AMENDAMENTET NE BUXHET

AMENDAMENTET NE BUXHET Ne buxhet do kerkojme rritjen e te ardhurave minimalisht me 7 miliard leke dhe rrjedhimisht rritjen e shpenzimeve po me kete shifer.
 
 Keto te ardhura te shkojme vetem per shtresat nen nevoje si psh 540000 pensionist110000 te tjere qe varen nga pensionistet23000 veterane8000 invalide5800 familje deshmoresh7000 ish ushtarake60000 njerez me ndihme ekonomike12000 te perndjekur dhe shume te papune.  Ata qe jane te pasur nuk i kane syte nga buxheti.  Keta 767000 vete jane me te varferit ne vend.  Te realizojme nje rritje prej 25% te pensioneve te qytetit 35% te atyre te fshatit dhe te rrisim 50% pagesat e tjera. Dy milliard leke ti investojme per rinine ne aktivitete te nxitjes se punesimit formimit professional apo aktivitete te tjera educative dhe argetuese per rinine me qellim qe te mbajme rinine ne Shqiperi dhe mos te nxisim largimin e tyre nga vendi. Eshte bindja e LSI qe duhet te investojme per me te varferit e ketij vendi per te moshuarit qe kane punuar dhe luftuar per kete vend dhe jane shperblyer shume pak porn e te njejten kohe ne duhet te shohim nga e ardhmja duhet te bejme rinine tone te jete optimiste per te ardhmen ne Shqiperi.  Ne duhet te punojme per te evituar dramat e medha te familjeve tona. Eshte e pafalshme qe rinia ka me pak fonde ne buxhet se nje vit me pare.  Qeveria duhet te vleresoje rinine dhe te mos kenaqet qe ajo largohet cdo dite e me shume nga Shqiperia.  Percec shperblimit me te mire te mesuesve duhet te mendojme per mjete dhe metoda per te bere rinine tone me te pelqyer nga tregu i punes ne vend per ta bere ate me te interesuar per te kontribuar ketu.
 
Qeveria ne vitin 2006 parashikon te rrise te ardhurat tatimore me 8.2%.  Kjo shifer perben nje reserve te madhe ne mbledhjen e te ardhurave po te kemi parasysh qe 5% te ardhurat rriten nga rritja ekonomike 5% dhe 3% nga rritja e inflacionit.  Nese rritet eficenca e administrates tatimore dhe frenohet evazioni dhe propaganda vetem 2 -3% atehere duhet te kemi rritje te nevojshme te ardhurash per te perballuar shpenzimet e mesiperme. Nuk duhet perdorur FMN si pengese per rritjen e te ardhurave. FMN do ta pergezoje qeverine nese arrin te mbledhe me shume te ardhura.
  0x323030352d31322d3132 22:10)

AMENDAMENTET E LSI PER PAKETEN FISKALE

” AMENDAMENTET E LSI PER PAKETEN FISKALE Ne kundershtojme heqjen e TVSH mbi aktivitetin e kazinove dhe do propozojme futjen e kazinove ne skemen e pageses se TVSH.  Nese kazinoja nuk paguan taksat dhe shteti nuk perfiton financiarisht nga ato atehere ato do te sjellin vetem efekte negative ne shoqerine tone.

Kerkojme heqjen e TVSH per konsumin e energjise elektrike per nivelin e konsumit mujor 200 mega/vat ose me pak. Te paguhet TVSH vetem per konsumin mbi 200 mega /vat ne muaj. Kjo ndihmon te varferit qe nuk kane mundesi te paguajne por dhe stimulon kursimin e energjise.

Kerkojme heqjen e TVSH mbi shitjen e librave per te lehtesuar barren fiskale mbi konsumatorin dhe per te nxitur leximin dhe arsimimin.

Propozojme heqjen e tatimit 1% mbi pagen nen nivelin 12.500 leke sepse nuk mund te godasim ata qe jetojne nen nivelin e varferise.

