Integrimi, Gjosha: Kosova e nisi, Shqipëria ‘më mirë vonë, se kurrë’!

Nga Klajda Gjosha

Shqipëria I afrohet 15 Tetorit me një pesimizëm që ngjall trishtim dhe që duket se reflekton lodhje të një pritjeje të gjatë e disa vjecare për celjen e bisedimeve për anëtarësim. Politika duket që e ka parë si një lojë për interesa personale procesin, duke harruar nevojën jetike qe ka Shqipëria për të ecur më tej dhe për të konsoliduar perspektivën e saj europiane.

Qeveria deri në këto moment, ka luajtur më shumë me presione se sa me rezultate konkrete dhe të prekshme. Fatkeqësisht institucionet tona dhe përfaqësuesit e tyre u mjaftuan në komunikimin rutinë që bëhet në mënyrë periodike me Komisionin Europian, duke harruar politikën e vështirë dhe shpesh herë tejet kërkuese të vendeve anëtare, ku nuk ka munguar edhe dyshimi apo mosdakordësia mes Komisionit dhe Keshillit Europian.

Sot ndodhemi përballë një të vërtete të hidhur ku kushtet ekzistuese vazhdojnë të mbeten pengesë për Shqipërinë dhe atyre u shtohen edhe kushte të reja që janë në koherencë të plotë me zhvillimet e fundit në Shqipëri. Është pikërisht Gjermania vendi që nis gjithmonë diskutimin me avancimin e procesit të zgjerimit dhe ajo tashmë ka folur. Versioni I Gjermanisë me kushte për celjen e bisedimeve për anëtarësim, duket opsioni më optimist, kuptohet në gjithë kufizimet që ai I bën Shqipërisë. Pas Gjermanisë është rradha e vendeve të tjera anëtare, të cilat edhe pse nënvlerësohen nga përfaqësuesit e qeverisë, luajnë një rol po aq kyc sa edhe Gjermania me votën e tyre vendimtare. Cdo vend ka të drejtën të shtoj kushte, po aq sa ka të drejtën të vendos edhe veton për të pamundësuar për një periudhë të gjatë rrugëtimin e mëtejshëm të Shqipërisë.

Politika jonë e jashtme për fat të keq është mekanike në mënyrën se si ajo funksionon. Është politikë komuniste, që bazohet në propagandë dhe vetëkënaqet me shkrepjen e fotografive apo konferencave për shtyp që nuk prodhojnë asgjë. Instutucionet tona ndër vite kanë treguar një mungesë serioziteti dhe bashkëpunimi me institucionet homologe të vendeve anëtare. Kjo ka bërë që të dominojnë problematikat e vendit tonë mbi aspektin pozitiv, duke mos mposhtur dot perceptimet negative që jo rrallë janë krijuar mbi Shqipërinë dhe shqiptarët.

Politika autoritare, kapja e shtetit dhe mungesa e kulturës së dialogut nuk e ndihmojnë Shqipërinë të nxjerr në pah anën e saj pozitive, përkundrazi e kanë përcjellë atë si një vend me mungesë të thellë të demokracisë, shtetit të së drejtës dhe maturisë politike.

15 Tetori, sic tha edhe Kryeministri, mund t’I japë Shqipërisë shuplakën e rradhës në procesin e integrimit. Ajo c’ka Kryeministri harroi të analizonte ishte fakti se kjo nuk do të ndodhë vetëm për shkak të problemeve të brendshme të BE, por mbi te gjitha për shkak të papërgjegjshmërisë tonë në raport me reformat kyce dhe në raport me qytetarët shqiptarë. PO, është e vërtetë që BE po përballet me paqartësi brenda saj, me nevojën për reformim dhe balancim pushtetesh, por kjo nuk e pengon Serbinë dhe Malin e Zi të celë apo të mbyllë kapituj, dhe nuk e pengoi së fundmi as Maqedoninë e Veriut të marrë një datë për fillimin e bisedimeve për anëtarësim. Shqipëria po e merr shuplakën e rradhës sepse askush nuk denjoi të punonte për kushtet e vendosura në 2018, sepse në vend që integrimi të jetë një debat kombëtar, ne sot diskutojmë të shkarkojmë apo jo Presidentin e Republikës, e në vend që të kishim arritur një pakt kombëtar për integrimin, ne e izoluam vetveten duke vrarë pluralizmin politik dhe të drëjtën e zgjedhjes për qytetarët tanë!

