Gjosha: Uroj që Maqedonia të mos penalizohet nga Shqipëria

Ish-deputetja e LSI-së, Klajda Gjosha, njëherazi ish-ministre e Integrimit u shpreh se është pesimiste për çeljen e negociatave të Shqipërisë me BE në tetor të këtij viti.

Gjithashtu Gjosha tha se uron që Maqedonia e Veriut të mos penalizohet nga Shqipëria, për shkak të situatës ku ndodhet ajo.

Ish-deputetja deklaroi se Maqedonia e Veriut ka bërë një sakrificë të jashtëzakonshme, si ndryshimi i emrit. Ndryshim që u arrit falë një marrëveshje me Greqinë në momentin kur nuk pritej.

Pjesë nga intervista: 

Gazetari: Muajin tjetër presim një tjetër vendim përfundimtar. Cilat janë pritshmëritë tuaja në këtë drejtim? Pikërisht për integrimin.

Gjosha: Unë jam shprehur në vitin 2018, pikërisht për këtë çështje, në momentin që Këshilli doli me një vendim kundër çekjes së negociatave dhe madje në atë kohë u renditën disa rekomandime për Shqipërinë. Është për të ardhur keq që asnjë nga ato rekomandime nuk është marrë seriozisht. Në krye të tyre qëndronin zgjedhjet me standarde në Shqipëri dhe dekriminalizimi i politikës shqiptare. Sot besoj se janë çështje më reale dhe më të prekshme se kurrë. Nuk e di si do të gjykojnë vendet anëtare për Shqipërinë kur të marrin në duart e tyre raportin e OSBE/ODIHR që i ka dhënë një goditje shumë të rëndë demokracisë shqiptare, alternativës që mund të kishin qytetarët për të zgjedhur dhe që nuk arritën dot ta kishin me zgjedhjet e fundit. Të shkosh nga zgjedhjet në zgjedhje me standarde të cunguara, apo shumë herë më të dobëta se ato që ke pasur një palë zgjedhje më parë, kjo besoj se do t’i rëndojë shumë Shqipërisë në muajin tetor sa i përket vendimit për çeljen e negociatave. Për të mos thënë që mund të kemi kushte të shtuara.

Gazetari: Jeni pesimiste në këtë aspekt, pavarësisht dëshirës?

Gjosha: Dëshira është jo vetëm nga unë si një ish-drejtuese e Ministrisë së Integrimit, por besoj që është një dëshirë e qytetarëve shqiptarë për të çelur negociatat, sepse është e vetmja mënyrë për të futur politikën shqiptare në një kornizë ligjore. Ka dalë jashtë shinave ligjorë dhe kushtetues. Përtej dëshirës, dëshira nuk është ajo që tregon në të vërtetë punën e qeverisë shqiptare, që ka munguar në këtë 1 vit e gjysmë. Unë jam shumë pesimiste për muajin që vjen.

Gazetari: Emri i Maqedonisë së Veriut më me shumë optimizëm dhe është krijuar ideja e një anëtarësimi “enblak”. Mund të përfitojë Shqipëria nga kjo qasje përkundrejt Ballkanit?

Gjosha: Unë uroj që të mos humbasë Maqedonia e Veriut për shkakun e Shqipërisë. E di që Maqedonia e Veriut ka bërë një sakrificë të jashtëzakonshme. Të ndryshosh emrin është me të vërtetë një gjë shumë madhore për vendin dhe qytetarët e tyre. Ata ja kanë dalë të bëjnë një marrëveshje me Greqinë në momentin kur nuk pritej të arrihej një marrëveshje e tillë. E meritojnë edhe për shkak të reformave të njëpasnjëshme që ata kanë ndërmarrë. Uroj që të mos penalizohen nga situata në të cilën ndodhet Shqipëria dhe nga diskutimet që kanë mbërthyer sot vendet anëtare mbi Shqipërinë.

/ In News / By Admin / Comments Off on Gjosha: Uroj që Maqedonia të mos penalizohet nga Shqipëria

Vasili: Komisioni hetimor për Presidentin fillon për faqe të zezë

Nën/kryetari i Lëvizjes Socialiste për Integrim Petrit Vasili ka komentuar mbledhjen e Komisionit Hetimor duke thënë se ka filluar për faqe të zezë ku ktyetari i Komisionit ka shkelur rregulloren. Vasili vijon akuzat duke thënë se këta nuk kanë turp dhe nuk kanë lidhje as me shtetin as me ligjin.

Postimi i plotë i Vasilit

Komisioni hetimor për Presidentin fillon për faqe të zezë.

Ulsiu duke shkelur rregulloren e Kuvendit e fillon me fjalimin e çartur të porositur nga Edi Rama seancën.

Duhet ta dini të gjithë që fjalimi, nëse ka një të tillë, mbahet vetëm ditën e parë kur komisioni fillon punën, ndërsa sot fillon direkt me pyetjet, për të cilat komisioni ka interes të marrë shpjegime.

Po këta sharlatane s’kanë as turp dhe s’kanë asnjë lidhje asgjëkundi as me shtetin dhe as me ligjin, këta janë turpi i këtij vendi, janë thjesht banditizmi ulur në karriget e kuvendit.

/ In News / By Admin / Comments Off on Vasili: Komisioni hetimor për Presidentin fillon për faqe të zezë

Apeli i fortë i Kryemadhit: Bojkotoni produktet e oligarkëve, bleni në dyqanet e lagjeve

Kryetarja Lëvizjes Socialiste për Integrim, në një nga qëndrimet më të forta që ka mbajtur në dy vitet që mban këtë post, nuk e ka lënë betejën kundër oligarkëve të Edi Ramës vetëm me retorikë. Ajo i ka propozuar militantëve të saj dhe qytetarëve shqiptarë masën ekstreme të bojkotimit të produkteve të oligarkëve.

“Mos bleni ushqime në qëndrat e tyre tregtare, mos bleni veshje ne dyqanet e tyre firmato, mos përdorni taksitë e kompanive të mëdha, por zgjidhni dyqanet e lagjeve, të fqinjëve tuaj dhe shoferët e që punojnë për të mbajur me bukë familjen” ka qenë mesazhi i Kryemadhit në tubimin për 15-vjetorin e krijimit e LSI.

Nënteksi i kësaj deklarate është shumë i qartë. Pasi ka folur kundër koncesioneve, pasi ka denoncuar kryeministrin që ndan paratë publike me një grup prej dhjetë vetësh Kryemadhi ka menduar se koha është për nisma konkrete.

Dhe ajo ka hedhur një hap që partnerët e saj të PD, sado që të bëjnë retorikë,  nuk guxojnë ta ndërrmarrin as në ëndrrat e tyre më të guximshme.

Nëse Rama nuk tërhiqet nga shpërndarja e pasurisë së përbashkët në pak duar, nëse ata që përfitojnë ia kthejnë atij në forma të ndryshme mbështetjen financiare dhe mediatike, pra nëse Kryeministri është solidar me oligarkët, i takon shqiptarëve të jenë solidarë me njëri tjetrin. Dhe këtu nuk është punë mbështetje politike apo vote, por thjesht solidaritet njerëzor për të përballuar varfërinë.

Kryetarja e LSI-së i shoqëroi këto qëndrime të forta edhe me kritikat që i bëri shefit të rilindjes, se ai e ka shkëputur PS-në nga e majta: “Rilindja nuk ka më asnjë pikë takimi me asnjë ideologji, e aq më pak me të majtën. Rilindja e Ramës do mbahet mend si tradhtarja më e madhe e së majtës shqiptare” tha ajo duke përmendur lidhjen e Ramës me oligarkët.

Ndonëse në programin e LSI ka ende shumë paqartësi ideologjike, pasi kërkohet ulje e taksave dhe për më të pasurit dhe kthimi tek taksimi i sheshte 10%, duket se partia e dalë nga gjiri i socialistëve, po tenton të shfrytëzojë boshllënun e tmerrshëm që ka mbetur në të majtë të spektrit politik shqiptar.

