Dita e Europës, Gjosha mesazh: Së bashku mund t’ia dalim

Ish-ministrja e Integrimit, Klajda Gjosha ka kujtuar ditën e Evropës.

Gjosha ka dhënë edhe një mesazh të shkurtër, duke shtuar se së bashku mund t’ia dalim.

POSTIMI:

9 Maji dita e Evropës!

Vetëm sëbashku ne mund t’ia dalim!
Vetëm pranë BE, Shqipëria mund të fitoj demokracinë e munguar!

/ In News / By Admin / Comments Off on Dita e Europës, Gjosha mesazh: Së bashku mund t’ia dalim

“Akt skandaloz i turpshëm”, Kryemadhi reagon pas vendimit për Teatrin: Vlerat historike, qytetare dhe kombëtare do të triumfojnë përballë babëzisë së Rilindjes

Kryetarja e LSI, Monika Kryemadhi ka reaguar përmes një postimi në facebook lidhur me vendimin e qeverisë për kalimin e truallit të Teatrit Kombëtar në pronësi të Bashkisë.

Për Kryemadhin vendimi i qeverisë është akti i radhës i grabitjes së tokës, të cilin e konsideron një akt skandaloz dhe të turpshëm.

Postimi i plotë:

Ditën e Europës, ditën e vlerave, ditën e civilizimit dhe të ngadhënjimit mbi të keqen shkatërrimtare, qeveria e oligarkëve bëri aktin e radhës të grabitjes së tokës së Teatrit Kombëtar duke ia kaluar Bashkisë së Tiranës. Ky veprim i qeverisë së PPP-ve është një akt skandaloz dhe i turpshëm!
Edi Rama po përdor mashën e tij, Erion Velinë për të nxjerrë nga zjarri “gështenjat” që vlejnë 200 milion euro!
Asnjë manovër ligjore nuk mund ta zhbëjë këtë vepër kriminale, autorët e së cilës do të përballen jo vetëm me qytetarinë e Tiranës dhe Shqipërisë, por edhe do t’i çojmë përpara drejtësisë!
Vlerat historike, qytetare dhe kombëtare do të triumfojnë përballë babëzisë së Rilindjes!
/ In News / By Admin / Comments Off on “Akt skandaloz i turpshëm”, Kryemadhi reagon pas vendimit për Teatrin: Vlerat historike, qytetare dhe kombëtare do të triumfojnë përballë babëzisë së Rilindjes

Ndryshimet në Kodin Penal, Kryemadhi: Parlamenti votoi ato që propozoi Ilir Meta, nuk kishte pse të mos firmoste

Kryetarja e LSI-së, Monika Kryemadhi gjatë një interviste për emisionin “Java” në RTSH ka komentuar miratimin e Ndryshimeve në Kodin Penal nga Presidenti Meta. Sipas saj, Parlamenti ka votuar ato çfarë propozoi Ilir Meta dhe në këtë pikë ai s’mund të mos firmoste.

Pjesë nga intervista

Ilir Meta firmosi ato çfarë propozoi Edi Rama apo Parlamenti votoi ato çfarë propozoi Ilir Meta.
Vangjeli: Të dyja bashkë…
Jo, Parlamenti votoi ato çfarë propozoi Ilir Meta. Kështu që Ilir Meta nuk kishtë pse të mos firmoste gjërat që propozoi vetë, kështu që Ilir Meta është në rregull me veten e tij. E dyta, tani për histerinë po themi gazetareske se ‘përse e bëri’? Një pyetje, ka njerëz që paskan pasur këtë problemin e kodit penal, po 9 javë që ai i mbajti të mbyllur pa kod penal, që i mbajti në mënyrë të paligjshme pse nuk protestuan këta? Pse nuk bërtitën këta?