Procesi I integrimit do të vij duke u vështirësuar. Këtë e tregoi qartë Bundestagu Gjerman. Kushtet që vendosen sot përpara nesh nuk janë thjeshtë disa kuti boshe që duhen mbushur, ato janë themeli I formimit të një shteti dhe kërkojnë mentalitet të ri dhe mature politike. Kërkojnë një politikë reale, që do të përmbysë një herë e përgjithmonë politikën e vjetër e konfliktuale, ku prioritetet kyce duhet të jenë kapacitet njerëzore dhe thithja e trurit, ringritja e ekonomisë shqiptare që mund të përballet me sfidat dhe konkurencën rajonale dhe europiane si dhe ringritjen e dipllomacisë shqiptare në nivele dinjitoze. Janë këto tre shtylla që në mënyrë indirekte do të zgjidhnin edhe shumë cështje që na mundojnë sot si luftën kundër krimit dhe korrupsionit. Por që kjo të bëhet realitet, vendi ka nevojë për një garë idesh dhe alternativash. Kosova nisi ta bëjë këtë realitet. Shqipëria është shumë e vonuar, por sic thotë ajo fjala e urtë: “Më mirë vonë se kurrë”!

Kryemadhi: Në Shqipëri është shkatërruar sistemi nuk ka më balancë pushtetesh

Duke marë shembull Kosovën, ku ditën e zgjedhjeve u arrestuan 20 persona për fotografim dhe blerje vote, kryetarja e Lëvizjes Socialiste për Integrim, Monika Kryemadhoi tha se në Shqipëri se organet nuk funksionojnë pasi ato janë kapur të gjitha nga mazhoranca. Por ajo u shpreh se ka ende një shpresë pasi Bashkimi Europian ka vendosur si kusht ndëshkimin e atyre që kanë blerë vota.

Duke u ndalur te procesi që është zhvilluar atje më kanë bërë përshtypje dy elementë kryesorë. E para, votat u numëruan në qendrat e votimit dhe kjo solli një lexim shumë të shpejtë të rezultatit dhe pati arrestime për të gjithë ata që fotografuan votat ndërkohë që në proceset zgjedhore në Shqipëri kemi parë shpesh që bëhen meme në rrjetet sociale votat e fotografuara. Atje ka pasur 20 persona të arrestuar, një kontrast shumë i fortë ky edhe me atë që ndodh në Shqipëri me proceset zgjedhore. A mund të implementohen edhe këto ndryshime le të themi për të pasur edhe ne një proces zgjedhor korrekt?
Sepse ajo që duam të themi është reforma në drejtësi e pritur prej nesh, prej 3 vitesh e zë pluhuri dosjen 184 dhe 339-ën, dosjet e famshme të implikimit të grupeve kriminale në proceset zgjedhore dhe përveç kësaj jo vetëm që nuk kemi asnjë reagim por përkundrazi, kemi një fuqizim të grupeve kriminale të përfshira në këtë proces. Normalisht që komuniteti ndërkombëtar atje është më prezent, ndërsa këtu komuniteti ndërkombëtar, herë pas here bëhet pale në zvarritjen e proceseve dhe dosjeve ndëshkimore. Kapja e sistemit të drejtësisë nga partia në pushtet, bën që të mos kemi ndëshkueshmëri të krimit elektoral. Megjithatë një nga kushtet që po vendoset tashme edhe nga Bashkimi Europian, do të shikojmë çdo të prodhojë edhe konferenca e ministrave të jashtëm të 18 dhe 19 tetorit, për një nga kushtet që ka vendosur tashmë Bundestagu është ndëshkimi i krimit elektoral. Pra dalja përpara drejtësisë të 184-ës dhe 339-ës, gjë që kjo do të vlejë për të parë se si do të ecë më tutje reforma në drejtësi. Një reformë në drejtësi e cila është votuar me një unanimitet të plotë nga klasa politike me 140 vota në natën e 21 korrikut, duke u gdhirë 22 korriku i 2016-es. Funksionimi i segmenteve shtetërore do të thotë që funksionon shteti pavarësisht bindjeve dhe forcave politike. Check and balance, atë që tashmë në Shqipëri është shkatërruar, mungesa e Gjykatës Kushtetuese. Kosova vërtetë është një shtet i ri, 11 vjeçar, por mos harroni që ka një Gjykatë Kushtetuese e cila funksionon, pavarësisht individëve që janë të zgjedhur atje, që nuk i gjykon njeri ose nuk i anatemon, ose nuk i komenton. Prandaj funksionimi i Gjykatës Kushtetuese është ajo që krijon garancinë e të gjitha forcave politike dhe të gjitha institucioneve shtetërore. Në kemi hyrë në vitin e tretë pa Gjykatë Kushtetuese dhe normal që do të kemi këtë situatë që kemi sot.