Apeli i saj për të bojkotuar produket e oligarkëve dhe për ti’u kthyer solidaritetit të të varfërve me njëri tjetrin, jo vetëm që është një përpjekje për distancim nga ideja se të gjitha partitë shqiptare punojnë për një kastë të pasurish, jo vetëm do të ritheksojë një ndarje të re klasore në vend, mes atyre që rrëmbejnë gjithçka dhe atyre që humbasin për ditë e më shumë, por mbi të gjitha përbën thelbin e konfliktit të sotëm politik, pasi është thjeshtë teatër të luftosh me Edi Ramën, të dalësh nga parlamenti dhe të anatemosh sistemin, duke qen miqësor me aleatët e tij të vetëm, ata që pasurohen bashkë me të.

Prandaj, thirrja më e fortë që Kryemadhi ka bërë si kryetare e forcës që drejton, ajo për bojkotin e produkteve të oligarkëve, është një lëvizje sa ideologjike aq dhe pragmatike. Nëse i mbahet asaj, kjo do të thotë se ajo po e fut LSI-në në rrugën e vërtetë të një opozite reale që ka kapur problemin thelbësor të shoqërisë: thellimin e hendekut mes të pasurve dhe të varfërve në periudhën e Rilindjes.

/ In News / By Admin / Comments Off on Apeli i fortë i Kryemadhit: Bojkotoni produktet e oligarkëve, bleni në dyqanet e lagjeve

Kryemadhi: Për LSI, mirëqeverisja më e rëndësishme se pushteti

Fjala e Kryetares së LSI-së, Monika Kryemadhi në takimin solemn me rastin e 15 vjetorit të themelimit të LSI

Të nderuar miq, motra dhe vëllezër anëtarë, simpatizantë të Lëvizjes Socialiste për Integrim,

Shkëlqesi Ambasadorë,

Përfaqësues të trupit diplomatik dhe organizmave ndërkombëtarë,

Të nderuar kolegë të partive politike shqiptare që jeni sot në këtë sallë,

15 vjet më parë lindi Lëvizja Socialiste për Integrim, forca politike që bashkoi rreth kauzës së madhe të ndryshimit dhe integrimit, energji, ëndrra, vullnete dhe përkushtim shembullor.

Në historinë politike të pluralizmit, partitë zakonisht u janë bashkuar mazhorancave. Por, LSI-ja në themelin e saj, u shkëput nga mazhoranca e pushtetit duke vendosur një standard të ri të moralit politik, të cilin e konsideron mirëqenien, gjënë më të rëndësishme se sa pushteti.

 

Këtë moral politik ka ndjekur LSI, dhe mbi këtë parim është ndërtuar i gjithë aksioni politik i Lëvizjes Socialiste për Integrim.

 

 

Në këto 15 vite të rrugëtimit tonë politik, sfidat me të cilat jemi përballur kanë qenë të shumta e të jashtëzakonshme. Kauzat për të cilat u krijuam dhe kemi luftuar në këto 15 vite, tashmë vazhdojnë të jenë akoma reale.

Prandaj mbështetja për forcën tonë politike nuk ka shteruar asnjëherë, e cila vjen nga njerëzit e thjeshtë,vjen nga ata të cilët e duan Shqipërinë anëtare të denjë të Bashkimit Europian.

 

Ne u rezistuam goditjeve të pa principta që synonin eleminimin tonë politik, prej makinacioneve nga sistemi zgjedhor, dhe deri tek makineria mediatike e shpifjeve dhe akuzave të cilat kanë qenë në shërbim të interesave kryeministrore.

 

Ngadhënjyem sepse jemi me të drejtën, me moralin dhe virtytin, fituam sepse jemi bashkë dhe kemi dashurinë e madhe për vendin dhe të ardhmen e fëmijëve të shqiptarëve.

 

Nuk ka forcë që na ndal në përmbushjen e misionit tonë.  Busulla jonë është Integrimi Europian, jeta më e mirë për çdo qytetar, pavarësisht bindjeve të tyre politike.

 

Për ne mbetet parësore kthimi i besimit tek Shqipëria, si shtëpia jonë e përbashkët.

 

Sot bota politike, intelektuale dhe akademike, nga vendi më i vogël  i rruzullit tokësor e deri tek më i madhi, po diskuton e debaton një problem të mprehtë, që fatkeqësisht në Shqipëri  për kushtet dhe veçoritë  dhe sidomos në këto vitet e regjimit të Rilindjes, nuk është thjesht mënjë problem, por ështënjë dramë që po shkatërron vendin.

 

Është një dramë që ka mpirë shoqërinë tonë dhe po i  çon djemtë dhe vajzat tona gjithnjë e më shumë larg Shqipërisë. E kam fjalën për thellimin e polarizimit të shoqërisë sonë dhe pabarazisë në të cilën është instaluar.

Ky problem i kanalizuar në ideologji të ndryshme në botë trajtohet si fenomen social dhe politik.

 

Për fat të keq në Shqipëri ky është thjesht dhe vetëm problem një i vetëm dhe ka të bëjë me vjedhjen e pronës publike dhe tenderimin e ekonomisë në duart e pak njerëzve të afërt të pushtetit. Asgjë më shumë se një vjedhje flagrante me një plan të mirëmenduar.

 

Nuk është  rastësi, as kapitalizëm e as demokraci, fakti që vendi ka mbetur për një periudhë të gjatë  pa gjykata. Nuk është as rastësi kapitalizëm dhe as   demokraci ligji për kadastrat: nuk ishte rastësi dhe as formë e kapitalizmit madje  as demokraci ligji për kthimin  e dividentit, ku rimbushen xhepat e atyre qe I kanë plot:

 

S’mund te quajmë rastësi, kapitalizëm apo  demokraci  grabitjen e tokës së teatrit me ligj të posaçëm dhe me vota deputetësh pa dinjitet:

 

Në ç’vend të botës ndodh që ligji të burgosë  një familjar të papunë  që nuk paguan dot faturën e energjisë elektrike dhe nuk guxon të gjykojë ata që në flagrancë janë kapur duke vjedhur,shitur dhe blerë votën?

 

Sot më shumë se kurrë, e ritheksoj se prej regjimit  kriminal dhe  oligarkik të Rilindjes, ne kemi, nga njëra anë një grusht njerëzish që me tender e pa tender po pasurohen me shpejtësi duke grabitur pasuritë e shqiptarëve të cilët nuk përbëjnë më shumë se 1 % të tyre,dhe nga ana tjetër kemi mbi 80 % të shqiptarëve të braktisur, të zhytur në varfëri të cilët mundohen tu mbijetojnë sfidave të këtij realiteti të hidhur.

 

Nuk ngurroj të them që kemi dhe ne përgjegjësinë  tonë, pavarësisht se disa nga inciativat tona kanë qenë të mira, jemi munduar të imponojmë, pasi nuk kemi mundur ti perfaqesojmë ata siç duhet.

 

Por më 30 qershor shumica e shqiptarëve, 85% na dhanë përfaqësimin, na dhanë përfaqësimin si opozitë e bashkuar. Sepse bojkoti masiv për të votuar si në komunizmin famëkeq,ka rritur tashmë përgjegjësinë e opozitës shqiptare që të gjejë mekanizmat më të mirë për të përfaqësuar shumicën dërrmuese të shqiptarëve. Atë shumicë që me bojkotin e saj i tha “jo” regjimit kriminal dhe oligarkik të Edi Ramës.

 

Ne si opozitë e bashkuar ndoshta kemi bërë sa kemi mundur për të denoncuar këtë regjim.  Por edhe unë ashtu si ju, jam e bindur se kjo nuk mjafton.

 

Në kohën kur organizata kriminale dhe oligarkike me emrin Rilindje, ka shkatërruar me plan te mirëfilltë të majtën gjenuine shqiptare me qëllim kryesisht zaptimin dhe futjen në kthetrat e saj të ekonomisë shqiptare dhe kur fatkeqësisht me anë të koncesioneve dhe PPP-ve, kryeministri ynë e ka tenderuar dhe burgosur të ardhmen tonë ekonomike edhe për 15 apo 20 vitet e ardhshme. Në këto kushte ne na duhet të mendojmë për një zgjidhje afatgjatë, por jo thjesht për të nesërmen.

 

Unë me formimin tim politik jam një “socialiste demokrate”, siç ka plot të tillë edhe në këtë sallë e kudo në Shqipëri, edhe pse të braktisur e të zhgënjyer në aspiratën e tyre prej fenomenit abuziv me etiketën “Rilindje”.