/ In News / By Admin / Comments Off on Ndryshimet në Kodin Penal, Kryemadhi: Parlamenti votoi ato që propozoi Ilir Meta, nuk kishte pse të mos firmoste

Vasili: Karantina dhe Pandemia po përdoren për të grabitur e rrëmbyer Teatrin Kombëtar

Në mesin e pandemisë kur shqiptarët janë futur fundjavës së radhës nën shtetrrethim, qeveria ka miratuar një VKM, në të cilën kryeministri Edi Rama ia kalon truallin e Teatrit Kombëtar në pronësi të Bashkisë së Tiranës.

Lidhur me këtë ka reaguar edhe nënkryetari i Lëvizjes Socialiste për Integrim, Petrit Vasili.

Reagimi i Petrit Vasilit:

Karantina dhe Pandemia po përdoren për të grabitur e rrëmbyer Teatrin Kombëtar!

Qeveria kuislinge dhe spekulante e zezë grabit godinën e Teatrit Kombëtar.

Fletorja Zyrtare, gropa e riciklimit të korrupsionit gjigant qeveritar formalizon rrëmbimin e Teatrit nga Bashkia kusare e Tiranës.

Çdo reagim, protestë, refuzim demonstrim në çdo formë është legjitim.

Pandemia dhe karantina politike po përdoren për të mbuluar grabitjet e mëdha qeveritare.

Shëndeti i njerëzve po përdoret si alibi për vjedhjen e pronës publike.

Ja vendimi i vjedhjes në Fletoren Zyrtare:

/ In News / By Admin / Comments Off on Vasili: Karantina dhe Pandemia po përdoren për të grabitur e rrëmbyer Teatrin Kombëtar

“Monopolizoi ligësinë”, Kryemadhi: Rama nuk mbylli lojërat e fatit, i monopolizoi drejt online

Kryetarja e LSI-së, Monika Kryemadhi gjatë një interviste për emisionin “Java” në RTSH deklaroi se kryeministri Rama nuk i ka mbyllur lojërat e fatit, por i ka monopolizuar ato, drejt një dore.

Vangjeli: A nuk është edhe ky një progres?

Kryemadhi:Jo nuk është progres. Ky është monopol. Monopolizoi në dorë ligësinë. Pra në qoftë se Fatos Nano ishte i lig për veten dhe familjen e tij, që luante bixhoz, për xhepin e tij, pra ishte i keqi i vetes. Kush luan bixhoz, për mua, ose kush pi alkol e të tjera është i keqi i vetes së vet. Për mua është i keq ai që i nxit të tjerët që të shkojnë drejt asaj rruge. Dhe zotëria në fjalë që thoni ju nuk i mbylli, i monopolizoi në një dorë. Sepse sot mos prisni që njerëzit të shkojnë të futen në dyqan dhe ta shikojnë që ky hyri, sikur të shohin një burrë që shkon në një shtëpi të dritave të kuqe. Ky çfarë bëri? Sot po luan fort që të luhet drejt online-t, pavarësisht se situata ekonomike e të tjera gjëra e bëjnë të pamundur.”

/ In News / By Admin / Comments Off on “Monopolizoi ligësinë”, Kryemadhi: Rama nuk mbylli lojërat e fatit, i monopolizoi drejt online

Silva Caka: Zotëria që në moshën 55 vjeçare u bë Ministër i Brendshëm, kërkon të hakmerret ndaj kolegëve të tij, të së njëjtës moshë!

Ish-deputetja e LSI-së, Silva Caka ka reaguar ndaj projektligjit të Ministrisë së Brendshme për nxjerrjen në lirim të punonjësve të policisë që kanë mbushur moshën 55 vjeç. Caka i kujton ministrit Sandër Lleshaj se e mori detyrën si anëtar i kabinetit qeveritar, dy vite më parë, kur ishte 55-vjeç.

Postimi i plotë i Silva Cakës në Facebook:

“Zotëria që në moshën 55 vjeçare u bë Ministër i Brendshëm, kërkon të hakmerret ndaj kolegëve të tij, të së njëjtës moshë!