Kryemadhi: Kosova shembull demokracie, mazhoranca të marrë shembull të zhvillojë zgjedhje të lira

Deklarata e plotë e kryetares së Lëvizjes Socialiste për Integrim, Monika Kryemadhi

Mirdita!
Në emër të Lëvizjes Socialiste për Integrim dhe si kryetare e saj, do dëshiroja të uroja të gjithë klasën politike të Kosovës, por mbi të gjitha qytetarët kosovarë të cilët treguan një maturi në zgjedhjet e djeshme.

Zgjedhjet e djeshme në Republikën e Kosovës ditën e djeshme ishte një tregues i shkëlqyer i maturisë demokratike që kanë arritur qytetarët dhe përfaqësuesit e tyre politikë.

Ai ishte një proces zgjedhor shembullor, ku spikati kultura e lartë demokratike, një ballafaqim i mirëfilltë i alternativave, i ideve dhe i ideve për qeverisjen e së ardhmes të Kosovës të denja për një demokraci të konsoliduar europiane.

Ky standard i lartë i zgjedhjeve, jam e bindur që do të ndikojë drejtpërdrejtë në njohjen e mëtejshme dhe rritjen e statusit ndërkombëtar të Kosovës.

Vlera e këtij procesi zgjedhor rritet akoma më shumë po të krahasosh cilësinë e tij, me zgjedhjet e zhvilluara në Shqipëri ku pamë shfaqjet më të ulëta të trafikimit të votës, me paratë e drogës e të krimit, vjedhjen e pasurisë publike, implementimin dhe shfrytëzimin e administratës publike, Policisë së Shtetit në favor të mazhorancës për të deformuar vullnetin e qytetarëve shqiptarë.

I uroj përzemërsisht vëllezërit tanë të Kosovës për përgjegjshmërinë dhe maturinë politike në këtë proces zgjedhor, i cili në perceptimin tim nuk ka fitues dhe humbës por ka një kontribut të gjithsecilit për të fitoren e Kosovës!

Dëshiroj të shikoj sa më parë krijimin e qeverisë, konstituimin e instucioneve të dala nga këto zgjedhje për t’i shërbyer qytetarëve të Kosovës dhe për të realizuar me sukses sfidat që qëndrojnë përpara saj, në drejtim të antarësimit të saj të mëtejshëm në të gjitha organizatat rajonale dhe ndërkombëtare, dhe veçanërisht në përparimin e integrimit të saj në Evropë dhe procesin që jam e bindur që të bëhet me të njëjtën maturi dhe kulturë politike që shoqëroi zgjedhjet e djeshme.