 

Si socialiste demokrate, unë jam e bindur se drama e pabarazisë në Shqipëri, as nuk mjekohet, madje as nuk zgjidhet, pa rivendosjen  e së majtës së vërtetë në shinat e vlerave dhe demokracisë dhe integritetit dhe të solidaritetit dhe humanizmit.

 

Kushtet në të cilat ndodhemi na e ngarkojnë ne këtë përgjegjësi historike. LSI duhet të çlirojë  të  majtën nga thundra kriminale e shpërdorimit të Rilindjes. Ky është misioni ynë politik dhe historik. Për të cilin do të na vlerësojnë fëmijët tanë të nesërmen dhe historia përsëri.

 

Trëndafili i kuq i socialistëve shqiptarë me rrënjët në gjakun e dëshmorëve të lirisë dhe ëndërr Shqipërinë si gjithë Europa që u bë dhe duhej të ishte edhe sot simbol i politikave sociale, nuk është më.

Ai është zëvendësuar me logon e zezë të korrupsionit të PPP-ve, koncesionet e famshme me degëzën e kanabisit dhe si simbol i qeverisjes dhe krimit të bërë një, që jo vetëm shkatërroi partinë e vlerave dhe kontributeve historike për Shqipërinë, por lëndoi zemrat e qindra mijëra pensionistëve, veteranëve të luftës nacional çlirimtare, duke bërë që të rinjtë dhe te rejat të marrin udhët  e mërgimit, dhe që po e çon edhe  vendin në një asfiksi totale që vështirë ta marrë veten.

 

Ndaj ne duhet ta marrim përsipër këtë sfidë ….

Unë jam e vëmendshme ndaj çdo alternative ekonomike që shpaloset nga çdo do krah, nga çdo parti e djathtë, e qendrës apo kudo qoftë. Por njëkohësisht jam e bindur dhe e ndërgjegjshme që Shqipëria nuk shpëton nga drama e pabarazisë pa një të  majtë të fortë e modern, pa një të majtur të hapur e të shëndetshme e mbi të gjitha që të ketë të shenjtë interesat kombëtare dhe shërbimin ndaj qytetarëve.

 

Shumë herë ideologjitë përdoren për t’u marrë votën qytetarëve. Bota ka plot shembuj të tillë,edhe ne e kemi kaluar këtë. Por unë  prapë  e them me bindje se pa një të majtë të shëndetshme Shqipëria nuk ka as shansin më të vogël të dalë nga kjo humnerë ku e ka çuar grabitja që thellon përditë pabarazinë.

 

Sa më shpejt të ringrihet e majta e munguar dhe e pushtuar, aq më të pakta do ti ketë regjimi fashist ditët në pushtet antipopullor, të cilin ua ka grabitur shqiptarëve me paratë e krimit të organizuar dhe do të ketë më shumë shpresë për shqiptarët, do të ketë më shumë shpresë për të rejat dhe të rinjtë tanë.

 

Sa më shpejtë të ringrihet e majta e shëndetshme dhe atdhetare, aq më e fortë do të ndjehet dhe e djathta patriotike shqiptare dhe aq më organik do të jetë koalicioni ynë, dhe do të jetë një koalicion i dobishëm me partneritet dhe bashkëpunim opozitar si një mision për të një Shqipëri më europiane dhe një Shqipëri më të denjë për fëmijët e shqiptarëve. Ne duhet të punojmë të gjithë së bashku për të  përfaqësuar numrin e madh të gjithë këtyre të rinjve që po largohen çdo ditë e më shumë nga Shqipëria, të cilët po ikin në mënyrë të vrullshme sepse nuk e gjejnë veten këtu.

 

Si socialistë, demokratë ne jemi munduar ta bëjmë këtë dhe më parë, kryesisht me iniciativa parlamentare, por të jemi të sinqertë nuk ja kemi dalë.

 

Ndryshe nga Rilindja edhe kur kemi qeverisur me ta,kemi insistuar për arsim falas,sepse arsimimi i të rinjve në kushte sa më optimale është baza për një shoqëri të shëndetshme, është baza për një familje të shëndetshme, është baza për një shtet të shëndetshëm.

 

Si opozitë e bashkuar kemi kundërshtuar çdo koncesion, i cili është në kurriz të pasurisë së shqiptarëve. Sepse këto janë parimet tona bazë. Ne kemi mbështetur çdo iniciativë në ndihmë të personave në nevojë,sepse kjo është busulla jonë e orientimit.

 

Po ku jemi sot?

Sot ne nuk jemi në parlament. Sistemi kriminal dhe oligarkik i Edi Ramës nuk e mundëson një debat vlerash siç ndodh në çdo vend demokratik. Ne kemi bërë sa kemi mundur që ta çmontojmë këtë klikë në pushtet,ndaj sot s’mund të pranojmë të jemi fasadë e një qeverisje ku mbizotërojnë dëshirat dhe epshet kryeministrore dhe paranojake të një kryeministri të lidhur kokë e këmbë me krimin e organizuar.

 

Ne kemi protestuar fuqishëm dhe kemi mundur ti bindim dhe ata shqiptarë skeptikë se çdo formë proteste është një mënyrë për të ti hequr një gurë themelit mafioz të qeverisë së rilindjes Rama.

 

Sot unë i bëj thirrje së pari të gjithë  anëtarëve të LSI por edhe gjithë shqiptareve të thjeshtë e të ndershëm që  ushqimet e tyre të përditshme mos ti blejnë në qendrat e mëdha  tregtare të oligarkëve, por në dyqanet e lagjeve, të shqiptarëve të varfër, të cilët me zor po i mbijetojnë taksidarëve të Edi Ramës.

 

Unë i bëj thirrje anëtarëve  të LSI së  pari por dhe gjithë shqiptarëve që veshjet e tyre mos ti blejnë  në qendrat tregtare  të oligarkëve, po te dyqanet e shqiptarëve, të cilët me zor po i mbijetojnë dhe me taksat po u falimentojnë bizneset.

 

Të  mos përdorin taksitë e korporatave te lidhura ngushtë me qeveritarët dhe me kryetarët e bashkive, por të përdorin taksitë e atyre hallexhinjve që paguajnë taksa të tmerrshme, të dhimbshme dhe me zor ushqejnë familjet e tyre.

 

Kështu ne do të bëjmë të mundur që të arkëtohen sa më pak para nga shqiptarët e varfër për xhepat e oligarkëve dhe qeveritarëve të lidhur me krimin e organizuar dhe me oligarkët shqiptar. Vetë kështu ne mund të fillojmë një lloj revolucioni shpirtëror për të ndihmuar shqiptarët e varfër, për të ndihmuar biznesin e vogël, për të ndihmuar biznesin e mesëm, për të ndihmuar biznesin e ndershëm në mënyrë që të zhbëjmë monopolin dhe kapjen e ekonomisë shqiptare.

 

Të nderuar miq,

 

Situata është e paprecedent. Vendin e ka mbërthyer një krize totale e qeverisjes, ekonomisë dhe shoqërisë.

 

Në kohën kur më shumë se kurrë   kërkohet mobilizim social e intelektual, pjellë e Rilindjes është  polarizimi i tejskajshëm, nxitja e përçarjes së shoqërisë në  “ne” dhe “ata”.

 

Në kohën kur kërkohet mobilizimi i gjithë energjive e kapaciteteve kombëtare për integrimin e vendit, kemi shkatërrimin e administratës publike, dhe injorim e institucioneve të pavarura e akademike.

 

Gënjeshtra është kozmetika e përditshme e fytyrës së qeverisë dhe bojës së kryeministrit. Që edhe pse investon miliona para të pista prapë duket se ka nisur t’i mbarojë vaji, për të cilin ai i përdor.

 

Makineria e propagandës ka filluar të kërcasë, e cila nuk  mbulon dot më zullumet e Rilindjes dhe qeveritarëve së saj. Sepse shqiptarët nuk janë të verbër, ata shohin dhe kuptojnë shumë mire se çfarë ndodh.

 

Ata shohin se Rilindja nuk ka më asnjë  pikë  takimi me asnjë ideologji,e aq më pak me të majtën shqiptare. Rilindja e Ramës do mbahet mend si tradhtarja më e madhe e së majtës shqiptare. Ajo ka shkelur pa mëshirë  vlerat saj themelore: shtetin demokratik e social, mundësitë  e barabarta dhe shpërndarjen e drejtë të të mirave.