Projektligji i ri për Policinë e Shtetit, synon të paragjykojë e të diskriminojë çdo efektiv policie, i cili ka mbushur moshën 55 vjeç, duke e larguar atë nga puna, pasi i ka dhuruar gjithë jetën atij profesioni. Dhe mbi të gjitha, t’a trajtojë atë me gjysmën e pagës neto!!!

Në shumë vende të botës, kur polici arrin një moshë të caktuar, për shkak të efektshmërisë që kërkon detyra, atashohet pranë posteve administrative, të cilat nuk i mungojnë administratës tonë burokrate. Vetëm këtu tek ne ndodh që mendja ”brilante” e Ministrit 57 vjeçar, kërkon t’i hedhë në kosh të plehrave 30 vite investim dhe mund!

Pavarësisht lodhjes që mund të shkaktojë profesioni, polici 55 vjeçar është ende i aftë për kryerje detyrash administrative e mbi të gjitha është kryefamiljar dhe paga e tij mund të jetë e vetmja e ardhur e familjes së tij.

Mos harro Ministër se mosha e pensionit është rritur dhe aq më tepër, në Shqipëri është tej mase e vështirë, për të mos thënë e pamundur, të gjesh një vend pune në moshën 55 vjeçare.

Keni ngritur pafund struktura policore ku mund të punësoni militantët tuaj, pa qenë nevoja të nxirrni në rrugë të madhe punonjësit që i dedikuan jetën profesionit. Paraardhësi juaj I quajti barkderra, ndërsa ju po guxoni t’iu ndërprisni karrierën dhe jetën në mes. Jo të gjithë e kanë fatin, që nëpërmjet servilizmit e lëpirjes, të bëhen ministra në moshën 55 vjeçare”.

/ In News / By Admin / Comments Off on Silva Caka: Zotëria që në moshën 55 vjeçare u bë Ministër i Brendshëm, kërkon të hakmerret ndaj kolegëve të tij, të së njëjtës moshë!

Vasili: Të hiqet urgjentisht ndalimi i orës 17.30, ky kufizim nuk ka asnjë lidhje me Pandeminë, është kapricio e Ramës

Deklarata për media e nënkretarit të LSI, Petrit Vasili

Të nderuar qytetarë dhe qytetare!

Jam në këtë komunikim me ju për ti kërkuar qartë dhe prerë qeverisë që të heqë në mënyrë të menjëhershme masën e kufizimit të lëvizjes pas orës 17:30. Kufizimi i lëvizjes, ndalimi i qytetarëve dhe gjithë bizneseve në orën 17:30 është thjesht dhe vetëm një shtetrrethim politik që nuk ka të bëjë fare as me kufizimin e pandemisë, as me ndalimin e përhapjes së virusit dhe as me kufizimin e ndonjë rreziku tjetër shëndetësor. Heqja e kufizimit në orën 17:30 nuk ka asnjë bazë shkencore dhe nuk është aplikuar si e tillë, pra një kufizim drastik, ndërkohë që po vetë qeveria publikon shifra të tjera sipas saj në ulje dhe njëherazi në pjesën më të dendur të zhvillimit të ditës, lojn hapjen dhe heq kufizimet, në pjesën kur natyrshëm aktiviteti i biznesit dhe aktivitete të tjera jetësore bien, atëherë në atë moment vendos kufizimin.

Kjo masë është një masë politike e pabazuar në asnjë ekspertizë, por me qëllime të larta politike dhe qëllime të këqia të katrakterit ekonomik, pasi është një masë që rrënon të gjithë biznesin e vogël në tërësi, ndërkohë që siç e keni parë dhe ka filmime plot, nga mëngjes deri në darkë fadromat, eskavatorët, betonieret e oligarkëve kanë punuar dhe punojnë pa pushim. Kjo është një masë për të asgjësuar përfundimisht këtë biznes të vogël që ai të kthehet thjesht në një rrogëtar që disponojnë të gjithë bizneset e mëdha, në mënyrë të veçantë ato të produkteve ushqimore për ti rrënuar përfundimish ata.