Është shumë e qartë që para Shqipërisë tashmë ekziston një sfidë madhore, ashtu sic edhe u përcaktua nga Bundestagu Gjerman, sfida e realizimit të zgjedhjeve të lira dhe të ndershme si ato që zhvilluan vëllezërit tanë në Kosovë, ku nuk fitojnë partitë politike por fiton sovrani, fitojnë qytetarët.

Mazhoranca duhet t’i japi fund estradës dhe lojërave politike dhe duhet të reflektojë sepse qytetarët shqiptarë partnerët tanë ndërkombëmtarë, SHBA, BE, Gjermania dhe të gjithë partnerët europianë, nuk mund të gënjehen më me këto lojëra por presin që të vendosim në vendin e duhur themelet e demokracisë nëpërmjet zgjedhjeve të lira dhe të ndershme.

Opozita e Bashkuar tashmë e ka bërë të qartë qëndrimin e saj për reformën zgjedhore dhe realizimin e zgjedhjeve të reja. Të cilat konsistojnë direkt në zgjedhje të lira dhe të ndërshme me një qeveri tranzitore që u garanton shqiptarëve zgjedhje të lira dhe të ndershme dhe jo më, vazhdimin e lidhjes së politikës me krimin e organizuar dhe bandat kriminale.

Tashmë kjo është rruga e vetme për të nxjerrë vendin nga kriza dhe për të realizuar gjithësecili përgjegjësitë para Shqiptarëve.

“U kalbën të gjitha”, Panariti: Ja tre masat për ndalimin e kolapsit të bujqësisë

Ish Ministri i Bujqësisë, Edmond Panariti ka reaguar me anë të një postimi në “Facebook”, ku jep dhe 3 masat e para si fillim për ndalimin e kolapsit të bujqësisë.

“U kalbën të gjitha, po qajnë fëmijët”, ishte kjo lajtmotivi i protestës së sotme të fermerëve të  Lushnjes dhe Beratit. E duke marrë shkas nga kërkesat e fermerëve shqiptarë, ish-ministri i Bujqësisë Edmond Panariti bën apel që të ndalet rrënimi i mëtejshëm i prodhimit bujqësor vendas.

“Ndal rrënimit të prodhimit bujqësor! Tre masa për ndalimin e kolapsit të bujqësisë!

  1. Rikthimi i rimbursimit në masën 20% të vlerës së produktit në shitje. Sepse pikat e grumbullimit nuk e mbledhin me prodhimin vendas, nuk u leverdis.
  2. Furnizim i detyruar i institucioneve publike, kopshte, çerdhe, azile, forca të armatosura dhe rendit vetëm me prodhim vendas. Vetëm në mungesë të tij të importohet.
  3. Të ndalohet importi i prodhimeve bujqësore të subvencionuara në origjinë. Të vihet në veprim masa “anti dumping”, parashikuar në marrëveshjen e tregtisë së lirë, për mbrojtjen e prodhimit vendas. Kaq si fillim”, propozon në reagimin e tij, ish-ministri i Bujqësisë,

“Tregues i shkëlqyer i maturisë” Kryemadhi: Kosova dha një shembull të kulturës demokratike

Kryetarja e Lëvizjes Socialiste për Integrim, Monika Kryemadhi ka reaguar përmes një postimi në facebook, lidhur me zgjedhjet e zhvilluara një ditë më parë në Kosovë.

“Zhvillimi i zgjedhjeve në Republikën e Kosovës ditën e djeshme ishte një tregues i shkëlqyer i maturisë demokratike që kanë arritur qytetarët dhe përfaqësuesit e tyre politik.” – shkruan Kryemadhi në facebook, ndërsa shton se Kosova dha një shembull të kulturës demokratike dhe përgjegjësisë qytetare, i cili do të ndikojë pozitivisht në rritjen e statusit ndërkombëtar të saj.

Postimi i plotë:

Zhvillimi i zgjedhjeve në Republikën e Kosovës ditën e djeshme ishte një tregues i shkëlqyer i maturisë demokratike që kanë arritur qytetarët dhe përfaqësuesit e tyre politik.