Propozojme ngrirjen e tarifes doganore per importet e hekurit ne nivelin 15% per te mbrojtur prodhimin vendas dhe per te mos lejuar konkurencen e pandershme me prodhime celike nga vendet jo anetare te OBT te cilat subvensionojne kete industri.  Jane rreth 15000 vete qe perfitojne nga kjo industri ne vend.
0x323030352d31322d3132 22:0)”

Kjo eshte fjala e mbajtur ne Parlament nga Nenkryetari i LSI dhe Kryetar i Grupit Parlamentar

Kjo eshte fjala e mbajtur ne Parlament nga Nenkryetari i LSI dhe Kryetar i Grupit Parlamentar Prof.Sabit Brokaj qe eshte njekohesisht edhe qendrimi i LSI per paketen fiskale Po te ishte e vertete se koalicioni i djathte do te mbante premtimet elektorale sot ketu do ishte dite feste. Do gezoheshit ju por do gezoheshim edhe ne. Ajo qe ka rendesi me shume per ne nuk jane ideologjite e majta apo te djathta por puna konkrete per te permiresuar nivelin e jeteses se votuesve tane.  Nese me kete pakete fiskale ju do kishit filluar te mbanit premtimet tuaja une sot do ju kisha pergezuar dhe votuar pro paketes suaj fiskale pavaresisht se z.Majko  do vendoste perseri per te na perjashtuar nga opozita.
 
Por qeveria juaj me kete pakete fiskale vetem se ka vazhduar rrugen monotone te qeverise Nano.  Keni ulur tatim fitimin nga 23 ne 20% ashtu siç kishte vendosur Nano dhe keni vazhduar te ulni disa tarifa doganore ashtu sic bente ai cdo vit. Ashtu si dhe Fatos Nano keni filluar ti sherbeni te pasurve VIP-ave miliarder qe ka Shqiperia.  Pasuria vezulluese duket se ju ka verbuar syte edhe juve sepse ndryshe nuk ka se si te shpjegohet qe ju hiqni TVSH-ne nga aktiviteti i kazinove aktivitet qe nxjerr fitime perrallore ne kurriz te njerezve te shoqerise tone. E vetmja e mire qe mund t’i sillte vendit tone hapja e nje kazinoje ishin te ardhurat qe mund te merrte shteti prej tyre kurse qeveria juaj e djathte i perjashton ata nga taksat. Ky eshte ofendim qe i behet shqiptareve dhe perulje ndaj fuqise se parase.
 
Ju keni hequr TVSH mbi shitjet ne ndertime per ti sherbyer mbase klases me te pasur te sipermarresve shqiptare. Ne te gjithe e dime se kostoja e nje m2 ndertim shkon deri me 300 euro per m2 por ai shitet mbi 600 euro m2. Fitimi eshte kolosal. Mjafton te ndertosh nje pallat te vetem dhe behesh milioner dollari. Ju perseri peruleni perpara fuqise se parase.  Ju nuk taksoni as token e furnizuar per ndertim megjithese pronaret marrin 30 – 50% te vleres se ndertimeve. Me sa duket ju hoqet Nanon per tu vene vete ne krye te klases se oligarkeve shqiptare.
 
Ne e dime qe qeveria juaj i sherben te djathteve atyre qe jane me te pasurit e vendit. Por ju keni marre votat e te varferve dhe me ato erdhet ne pushtet.  Ju dolet ne fushate me nje program social ju folet per politike te dhembshur dhe humane. Tani ulni taksat per rrogat e larta mbi 200000 leke dhe fusni tatime te reja per rrogat e te varferve nen 12500 leke.  Nga te varferit rrisni te ardhurat me 10 milion dollare. 
 
