgjegjshëm, jo serioz dhe është një Kryeministër, i cili nuk mbron aspak interesat e qytetarëve, që banojnë në këtë vend. Ky është një Kryeministër, i cili është i lidhur me trafikun e lëndëve narkotike. Këtë po e vërtetojnë faktet. Ky është një Kryeministër, i cili mbron interesin e oligarkëve, të një grupi të caktuar njerëzish. Ai e ka varfëruar gjithmonë e më shumë Shqipërinë, po largon të rinjtë nga vendi. Dhe kjo është përgjegjësia kryesore e tij. Kuvendi nuk mund të vijojë normalisht me Edi Ramën në sallë. Të mos harrojmë provokimin që ai u bëri shqiptarëve një muaj më parë, duke i krahasuar shqiptarët me organin gjenital. U mblodh Byroja e Parlamentit dhe përjashtoi disa deputetë dhe nuk e përjashtoi Ramën për një fyerje të rëndë që ai i bëri popullit. Rama është totalisht i lidhur me trafikun e lëndëve narkotike dhe jo vetëm Parlamentin, por ai e ka futur Shqipërinë në një situatë shumë të keqe, sepse sot vendi është lajmi kryesor në botë për lidhjen e ministrave të Brendshëm me trafikun ndërkombëtar të lëndëve narkotike.

Ka pasur edhe akuza që ju nuk qëndruat për të diskutuar një rezolutë mbi raportin e Komisionit Evropian.
Unë e kuptoj që ky Kryeministër është bërë qesharak me shqiptarët, por edhe qesharak edhe me njerëzit e tij. Vetëm pak kohë më parë ishte periudha kur ky bllokonte Parlamentin, bënte protesta, digjte dhe shkatërronte institucione dhe hynte me dhunë në KQZ thjesht për të bllokuar proceset integruese të vendit. Pra, ky njeri nuk e do ecjen përpara drejt BE dhe nuk mund ai të bëjë moral për integrimin, sepse nuk ka dhënë asnjë kontribut në këtë proces. Ka bllokuar 3 ligje shumë të rëndësishme thjesht dhe vetëm për çështjen e Këshillit të Qarkut të Fierit. E dini shumë mirë se çfarë ndodhi më 21 janar. E dini shumë mirë se çfarë ka ndodhur më 2011-n, kur thjesht për pushtetin personal urdhëronte ata që sot dalin dhe bëjnë moral ata në Kuvend të hynin me dhunë në institucione.
LSI, që prej themelimit të saj ka dhënë kontribut maksimal në proceset integruese të vendit. Nëse LSI i ka vënë një kusht këtij njeriu në 2013 ka qenë që ky të vinte në Parlament dhe të votonte 3 ligjet për të vazhduar më tej me proceset integruese të vendit. Ne kemi dhënë kontribut maksimal për integrimin, por ne nuk mund të shkojmë normalisht në atë Parlament, ku kemi përballë një mazhorancë të kapur nga krimi i organizuar.
Dhe nuk mund të shkojmë aty për të dëgjuar karshillikun dhe papërgjegjshmërinë e këtij kryeministri me opozitën. Jo vetëm me opozitën, sepse nëpërmjet karshillikut të tij dhe papërgjegjshmërisë së tij, ai ofendon dhe i drejtohet shqiptarëve. Nëse kemi fjalën sot për rezolutën për integrimin evropian, është një rezolutë e njëanshme, është provokim i këtij Kryeministri për opozitën dhe shqiptarët. Nuk e kam dëgjuar unë asnjë rekomandim që proceset integruese të vendit janë të njëanshme, i bën vetëm mazhoranca, por në çdo rekomandim thuhet kërkohet një gjuhë jo konfliktuale të politikës, kërkohet një bashkëpunim i forcave politike, për të çuar përpara reformat në vend. Ky, atë provokim që u bëri shqiptarëve me zgjedhjen e Prokurores së Përgjithshme me 69 vota, atë provokim i bën sot dhe këtij parlamenti, duke sjellë një rezolutë të njëanshme, nuk e kalon në Këshillin e Integrimit Evropian, nuk e kalon në komisionin e integrimit, nuk e kalon në komisionin e Politikës së Jashtme, por e sjellë në mënyrë të njëanshme për të provokuar opozitën.
Sepse qëllimi i tij është ta çojë vendin në destabilitet. Pse? Sepse nuk i kërkon ky proceset integruese të vendit sepse ka frikë vetë nga integrimi. Lëre çfarë del dhe bën moral në emër të integrimit. Ky e ka treguar me prova dhe me fakte, që nuk është një njeri që kërkon të integrojë vendin në BE, sepse nëse do kërkonte të integronte vendin në BE, nuk do kishte një ish-ministër të Brendshëm të lidhur me trafikun e drogës, nuk do kishte krimin e organizuar të futur në Parlament, nuk do kishte bashkëpunëtorë të qeverisë, të cilët janë pjesë e trafikut të drogës, korrupsionit dhe që dalin dhe në përgjime jo vetëm të antimafias, por të gjithë shërbimeve. Pra, do të thotë dhe njëherë që ky njeri është shumë larg integrimit të vendit, ky njeri është shumë larg të qenit një Kryeministër evropian, sepse ky nuk e do Evropën. Ky është një njeri aty, i cili për fatin tonë të keq nuk ka as vizion, nuk jep as shpresë shqiptarëve, por është mbyllur në një rreth të tij të ngushtë dhe ka 8 muaj apo 10 muaj që nuk qeveris më Shqipërinë. Më thoni ju çfarë politike ka hartuar ky në shërbim të qytetarëve? Ka dhjetë muaj që nuk qeveris, ka dhjetë muaj që vjen në Parlament dhe bën batuta, ka dhjetë muaj që thotë fajin e kanë të tjerët. Ky është i vetëm në qeveri, e ka ky drejtimin e qeverisë. Pse nuk vazhdon përpara me reformat? Pse nuk i çon përpara proceset integruese? Përse nuk krijon mundësi punësimi për të rinjtë ky njeri? Përse nuk ul varfërinë në vend? Përse nuk hap vende të reja pune? Sepse ky nuk ka vizion për ta bërë këtë gjë. Sepse këtij nuk i intereson kjo politikë. Këtij i intereson politika e varfërisë. Të varfërojë çdo ditë e më shumë shqiptarët me qëllim që të përdorë atë skemë të pisët, që përdori në zgjedhjet e 25 qershorit, për të shkuar pastaj dhe për të deformuar vullnetin e shqiptarëve. Pra, kemi prova dhe fakte që ky njeri nuk e do procesin integrues të vendit. Nga ana tjetër, opozita, por dhe LSI, ka dhënë dhe do japë në maksimum energjitë e saj pozitive në shërbim të proceseve integruese të vendit.
Kujtoj këtu 21 korrikun kur u votua në Parlament me konsensus reforma në drejtësi. Ishte në atë kohë kryetari i LSI-së dhe kryetari i Parlamentit, z. Meta, i cili loboi maksimalisht që ajo të kalonte me konsensus. U arrit me konsensus dhe u prish më vonë. Pse u prish? Sepse ky Kryeministër vepron në mënyrë të njëanshme me qëllim për të prishur proceset integruese të vendit. Ka edhe një situatë shumë qesharake që po ndodh. Ju e shikoni që ky Kryeministër jo vetëm i ka futur në kolaps institucionet, por ka bërë pis gjithë institucionet e këtij vendit, madje edhe institucionet e pavarura. Sepse edhe për sa i përket Prokurorit të Përgjithshëm, të cilin e kaloi me 69 vota, ne s’kemi asnjë merak me emrin e zonjës në fjalë, por ky Kryeministër ka bërë pis vetë institucionin. Ju e shikoni se si vetë deputetët e tij dalin nëpër studio të ndryshme emisionesh dhe përdorin institucionin e Prokurorit të Përgjithshëm si kamxhik për opozitën, në një kohë kur vetë ata deputetë janë objekt hetimi nga ky institucion. Pra është ky njeri që e ka futur vendin në këtë siklet dhe të jeni të bindur që protesta e ditës së shtunë do të jetë një protestë revolte ndaj këtij njeriu, i cili nuk po drejton më vendin siç duhet.