E vëreteta e COVId është futur në darën e mashtrimit, pasi dy mundësi kishte për të zbuluar të vërtetën e tij, testimin me shumicë dhe aktivizimin e mjekut të familjes për të marrë vesh të gjitha problemet e qytetarëve dhe për të marrë vesh nëse vuanin nga virusi. Mos bërja e testimeve dhe mosaktivizimi i mjekut të familjes, e mbyti dhe e varrosi të vërtetën reale të COVID-19. Pra heqj a ekufizimit të orës 17:30, heqja e shtetrrethimit të këtij orari është masa më urgjente dhe më e parë që qeveria duhet të marrë duke hequr dorë nga ky vendim politik, pasi shkencor nuk ka gjëkundi se ku të bëjë, e të heqë dorë nga të gjitha kufizimet anormale që nuk lidhen as me shifrat, as me numrat e pandemisë që po vetë bën publike.

Koha nuk pret, rrënimi politik nuk po ndalet dhe këto masa po e shtojnë këtë rrënim politik, sepse Edi Rama ka vetëm një qëllim, që pas meje thotë le të ndodhë qameti. Pra edhe nëse rrënohen mijëra njerëz, edhe nëse humbasin mijëva vende pune, megjithëse humbasin miliona dhe miliarda nga llogaritë e shtetit, Edi Rama dhe të tijt janë të shqetësuar vetëm që llogaritë e tyre të jenë në rregull. Shtetrrethimi i orës 17:30, shtetrrethimi politik duhe të largohet sa më parë duke filluar që nga dita e sotme. Çdo orë e mbajtur më tej është thjesht dhe vetëm një atentat ndaj demokracisë dhe të drejtave të njeriut, nuk është një ndihmë për të kufizuar pandeminë apo për ta parandaluar atë, por është e kundërta, ështa saktësisht e kundërta edhe nga pikëpamja shëndetësore.

Besoj se argumentat janë shumë të qarta dhe shteruese,e kushdo që do të guxonte ti mbronte, qoftë ky pseudoprofesionist apo ndonjë tjetër, do të thotë që të vendosej ku ndër qytetarëve të vet dhe si i tillë do të meritonte edhe përçmimin, edhe përbuzjen e tyre.

Faleminderit të gjithëve!

/ In News / By Admin / Comments Off on Vasili: Të hiqet urgjentisht ndalimi i orës 17.30, ky kufizim nuk ka asnjë lidhje me Pandeminë, është kapricio e Ramës

‘Marrëveshje me PS’, Kryemadhi: Intrigë e Ramës dhe thashethemaxhinjve të tij, njëlloj si me Këshillin Politik të Reformës Zgjedhore

Pjesë nga Intervista e Kryetares së LSI-së, Monika Kryemadhi  për emisionin ‘Fokus’ të gazetarit Nertil Agalliu në TvT