 

Duke shkatërruar institucionin e votës e të zgjedhjeve, Rilindja krijoi shtratin e një sistemi autokratik e arrogant, ku sovrani, qytetari i thjeshtë, është i papërfaqësuar, por jo vetëm kaq, është dhe i pafuqishëm .

 

Sot vendi është në një  regjim monokratik, ku një njeri i vetëm ka uzurpuar çdo pushtet. Mjafton të lexosh Raportin përfundimtar të OSBE-OHDIR për votimet e qershorit,tregon qartë që shteti, Kushtetuta, ligji, Gjykata, shoqëria, nderi, morali, integriteti ka rënë totalisht. Prandaj ai raport i shkruar e zezë mbi të bardhë, tregon qartë që opozita ka pasur të drejtë në të gjitha vendimet e saj që ka marrë këtë periudhë.

 

 

 

Duke ngritur një sistem klientelizmi ekonomik të një grupi të vogël oligarkësh, Rilindja shkatërroi mundësitë për çdo sipërmarrës të ndershëm që të ketë sukses e të prosperoje. Rritja ekonomike është përgjysmuar, dhe investimet publike administrohen nga një grupi njerëzisht, të cilët i sillen rreth e qark kryeministrit tone. Dhe janë këta të fundit janë të vetmit që kanë bilanc pozitiv për xhepat e tyre, por në fakt bilanci është negativ për zyrat e taksave të shtetit.

 

Mundësitë  e barabarta u shkatërruan në arsimin e lartë.

Mundësitë e barabarta u shkatërruan edhe në shëndetësi, ku mbi 60 % e shërbimit spitalor është në duart e privatit. E  ku duhet të paguash shtrenjtë që të marrësh shërbime në kohë.

 

Ky është sistemi i rilindjes: po nuk pate para, nuk mund të arsimohesh, nuk mund të kurohesh. Shteti social, thelbi i së majtës, tashmë ka rënë. Por shqiptarët, me varfërinë e ulur këmbëkryq në shtëpitë e tyre, kanë nevojë për një shtet të forte, të cilin ne si LSI që në ditën e themelimit jemi bazuar tek shteti I forte dhe jo tek lideri I fortë. Ne kemi nevojë për një sistem të fortë që u garanton shqiptarëve të drejtat, ekonominë dhe barazinë për të gjithë.

 

I vetmi që nuk e sheh, nuk e ndjen dhe nuk preket nga kjo situatë është Kryeministri ynë. I cili në fakt është shkaktari kryesor i kësaj katastrofe. Atë nuk e prekin as skandalet e përditshme të rilindasve të tij, as dhunimi i votës, as shkelja e ligjit, as shkelja e Kushtetutës, as trafiqet e drogës, as largimi i shqiptarëve, të cilët janë çdo ditë e më shumë të pashpresë.

 

Ndaj sfida jonë vazhdon të mbetet rikthimi i shpresës dhe besimit tek një e majtë e vlerave dhe e principeve qe do të mund ta nxjerrë vendin nga bataku ku e ka futur Edi Rama me shokët e tij.

 

Unë besoj se ne mund ta bëjmë së bashku këtë gjë. Sepse kemi ecur bashkë në suksese dhe në dështime. Jemi rrëzuar dhe jemi ringritur përsëri bashkë. Jemi rritur  sërish bashkë për të përballuar sfidat e kaluara dhe për të përballuar sfidat  e reja.

 

Për këtë, të gjithë së bashku  duhet të kthejmë demokracinë në normalitet. Të ringremë institucionin e votës dhe t’i japim qytetarit sovranitetin për të zgjedhur. Të realizojmë atë që tashmë e kemi propozuar, Vettingun e politikanëve, për të cilin shqiptarët kanë nevojë të besojnë te politika sepse u ka humbur besimi tek ajo.

 

Duhet të  përfundojmë reformën më të rëndësishme për Shqipërinë, reformën në drejtësi, si një sistem i pavarur nga politika, dhe jo si një vegël në duart e saj. Sistemin e drejtësisë, si një sistem i pavarur nga politika për të mbrojtur shtetin, Kushtetutën, ligjin, por mbi të gjitha, për të mbrojtur të drejtat e qytetarëve.

 

Me një sistem drejtësie të pavarur ne do kemi siguri ekonomike dhe shoqërore, do të kemi  besimin e investitorëve të huaj të cilët do të investojnë. Dhe nga kjo vjen krijimi i vendeve të reja të punës, të cilat krijojnë mundësi për të rinjtë shqiptarë që të punësohen dhe të jetojnë në Shqipëri dhe këto mundësi u japin besimin familjeve shqiptare që të ndërtojnë të ardhmen dhe shtëpinë e tyre në Shqipëri.

 

LSI duke qenë parti e të rinjve e ka të domosdoshme klimën e biznesit. Dhe klima e biznesit në Shqipëri pa një sistem drejtësie të vërtetë, të barabartë, të drejtë dhe të pavarur do të jetë e pamundur. Nuk do të ketë as demokraci, as ekonomi, as zhvillim dhe as të ardhme për Shqipërinë. Prandaj reforma në drejtësi ka qenë një sfidë e LSI-së. Dhge ne si parti e të rinjve e kemi mision dhe obligim këtë gjë.

 

Roli i LSI në reformën për drejtësi ka qenë vendimtar. Votimi i reformës me 140 vota ishte një nga rolet kryesore që LSI  kreu në atë kohë. Edhe vota e LSI-së për 7 ligjet e reformës në drejtësi ishte ajo që i dha rrugën për të filluar për të vepruar.

 

Por në fakt realiteti tregoi diçka tjetër. Realiteti tregoi se rilindja që në fillim të hartimit të Komisionit të reformës në drejtësi ka punuar kundër reformës për ta sabotuar dhe për ta dështuar atë. Sepse një reformë në drejtësi e pavarur do të vendoste në bankën e të akuzuarve trafikantët e drogës,  kriminelët, të korruptuarit, qeveritarët të cilët firmosin tendera me firma fallco, të cilët janë të lidhur ngushtë me kryeministrin tonë Edi Rama.

 

Një reformë në drejtësi e pavarur nga politika do të fillonte që me dosjet e fasadave të famshme, kur kryeministri ynë ishte ministër i kulturës, që edhe sot e kësaj dite është arkivuar dhe pluhurosur në zyrat e Prokurorisë së Shtetit Shqiptar.

 

Një sistem i drejtësisë së pavarur nuk do të lejonte që rruga e Arbrit nga 160 milion euro, sipas preventivit të Drejtorisë së Përgjithshme të Rrugëve, kryeministri ynë i Rilindjes ta tenderonte në 360 milion euro. Vetëm me një firmë vjedh nga xhepat e shqiptarëve 200 milion euro.

 

Rruga Milot-Balldren nga një përllogaritje 102 milion e faturon në 340 milion euro. Vetëm me një dorë ai vjedh 238 milion euro.

 

Unaza e Re, ajo për të cilën është bërë ankth për mijëra familje të Tiranës. Një kilometër 20 milionë euro. Dhe jo vetëm kaq, por falsifikon edhe firmën e një sekretari shteti jashtë Shqipërisë.

 

Pra ky njeri që burgos një pensionist që nuk ka mundësi të paguajë energjinë elektrike, ky njeri kërkon që sistemin e drejtësisë ta kthejë në kështjellën mbrojtëse të krimeve të tij. Prandaj ne jemi të angazhuar që reforma në drejtësi të ecë dhe të vazhdojë me hapa të shpejtë për t’u kthyer pavarësisë së saj dhe për të vendosur drejtësinë që u ka munguar shqiptarëve në këto 30 vite. Atë drejtësi të munguar që me pronarët, të cilët nuk kanë marrë pronat e tyre e për të vazhduar pastaj atë drejtësi të munguar me ata qindra e mijëra pensionistë që u mohohet pensioni. Me ata qindra e mijëra të sëmurë që u mohohet shërbimi mjekësor.