Sa të sinkronizuara janë LSI-a dhe Partia Demokratike në prag të protestës së të shtunës? Kemi parasysh faktin që në seancën e fundit parlamentare nuk ju pamë të bashkoheshit me deputetët e Partisë Demokratike në foltoren e Parlamentit…
Aty ishim, por ndoshta nuk kemi qenë live, pasi është bërë urdhër tashmë nga Kryetari i Kuvendit, madje nga vetë Kryeministri, i cili largon mediat nga Kuvendi, bllokon seancën parlamentare, shkel rregulloren. Por, një njeri që nuk respekton statutin e partisë së vet, nuk mund të respektojë Kushtetutën dhe ligjet e këtij vendi. Ne jemi në sinkron me Partinë Demokratike dhe me të gjitha partitë e tjera të frontit opozitar, sepse kemi një qëllim të vetëm: çlirimin e Shqipërisë nga Edi Rama. Edi Rama është kthyer në rrezik kombëtar për vendin dhe për shqiptarët. Nga ky njeri, i cili jo vetëm ka uzurpuar institucionet, por i përdor ato si kamxhik kundër nesh.

Cili do të jetë formati i protestës? Citoj këtu një deklaratë të znj. Kryemadhi, e cila u shpreh se ‘zgjidhje është dalja në rrugë dhe përmbysja e këtij sistemi’. Çfarë do të thotë kjo?
Së pari, mendoj se kjo protestë nuk është më në dorë të partive politike. Kjo është një protestë qytetare. Janë qytetarët që e kanë marrë vetë në dorë fatin e tyre. Kujtojmë këtu protestën e 27 janarit, pjesëmarrja masive në atë protestë nuk ishte vetëm e opozitës, por ishte një revoltë qytetare dhe ishte mesazhi i parë që iu dha kësaj qeverie: Kujdes! Mos shkel Kushtetutën! Respekto ligjet, respekto institucionet dhe pavarësinë e tyre dhe fute vendin në shinat e Kushtetutës dhe vazhdo përpara me reformat integruese dhe ato që kanë të bëjnë me zhvillimin e ekonomik të vendit, sepse është varfëria ajo që i mbledh shqiptarët. Ajo që do të ndodhë nuk është më në dorë të opozitës, por në dorë të vetë qytetarëve, të cilët do t’i paraprinë protestës së të shtunës.

A është folur për një format të caktuar dhe përse nuk ka një orar për përfundimin e protestës?
Sigurisht që ka një format të caktuar. Do të jetë një format brenda rregullave demokratike të funksionimit të një proteste, por të jeni të bindur që është një protestë e qytetarëve. Për sa i përket çështjes së orarit, është një çështje teknike që e kanë bërë organizuesit e kësaj proteste. Nuk është kjo më e rëndësishme. E rëndësishme është arsyeja se pse shqiptarët do protestojnë ditën e shtunën. Shqiptarët do protestojnë ditën e shtunë se çdo ditë e më shumë vërtetohet se ky Kryeministër është i lidhur me trafikun e lëndëve narkotike, ky nuk shkëputet dot nga kjo botë e errët, po e fundos Shqipërinë. Gjithashtu vërtetohet që sot shqiptarët janë më të varfër se kurrë. Varfëria është ekstreme, të shkojë të shikojë se çfarë bëhet nëpër qarqe apo nëpër rrethe e Shqipërisë e mos të dalë të bëjë shou `bashkëqeverisje me qytetarët` se nuk ka më. Sipas tij, ky është term fushate, përdoret thjesht për kapital politik, sepse ky term apo filozofi ka rënë poshtë që në momentin e vendosjes së taksës së Rrugës së Kombit për kuksianët. Nëse do kishte një bashkëqeverisje me qytetarët, ai do kishte një komunikim me to, me banorët atje dhe mbi bazën e kërkesës së tyre do merreshin vendimet. Pra, nuk ka bashkëqeverisja me qytetarët, por është thjesht një mesazh i rremë, për të mbuluar imazhin e pisët të qeverisë së tij, ku bashkëqeverisja e tij është me krimin e organizuar, oligarkinë dhe me administratën e tij.

Ndërkohë burimet thonë se nuk përjashtohet as mundësia e hedhjes së sendeve të forta në drejtim të Kryeministrit. A mund ta konfirmojnë diçka të tillë?
Unë e thashë edhe në fillim të fjalës sime që protesta është qytetarë, do të jetë masive e me një pjesëmarrje te jashtëzakonshme sepse revolta qytetare ka shkuar aty ku nuk mban më. Kur Kryeministri i ofendon, përbuz dhe i trajton si qesharak shqiptarët, të jeni të bindur që populli do ta marrë vetë në dorë fatin e tyre për të çliruar veten dhe Shqipërinë vetëm nga 1 person, ky njeri, i cili mban peng çdo proces integrues dhe çdo proces zhvillimi të këtij vendi. Shqipëria është një vend i vogël dhe nuk ka nevojë për papërgjegjshmërinë e një Kryeministri, as të luksit qeveritar të ministrave dhe drejtorëve të tij, por ka nevojë për politika konkrete në shërbim të vendit, për hapeje të vendeve të punës, të rinj dhe të reja të cilët vijnë dhe investojnë në këtë vend dhe jo që largohen nga Shqipëria sepse ky e ka bërë jetën shumë më të vështirë. Shqipëria ka nevojë për një politikë konkrete në arsim, mos të shikojmë shou televiziv të ministres së Arsimit, apo drejtorëve, të cilët dhurojnë lule nxënësve, ku ndërkohë e ka bërë gjithnjë edhe më të vështirë ditën këtyre të rinjve për sa i përket sistem arsimor, por mbi të gjitha e ka rritur vlerën e tarifës së universiteteve. Pra, janë shumë gjëra dhe arsye, të cilat çojnë në protestë dhe shumë arsye që i japin të drejtë popullit që të marrë vetë fatin në duart e tyre.

Për arsye madhore, mbetet një kërkesë nga opozita për dorëheqjen e ministrit të Brendshëm. Çfarë do të ndodhë nëse ai nuk do të japë dorëheqjen? Mund të ketë përshkallëzim të protestave?
Opozita ka paralajmëruar protestë ditën e shtunë. Sigurisht, protesta do vazhdojë deri në realizimin e qëllimit të opozitës sepse ajo është në rrugën e saj legjitime të të bërit protestë. Të jeni të bindur që fajtori kryesor që e ka futur vendin në këtë krizë të thellë është Edi Rama. Është ai që drejton mekanizmin dhe është ai që e ka futur Shqipërinë në varfëri ekstreme, ku na ka bërë lajmin kryesor në Evropë për sa i përket trafikut të lëndëve narkotike.

/ In News / By Elisa Piperi / Comments Off on Endrit Braimllari: 26 maji protesta e qytetarëve kundër kryeministrit që mbolli krim dhe varfëri ekstreme në Shqipëri.

Monika Kryemadhi: Protesta e 26 majit, protesta e të gjithë atyre qytetarëve që janë kundër qeverisjes së krimit dhe varfërisë

Intervista e Kryetares së LSI-së, Monika Kryemadhi për emisionin 7pa5 në Vizion Plus

Cili është qëllimi i protestës?