-Pra përjashtoni çdolloj thashethemi që diskutohet qoftë në tryeza mediatike apo edhe në tryeza të ndryshme për një marrëveshje me PS, me Edi Ramën në zgjedhjet e ardhshme?
Mos harroni që z. Rama apo thashethemaxhinjtë, laboratori i tij i propagandës kthehen me mesazhe të tilla gjithmonë për të bërë ndonjë skemë apo puç politik. Ju besoj që dëgjoni që filloi të lavdërojë zotin Meta dhe jo më larg se pardje ju vetë e dëgjuat ambasadorin e BE, z. Soreca kur tha që do të mblidhet Këshilli Politik, kur ndërkohë ky nuk është mbledhur që në shkurt dhe nuk ka pasur në plan për t’u mbledhur për shkak se prisnim reagimin nga Partia Socialiste. Opozita, zoti Vasili dhe zoti Bylykbashi bashkë me gjithë pjesën e opozitës kishte paraqitur 5 drafte për sa i përket reformës zgjedhore dhe prisnim të kishim një përgjigje se kë nga këto 5 drafte do pranonin ose të thonin një përgjigje zyrtare se cila nga këto 5 drafte pranonin ose të thonin një përgjigje zyrtare që në nuk jemi dakort me asnjë nga draftet tuaja. Dhe ndërkohë që ne të gjithë u çuditëm kur dje a pardje dëgjuam z. Soreka që tha do të mblidhet nesër këshilli politik ku të gjithë pyetën zotin Vasili, zotin Bylykbashi. Edhe dje kur ishim në tryezën me partitë opozitare ishim të gjithë, ‘ore çfarë është ky Këshill Politik që do të mblidhet nesër’ dhe ndërkohë nuk kishte asnjë lloj informacioni. Pra ishte një mashtrim ku po luanin me Këshillin Politik në mënyrë të tillë për të ecur me planet e tyre dhe për të zvarritur. Të jeni të bindur që Partia Socialiste gjithmonë ka luajtur me mesazhe të tilla ose me intriga të tilla dhe ajo që më bën përshtypje është që shumë ndërkombëtarë, ambasadorë, ndihen peng i thashethemeve apo edhe manipulimeve të informacioneve. Duhet të detyroheshim ne që të reagonim duke filluar që nga unë e para dje menjëherë pas takimit me opozitën, ku bëmë të qartë që nuk ka asnjë mbledhje të Këshillit Politik, biles po presim që Partia Socialiste të na kthejë një përgjigje menjëherë a është dakort apo jo me 5 draftet që i ka nisur opozita. Dhe ishte pikërisht zoti Bylykbashi dhe zoti Vasili që i dërguan një letër zoti Gjiknuri për të mbledhur sa më shpejt këshillin politik. Zoti Gjiknuri ka thënë që ne nuk donim që të mblidhnim Këshillin Politik.

Por e kanë një nga kushtet kryesore që për hapjen e negociatave duhet miratimi i reformës zgjedhore dhe implementimi i saj.

Pra ju nuk do pranoni si opozitë, në rast se do të bëhen zgjedhje si të parakohshme apo edhe në 2021, pa një reformë zgjedhore?

E ke të detyrueshme nga Bashkimi Europian, e ke kusht miratimin e reformës zgjedhore me rekomandimet e OSBE/ODIHR-it dhe implementimin e saj. Hidhu përpjetë, bëj çfarë të duash, nuk i thua dot derrit dajë, kjo është e vërtetë.

Ajo që bie në sy, pavarësisht akuzave ndaj kryeministrit Rama, si ka mundësi që duket sikur ka një mbështetje në arenën ndërkombëtare, pse ndodh kjo sipas jush?

Unë nuk mendoj se ka një mbështetje ndërkombëtare të zotit Rama. Sepse po të kishte mbështetje në arenën ndërkombëtare për zotin Rama dhe për politikat e tij, shqiptarët do të ishin shumë të lumtur, do të kishin një GDP shumë të lartë, një gjendje ekonomike shumë të mirë, do të kishim hapur negociatat. Por unë mendoj që zoti Rama lobon dhe paguan me paratë e drogës grupe lobiste, të cilat pas kanë qarqe anti shqiptare, që u shërbejnë për të ngadalësuar hyrjen e Shqipërisë në BE, si dhe për të distancuar e mbajtur sa më larg nga Perëndimi Shqipërinë dhe për ta çuar në drejtime të paditura, ato që i pëlqejnë zotit Rama.

Zonja Kryemadhi duket sikur aksioni politik i opozitës, qoftë dhe i LSI-së, është gjithmonë i bazuar në idenë se Edi Rama do të reflektojë dhe do të bashkëpunojë me opozitën. Por në fund Rama gjithmonë ka bërë të kundërtën në lidhje me propozimet tuaja…