 

Të çlirojmë ekonominë nga oligarkia, t’i japim frymë biznesit të vogël e të mesëm. Të kthejmë besimin  dhe të  investojmë e punësojmë sa më shumë njerëz. Ne jemi të angazhuar dhe do të vazhdojmë t’i qëndrojmë aspiratave tona për ulje taksash dhe dhënie frymë ekonomisë shqiptare.

 

Jemi angazhuar për vendosjen e taksës së sheshtë në 10%, TVSH 0 për prodhimet bujqësore, TVSH 6% për produktet e shportës të cilat u mundësojnë familjeve të varfra që të kenë mundësi që të ushqejnë më shumë fëmijët e tyre. të kenë më shumë bukë në tryezat e tyre. Heqjen e taksës së TVSH-së në doganë e shumë propozime të tjera të cilat ne vazhdojmë t’iu qëndrojmë dhe nuk do të rreshtim për të realizuar angazhimet tona ndaj qytetarëve.

 

Të ristrukturojmë ekonominë, jo si lavatriçe e parave të pista të drogës e trafiqeve, por ta bazojmë atë tek prodhimi dhe shërbimet, në sektorët që kanë avantazh konkurruese dhe që krijojnë mundësinë e hapjeve të vendeve të reja të punës për shqiptarët.

 

 

Të realizojmë reformën në arsim, ku të krijojmë mundësi të barabarta reale për çdo të ri dhe të re për një arsim cilësor, të lidhur me tregun e punës dhe që garanton punësim.

 

Të reformojmë shëndetësinë dhe të forcojmë shëndetin publik, duke forcuar spitalet publike, dhe garantuar cilësinë e ilaçeve. Duke imponuar tolerance zero ndaj ndotjes së mjedisit dhe duke garantuar sigurinë ushqimore për shqiptarët.

Të mbështesim rininë, duke mos kursyer në asgjë për tu kthyer besimin për të jetuar e punuar në Shqipëri.

 

Kemi pasur shumë propozime që fillojmë që për start-up-et, biznesin e drejtuar nga të rinjtë etj. Tashmë do të  përgatisim një platformë ku do ti bashkëngjisim dhe faturën financiare për  çdo të ri dhe të re deri në moshën 30 vjeç, i cili hap biznesin e tij apo është i punësuar në biznesin e tij, në administratë, sistem bankar, shëndetësi, bujqësi, apo çdo fushë tjetër tatimi ndaj tyre  të jetë 0.

 

Vetëm në këtë mënyrë ne mund të mbështesim të rinjtë dhe të rejat, që të qëndrojnë në Shqipëri, të kontribuojnë në Shqipëri, për të ndërtuar jo vetëm të ardhmen e tyre por edhe për të ndërtuar vendin tonë.

 

Ne besojmë që taksat që ju merren të rinjve dhe të rejave nuk janë asgjë në buxhetin e shtetit, por jam e bindur që çdo qeverie do ti leverdiste dhe do ti dilte shumë fitimprurëse për të falur më mirë taksat për 10 të rinj të cilët punojnë në Shqipëri sesa këto para që ua grabit të rinjve, të paguajë hotelet luksoze apo udhëtimet luksoze të qeveritarëve të saj. Mendoj që sot shoqëria shqiptare ka nevojë më shumë për 10 vajza dhe djem të cilët nuk janë të lidhur as me grupe oligarkësh, as me klasën politike, nuk janë as bijtë e as djemtë e baballarëve dhe mamave të tyre por janë bijtë e shqiptarëve që duan të jetojnë në Shqipëri dhe duan të kenë garanci për të ecur përpara.

 

Ne duhet të hartojmë politika që ti kushtojmë vëmendje të rinjve dhe të rejave që t’i mbështesim për të qëndruar në Shqipëri. Do të ishte ndër dhe përfitim për Shqipërinë dhe për shqiptarët. Dhe duke bërë këtë politikë ne do të kemi shansin të ndërtojmë një Shqipëri të vërtetë Europiane. Ëndrrat e të rinjve dhe të rejave do ta ndërtojnë Shqipërinë.

 

Plakja e popullsisë dhe largimi i të rinjve janë alarmi ynë më i madh dhe ndalimi i këtij trendi duhet konsideruar dhe trajtuar si interes kombëtar.  Prandaj shteti dhe të gjithë mekanizmat e tij, politika pa dallim dhe e bërë bashkë duhet të synojë e realizojë ndërmarrjen e politikave që kanë në themel të tyre solidaritetin dhe dimensionin social, humanizmin dhe shtetin si garant të arsimit e punësimit për të rinjtë, të shëndetësisë si shërbim ndaj qytetarëve dhe jo si përfitim të oligarkëve.

 

Të dashur miq,

 

Për mua si Kryetare e LSI-së dhe për të gjithë ne, anëtarët, simpatizantët dhe votuesit e LSI-së, sot është një moment fatlum dhe rastësi e bukur qe 15 vjetori i krijimit të partisë tonë koinçidon ne 75-vjetorin e çlirimit të atdheut, të kësaj ngjarjeje të madhe krenarie, sepse Lufta Antifashiste Nacionalçlirimtare dhe Antifashizmi si vlera e saj universale, jo vetëm i sollën popullit lirinë, por e bënë Shqipërinë kontributorë të denjë në koalicionin antifashist botëror, në koalicionin e madh të vlerave e të sakrificave, mbi të cilat u ngrit Europa e Bashkuar.

 

Ne jemi krenare për historinë tonë, por ndjehemi përherë të detyruar ta nderojmë atë, të nderojmë sakrificat e një populli të tërë dhe gjakun e dëshmorëve të lirisë, për lirinë të cilën e kemi fituar me mund dhe me gjak. Ne nuk mund të përbaltim dhe as të mohojmë me harresën e turpshme qeveritare, që në këtë jubile të lavdishëm nuk thotë asnjë fjalë e as e përmend 75-vjetorin e çlirimit të atdheut!

 

Por ne jemi këtu edhe për të mos harruar, jemi këtu për të përkujtuar, jemi të gjithë bashkë për të nderuar jo vetëm  Luftën Partizane dhe antifashizmin e popullit shqiptar por jemi këtu të gjithë bashkë për të nderuar të gjithë kontributin e të gjithë brezave shqiptare, që kanë pasur për të ndërtuar Shqipërinë, për të punuar për gjakun e të gjithë atyre djemve dhe vajzave, burrave dhe grave që përballuan diktaturën komuniste, të gjithë atyre prindërve tanë që kaluan këtë tranzicion politik dhe vazhdojnë të na përkrahin, na inkurajojnë për të vazhduar e luftuar për ta çuar Shqipërinë drejt Bashkimit Europian.

 

Të dashur vëllezër e motra, ju që jeni në sallë dhe të gjithë ata që na dëgjojnë sot

 

15 vjet nuk janë shumë ne historinë e një partie.

Por ato na mjaftojnë të bëjmë një bilanc punësh, na mjaftojnë të shohim me realizëm rrugën nëpër të cilën kemi ecur e mbi atë përvojë të reflektojmë.

 

Ekzistenca e LSI-së i dha vlerë e kuptim pluralizmit shqiptar;

I dha dimension dhe horizont të ardhmes së vendit;

I dha motiv dhe jetë ëndrrës së të rinjve shqiptar,

 

E ndaj, ajo edhe sot është forca e ndryshimit dhe e shpresës për Shqipërinë Europiane.

 

Ne jemi këtu e do të jemi gjithmonë bashkë në Shqipërinë tonë, sepse Shqipëria është shtëpia jonë, është shtëpia e shqiptarëve.