Tani mua më vjen shumë keq që ti më pyet mua cili është qëllimi i protestës, se qëllimi është shumë i thjeshtë, ndryshe nga shumë organizime të tjera, kontakti që ne kemi me njerëzit është i menjëhershëm dhe reagimi i tyre është i jashtëzakonshëm pozitiv. Pra do të thotë që njerëzit kanë filluar të ndërgjegjësohen dhe përveç ndërgjegjësimit kanë filluar dhe të reagojnë. Ajo çka është e rëndësishme që për hir të së vërtetës për mua është shumë e mirë por nga ana tjetër ëahtë shume e keqe, sepse nëse ne do të shikojmë një opinion publik që reagon me një energji të menjëhershme, me pozitivitet apo që është i gatshëm për tu përgjigjur kjo është shumë e mirë për të kuptuar atë që njerëzit dinë, por nga ana tjetër është shumë e keqe për të kuptuar gjëndjen ekonomike dhe situatën problematike që gjenden njerëzit sot. Kjo është e vërtet sepse ne e shikojmë, e ndiejmë.

Po dukeni sikur keni dalë pak nga ai qëllimi se ishte përgjimi, Babalja, Xhafaj….

Më dëgjoni mua, të gjitha këto janë aksesorë që shkojnë në një qëllim të vetëm, pra dashje pa dashje këto krijojnë një lloj impakti. Qoftë përgjimi, qoftë çështja Tahiri janë çështje të cilat ne si politikanë kemi për detyrë ti ngremë se në fund të fundit janë nxitësit apo katalizatorët e situatës në të cilën ne jemi sot. Sepse kanabizimi I Shqipërisë solli varfërinë e Shqipërisë. Sepse nuk është se solli rritje ekonomike, nuk është se u pasuruan ata që e mbollën, ata që e përdorën etj., por solli që ata u varfëruan edhe më shumë. U pasurua një grup prej tre kater trafikantësh të cilët kishin lidhje të drejtpërdrejt me kupolën dhe pjesa tjetër ngeli në skllavëri të plotë.

Kjo mbetet për tu vërtetuar…

Mund ta vërtetosh, unë të them dil nga studioja dhe tako njerëzit, është shumë e thjeshtë. Dhe të gjitha këto janë argumenta politikë dhe ngjarje politike të cilat sillen sepse njerëzit prandaj votojnë deputete, prandaj ka qeveri sepse janë ata të cilët bëjnë politika. Por në anën tjetër pastaj kur vjen një jetën e përditshme ai punëtori, mësuesi, infermieri, ai i papuni, nuk është se jeta e tij ndërtohet dhe rregullohet nga video përgjimi por në momentin që atij i rregullohet vendi i punës, në momentin që atij i jepet shansi të paguajë energjinë elektrike, ujin, shkollimin e fëmijëve, spitalet, ilaçet e të tjera me rradhë. Ky është problemi që njerëzit e ndiejnë. Nuk ka ardhur përnjëherë, gjithë kjo situatë ekonomike nuk është se u bë për një ditë apo për dy ditë por është një sistem i tërë i cili për hir të së vërtetës, edhe në kemi gjynahet tona, ndoshta dikush pak më shumë, dikush më pak, në këtë e cila sjell këtë situatë që është dramatike.

Çfarë pritshmërie kemi për protestën? Do të biem në kurthin e përhershëm që sa mijë ishim apo presim diçka konkrete?

Po pse keni dëshirë ju që ajo të jetë e dhunshme? Ajo do jetë protestë që mblidhen njerëzit dhe për mua është e rëndësishme është që mblidhen njerëzit.

Do të ketë një reagim të fortë?

Reagimi i fortë për mua në 27 vitet e pluralizmit të themi se janë vite tranzicioni, asnjë qeveri në mandatin e dytë të saj në vitin e parë nuk ka pasur këtë situatë dhe këtë notë të ulët pëlqyeshmërie nga opinioni publik siç është kjo qeverisje.

Pra e mendojmë që erdhi në shtator me një forcë, arrogancë të paparë dhe pas 3-4 muajve është një situatë, që po të shikosh sot nuk kemi asnjë ministër vetëm parada cirku nëpër rrethe, kemi bërë këtë kemi bërë atë por mua për të ardhur këtu mu deshën 25 minuta, edhe i bie shkurt po të duash, nga rruga me gropa sepse ti nuk arrin dot. Tani ajo çka është e rëndësishme në protestën e 26 majit, nuk ka të bëjë me faktin që kjo është një protestë që e organizon opozita. Opozita mund të jetë thjesht ndihmësja ose nxitësja e reagimit të shoqërisë dhe të opinionit publik. Njerëzit më 26 maj do të jenë në shesh edhe për të thënë që nuk jam dakord me ty sepse në njëfarë mënyrë ka shumë njerëz që mënyrën e mos dakordësisë së tyre nuk e shprehin dot me fjalë por mund ta shprehin thjeshtë me prezencën e tyre në atë protestë. Është e rëndësishme prezenca e qytetarëve, nuk është e thënë vetëm për video përgjime se video përgjimet tani janë bërë pjesë e rutinës dhe është bërë si një mjet shpëtimi ose si një mjet zgjidhje që të gjithë qytetarët po i gjejnë për të zgjidhur problemet e tyre.

Po ka hyrë dhe në disa kanale ky video përgjimi…

Po ka hyrë sepse njerëzit e shikojnë si një moment për të zgjidhur problemet e tyre. Por ajo çka unë mendoj që është shumë e rëndësishme që unë e mendoj problemi ynë është që kjo situatë në të cilën ne gjendemi është një situatë që ka prodhuar një kaos, ka prodhuar një situatë ekonomike shumë të rëndë. Ndoshta ju nuk jeni dakord dhe hajde ta diskutojmë njëherë tjetër por situata ekonomike është shumë e rëndë. Njerëzit kanë të njëjtat rroga ose të njëjtat paga që kanë pasur para 5 viteve.

Po lëvizim thotë kryeministri….

Nuk po flas për pagat e deputetëve, as të drejtorëve, flas për pagat e mësuesve, për pagat e infermierëve.

Deri në fund të mandatit 40% rritje….

Si do e rrisësh në fund të mandatit? Atëherë më fal, ke rritur karburantin, akcizën e naftës i rrite taksën e qarkullimit e çove nga 70 lekë në 324 lekë, ke rritur tatimin mbi fitimin ka qenë 10% e ke bërë 15%, ke rritur tatimin mbi të ardhurat e ke çuar 23%. Dhe si përfundim ke shkuar dhe ke dhënë me konçension çdo gjë. Pra edhe pse ke rritur gjithë këto gjëra, ti nuk ke rritur as pagat as pensionet as investimet. Por edhe investimet i ke dhënë me konçension.

Znj. Kryemadhi jeni në një mendje brenda koalicionit se z.Berisha dje e ka cilësuar revoltë?

Ajo revoltë është, në 2018 të dalësh për bukën e gojës është revoltë.

Për të rrezuar qeverinë e Edi Ramës thotë ai…

Po pse kush është shkaktarja?

Rrëzohet me protestë? Se ngritën edhe çadër edhe nuk u rrëzua.