Nuk ka asnjë lloj mendimi të tillë nga opozita, përkundrazi. Madje ne jemi shumë të qartë, ja kemi bërë të qartë edhe të gjithë ndërkombëtarëve. Zoti Rama është nga ata persona, i cili nuk reflekton. Një njeri i cili nuk reflekton për gjërat më elementare, mos prisni të reflektojë. A e dini ju se që nga 26 nëntori u bënë gati 6 muaj dhe akoma nuk kanë hyrë njerëzit në shtëpitë që u premtoi për rindërtim? Jo vetëm që nuk kanë hyrë, por edhe ata që kanë gjetur mundësinë e financimit për rindërtuar shtëpinë vetë, akoma nuk ju japin lejet sepse kërkojnë rryshfet për të marrë leje dhe për të rindërtuar shtëpitë e tyre. Edhe kujt u janë shembur shtëpitë, që kanë shkuar t’i rindërtojnë dhe t’i rimëkëmbin u ka shkuar policia ndërtimore, INUK-u i Edi Ramës, për tua shkatërruar. Ky është reflektimi i zotit Rama. Nga zoti Rama nuk ka asnjë lloj reflektimi. Edhe ju mos prisni që të ketë ndonjë reflektim. I vetmi reflektim i zotit Rama është që zoti Rama njeh vetëm procesin e votimit dhe kur të shkojë te kutia e votimit, kur të shikojë votat sesi do të votojnë shqiptarët atëherë do të kuptojë. Por edhe atëherë mos u shqetësoni se do të përulet dhe do të bëhet si një kameleon që nuk i ndahet dot.

Zonja Kryemadhi, ju keni akuzuar Edi Ramën se ka vjedhur vota. Përgjimet e Bild tregojnë se ka patur manipulime. Si mund t’i besohet atij se me këtë njeri do të ketë një reformë zgjedhore që të ketë zgjedhje të lira?

Nuk është problemi tek ai. Problemi është se në 2017 zoti Rama përfitoi nga mënyra se si u luajt politikisht. Pra, mungesa e koalicioneve, mënyra se si e ndërtoi fushatën, abuzimi që luajti dhe propaganda, po dhe sigurisht paratë e drogës që iu injektuan ekonomisë zgjedhore në atë kohë. Tashmë nuk ka më oksigjen për sa i përket kësaj, jo vetëm që i ka dalë boja dhe e gjithë situata jashtë kontrolli. Kishte një mundësi se atëherë ishte dhe LSI-ja pjesë e një historie që njerëzit nuk po e kuptonin se çfarë po ndodhte. Sot nuk ka asnjë parti politike që është në krah të Edi Ramës. Ai është vetëm një parti. Pra është vetëm Partia Socialiste. Të gjithë partitë politike janë kundër tij, kështu që e ka bërë shumë të qartë pozicionimin. Unë nuk mendoj që zoti Rama është i fuqishëm në një proces zgjedhor. Pavarësisht artikulimit politik që bëjmë të gjithë ne. Unë mendoj se revolta ndaj gjithë sistemit politik që ka ngritur Edi Rama është aq e madhe sa vetë socialistët do të jenë pjesa dërrmuese që do ta ndëshkojnë Ramën me votë.

/ In News / By Admin / Comments Off on ‘Marrëveshje me PS’, Kryemadhi: Intrigë e Ramës dhe thashethemaxhinjve të tij, njëlloj si me Këshillin Politik të Reformës Zgjedhore

Raporti i Freedom House, Kryemadhi: Shqetësim që e kam shprehur që në 2017, djegia e mandateve nxorri në pah fasadën që mbizotëronte

Në një lidhje me Skype për emisionin ‘Fokus’ të gazetarit Nertil Agalliu në TvT, kryetarja e LSI u shpreh se djegia e mandateve vërtetë duket sikur ka instaluar unin në Shqipëri, por në njëfarë mënyre nxorri zbuluar disa individë, qofshin këta brenda apo jashtë Shqipërisë, të cilët luanin me fasadën e demokratit apo të asnjëanësit, por që nuk tregoi gjë tjetër veçse ishin segmente ndihmuese apo edhe bashkëpunëtorë në instalimin e kësaj situate dhe gjithë sistemit kriminal.