Kosova dha një shembull të kulturës demokratike dhe përgjegjësisë qytetare, i cili do të ndikojë pozitivisht në rritjen e statusit ndërkombëtar të saj.

Uroj përzemërsisht gjithë drejtuesit e forcave politike për suksesin dhe sjelljen e tyre në zgjedhje.

Dëshiroj të shikoj sa më parë krijimin e qeverisë dhe konstituimin e instucioneve të dala nga këto zgjedhje për ti shërbyer qytetarëve të Kosovës dhe për të realizuar me sukses sfidat që qëndrojnë përpara saj, në drejtim të antarësimit të saj të mëtjeshëm në gjithë organizatat rajonale dhe ndërkombëtare, dhe veçanërisht në përparimin e integrimit të saj në Evropë. 🇦🇱 🇽🇰

Zgjedhjet, Vasili: Faqja e bardhë e Kosovës dhe faqja e zezë e Edi Ramës!

Nënkryetari i Lëvizjes Socialiste për Integrim, Petrit Vasili, ka reaguar lidhur me zgjedhjet në Kosovë, teksa shprehet se zgjedhjet e djeshme e nxorën faqebardhë Kosovën, ndërsa i nxinë faqen Edi Ramës, duke iu referuar votimeve njëpartiake të 30 qeshorit.

Përmes një postimi në rrjetet sociale, Vasili thekson se “Kosova i bëri zgjedhjet edhe të parakohshme, edhe me shumë alternativa dhe e realizoi rotacionin e pushtetit ashtu siç e vendosi populli. Kjo ishte faqja e bardhë e Kosovës. Edi Rama edhe kur voton vetëm i duhen 27 ditë që të nxjerrë rezultatin.”

Në vijim postimi i plotë i Vasilit

Zgjedhjet: Faqja e bardhë e Kosovës dhe faqja e zezë e Edi Ramës!

Kosova mbajti zgjedhje të shkëlqyera në çdo pikëpamje dhe doli më e rritur dhe më dinjitoze përpara gjithë botës.

Kosova brenda disa orëve mbaron numërimin e votave.

Kosova i bëri zgjedhjet edhe të parakohshme, edhe me shumë alternativa dhe e realizoi rotacionin e pushtetit ashtu siç e vendosi populli.

Kjo ishte faqja e bardhë e Kosovës.

Edi Rama edhe kur voton vetëm i duhen 27 ditë që të nxjerrë rezultatin.

Edi Rama bën votime me një parti të vetme si diktatorët më idiotë të botës.

Edi Rama për shkak të kriminalizimit dhe korruptimit pengon zgjedhjet e parakohshme dhe e shkatërron imazhin e Shqiperisë përpara gjithë botës dhe i bën shqiptarët me mijëra që të largohen.

Kjo është pra faqja e bardhë e Kosovës dhe njëherazi faqja e zezë e Edi Ramës.

Vasili: Nëse Rama ka fakte për prokurorin e Durrësit, përse nuk e padit?

Nënkryetari i LSI, Petrit Vasili ka reaguar për akuzat që qeveria “Rama” ka bërë ndaj një prokurori në Durrës.

Vasili shprehet se nëse Edi Rama ka fakte ndaj prokurorit që arrestoi drejtorin e Kadastrës në Durrës le t’i publikojë ato.

POSTIMI:

Edi Rama qeshte kur përlante në Gjykatë pa ligj,Bashkinë e Durrësit më 30 qershor dhe llapaqenoset sot kur drejtësia nuk është me të!

Kur Gjykata e Durrësit jepte dy vendime në një ditë për kryetarin e bashkisë dhe Edi Rama grabiste Bashkinë e Durrësit në 30 qershor Rama & co ishin të kënaqur shumë,pavarësisht nga gangsterizmi antiligjor i denjë për tribute e Afrikës së Zezë që ndodhi në Gjykatën e Durrësit.