Po mos u merr me atë çadrën, çadra ishte nje pozicion dhe për mua nje gabim taktik që PD ia dha shansin Edi Ramës për të qenë ky që është sot. Ashtu siç ia dhamë ne shansin në 2013 Edi Ramës, për tu fuqizuar, për të inkriminuar çdo segment të policisë shqiptare ashtu ia dha eshe shansin në 2017 PD që të krijonte mundësinë e intimidimit dhe blerjes së 74 mandateve. Ka ndodhur që ky njëri në historinë e tij gjithë jetën ka gjetur mënyra nga më të ndryshme. Njëherë nuk bëri koalicion ai humbi. Në 2009 dhe në 2011. Ndërsa në të gjitha herët e tjera koalicionet e tij njëherë me Ilir Metën, njëherë në Lul Bashën njëherë me Fatos Nanon. dhe ka mbijetuar. Tashmë nuk ka më sepse nuk besoj që ka njeri në klasën politike, por edhe në opinionin publik, por e lëmë ne partitë politike. Futemi në botën e biznesit. Po të futesh në botën e biznesit, të flasësh me biznesmenët vetë, jo vetëm që kanë dhunën psikologjike që ushtrohet ndaj tyre. Sepse si mund të pretendosh ti të zhvillosh biznesin kur ty të bëjnë 20 policë tatimorë në derën e biznesit. Po nuk ke shans ti. E para njëherë ose do t’i përgjigjesh klientit, ose do t’i përgjigjesh punës, ose do merresh me ç’doganim, ose do merresh me tatimet, ose do merresh me sigurimet shoqërore, ose do merresh me punëtorin, ose do merresh të bësh punën, ose do presësh e do përcjellësh taksidarët e qeverisë. Në asnjë vend të botës nuk i shikon taksidarët si turma bastisësish si nëpër bizneset shqiptare. Pra janë, mos e shikoni vetëm nga ana politike, mos e shikoni vetëm politikisht protestën por shikojeni si një reagim qytetar që vjen nga bizneset, nga biznesi i vogël, nga biznesi i madh. Mos shikoni edhe këta pak vipa që janë, që kanë ngelur në Shqipëri, që janë shumë pak që janë me gishtat e dorës. Për hir të së vërtetës. Edhe atyre vetë ju ka ardhur në majë të hundës sepse mos harroni që kanë me mijëra punëtorë që duhet t’i paguajnë dhe që për hir të së vërtetës nuk janë klientë të kryeministrit, por janë thjesht kalimtarë të cilët i’u merret vetëm taksa dhe i’u merret shpirti. Nuk i’u rimbursohet TVSH-ja. E dini ju që janë mbi 50 milion Euro të pa rimbursura. Por 50 milion Euro të pa rimbursuara e di ça janë? Do të thotë para që hidhen në treg.

Do i bëni të gjitha këto. Edhë përgjimet i bën PD-ja, edhe protestën. Por për të penguar çeljen e negociatave thotë mazhoranca.

Po lërë ça çelje të negociatave. Negociatat e kanë shumë të thjeshtë. Negociatat kanë një kusht: largoni Edi Ramën. Negociatat po të marrësh të lexosh 37 faqe progres-raportin, ke 7 kushte, 5 prioritete dhe 2 kushtet që janë lufta kundër krimit të organizuar dhe trafiqe etj etj.

Rekomandimi ishte pa kushte…

Rekomandimi ishte me kushte. Jo tani të mos merremi me twitter-in e ndonjë eurodeputeti që të nesërmen e ndryshoi. Rekomandimi është me kushte., Unë vij në emisionin tënd, por kur ti të më sjellësh në studio 1, 2, 3, 4, 5. A është kusht ky?

Kështu është kjo?

Po kështu është. Merre lexoje.

Ti nuk ke vënë asnjëherë kushte mua…

Unë nuk të vë kushte. Jam pa kushte.

Nuk më ke vënë dhe ti vjen me dëshirë, çështja është që …

Të iki Edi Rama.

Ky është kushti për juve …

Absolutisht që po. Se unë edhe e mendoj. Por duke qenë edhe më shumë se ora e mëngjesit dhe t’iu bësh njerëzve politikë me agresivitet nuk është mirë me thënë të drejtën sepse njerëzit boll kanë hallet e tyre por po dëgjojnë edhe këtë ngarkesën tonë politike. Unë mendoj që largimi i Edi Ramës do të shtensiononte vetë Partinë Socialiste në rradhë të parë, për hir të së vërtetës, sepse dhe ata kanë nevojë për një ringjallje. Nuk po them rilindje. E kanë të nevojshme sepse për hir të së vërtetës është nga partitë më të mëdha dhe më të vjetra në jetën politike shqiptare. Ka pjesën e historisë së saj dhe nuk e mohon dot askush. Pjesë e asaj historie kam qenë edhe unë 20 vjet. Ajo çfarë mendoj unë që është shumë e rëndësishme largimi i tij do të çlironte Partinë Socialiste. Do të sillte figura të reja brenda saj. Do të sillte një frymë të re. Do të sillte dhe ndoshta dhe një alternativë të re sepse edhe vetë e majta, jo vetëm në Shqipëri pornë të gjithë Europën është në një krizë identiteti. Për hir të së vërtetës. Për hir të së vërtetës sepse korrupsioni, toleranca po themi e tepruar dhe e ekzagjeruar ndaj fenomeneve të cilat nuk kanë të bëjnë me sjelljen normale të qytetarëve. Po themi abuzimi ose mbyllja e syve për gjëra të jashtëzakonshme çfarë kanë sjelle? Kanë sjellë që të rriten dhe të zhvillohen jashtëzakonisht shumë forcat ekstremiste dhe nacionaliste. Gjë që për hir të së vërtetës nuk është se janë pozitive për Europën,por jo vetëm për Europën por edhe për ne vetë Shqipërinë që jemi një vend shumë shumë i vogël e me thënë të drejtën është si ajo shprehja që “Hedhim valle në gojë të ujkut”. Pra është e vështirë për pozicionin.

Ndjehet…

Po do ndihet ajo sepse ti e shikon. E shikon në të gjitha vendet e Europës që po të zhvillohen. Në Gjermani po ashtu të janë rritur nacionalistët. Në Poloni, në Sllovaki, në Ceki, në Hungari. Pra ekstremizmi i djathtë po rritet jashtëzakonisht shumë. Dhe kjo vjen si rezultat i mos funksionimit të së majtës sepse e majta tashmë ka problemet e saj të identitetit të cilat për mendimin tim duhet të ringjalli atë besim sepse në fund të fundit njerëzit që janë shumica, populli, ata që votojnë janë të majtë.

Zonja Kryemadhi në fakt në këtë vend kemi parë protesta qytetare siç ka qenë ajo e armëve kimike që e kanë bërë këtë mazhorancë të reflektojë dhe të ndryshojë qëndrim. Mendoni se do të jetë e tillë protesta e 26 majit? Nuk po them sepse ndoshta edhe ju përtej artikulimit nuk besoni se Edi Rama do të iki, por do ta bëjë Edi Ramën që të kuptojë dhe të reflektojë që ka një zemërim qytetar.

Ndoshta ne nuk kemi sot shumë kohë që të flasim për protestën e armëve kimike, por protesta e armëve kimike ka një prapaskenë tjetër. Nuk ka të bëjë me bukën e shqiptarëve. Protesta e armëve kimike ka të bëjë me vetë përbërjen e qeverisë së asaj kohe sepse denoncimin e armëve kimike e bëri vetë ministri i jashtëm i asaj kohe. Pra kishte problemet vetë brenda qeverisjes së tij për një premtim të cilin ai e kishte bërë pa u konsultuar me partinë e tij dhe kishte dhënë fjalën dhe Shteteve të Bashkuara të Amerikës, kur ndërkohë ai vetë raportet dhe segmentet e ndryshme politike apo interesa të ndryshme politike brenda partisë socialiste nuk ishin dakord. Sepse mënyra sesi u shit në treg çështja e armëve kimike ishte ….

Jo e kam te reagimi qytetar ...

Po dhe reagimi pastaj… Është tjetër gjë reagimi qytetar. Se reagim qytetar ke pasur ti me shumë e shumë gjëra të tjera dhe nuk ka reaguar qeveria. Sepse po të jetë për reagim qytetar, reagimi i parë dhe më njerëzor është për sa i përket biznesit të vogël, që për hir të së vërtetës ne jemi të gjithë ata që falemi te biznesi i vogël marrim bukën përditë aty te dyqani te lagjia etj etj. Pra nuk është se kjo është një qeveri apo Edi Rama është nga ata njerëz që i bën shumë përshtypje reagimi qytetar. Ajo që është e rëndësishme është që konjukturat politike, interesa të caktuara, edhe gjeostrategjike të Shqipërisë e bënë që ai të tërhiqej për sa i përket çështjes së armëve kimike.