Pjesë nga intervista:

Unë kam dy vjet e gjysëm, mjafton të kthehemi në kohë, do të shikoni se që në daljet e mia të fundvitit 2017, që te Zëri i Amerikës në nëntor të 2017 e të tjera me radhë, i keni deklaratat e mia, ku unë them që Shqipëria ka një demokracia hibride, që do të thotë është në kufirin e autokracisë dhe drejt diktaturës. Nuk është më demokraci. Nuk ka demokraci në kufi midis autokracisë dhe demokracisë. Është midis autokracisë dhe diktaturës.

Gjithashtu vlerësohet në këtë raport mjaft dobët sistemi i drejtësisë, që mbetet thembra e Akilit, por edhe liria e medias dhe korrupsioni….

Janë gjëra që ne i kemi theksuar dhe i kemi thënë, të mos harrojmë se sot kemi 180 e ca deputetë të cilët kanë djegur mandatet për të treguar që ka një kapje të sistemit, jo vetëm politik, por edhe të sistemit të drejtësisë dhe çdo hallke tjetër të një institucioni të një shteti demokratik. Kështu që mua nuk më çudit fare, por habitem sesi i paska shpëtuar ky institucion Edi Ramës pa e blerë me paratë e drogës që të bënte një raport që Shqipëria është një nga vendet më demokratike. Ose Zoti Rama nuk i ka dhënë rëndësi këtij institucioni, sepse ka qenë më shumë i fokusuar te konferenca e donatorëve sesa te çështja e demokracisë në Shqipëri.

Por Zonja Kryemadhi djegia e mandateve duket se e ka forcuar dhe më shumë pushtetin e unit, pra pushtetin e kryeministrit?

Unë nuk mendoj kështu. Mendoj se nëse ne do të qëndronim fasadë në Parlament, Rama do të vazhdonte të njëjtën gjë. Do të vazhdonte uzurpimin e Gjykatës Kushtetuese, uzurpimin e reformës në drejtësi, koncesionet e të gjitha me radhë. Dhe përkundrazi, opozita jo vetëm qe do të bëhej pis, por do të shuante çdo shpresë kundërshtimi apo revolte të kësaj diktature të re që është instaluar. Djegia e mandateve vërtetë duket sikur ka instaluar unin në Shqipëria, por në njëfarë mënyre nxorri zbuluar disa individë, qofshin këta brenda apo jashtë Shqipërisë, të cilët luanin me fasadën e demokratit apo të asnjëanësit, por që nuk tregoi gjë tjetër veçse ishin segmente ndihmuese apo edhe bashkëpunëtorë në instalimin e kësaj situate dhe gjithë sistemit kriminal.

/ In News / By Admin / Comments Off on Raporti i Freedom House, Kryemadhi: Shqetësim që e kam shprehur që në 2017, djegia e mandateve nxorri në pah fasadën që mbizotëronte

Pyetje për Damianin e Sorekën, Braimllari: Kur e vendosën të mbledhin Këshillin Politik?

Sekretari i Përgjithshëm i LSI, Endrit Braimllari i ka drejtuar një pyetje publike bashkekryetarit të Reformës Zgjedhore, Damian Gjiknurit dhe Ambasadorit të BE në Shqipëri, Luigji Soreca se kur kanë vendosur ata që të mblidhet Këshilli Politik.

Në një postim në Facebook, Braimllari akuzon se Damiani dhe shokët e tij të rilindjes e bllokuan Këshillin Politik.

Postimi i Plotë

Pyetje për Damianin dhe Sorekën!!

Damiani me shokë e bllokuan Këshillin Politik.

Ndërsa Ambasadori Soreca çuditërisht e përshëndeti rifillimin e Këshillit Politik.

Askush nuk ka asnjë informacion për vendin dhe orën e mbledhjes së Këshillit Politik.

Po i pyesim publikisht:

Kur e ka vendosur Damiani me Sorekën që ta mbledhin Këshillin Politik ??

/ In News / By Admin / Comments Off on Pyetje për Damianin e Sorekën, Braimllari: Kur e vendosën të mbledhin Këshillin Politik?