Ndërsa Edi Rama tha sot:
“Prokurori i Durrësit që shantazhoi për hesap të një organizate kriminale zyrtarin e shtetit dhe më pas kërkoi burgosjen e tij, është mishërimi tipik i llumit të sistemit të drejtësisë, që nuk ka asnjë shans t’i shpëtojë pastrimit nga sistemi! Ky llum po kryen akte kriminale padrejtësie, me moton “Do ikim që do ikim, të kapim ç’të kapim!”

Nëse i ka faktet,pse nuk shkon ta padisë prokurorin ky llafazan kryeministër?

Apo e ka zakon ky njëlloj siç bëri me Dritan Zaganin apo me Emiljano Nuhun,që sa herë që i dhembin të vërtetat fillon histeritë ligavece nëpër media.

Këta kur nuk ju pëlqen drejtësia bëjnë llapaqenin,ndërsa kur e kapin e blejnë dhe e përdorin drejtësinë për interesa të tyre qeshin, kënaqen dhe gëzojnë.

Këta kur nuk ju pëlqen drejtësia dalin edhe bëjnë proteste para gjykatave siç bënte kryetari i bashkisë së Tiranës dikur.

Keta që ju çajnë dërrasat njerëzve gjithë ditën në emër të drejtësisë dhe thonë ta lëmë drejtësinë të thotë fjalën e saj, sa herë kjo ju leverdis, sot që ju preket interesi ulërijnë e pëllasin të kundërtën.

Çfarë karagjozësh, ç’lidhje kanë këta me shtetin dhe ligjin??

Kryemadhi: Kushtet e opozitës shumë të thjeshta për t’u plotësuar

Pjesë nga intervista e Kryetares së LSI-së Monika Kryemadhi në emisjonin Java

Edi rama e ka shumë të thjeshte të plotësojë 5 kushtet e opozitës nëse ka vullnetin dhe për të zgjidhur krizën. Kështu u shpreh në emisionin ‘Java’ Monika Kryemadhi. Duke marrë për shembull dosjet 339 dhe 184 ajo tha se kryeministri Rama ashtu siç bllokoi hetimin e këtyre dosjeve shumë thjesht mund t’i zhbollokojë ato duke plotësuar një nga kushtet e opozitës dhe Bundestagut gjerman.
Vendosja e 5 kushteve a përkon si fakt me kushtet për integrimin në Europë?
Është shumë e rëndësishme që PS-ja të bie darkod me kushtet e opozitës që janë shumë të thjeshta, 184, 339, dalja përpara drejtësisë e kriminelëve që kanë prekur votat dhe krijimi i klimës dhe garancisë qytetarëve që zgjedhjet të jenë të lira dhe të ndershme.

Po i kërkoni kryeministrit që të bëjë Prokurorin dhe të hetojë çështjen.
Po si e blloi çështjen kryeministri, ashtu ta zhbllokojë çështjen dhe jemi të gjithë koshient që çështja 184 dhe 339 janë të bllokuar nga zoti Rama dhe nëse nuk e kontrollon zoti Rama, atëherë Prokuroria të ngrihet dhe të zgjidhe krizën politike sepse kriza politike del prej sistemit të drejtësisë.

Deklaratat e presidentit Meta, Kryemadhi: Ja historia e djegies së mandateve

E ftuar në emisionin “Java” në RTSH, kryetarja e Lëvizjes Socialiste për Integrim, Monika Kryemadhi ka folur mbi deklaratat e presidentit Meta, se u gënjye për historinë djegies së mandateve. Kryemadhi tha se propozoi në mbledhjen e kryesisë që ta digjte vetëm ajo mandatin por vendimi i saj u pasua dhe nga deputetët e tjerë për shkak të ngjarjeve të ndryshme në vend. Për këtë ajo mori shembullin e deputetëve të qarkut të Beratit.

Zoti Meta tha se ju e kishit gënjyer për djegien e mandateve?.