Tani argumenti i dytë që ka qeveria përveç çeljes së negociatave, po goditet Fatmir Xhafaj sepse goditi grupe të caktuara kriminale siç është rasti i kapjes së drogës së Maminasit….

Tani këto janë legjenda.

Të lidhur me kupolën e PD-së…

Tani atë se dimë ne se thonë që kanë kaluar edhe 2 maune të tjera. Kapën njërën dhe kaluan dy të tjerat për atë punë. Domethënë këto janë legjenda urbane etj etj që asnjëri nga ne nuk e merr dot përsipër për këtë gjë. Unë dua të them që historia Xhafaj, për mua pavarësisht pozicionimit nuk më shqetëson fare çështja e vëllait të tij sepse ajo është një zgjidhje midis tij dhe vëllait të tij, e para. E dyta ajo është një çështje që nuk i përket po themi jetës së politikës shqiptare. I përket drejtësisë shqiptare, drejtësisë italiane etj etj.

Ne prandaj jemi në demokracia sot, sepse çdo njeri mban përgjegjësi për veten e tij dhe nuk mban përgjegjësi për të tjerët. Por ajo që të bën ty pastaj që të fillosh e të reflektosh është: a ka përdorur segmente të policisë vëllai i Fatmir Xhafajt? Kjo është që lë për të kuptuar, për ta hetuar dhe për ta diskutuar. Pastaj përsa I përket sulmit ndaj Fatmir Xhafës të jeni të bindur që më të egër dhe më zell të madh janë vetë Partia Socialiste ndaj zotit Xhafa, ca që u ka zënë vendi, ca që presin ti zënë vendin, e kështu me radhë.

A keni një parashikim për qershorin, do hapen apo jo negociatat?

Unë mendoj që hapja e negociatave është jashtëzakonisht e domosdoshme. Nuk ka të bëjë as me Edi Ramën, as më opozitën shqiptare. Po të jetë për politikën shqiptare, ata nuk kanë për ti hapur kurrë, por negociatat duhet të hapen për shqiptarët. Pse e them këtë? Duhet të hapen për shqiptarët, sepse hapja e negociatave I vendos në një kornizë dhe brenda disa rregullave politikën shqiptare, ekonominë shqiptare, sigurinë shqiptare etj brenda disa kornizave të cilat nuk i cënon dot, nuk i lëviz dot më kushdo që të jetë.

A do ti kërkoni në takim z.Florian Hahn çeljen e negociatave nga Gjermania?

Patjetër, sepse është e domosdoshme, pavarësisht se janë kushtet të cilat ne do ti zbatojmë. Dhe kushtet janë shumë të qarta. Megjithatë ne presim datën 7 qershor. Ne do ti lutemi Zotit që të jetë një vendim pozitiv. Edhe hapje me kushte do të jetë një fitore shumë e madhe.

A jeni të kënaqur me bashkëpunimin me Partinë Demokratike dhe a shërbejnë të tilla organizime si një lloj testi për të kuptuar që edhe në zgjedhjet e ardhshme që janë afër, do të jeni apo jo me ta?

Bashkëpunimi nuk ka të bëjë se si bashkëpunojë unë me Lulzim Bashën, sepse unë për hir së të vërtetës historikisht kam pasur marrëdhënie shumë të mira me të. Është shumë e rëndësishme që bashkëpunimi I opozitës të shtrihet në bazë. Dhe nuk ka të bëjë kjo se kujt përkatësie politike I përket ti, se sa bashkëpunimi I këtij fronti opozitar, që ne shikojmë që çdo ditë e më shumë konsolidohet. Për hir të së vërtetës të mos themi që ka qenë e lehtë, sepse është e vështirë, fillon nga njerëz të cilët deri dje nuk flisnin me njëri-tjetrin dhe sot duhet të puthen. Mund ta bëjmë ne politikanët, por nuk e bën ai në bazë atje poshtë. Implementimi në bazë ka filluar, sepse njerëzit janë bashkuar në një kauzë, e cila i përfshin të gjithë. Njerëzit nuk mund të mblidhen hajde të largojmë Edi Ramën dhe të sjellim Lulzim Bashnën apo Monika Kryemadhin. Jo, nuk është kështu. Njerëzit bashkohen me ty, për të fituar për veten e tyre. Dhe sot unë mendoj që protesta e 26 majit që është ditën e shtunë në orën 11.00 në Bulevardin Dëshmorët e Kombit, është një protestë në të cilën njerëzit nuk duhet të vijnë për partitë politike, njerëzit duhet të vijnë për veten e tyre. Duhet të vinë për veten e tyre për ti thënë Edi Ramës, Monika Kryemadhit, Lulzim Bashës, Sali Berishës, Ilir Metës, Fatos Nanos, etj etj zotërinj ju jeni këta që jeni, sepse kemi qenë ne dhe ne jemi ata, të cilët ju duhet të na keni frikë. Jo populli të ketë frikë politikën.

/ In News / By Elisa Piperi / Comments Off on Monika Kryemadhi: Protesta e 26 majit, protesta e të gjithë atyre qytetarëve që janë kundër qeverisjes së krimit dhe varfërisë

Monika Kryemadhi: Shqiptarët në 26 maj do tregojnë që janë kundër Edi Ramës, kundër politikës së drogës dhe të krimit dhe kundër politikës së varfërisë që ka instaluar në Shqipëri.

Prononcimi për mediat për Kryetares së LSI-së, Monika Kryemadhi pas përfundimit të seancës parlamentare. 

Atëherë besoj se të gjithë e shikojmë se çdo ditë e më shumë nuk ka asnjë më lloj shprese për të pasur besimin se kjo mazhorancë e kapur mund të ndryshojë. Kjo mazhorancë ka frikë jo vetëm nga fjala e lirë por kjo mazhorancë edhe nga çdo gjë të cilën e dëshirojnë jo vetëm deputetët e Kuvendit dhe të opozitës por për çdo gjë që dëshirojmë qytetarët. Sot tregoi edhe njëherë që nuk ka më shpresë, nuk ka më asnjë të ardhme me këtë grup kriminal të cilët kanë rrëmbyer dhe uzurpuar institucionet e shtetit shqiptar, të cilët kanë uzurpuar Parlamentin Shqiptar. Nuk ka më absolutisht asnjë shpresë dhe të ardhme me këtë monstër të prodhuar nga bandat dhe krimi i organizuar nga trafiku i drogës të cilët jo vetëm kanë varfëruar shqiptarët më shumë por i kanë denigruar, i kanë depersonalizuar, i kanë masakruar jo vetëm ekonomikisht por tashmë dhe shpirtërisht. Sot ngjarja në Kuvend tregon që përfundimisht nuk ka më absolutisht asnjë zgjidhje por e vetmja zgjidhje është jo vetëm dalja në rrugë por përmbysja dhe lëvizja e çdo segmenti kriminal që ka uzurpuar institucionet tona dhe për të dalë dhe për ti thënë Edi Ramës që ti ke ngelur vetëm sepse në fakt vetëm është. Nuk ka ngelur gjë tjetër  veçse një tellall i dalë boje i cili mundohet të ndryshojë fasadën e trupit të tij me ngjyra-ngjyra. Por për hir të së vërtetës është  i vetëm, jo vetëm në kauzën e tij politike narkomane por është i vetëm edhe në përballjen e tij me drejtësinë të cilën do ta bëjnë shqiptarët sepse për atë drejtësi të vërtetë kanë aspiruar dhe për atë drejtësi të vërtetë të cilën edhe ne si opozitarë apo dhe si klasë politike e kemi votuar në 2016. Dua tu bëj të qartë edhe njëherë dhe duke ju falenderuar për të gjithë vëmendjen tuaj, që nëpërmjet jush duke kërkuar praninë tuaj, por edhe ju mos të ndaloni duke qenë ata që na jepni shpresë çdo ditë e më shumë, shpresën dhe mundësinë për të folur dhe për të komunikuar, që ta vazhdoni thirrjen për shqiptarët që në datë 26 maj të qenë në bulevardin dëshmorët e kombit. Për të qenë prezentë dhe për ti thënë Edi Ramës që shqiptarët janë kundër tij, janë kundër politikës së drogës, së krimit, janë kundër politikës së varfërisë që ka instaluar te shqiptarët. 