Deri dje ju kritikonit Qeverine Socialiste sepse mblidhte me arbitraritet tatimet duke i kerkuar ato parapagim. Ju nuk po ndryshoni asgje. Ju perseri do kerkoni qe biznesi t’ju parapagoje edhe juve tatim fitimin. Asgje nuk shohim ne kete pakete fiskale qe te na thoje si do eleminoni konfliktin e interesit te tatim-mbledhesit. Ata diten punojne per shtetin dhe naten bejne bilancet e bizneseve private.  Asgje nuk thuhet si do ulet evazioni dhe kontrabanda.  Deri dje ishit te zjarrte ne kritika.  Sot thoni se paketa fiskale do kete efekte negative ne buxhet 5.3 miliard leke.  Ku jane 1.5 miliard dollare qe vidhnin socialistet cdo vit?  Pse nuk i arketoni ju per llogari te shtetit?
 
Me paketen fiskale ju po godisni prodhimin vendas. Kombinati i celikut ne Elbasan po falimenton sepse ju keni vendosur qe tregu jone te mbushet me celik qe vjen nga Ukraina. 1000 punonjes 5000 familjare dhe 15000 te tjere jetojne nga celiku Elbasanit. Megjithate ju vazhdoni te favorizoni importuesit. Nxirrni arsye marreveshjen me Organizaten Boterore te Tregtise. Une po ju them kolege deputete se Ukraina nuk eshte anetare e OBT dhe ne nuk kemi detyrim t’i ulim taksat doganore per celikun e tyre perkundrazi edhe mund t’i ngreme dhe OBT nuk do t’ja dije fare.  Po ju them se nese ne provojme se ulja e tarrifave doganore godet prodhimin vendas OBT pranon rinegocime.  Pse nuk e mbroni prodhimin vendas?  Pse nuk i mbroni investimet e huaja? KURUM ka investuar 60 milion dollare ne 7 vjet. Kombinati i celikut te Ukraines e merr energjine elektrike falas nga qeveria e tyre kurse KURUM paguan 10 leke per kw/ore.  Kjo nuk eshte konkurence e drejte.  Une e di qe ne fushaten tuaj zgjedhore kane kontribuar dhe ata qe importojne hekur ne Shqiperi. 
 
Ju duhet te vendosni se kujt i keni me shume borxhe. I keni borxhe atyre bizneseve qe ju kane dhene dollare ne fushate apo i keni borxh me shume atyre qindra mije personave qe ju votuan ne krye te pushtetit?  Amendamentet qe ju propozoni ne kete pakete fiskale tregojne se nuk po punoni per votuesit tuaj por per interesa te vecanta financiare.
 
Deputetet e Levizjes Socialiste per Integrim do te votojne kunder paketes tuaj fiskale megjithese keni bere dhe ndonje leshim pozitiv minimal si heqja e TVSH nga shitja e librave apo heqja e takses se qarkullimit te automjeteve per vellezerit tane kosovare.  Keto jane shume pak. Ju keni ne dore te beni shume. 0x323030352d31322d3132 FJALIME 21:53)

/ In Archived Articles / By LSI / Comments Off on Kjo eshte fjala e mbajtur ne Parlament nga Nenkryetari i LSI dhe Kryetar i Grupit Parlamentar