Ajo është çështje këndvështrimi dhe fati i madh është që unë do ta ndajë sot me ju për deklaratën e Presidentit Meta kur tha që Monika më gënjeu për çështjen e djegies së mandateve. Ajo ka të bëjë me sesi e quan ai. Unë po i bie shkurt. Është e vërtetë që unë si Monikë mora vendimin për të djegur mandatin e deputetit për shkak të qenurit kryetare e LSI-së në shenjë solidariteti në të gjithë qëndrimet që do të mbanin deputetët e Partisë Demokratike, por ndodhi në fakt diçka tjetër edhe mbas një bisede me Luan Ramën dhe Petrit Vasilin si dy nënkryetarë të LSI-së ku unë parashtrova qëndrimin tim, ditën e hënë që është bërë mbledhja e grupit parlamentar, ku unë propozova që vetëm kryetarja e LSI-së të djegë mandatin dhe pjesa tjetër si një pjesë e vazhdueshme e një procesi të vendosjes në pozicion të denoncimit të asaj që ndodhtë në Parlament, ka ndodhur diçka tjetër që unë e kam thënë dhe më parë, ku deputetët e LSI-së ishin agresivë ku duke filluar nga ish-ministri z.Naço ku tha se ç ‘kuptim ka mandati im si deputet kur unë kam kërkuar mbi 4 herë ministren e financave në interpelancë dhe ajo ka gënjyer 5 herë dhe nuk ka ardhur një përgjigje deputetëve të parlamentit në bazë të ligjit dhe të rregullores së Parlamentit për çështjen e buxhetit të Bashkisë së Skraparit.

Klajda Gjosha: Kushtet e Bundestagut janë realiteti i hidhur, me të cilin ne duhet të përballemi sot

Pjesë nga intervista e ish-deputetes së LSI-së, Klajda Gjosha për ‘RTV Ora.

Ish-deputetja e Lëvizjes Socialiste për Integrim, Klajda Gjosha, e ftuar në ‘RTV Ora’ ka folur mbi procesin e integrimit evropian të vendit. Sipas Gjoshës, Kushtet e Bundestagut në fakt janë realiteti i hidhur, me të cilin ne duhet të përballemi sot dhe në radhë të parë të përgjegjësisë është qeveria pasi ekzekutivi është ai që udhëheq procesin. Sipas saj, me këtë u vërtetua që kushtet e vitit 2018 Shqipëria nuk i plotësoi dhe këtë vit unë jam munduar të vë përpara ekzekutivit këtë pikëpyetje të madhe, nëse po punohet për procesin e Integrimit apo jo
Pjesë nga intervista e Klajda Gjoshës

A janë deklaratat dhe kushtet nga ndërkombëtarët mbështetje për opozitën?
Unë nuk mendoj se deklaratat e ndërkombëtarëve nuk janë mbështetje as për opozitën as për mazhorancën. Gjithçka që është bërë, është bërë për të të suportuar qytetarët shqiptar, por dhe procesit të integrimit në BE. Kushtet e Bundestagut në fakt janë realiteti i hidhur, me të cilin ne duhet të përballemi sot dhe në radhë të parë të përgjegjësisë është qeveria pasi ekzekutivi është ai që udhëheq procesin.

Me këtë u vërtetua që kushtet e vitit 2018 Shqipëria nuk i plotësoi dhe këtë vit unë jam munduar të vë përpara ekzekutivit këtë pikëpyetje të madhe, nëse po punohet për procesin e Integrimit apo jo? Në fakt ato janë kushte të vjetra dhe u janë shtuar kushtet për zgjedhjet lokale dhe Gjykata Kushtetuese në fakt duhet të shprehet nëse këto votime të 30 qershorit ishin legjitime apo jo, pra kemi dhe disa kushte të shtuara, por që duhet të plotësohen në mënyrë që Shqipëria të çelë negociatat.

Ky është një precedent i ri pasi Serbia dhe Mali i Zi që kanë çelur negociatat kanë ndjekur të njëjtën procedurë që BE-ja po ndjek me Shqipërinë dhe Maqedoninë e Veriut që do të thotë vendet që do të vijnë pas nesh si Kosova apo Bosnja do të përballen me kushtet dhe 2 hapa.