Do qëndrojë protesta në shesh apo do shpërndaheni për tu rimbledhur sërish ditë tjetër? 

Protesta është atje, ne udhëhiqemi nga qytetarët. Ne mund të jemi organizatorët, mund të jemi iniciatorët por ne tashmë jemi peng i qytetarëve dhe do të bëjmë atë çfarë qytetarët kërkojnë në protestë ditën e shtunë. 

 

/ In News / By Elisa Piperi / Comments Off on Monika Kryemadhi: Shqiptarët në 26 maj do tregojnë që janë kundër Edi Ramës, kundër politikës së drogës dhe të krimit dhe kundër politikës së varfërisë që ka instaluar në Shqipëri.

Luan Rama: Parlamentarizmi ka rënë!

Konferenca për shtyp e Zëvëndëskryetarit të LSI-së Luan Rama, pas mbledhjes së Grupit Parlamentar.

Siç është në traditën e komunikimit nga selia qendrore e Lëvizjes Socialiste për Integrim në ditën kur është mbledhja e grupit parlamentar, jam sot këtu përpara jush, për të sjellë qëndrimin dhe vlerësimin e grupit parlamentar në lidhje me atë çfarë është në fakt rendi i ditës i Kuvendit për seancën që do të zhvillohet nesër duke shprehur gjithë angazhimin tonë për të qenë pjesë e seancës së Kuvendit me seriozitetin dhe përgjegjësitë që meriton përfaqësimi ynë parlamentar.

Jemi në një situatë kritike të zhvillimeve politike në vend; jemi përballë vlerësimit që do të bëjë Këshilli Europian në qershor për procesin e çeljes së negociatave me Shqipërinë .Dhe kur do të duhej në fakt që, mazhoranca e para, por e gjithë klasa politike të demonstronte qëndrim unik për sa i përket kontributit për të mbërritur te çelja e negociatave, që në themelin apo bazamentin e vet duhet të ketë pikësëpari plotësimin e kriterit të parë që duhet të përmbushë Shqipëria dhe që është dialogu politik, mazhoranca vjen në mënyrë të njëanshme edhe me qëndrimin e vet në raport me vlerësimin që duhet bërë për rekomandimet e raportit të Komisionit Europian. E gjithë sjellja politike e qeverisë, e gjithë ajo çfarë ka demonstruar kryeministri dhe qeveria e tij, pavarësisht retorikës apo demagogjisë në thelb, është kontribut konsistent i qeverisë për të sabotuar çeljen e negociatave me Shqipërinë pavarësisht asaj që thotë. Sepse në këtë mënyrë ai legjitimon autoritarizmin dhe abuzivizmin e tij që është realisht ajo çfarë ka dominuar të gjithë sjelljen dhe qëndrimet e qeverisë.

Prandaj kjo është dhe një arsye më shumë sepse protesta qytetare, revolta qytetare, barrikada qytetare ndaj kësaj sjellje dhe ndaj kësaj papërgjegjshmërie duhet demonstruar jo vetëm me forcën më të madhe në mitingun e protestës së 26 Majit, por ajo duhet kthyer në një sjellje konstante përballë papërgjegjshmërisë dhe abuzimit konstant të qeverisë. Ky është qëndrimi i LSI-së, në raport me seancën e nesërme dhe në raport me protestën qytetare të 26 Majit.

A ka një skenar për sa i përket protestës së 26 Majit?  

Natyrisht që ka një grup pune që po merret me detajet konkrete të organizimit të protestës. Ajo çfarë është e rëndësishme është forca qytetare, angazhimi qytetar dhe revolta qytetare për ta bindur qeverinë që ajo nuk është më qeveria e mazhorancës në këtë vend.

Pse nuk ndërmerr opozita një mocion mosbesimi ndaj qeverisë në parlament?

Është tejkaluar çështja e veprimit formal në parlament sepse edhe njëherë dua të theksoj që parlamentarizmi si vlerë, si institucion, si shprehje më domethënëse e autoritetit qytetar në vendimmarrjen e këtij vendi për shkak të keqpërdorimit apo shpërdorimit nga ana e mazhorancës ka humbur çdo lloj dimensioni.

Tani është koha e qytetarëve, përballë papërgjegjshmërisë në zbatimin e ligjit, çfarëdolloj qasje tjetër nuk bën efekt, efekti i vetëm është protesta dhe lëvizja qytetare.

Kryemadhi: U bëj thirrje të gjithë shqiptarëve që kanë bindjen se kjo qeveri po e varfëron më shumë vendin, që të shtunën t’i bashkohen protestës së opozitës.

Fjala e Kryetares së LSI-së, Monika Kryemadhi në takimin me drejtuesit e degëve të LSI-së në të gjithë Shqipërinë.

Kemi caktuar këtë mbledhje organizative me kryetarët e rretheve si një takim pune dhe vazhdimit të diskutimit përsa i përket organizimit të strukturave të LSI-së, por mbi të gjitha edhe përsa i përket angazhimit të të gjitha strukturave të LSI dhe gjithë simpatizantëve të saj për pjesëmarrjen në protestën e ditës së shtunë. Në fakt është një kohë shumë e shkurtër, që ne jemi mbledhur nga mbledhja e KDK-së, por po të shikojmë në historikun e saj ndodhi ajo çka ne kemi paralajmëruar, që gjërat do lëvizin me shpejtësi shumë të madhe dhe faktikisht kanë lëvizur me shpejtësi shumë të madhe. Për një kohë shumë të shkurtër, ne po shikojmë që qeverisja është vendosur përballë një presioni jashtëzakonisht të madh, jo vetëm të opinionit publik, por edhe të opinionit ndërkombëtar. Përfshirja e kësaj qeverisje dhe të gjithë strukturave të rëndësishme të shtetit siç është Ministria e Brendshme në përfshirjen e trafikut të drogës. Personazhi kryesor i të gjithë kësaj dhe aktori kryesor është kryeministri, një kryeministër i cili kanabizoi Shqipërinë dhe nuk mban tashmë asnjë lloj përgjegjësie për bashkëpunëtorët e tij, të cilët janë të zhytur në trafiqet e drogës dhe është padyshim fundi i një qeverisje demokratike, për të cilën ne kemi aspiruar të gjithë në këto 27 vite. Beteja jonë pa kompromis kundër kësaj qeverie do të finalizohet në protestën e ditës së shtunë, ku ky kryeministër që ndalon dhe dhunon të rinjtë dhe të rejat, vetëm e vetëm pse kundërshtojnë arrogancën e tij dhe të qeverisjes është modeli më i shëmtuar që ne u ofrojmë sot të rinjve shqiptarë. Edi Rama nuk pranon që askush të mendojë ndryshe nga ai. Imagjinoni gjjthë ata të rinj e të reja, prindër dhe të moshuar që tashmë e provojnë në kurrizin e tyre keqqeverisjen, rritjen e taksave dhe varfërinë e tejskajshme, e cila ka përfshirë të gjithë Shqipërinë.
Të gjithë kemi mundësinë tonë të shtunën të protestojmë dhe kundërshtojmë regjimin që Edi Rama po përpiqet të instalojë në Shqipëri. Një regjim që komandohet nga bosët e drogës, peng i të cilëve është kryeministri.
Unë u bëj thirrje dhe në emrin tuaj të gjithë shqiptarëve që kanë bindjen se kjo qeveri po e varfëron më shumë vendin, që të shtunën ti bashkohen me protestës së opozitës. U bëj thirrje të gjithë intelektualëve që pavarësisht bindjeve politike që të protestojnë kundër arrogancës së një kryeministri që ngre në piedestal antivlerat e shoqërisë.
I bëj thirrje të rinjve që të shohin shpresë tek e ardhmja. Tek një e ardhme pa drogë dhe pa trafiqe dhe që do e bëjë Shqipërinë një vend të denjë për Bashkimin Europian. Nuk e largon opozita Shqipërinë nga Bashkimi Europian, këto janë parrullat që Edi Rama dhe lakejtë e tij po i shpërndajnë për të ndarë përgjegjësinë në dështimin që ai ka në qeverisjen e tij.
Opozita është për një Shqipëri sa më afër Europës, me standarte sa më pranë vendeve anëtare të BE, por këtë Edi Rama dhe bashkëpunëtorët e tij nuk e duan. Sepse sa më shumë afrohet Shqipëria me Bashkimin Europian aq më e afërt është dita e përballjes së tij dhe keqqeverisjes së tij me drejtësinë. Ndaj ai nuk e do Shqipërinë në Europë, sepse sa më larg saj të jetë Shqipëria aq më e lehtë është për të