 

Dhe ne nuk do të ndalemi, nuk do të ndalemi asnjë moment, por do të ecim të vendosur me kurajo. Sepse kurajo është ajo që na ka mbajtur të gjithë bashkë. Dashuria dhe respekti për njëri-tjetrin na ka mbajtur të gjithë bashkë dhe të fortë. Sepse solidariteti që na karakterizon, na ka dhënë forcën për tu përballur me të gjitha sfidat, me të gjitha vështirësitë që kalon një familje me të gjitha problemet e saj. Dhe për ne LSI ka qenë është dhe do të jetë familje. Dhe dashuria për njëri-tjetrin është ashtu siç ka nëna dhe babai për fëmijët, është ashtu siç ka vëllai për motrën, motra për vëllain, gjyshërit për nipërit dhe mbesat e kështu do të jetë. Kështu do të jetë LSI dhe nuk do të ndalet asnjëherë. Nuk do të ndalet asnjëherë me një qëllim  të vetëm,  një Shqipëri Europiane, një Shqipëri e të rinjve dhe të rejave. Një Shqipëri që meriton integritet, forcë dhe besim. Një Shqipëri e cila është ajo që meritojnë të rinjtë dhe të rejat shqiptar. Është ajo që meritojnë shqiptarët e ndershëm. Shqipëria Europiane që meriton çdo shqiptar i thjeshtë që sot nuk ka mundësi të paguajë bukë për fëmijët e tij. Çdo shqiptar i thjeshtë dhe i ndershëm, që sot nuk ka mundësi të shikojë fëmijët e tij në emigracion. Çdo nënë e cila e veshur me rrobat e zeza, qan djalin e saj, se nuk e di ku është. Sot ne jemi për të mos u ndalur më në rrugën tonë, sepse më shumë se kurrë dhe sytë e botës janë hapur, që piktori rilindas, bojërave të veta, iu doli boja dhe po i del fasada e rrënuar, e krimit të organizuar. E them dhe njëherë në këtë ditë të rëndësishme. Ne dogjëm mandatet dhe bojkotuam votimet e Edi Ramës, për ti treguar botës mbarë se instalimi i krimit të organizuar, nuk mund të ketë fasadë një opozitë, e cila në thelb të saj dhe ka respektin për njerëzit dhe për qytetarët. Fronti opozitar sot më shumë se kurrë, është i vendosur për të ecur përpara dhe për ti dhënë  shqiptarëve zgjidhje, alternativën dhe rrugën e sigurtë drejt BE.

 

Motra dhe vëllezër,

 

Si Kryetare e LSI, me besimin dhe forcën që transmetoni ju çdo ditë jo vetëm tek LSI por kudo, ne kemi hyrë në një rrugë e cila duket e vështirë, është rruga e drejtë. Është rruga që çdo nënë do të zgjidhte për të garantuar të ardhmen e fëmijëve të saj. Dhe rruga që opozita zgjodhi, është rruga për të shpëtuar shqiptarët nga vlla-vrasja dhe le ta marrin faturën e kësaj krize, kjo klasë politike dhe ne bashkë me ta. Por t’ju japim shqiptarëve Shqipërinë Europiane, të ardhmen e sigurtë për fëmijët e tyre. Ndryshe nga Edi Rama, që sakrifikon shqiptarët dhe partinë  e tij për interesat e vetë, opozita shqiptare vendosi të sakrifikojë mandatet dhe karriget në Parlament, në atë Parlament të korruptuar, të blerë me paratë e drogës dhe për tu bërë njësh me qytetarët, për ti dhënë fund njëherë e përgjithmonë këtij tranzicioni të tmerrshëm që ka pllakosur dhe po e shpërngul çdo ditë e më shumë Shqipërinë.

Zoti ju ruajt ju,

Zoti i ruajt familjet tuaja

Zoti e bekoftë Shqipërinë e të na japë forcën dhe kurjaon  për tu përballur me sfidat.

Të luftojmë për ata djem dhe vajza të vogla të LSI  që kanë lindur në këtë vit. Të na japë Zoti kurajo dhe forcë të luftojmë për të ardhmen e shqiptarëve.

 

 

 

 

 

 

 

 

/ In News / By Admin / Comments Off on Kryemadhi: Për LSI, mirëqeverisja më e rëndësishme se pushteti

15 vjetori i themelimit/ Malaj: Për Partinë sfidante LSI!

Ish-deputetja e LSI-së, Nora Malaj ka reaguar me anë të një postimi në Facebook me rastin e 15 vjetorit të themelimit të LSI. “Sot sfida e përbashkët është të ndërtojmë një Shqipëri europiane ku dashuria për vendin, familjen, fëmijët, mbështetja për gratë dhe besimi te Zoti të jenë misioni ynë i përbashkët!”-shkruan Malaj në Facebook

Postimi i plotë:

Për Partinë sfidante LSI!

Sot LSI ka 15- vjetorin e saj të lindjes. U lind në një kohë kur klima politike ishte e ashpër dhe tejet e polarizuar. Erdhi si nevojë për një frymë të re , si Partia e qendrës së majtë, me objektivin për një Parti që integrimin e Shqipërisë në familjen europiane e ka objektivin e saj. Me sloganet “Të ecim më shpejt “, “Për një shans për të gjithë “, “Shqipëria, shtëpia jonë “ , sot ajo feston 15 vjetorin e saj , si një forcë politike ku u jep frymëmarrje të rinjve , për t’u bërë lidër për zgjidhjen e problemeve të të rinjve.Kur vumë firmën në 300 firmëtarët e parë, e dinim se na prisnin beteja të forta, pasi sfidat ishin të mëdha. Sot në 15- vjetorin e saj, ndiej se LSI ka një mision të madh, për të treguar se Shqipërinë e zhvillojnë dhe e lulëzojnë vetëm shqiptarët.
Sot sfida e përbashkët është të ndërtojmë një Shqipëri europiane ku dashuria për vendin, familjen, fëmijët, mbështetja për gratë dhe besimi te Zoti të jenë misioni ynë i përbashkët!
Mirënjohje e vlerësim per të gjithë antarët e simpantizantët e LSI, për të gjithë ata që kanë kontribuar që LSI të rritet e të forcohet, për të një të ardhme më të mirë për vendin!
Mirënjohje e vlerësim për të gjithë ata që e ndërtuan LSI, qe nga Presidenti i Republikës, dikur kryetari i LSI e deri te antarët më të rinj që çdo ditë shtojnë radhët e LSI.
Një falenderim e mirënjohje të veçantë, të gjitha grave e vajzave të LSI, si dhe të rinjve e të rejave, që janë qendrestarët dhe shpirti i aksionit për një jetë më të mirë dhe për një Shqipëri më të bukur!
Gëzuar 15- vjetorin e ditës së lindjes!
LSI është partia ku dashuria , përkushtimi dhe energjia pozitive , janë forca jonë drejt sfidave të se ardhmes!
Gezuar ditën e lindjes LSI!

/ In News / By Admin / Comments Off on 15 vjetori i themelimit/ Malaj: Për Partinë sfidante LSI!

Vasili: Raporti i OSBE-ODIHR vulosi përfundimisht shkatërrimin e shtetit nga rilindja antishtet

Nënkryetari i LSI –së Petrit Vasili ka dhënë sot një deklaratë për mediat nga selia e LSI-së në lidhje me raportin e OSBE-ODHIR-it. “Raporti i OSBE ODIHR lidhur me votimet moniste të 30 qershorit, vulosi përfundimisht shkatërrimin e shtetit nga rilindja antishtet. Vulosi gjithashtu dhe shkatërrimin e shtetit në çdo nivel të tij duke pohuar dhe provuar këtë fakt tepër të rënd për të sotmen dhe për të ardhmen shumë vjeçare të vendit. Raporti i OSBE ODIHR-it për votimet moniste të 30 qershorit është pa asnjë dyshim autopsia e kufomës politike shtet që krijoi Edi Rama dhe rilindja antishtet. Ky raport, është sigurisht vula e votimeve më të turpshme dhe faqja më e zezë e shkruar ndonjëherë në pluralizmin shqiptar. Përfundimisht, të gjitha pushtetet në Shqipëri janë pushtuar nga kapja, degradimi dhe korruptimi i tyre prej rilindjes si pjell e antishtetit. Zgjedhjet e 30 qershorit ishin të pa ligjshme, antikushtetuese, në kundërshtim me dekretin e presidentit i cili ka fuqinë e ligjit.”-u shpreh Vasili

Deklarata e plotë:

Të nderuar qytetar dhe qytetare,
Jemi sërish në këtë komunikim së bashku në reflektim të situatës shumë të rënd të udhëkryqit të rrezikshëm ku ka hyr vendi. Raporti i OSBE ODIHR lidhur me votimet moniste të 30 qershorit, vulosi përfundimisht shkatërrimin e shtetit nga rilindja antishtet. Vulosi gjithashtu dhe shkatërrimin e shtetit në çdo nivel të tij duke pohuar dhe provuar këtë fakt tepër të rënd për të sotmen dhe për të ardhmen shumë vjeçare të vendit. Raporti i OSBE ODIHR-it për votimet moniste të 30 qershorit është pa asnjë dyshim autopsia e kufomës politike shtet që krijoi Edi Rama dhe rilindja antishtet. Ky raport, është sigurisht vula e votimeve më të turpshme dhe faqja më e zezë e shkruar ndonjëherë në pluralizmin shqiptar. Përfundimisht, të gjitha pushtetet në Shqipëri janë pushtuar nga kapja, degradimi dhe korruptimi i tyre prej rilindjes si pjell e antishtetit. Zgjedhjet e 30 qershorit ishin të pa ligjshme, antikushtetuese, në kundërshtim me dekretin e presidentit i cili ka fuqinë e ligjit. OSBE ODIHR i vë vulën përfundimtare që vetëm gjykata kushtetuese është ajo që mund të marr në shqyrtim dhe të vendos për dekretet e presidentit dhe kërrkush tjetër në republikën e Shqipërisë. Për pasoj dekretet e presidentit janë në fuqi, janë detyruese për zbatim dhe data 13 tetor, është data e zgjedhjeve të publikuara nga Presidenti i Republikës, Ilir Meta. Gjithashtu, dekreti i presidentit në një shkelje skandaloze, shumë të rënd dhe përgjegjësi të rënda penale të ligjit, është ende i pa botuar në fletoren zyrtare dhe gjithashtu kemi prokurorin e cila ende nuk ka filluar hetimet për çuarjen e përgjegjësve para ligjit. Megjithatë nga skaneri i raportit të OSBE ODIRH rezulton, që të gjithë pushtetet kanë rënë. Së pari, pushteti i administrimit zgjedhor i kryesuar nga KQZ-ja ka rënë pasi KQZ e cila ka qenë përgjegjësisht një administruese e pa kontestuar e procesit, është ajo udhëheqësja e puçit elektoral, antikushtetues për shkatërrimin e zgjedhjeve dhe konfirmimet në raport janë të shumta dhe shumë të qarta. Së dyti, pushteti gjygjësor është i kapur dhe i rënë. Ka rënë pushteti gjygjësor, ka rënë prokuroria dhe gjykata.
Ato janë kthyer në thjeshtë dhe vetëm në zgjatime të neveritshme dhe të telekomanduara të rilindjes antishtet të cilat çimentojnë pa ndërshkueshmërinë dhe mosndërshkimin e krimit zgjedhor e evidentuar qartë në raportin e OSBE-ODIHR. Së dyti, pushteti ekzekutiv, qeveria është kthyer në thjeshtë dhe vetëm në një sekt zgjatim të krimit që vjedh, kërcënon dhe shantazhon të gjithë qytetarët, nëpunësit dhe bizneset në funksion të gjallimit të saj të përditshëm dhe në funksion të grabitjes të pasurive shtetërore, parasë publike dhe shkatërrimit të interesave publike. Kjo qeveri kërcënon me vendin e punës deri edhe me ndihmën sociale të gjithë qytetarët pa asnjë përjashtim. Së katërti, pushteti I katërt apo media, media shqiptare si pushtet I katërt është nën terrorin e përditshëm të antishtetit të Edi Ramës dhe Rilindjes dhe ajo vetë po deformohet në mënyrë të mjerueshme duke u shndërruar thjeshtë dhe vetëm, në shumicën e saj, pra jo e gjithë media por në shumicën e saj, në një instrument desinformues, klientalist dhe për pasojë edhe të pavlerë. Raporti I OSBE-ODIHR për votimet e 30 qershorit është një dëshmi objektive, ligjore dhe e pa anëshme e këtyre votimeve që absolutisht janë më të turpshmet dhe më antiligjoret e të gjithë pluralizmit shqiptar. Për fat të keq, një element thelbësor që ka të bëjë me një element kyç siç është Reforma në Drejtësi bën që OSBE – ODIHR të pohojë që vetting-u I përdorur në mënyrë selektive, shantazuese dhe kërcënuese, ka qenë një mjet me të cilin është kontrolluar gjyqësori dhe vendimet përkatëse, qoftë institucionet e caktuara, qoftë dhe Kolegji Zgjedhor të cilët nën trysninë e vetting-u selektiv dhe jo të drejtë e ligjor, kanë vepruar nën këtë presion për të dhënë vendime në favor të qeverisë. Megjithëatë më qartë se çdo gjë tjetër, flasin vetë ato që OSBE-ODIHR ka konstatuar të cilat unë po I rilistoj ashtu sikurse janë paraqitur. Që në fillim OSBE-ODIHR pohon që u shkatërrua besimi I publikut te legjitimiteti I zgjedhjeve, pohon që administrate e një anëshme zgjedhore minoi besimin e publikut te procesi zgjedhor, që zgjedhjet lokale u morën pa mbajtur në konsideratë interesin e elektoratit po thjeshtë bërjen e një pale zgjedhjesh. Votuesve shqiptarë i’u mohua e drejta që të zgjidhnin në 30 qershor midis alternativave. Punonjësit e administratës publike u vendosën nën presion politik. Votimet e 30 qershorit u zhvilluan nën klimën a pasigurisë juridike. Zgjedhjet u mbajtën në terren të një krize të rëndë politike dhe institucionale.
Gjykata Kushtetuese pohon qartë dhe prerë OSBE-ODIHR është organi i vetëm që vendos mbi kushtetutshmërinë të dekreteve Presidenciale. Në listat e zgjedhësve thotë OSBE-ODIHR u konstatua ndjeshëm shkrime identike që janë provë e votimit nga të tjerë, votimi i manipuluar, votë e vjedhur e deformuar nga komisione të njëanshme të militantëve dhe celulave socialiste. Vazhdon OSBE-ODIHR, KQZ interpretoi ligjin në mënyrë të paqëndrueshme dhe në një mënyrë tepër të zgjeruar duke cënuar sigurinë juridike, vazhdon në lidhje me KQZ. Mos pranimi nga KQZ të komisionerëve të opozitës ishte i paligjshëm dhe e la administratën zgjedhore politikisht të pa balancuar. Të nderuar qytetarë e përkthyer në duar të babëzisë elektorale të rilindjes. Vazhdon OSBE-ODIHR sërisht, KQZ vonoi publikimin e vendimeve duke cënuar transparencën, njëkohësisht KQZ regjistroi partinë Bindja Demokratike dhe kandidatët e saj në mënyrë të paligjshme, ka pasur mungesë të paanshmërisë të KQZ pra do të thotë vendime partizanësh, militante të rilindjes dhe Partisë Socialiste. Vazhdon OSBE-ODIHR një konstatim shumë të rëndë, gjyqtarët e Kolegjit Zgjedhor të ndikuar në pavarsinë e tyre për shkak të vetingut. Pra presioni me vettingun i impononte për të dhënë ato vendime të paligjshme në favor të rilindjes e Partisë Socialiste. Punonjësit e administratës publike vazhdon OSBE-ODIHR nën presion të drejtpërdrejtë për pjesëmarrjen në zgjedhje, qytetarët u kërcënuan me largim nga puna apo dhe heqjen e ndihmës sociale, vazhdon OSBE-ODIHR. Mos veprimi i organit të Prokurorisë për ndëshkimin e krimeve zgjedhore, Prokuroria asnjë procedim për krimet zgjedhore. Prokuroria sërisht mungesë hetimesh penale duke konsoliduar pa ndëshkueshmërinë për krimet elektorale të të kaluarës. Këto janë konstatimet e drejtpërdrejta të OSBE-ODIHR të cilat për Lëvizjen Socialiste Për Integrim në një ditë shumë të rëndësishme të saj siç është 15 vjetori i Lëvizjes Socialiste Për Integrim e themeluar në 6 Shtatorin e 2004 mbeten jetike edhe sot, pasi LSI lindi në 6 Shtator 2004 nën moton e një Shqipërie e cila duhet të integrohen në Europë dhe duhet të ishte e barabartë me të gjithë shtetet e tjera Europiane, u ngrit mbi kauzën e ngritjes së institucioneve të forta dhe jo të individëve të fortë, u ngrit mbi kauzën e një sistemi juridik dhe shteti të së drejtës dhe jo partisë pronë e drejtësisë dhe gjithë shtetit, u ngrit në kauzën qytetarët zgjidhin gjithçka, problemet e tyre duke pasur referencë ligjin dhe jo qefet e individëve partiakë dhe jo vetëm. U ngrit nën frymën e palëkundshme të palëvizshme, të vendosur se na duhet një Shqipëri ndryshe ku qytetarët e kanë fjalën e tyre dhe nuk janë uzurpatorët që kanë fjalën e tyre. Ndaj dhe në këtë 15 vjetor të LSI-së këto kauza vazhdojnë të mbeten aktuale dhe ne do të vazhdojmë të mbetemi të palodhur, të palëkundur e të pa epur në mbrojtjen e tyre deri në fund dhe këtë ditë celebrative për Lëvizjen Socialiste Për Integrim e kemi një herazi një ditë reflektimi për këto ngjarje kaq të rënda të cilat dhe raportet e fundit të OSBE-ODIHR na e ka vënë në dispozicion për një reflektim madhor mbarëkombëtar.
Faleminderit të gjithëve.