Lëvizja Socialiste për Integrim zhvillon Konventën e degës së saj në Tiranë

Lëvizja Socialiste për Integrim zhvillon Konventën e degës së saj në Tiranë 21:52 Lëvizja Socialiste për Integrim zhvilloi sot pasdite Konventën e degës së saj në Tiranë. Konventën e hapi Kryetari i LSI-së për Tiranën z.Ilir Dashi i cili edhe moderoi gjatë gjithë kohës Konventën. Gjatë fjalës së tij z.Dashi u shpreh se “ndihem i priviligjuar që hap sot Konventën e LSI-së së Tiranës një tjetër hap në përpjekjen e përbashkët për realizimin e aspiratave të larta që mbart forca jonë politike. LSI-ja është ajo që bëri betejën elektorale të vështirë dhe të pabarabartë dhe iu njohën 22 mijë vota vetëm në Kryeqytet. LSI-ja është e vetmja forcë politike që u përball me fenomenin famëkeq të Dushkut dhe që mban flamurin e Reformës Zgjedhore sot për ta eleminuar njëherë e përgjithmonë këtë praktikë të pandershme. LSI-ja është partia që arriti të mbledhë në gjirin e saj qindra anëtarë dhe simpatizantë për një periudhë kohore më pak se një vjeçare vlerë kjo që i dedikohet qëllimit përse u krijua dhe drejtimit vizionar. Ilir Dashi u shpreh gjithashtu se “ne jo se jemi ne më të mëdhenj në mumër por jemi më të përkushtuar për këtë vend. Jo se ne jemi më të ditur por kemi vizionin e duhur për ta çuar këtë vend drejt një të ardhme europiane. Jo se në Tiranë nuk është bërë punë por ne mund të bëjmë më shumë. Tirana meriton më shumë meriton LSI. Pse LSI-I njeh më mirë se kushdo problemet e qytetarit të Tiranës sot? Sepse ne jemi të vetmit që kemi trokitur e trokasim  në çdo derë të banorit të Tiranës nga qendra e periferi për të folur me ta për t’i dëgjuar dhe mësuar nga hallet e tyre për t’i përqafuar kur kanë dëshpërim dhe për t’i uruar në gëzime kjo ne na bënë përfaqësuesit e vetëm të interesave dhe shqetësimeve të tyre. LSI sot është një markë e preferuar politike. Kjo markë mishëron përkushtim atdhetarizëm solidaritet humanizëm qytetari dhe respekt.

Ndërsa në fjalën e tij Kryetari i LSI z.Ilir Meta u shpreh se “meqenëse sot jemi në 9 dhjetor dua të konfirmoj se rruga e shqiptarëve drejt atij misioni që LSI i ka dhënë votat ka nisur pikërisht më 8 dhjetor të vitit 1990. Atëherë kur studentë të asaj kohe bashkë me mua atje por edhe shumë pedagogë të nderuar që janë këtu sot në sallë anëtarë dhe drejtues të LSI-së vendosëm: “E duam Shqipërinë si gjithë Europa”. Rruga jonë fillon njëkohësisht edhe më datën 6 shtator 2004 kur të gjithë së bashku vendosëm që të distancoheshim dhe të shkëputeshim nga politika e vjetër dhe nga mashtrimi i madh që po i bëhej shqiptarëve duke bllokuar rrugën e tyre drejt Europës. Ndaj ne jemi Lëvizja Socialiste për Integrim dhe ne jo vetëm që e duam Shqipërinë si gjithë Europa por ne kemi vendosur që ta bëjmë Shqipërinë si gjithë Europa. Dhe unë jam i bindur se me ju dhe me të gjithë njerëzit e ndershëm dhe idealist të anëtarësuar me LSI jam i bindur se me qindra mijëra të rinj e të reja që ne kemi edhe si Amantia Odeta Arminda e shumë të tjerë një pjesë të të cilëve unë dua tu kërkoj falje se nuk i njihja drejtëpërdrejtë dhe vetëm pak ditë më parë në një aktivitet trajnues që ne zhvilluam me shumë prej tyre në qytetin e Beratit zbuluam gjithë këto talente gjithë këta të rinj idealist të vendosur e pa komplekse të anëtarësuar me LSI. Po sa e sa të tjerë janë që kanë ardhur te Lëvizja jonë që në fillimet e saj që kanë ardhur gjatë gjithë kësaj kohe që vazhdojnë të vijnë vazhdimisht dhe ne si drejtuesit e LSI-së mbajmë përgjegjësi sepse duhet t’i evidentojmë të forcojmë edhe më tej lidhjet me ta dhe të hapim dyert e forumeve dhe strukturave të LSI-së për të gjithë ata. Sepse kemi nevojë për njerëz të cilët kanë pasion kanë përkushtim kanë vizion kanë guxim të cilët zhvillojnë atë ndjenjë solidariteti me Lëvizjen tonë dhe me të gjithë shqiptarët ashtu si edhe mesazhi që ata ndanë. Gjë që tregon qartë se Lëvizja jonë është një lëvizje ku më të rinjtë ndihen krenar për më të moshuarit dhe mbi të gjitha në Lëvizjen tonë nuk ka të vjetër sepse bashkimi me LSI-në do të thotë një sfidë për të mbetur përherë i ri.