Për të menaxhuar, në mënyrë të tillë që ai të zgjasi jo vetëm qëndrimin e tij në pushtet, por të zgjasi akoma më shumë dhe agoninë për të vjedhur dhe grabitur çdo gjë që u ka mbetur shqiptarëve sot.
Sado të përpiqet që të përhapë fjalë dhe mjegull se do kërkojë bashkëpunim me LSI, Edi Rama nuk do arrijë të bindë askënd. Madje as bashkëpunëtorët e tij të afërt. Sepse të gjithë ata e kanë të qartë se LSI është në opozitë jo me Edi Ramën si individ, por me Edi Ramën si frymëzues dhe zbatues të kanabizimit dhe trafikimit të lëndëve narkotike. Për ne nuk ka asnjë kompromis me një qeveri të zhytur në trafik dhe korrupsion. Asnjë deklaratë me zë ose pa zë e Edi Ramës nuk mund ta shpërqëndrojë vëmendjen e publikut nga e keqja më e madhe që është qeverisja e tij. LSI është e vendosur deri në fund në opozitë me drogën, trafikantët dhe klikën që drejton sot Shqipërinë.
Ju e dini mirë, madje më mirë se kushdo tjetër se si arriti Edi Rama të fitojë zgjedhjet dhe sidomos në qytetet e Shqipërisë. Ju keni qenë vetë viktimat e bandës dhe e dhunës që Edi Rama ushtroi ndaj jush. Atje ku bandat dhe lekët e drogës vendosën mbi vullnetin e shqiptarëve për të zgjedhur në mazhorancë qeverinë e Rilindjes. Në çdo vend të botës një kryeministër i përgjegjshëm do ishte tërhequr me skandalet që i kanë ndodhur Edi Ramës njëra pas tjetrës. Por i marrë peng nga bandat tashmë ai e ka të pamundur. Dhe në emër të karriges së vet po mban peng qeverisjen dhe kërcënon çdo ditë e më shumë jetën e shqiptarëve.
Rama mendon se duke patur të gjitha pushtetet në dorë është i pathyeshëm. Por harron që të gjjtha veglat e tij në qeveri, prokurori apo polici janë po aq të frikësuar sa ai vetë nga forca e së drejtës. Së cilës ne si opozitë i shërbejmë çdo ditë pavarësisht presioneve me të cilat ndeshemi.
E shtuna është dita jonë për t’i treguar Edi Ramës dhe veglave të tij që asgjë nuk e ndal popullin dhe revoltën e tij ndaj krimit. Asnjë pushtetar, prokuror apo shef policie në shërbim të Edi Ramës nuk mund ta bëjë këtë. Kushdo që do guxojë ta ketë të qartë se do përballet me drejtësinë herët a vonë. Edi Rama nuk është zot as i drejtësisë dhe as I shqiptarëve. Nëqoftëse Edi Rama do të vazhdojë të kërcënojë shqiptarët me prokurorë, të cilët i lëpihen për të marrë Vettingun e tyre, nëqoftëse Edi Rama do të vazhdojë të kërcënojë shqiptarët me bandat dhe trafikun e drogës, dita e tij e rrëzimit, jo vetëm do të jetë shumë e shpejtë, por do të jetë shumë e tmerrshme. Prandaj ju bëj thirrje të gjithëve ju, për ti treguar edhe njëherë të gjithë anëtarëve dhe simpatizantëve të LSI, sidomos 226.000 votuesve të LSI-së, të cilët janë heronj dhe dhanë votën përballë gjithë atij presioni dhe raprezalje, se sot është dita për tu ngritur dhe për ta rrëzuar njëherë e mirë Edi Ramën. Ndaj ditën e shtunë në orën 11.00 të gjithë do të jemi në Bulevardin Dëshmorët e Kombit për të protestuar kundër kësaj qeverie, e cila është e kapur. Nuk ka më as njeri dhe as zot që ta mbrojë Edi Ramën. Në llumin që ai është zhytur, nuk do të shpëtojë dot. Prandaj është kjo thirrje për të gjithë strukturat, në mënyrë të tillë që jo vetëm pjesëmarrja e gjithë anëtarëve dhe simpatizantëve të LSI-së, por të mos ndalemi për të njoftuar të gjithë ata shqiptarë që mendojnë se koha e Edi Ramës ka ardhur për të ikur, jo më për të qëndruar. Boll më shqiptarët po durojnë mbi shpatullat e tyre të brishta këtë varfëri dhe këtë terror të jashtëzakonshëm që ai ka zgjedhur. Janë momentet e fundit të tij, ju e mbani mend arrogancën dhe fuqinë e tij në shtator, dhe ku është sot. Është një njeri, I cili qahet, është një njeri i cili ankohet, se gjithë faji për dështimin e tij qenka i opozitës, qenka i popullit. Pra nuk ka faj fare Edi Rama, që të gjithë ministrat e brendshëm që ai propozon janë ministra të cilët kanë lidhje me drogën dhe trafikun e drogës. Është faji i popullit që të gjithë drejtorët që ai emëron janë me probleme në sistemin e drejtësisë, është faji i popullit që ka dështuar reforma në drejtësi, sepse është një reform në drejtësi të cilën e ka kapur krimi i organizuar dhe janë ata që zgjedhin prokurorë dhe gjyqtarë për të qenë shërbëtorë të tyre. Është faji i popullit që shqiptarët nuk kanë bukë të hanë, sepse është Edi Rama që ka shkatërruar ekonominë shqiptare çdo ditë e më shumë.

/ In News / By Elisa Piperi / Comments Off on Kryemadhi: U bëj thirrje të gjithë shqiptarëve që kanë bindjen se kjo qeveri po e varfëron më shumë vendin, që të shtunën t’i bashkohen protestës së opozitës.

Petrit Vasili: Petrit Vasili: Kryeministri fajtor të shkojë përpara drejtësisë ndryshe reforma në drejtësi ka vdekur.