/ In News / By Admin / Comments Off on Vasili: Raporti i OSBE-ODIHR vulosi përfundimisht shkatërrimin e shtetit nga rilindja antishtet

Braimllari: Gëzuar 15 vjetorin e themelimit të Lëvizjes Socialiste për Integrim!

Sekretari i Përgjithshëm i LSI-së, Endrit Braimllari ka reaguar me anë të një postimi në Facebook me rastin e 15 vjetorit të themelimit të LSI. “LSI që prej themelimit solli nje risi në politikën shqiptare, duke u investuar maksimalisht tek të rinjtë, duke u kthyer në partinë e fjalës së mbajtur dhe në partinë e mbrojtjes së interesave qytetare.”-shkruan Braimllari.

Postimi i plotë:

Gëzuar 15 vjetorin e themelimit të Lëvizjes Socialiste për Integrim!

Gëzuar të gjithë themeluesve të LSI, anëtarë, të rinj dhe të reja që kanë kontribuar dhe vazhdojnë të kontribuojnë që prej themelimit të partisë!
6 Shtator 2004 u themelua partia e shpresës, e të rinjve dhe te rejave, partia e sfidës për një Shqipëri Europiane.
LSI që prej themelimit solli nje risi në politikën shqiptare, duke u investuar maksimalisht tek të rinjtë, duke u kthyer në partinë e fjalës së mbajtur dhe në partinë e mbrojtjes së interesave qytetare.
LSI në këto 15 vite ka dhënë një kontribut të jashtëzakonshëm në proceset integruese të vendit dhe në zhvillimin e Demokracisë.
LSI ka punuar dhe vazhdon të punojë për stabilitetin politik në vend, për përparimin e Shqipërisë në rrugën Europiane.
LSI ka kontribuar në zgjidhjen e krizave politike në vend duke u fokusuar tek interesi qytetar dhe ai Kombëtar.
LSI është partia e betejave për Shqipërinë, LSI theu tabute e klasës së vjetër politike duke u përfaqësuar në mënyre dinjitoze me të rinj dhe të reja në Parlament dhe Këshilla Bashkiake.
Vlerat e larta qytetare, solidariteti, gjithëpërfshirja, energjia pozitive, hapësira për tu përfaqësuar kanë karakterizuar dhe vazhdojnë të jenë pjesë e pandarë e LSI.
Sot çdo LSI-ist ndihet krenar se partia e tij është partia e shqiptarëve, e njerëzve të thjeshtë dhe e mbrojtjes së intaresit qytetar.

 

/ In News / By Admin / Comments Off on Braimllari: Gëzuar 15 vjetorin e themelimit të Lëvizjes Socialiste për Integrim!

15 VITE LSI/ Erisa Xhixho: Sot pas 15 vite misioni LSI vazhdon më i fortë dhe më i vendosur se kurrë

Nga Erisa Xhixho

Shumë krenare që më 6 Shtator 2004 do të isha themeluese jo thjesht të një partie politike ,por të një misioni që do i jepte shansin të rinjve të ishin pjesë e krijimit të të ardhmes së Shqipërisë, duke ruajtur identitetin, vlerat dhe dëshirat e tyre, duke bërë të mundur gjëra që dukeshin të pamundura për rininë e viteve 2000.

LSI u krijua dhe mbron vlerat themelore demokratike e sociale, lufton për integrimin europian të vendit, mbrojtjen e të drejtave të gjithë qytetarëve pa diskriminim, dhe promovimin e familjes si bosht themelor i shoqërisë Shqiptare.

Kujdesi për njerëzit që nuk kanë kurrfarë mbështetje duke i dhënë shansin e mundësinë për të adresuar dhe zgjidhur shqetësimet e tyre.

Pasi LSI në gjithë keto vite ka evoluar ka kuptuar gabimet e saj dhe është përmirësuar për ti shërbyer më së miri njerëzve që ajo përfaqëson dhe për të bërë më të mirën për vendin.

15 vite te ekzistencës së LSI tregojnë per një forcë politike që ka ditur të luftojë, rrëzohet e të ringrihet mbi vlerat që ajo beson dhe me ndihmën e pakushtëzuar të elektoratit të saj të jashtëzakonshëm.

Sot pas 15 vite misioni LSI vazhdon më i fortë dhe më i vendosur se kurrë për të ndërtuar Shqipërinë që do bënte çdo shqiptar krenar, ku çdo shqiptar të ndjehet si në shtëpinë e tij.

Kjo eshte LSI

Gëzuar të gjithë themeluesve , anëtarëve dhe mbeshtetësve që besojnë që një LSI e forte do të na çojë me shpejt drejt konsolidimit të një Shqipërie Europiane.

/ In News / By Admin / Comments Off on 15 VITE LSI/ Erisa Xhixho: Sot pas 15 vite misioni LSI vazhdon më i fortë dhe më i vendosur se kurrë

15 VITE LSI/ Floida Kerpaci: LSI, 15 vjet forca e shpresës së rinisë shqiptare dhe frymëzimit të njerëzve të thjeshtë!

LSI, 15 vjet forca e shpresës së rinisë shqiptare dhe frymëzimit të njerëzve të thjeshtë!

LSI i ka dhënë zë dhe forcë përfaqësimi të rinjve, gruas shqiptare, dhe qytetarëve Shqiptarë.

Si në ditën e themelimit e deri më sot, qëllimi jetik si punësimi, rritja e standarteve demokratike, dhe mbi të gjitha fuqizimi i brezit të ri bashkë me integrimin e shqiptarëve në familjen e madhe europiane kane qenë misione të patjetërsueshme të LSI .

Falenderime të sinqerta për të gjithë ideatorët, themeluesit dhe kontribuesit ndër vite të Lëvizjes Socialiste për Integrim, projektit politik më të rëndësishëm të historisë pluraliste Shqiptare.

LSI 15 vjeçare na gjen me përgjegjësinë për Shqipërinë pas vitesh, për të vazhduar luftën drejt Shqipërisë Europiane dhe që i përket të rinjve!

/ In News / By Admin / Comments Off on 15 VITE LSI/ Floida Kerpaci: LSI, 15 vjet forca e shpresës së rinisë shqiptare dhe frymëzimit të njerëzve të thjeshtë!

15 VITE LSI/ Silva Caka: Shkëputja përfundimtare e Shqipërisë nga kthetrat e krimit, do të jetë fokusi i çdo simpatizanti dhe veprimtarie të LSI

Nga Silva Caka

15 vite LSI

Misioni i integrimit europian të Shqipërisë, vazhdon të mbetet në themelet e Lëvizjes Socialiste për Integrim;

Misioni i fuqizimit të të rinjve shqiptarë, vazhdon të mbetet në themelet e Lëvizjes Socialiste për Integrim;

Politika e përgjegjshme vazhdon të mbetet në themelet e Lëvizjes Socialiste për Integrim;

Shkëputja përfundimtare e Shqipërisë nga kthetrat e krimit, do të jetë fokusi i çdo simpatizanti dhe veprimtarie të Lëvizjes Socialiste për Integrim!

Gëzuar datëlindjen LSI!

/ In News / By Admin / Comments Off on 15 VITE LSI/ Silva Caka: Shkëputja përfundimtare e Shqipërisë nga kthetrat e krimit, do të jetë fokusi i çdo simpatizanti dhe veprimtarie të LSI