Aktiviteti ynë i sotëm i cili tregon vullnetin tuaj për tju përkushtuar qytetit dhe kryeqytetit tonë të dashur Tiranës është besoj në kohën e duhur. Jo vetëm për të ripërtërirë për të përmirësuar cilësinë e forumeve drejtuese për gjithë kryeqytetin tonë të forumeve qendrore këtu por edhe të njësive të LSI-së por njëkohësisht edhe për t’u përqënderuar mbi ato probleme që edhe parafolësit e nderuar përmendën këtu që janë sfidat tonë për një Tiranë sociale që janë sfidat tonë për ti dhënë fund në një të ardhme sa më të shpejt për një Tiranë e cila integron të gjithë dhe gjithsecili të ndihet një qytetar i denjë i saj. Që janë sfida të cilat kanë të bëjnë me probleme mjaft serioze të arsimimit në kryeqytet që kanë të bëjën përsa i përket shërbimit shëndetësor. Që janë probleme që kanë të bëjnë edhe me braktisjen e sportit edhe nga qeveria e mëparshme e aq më tepër edhe nga qeveria Berisha i cili jam i bindur se nuk i ka rënë asnjëherë në jetën e tij topit me këmbë.

Janë probleme aq të mprehta që kanë të bëjnë me atë trafik shkatërrues. Unë banoj në një zonë periferike të Tiranës dhe të jeni të sigurtë që jam i gatshëm të shkoj sa herë që të jetë e mundur në Kukës apo në Sarandë por e kam një tmerr të vërtetë që të shkoj për drekë në shtëpi apo që të dal dhe të vij disa herë në ditë. Besoj se këtë ndjesi e përjetojnë të gjithë. Dhe kjo nuk është Tirana e ritmeve të larta por është Tirana e humbjes dhe e shpërdorimit të kohës për qytetarët e saj. Ndaj ne duhet jo vetëm ta ngrejmë këtë problem por duhet të propozojmë zgjidhje konkrete për të. Kjo nuk do të jetë Tirana e djegies së plehrave të Sharrës që rrezikon jo vetëm popullsinë e Kombintatit që ka mjaft e mjaft probleme të tjera të rënda por rrezikon shëndetin e gjithë banorëve të kryeqytetit. Njëkohësisht kjo nuk do të jetë Tirana e qytetarëve dhe e gjithë atyre shqiptarëve të cilët nuk ndihen të integruar dhe që ende nuk po e gjejnë rrugën e duhur për të gjetur veten e tyre në kryeqytetin që kanë ëndërruar.

Sot ndodhemi në një moment kur tashmë qeveria e z.Berisha kur të gjithë e kanë kuptuar se edhe pse Shqipëria dhe shqiptarët kanë ndryshuar z.Berisha nuk ka ndryshuar aspak. Ajo që do të veçoja në mënyrë të veçantë është se flamuri i duarve të pastra me të cilin Berisha erdhi në pushtet tashmë ka rënë poshtë. Miti i krijuar nga vetë Sali Berisha dhe mbështetësit e tij se ai sido që të jetë është i ndershëm është rrëzuar njëherë e përgjithmonë ashtu siç u rrëzua edhe premtimi i tij se nuk do të hapte kazino në qendër të Tiranës. Po ashtu janë rrëzuar shumë premtime të tij që të jeni të qartë se sot qeveria e z.Berisha është një qeveri edhe më e dobët se ajo paraardhëse e Fatos Nanos. Mjafton të shohim treguesit e buxhetit të vitit të ardhshëm që kjo qeveri ka paraqitur në parlament.  
Për të mos kujtuar pastaj energjinë që nuk na erdhi asnjëherë nga Ukraina por kjo sidoqoftë me ndihmën e Zotit erdhi për shqiptarët për të pakësuar sa më pak vuajtjet e tyre në këtë dimër të vështirë.