Konferenca për shtyp e Kreut të Grupit Parlamentar të LSI-së, Petrit Vasili 

Përshëndetje të gjithëve, 

Jemi në këtë komunikim së bashku për të ngritur disa çështje shumë të mëdha të cilat shqetësojnë gjithë opinionin publik dhe që i bëjnë gjithë shqiptarët të ndihen të tradhëtuar. Pasi kryeministri i Shqipërisë i cili ka ulëritur e bërtitur për të ashtuquajturën drejtësi të re, drejtësi të reformuar dhe për reformën në drejtësi kishte në mend dhe zbatoi vetëm stabilizimin e një reforme në drejtësi, të errët e cila i shërben vetëm atij, e cila mbron vetëm atë, e cila është krejtësisht kundër dhe armike e betuar e qytetarit të zakonshëm. Kryeministri i Shqipërisë para pak ditësh në grupin e tij parlamentar deklaroi, lidhur me audio përgjimin i cili është përcjellë nga gjithë opinionin publik. Kryeministri tha – unë kam kërkuar nga një agjenci e specializuar ndërkombëtare, për ekspertizën e këtij inçizimi. Unë tha kryeministri kam marrë mbrëmë përgjigjen e analizës shkencore dhe mua tha, ajo përgjigje më mjafton, për tu thënë juve se jemi para një akti mashtrimi të opinionit publik me një material jo autentik. Këto tha kryeministri i vendit përpara gjithë shqiptarëve, në mbledhjen e grupit të tij parlamentar. Ka disa pyetje të mëdha të cilat nuk janë pyetjet tona por janë pyetjet që i gjithë opinioni publik dhe çdo shqiptar i thjeshtë normal i bën. Pyetja e parë, kush ia dha audio përgjimin origjinal kryeministrit të Shqipërisë pasi këtë audio përgjimi origjinal e disponon vetëm Prokuroria e Shqipërisë. Në rast se ky e ka atë audio përgjim origjinal, në këtë çështje është implikuar në mënyrën më të rrezikshme, më të dënueshme dhe vetëshkatërruese, prokuroria.   Së dyti me çfarë tagri e kërkoi kryeministri i Shqipërisë që të bënte një verifikim të tillë. Privatisht apo shtetërisht. Pse kryeministri i Shqipërisë, lind pyetja, mashtroi për një çështje, ku hetimi kishte filluar? Pasi që ai nuk ishte bërë hetim dhe nuk ishte marrë përgjigje kjo është fare e qartë. Këtë e kupton çdo shqiptar. Meqënëse ky kryeministër bëri verifikim, lind një tjetër pyetje e madhe. Kush e pagoi verifikimin e Armos, me çfarë fondesh. Me fondet personale të xhepit të kryeministrit apo fondet shtetërore? Përse kryeministri bën hetime, bën dhe manipulime paralele se ky është në mashtrim paralel i mirëfilltë. Kur ekzekutivi nuk ka të drejtë të bëjë hetime, pasi këto hetime, drejtësia e re e ashtuquajtur e tillë, e reformuar, e pastër, e kthjellët e ka vetëm ajo të drejtë ta bëjë. Nuk heton ekzekutivi, nuk heton kryeministri, nuk e kanë bërë as në shtetet e diktaturës, të paktën për sy e faqe. Meqënëse botërisht kryeministri tha se e kishte videon, kishte analizuar dhe kishte marrë gjithashtu edhe përgjigjet autentike për autenticitetin e videos, pse nuk e thërret prokuroria në cilësinë e dëshmitarit, këtë kryeministër i cili paska gjithë këto informacione, të bollshme, të detajuara për çështjen?   Prokuroria e cila nuk lëviz gishtin dhe i ka krijuar këtë komoditet kryeministrit, pasoja rëndon gjithmonë e më shumë në pozitën e saj dhe po zhbën totalisht paanshmërinë e saj dhe integritetin e organit të akuzës. Po sot, drejtësia e re dhe prokuroria e re, më e keqe se prokuroria e vjetër, në qytetin e Beratit në gjyqin e zhvilluar ku LSI padit prokurorinë e përgjithshme për mbylljen e çështjes ku kryeministri i bëri thirrje në 25 qershor policisë që të flakte uniformat dhe të bënte vota, me kokën ulur e mbylli përsëri çështjen, dha një vendim negativ duke krijuar absolutisht statusin e njeriu të pandëshkueshëm në shtetin shqiptar. Tashmë është e qartë që ky kryeministër nuk mund të administrojë më kurrë zgjedhje në Shqipëri, por drejtësia përfundimisht e vdekur i krijoi në rastin e parë mbylljen e çështjes sepse ky kishte kërkuar falje në Facebook. Të gjithë qytetarët, ju që bëni gabime, bëni faje, mund të kërkoni falje në Facebook, në Twitter, mund të çoni një mesazh në whatsapp dhe të gjitha këto mjaftojnë për çdo lloj faji që keni bërë. Pasi faji penal i kryeministrit u fal me një falje në Facebook. Por sot duhet të kishim hapjen e hetimit për kryeministrin i cili ka bërë hetime të paligjshme paralele. Me fonde të paqena. Me audio përgjime që nuk ekzistojnë dhe ka manipuluar botërisht opinionin publik. Ende nuk kemi hapjen e hetimit por nuk kemi as thirrjen e tij në cilësinë e dëshmitarit. Pra përfundimisht, përballë shqiptarëve kemi dy drejtësi, një drejtësi e cila mbron kryeministrin dhe ministrat e tij pa asnjë hezitim, në mënyrë të hekurt e bën këtë gjë. Dhe qytetari i cili kalon semaforin e kuq i nënshtrohet arrestit me burg. Një qytetar i cili riparon murin e shtëpisë, i vihen prangat dhe shkon në burg. Ka njerëz të tjerë, kanë marrë dhe të sëmurë me dializë dhe për një mur i kanë çuar në rajonin e policisë. Kurse këtyre manipulatorëve u është krijuar një mbrojtje e hekurt, pra kjo është drejtësia e re, mbrojtje e hekurt për Edi Ramën dhe qeverinë përpara çdo lloj faji penal. Ndaj në dt. 26 Maj në orën 11, qytetarët do dalin përpara çdo gjëje tjetër për të vendosur me manifestimin e tyre që të jenë të barabartë. As më shumë dhe as më pak po kërkojnë minimumin nuk duhet të ishte kërkuar, duhet të kishim kërkesa të tjera por në rradhë të parë të jenë të barabartë. Përballë kanë një kryeministër njësh me trafikantët dhe krimin e organizuar, i mbështetur nga prokuroria kamikaze dhe përballë qytetarë të cilët mund të arrestohen në çdo orë të ditës, mund tu vihen prangat në çdo orët të ditës dhe janë krejtësisht të pambrojtur. Shqiptarët duan vetëm një drejtësi, drejtësi ku të gjithë të jenë të barabartë përpara ligjit. Nuk duan një drejtësi e cila korrupsionit të tmerrshëm që shikohet nga këtu e deri në Amerikë, përfshirjes me krimin që shikohet nga këtu e në Amerikë, mbylljes së çështjeve të mëdha penale dhe aferave të cilat janë aty në sytë tuaj, i dëgjoni me veshët tuaj që janë që këtu e në Amerikë, tu jepet fund dhe drejtësia më në fund të veprojë. Kjo drejtësi e ka vdekur legjitimitetin e saj dhe qytetarët do të jenë pikërisht në atë ditë për të vënë në vend një reformë në drejtësi e cila lindi për fat të keq e vdekur dhe shkaktari kryesor i vdekjes së kësaj reforme, është një dhe një i vetëm, kryeministri i vendit. Fajtor, manipulator dhe mashtrues publik i deklaruar. Prokuroria e përgjithshme ka shanset e saj minimale dhe të fundit për të riintegruar diçka nga ky imazh i rrënuar dhe nga profili prej kamikazi që ka marrë, për të vënë atë që duhet përpara drejtësisë, kryeministrin në rradhë të parë. Pasi fajet e tij, për fat të keq të tij, po për fat të mirë të hapjes së syve të opinionit publik janë të gjitha në sytë e të gjithëve dhe përpara të gjithëve. 

/ In News / By Elisa Piperi / Comments Off on Petrit Vasili: Petrit Vasili: Kryeministri fajtor të shkojë përpara drejtësisë ndryshe reforma në drejtësi ka vdekur.