Buxheti i vitit të ardhshëm është buxheti i krizës dhe jo i zhvillimit. Nuk do të ketë dyfishime pagash dhe pensionesh. Në këtë buxhet ka disa masa me karakter antisocial dhe antinjerëzor që po ndërmerr qeveria e z.Berisha siç është çështja e reduktimit të ilaçeve të rimbursuara apo heqja e pensionit suplementar për ish-ushtarakët.
Berisha nuk mund të luftojë korrupsionin duke shkurtuar shpenzimet administrative për institucionet kyç që kanë një rol kryesor në luftën kundër korrupsionit janë ulur në mënyrë drastike sidomos për ato institucione që janë të pavarura si Prokuroria dhe Gjykatat.

Ne kemi përpara një qeveri mendjengushtë dhe të paaftë për të kuptuar thelbin e problemeve të zhvillimit të vendit.

Gjithashtu Meta përmendi disa tregues të tjerë

LSI takim me strukturat në Lezhë

LSI takim me strukturat në Lezhë Lëvizja Socialiste për Integrim (LSI) zhvilloi sot një takim të zgjeruar me strukturat drejtuese të saj në qarkun e Lezhës. Në këtë takim përveç drejtuesve vendorë të degës së LSI merrnin pjesë edhe Sekretari i Përgjithshëm i LSI-së z.Petrit Vasili Kryetari i Këshillit Ankimor z.Rexhep Ballmi dhe anëtari i Kryesisë së Lëvizjes Rinore për Integrim (LRI) z.Entiol Laço.
 
Kryetari i LSI-së për rrethin e Lezhës dhe njëkohësisht Kryetar i Komitetit Drejtues Kombëtar z.Viktor Tusha u shpreh se qëllimi i vazhdueshëm i LSI në rrethin e Lezhës është afrimi i njerëzve të rinj dhe me vlera pranë LSI si dhe evidentimi dhe ngritja e problemeve dhe shqetësimeve që kanë banorët.

Ndërsa Sekretari i Përgjithshëm i LSI Vasili duke theksuar faktin se LSI do të vazhdojë pa ndërprerje veprimin e saj në mbrojtje të Reformës Zgjedhore kërkoi fillimin e përgatitjve të strukturave në funksion të zgjedhjeve lokale dhe shtrirjen e tyre në nivel komunash dhe qendrash votimi. Njëkohësisht duke konstatuar një mbështetje të gjerë të Lëvizjes Rinore për Integrim (LRI) në këtë qark u vendos riorganizimi i këtyre strukturave dhe përfshirja e gjerë e tyre në veprimtarinë e LSI-së.

Njëkohësisht z.Vasili theksoi se LSI vazhdon të mbetet një forcë koherente dhe tepër e konsoliduar në qëndrimet e saj në favor të Shqipërisë dhe shqiptarëve. Këtij qëllimi i  shërbeu edhe veprimi i fundit i LSI në parlament që goditi konfliktin e interesave në Këshillin e Lartë të Drejtësisë. 0x323030352d31322d3038 AKTIVITETE 21:51)

LSI takim në Shkodër

” LSI takim në Shkodër Sekretari Ndërkombëtar i Lëvizjes Socialiste për Integrim (LSI) z.Edmond Haxhinasto së bashku me Kryetarin e Këshillit Ankimor pranë LSI z.Rexhep Ballmi zhvilluan dje një takim me strukturat drejtuese të LSI në Shkodër. Gjatë këtij takimi Haxhinasto dhe Ballmi u njohën nga afër me gjendjen dhe shtrirjen e LSI në rrethin e Shkodrës.

Drejtuesit e LSI në Shkodër në ekspozenë që bënë theksuan se punë është përqendruar më tepër në shtrirjen e strukturave të LSI në çdo qendër votimi dhe komunë. Sekretari Ndërkombëtar i LSI. z.Haxhinasto kërkoi nga drejtuesit e LSI në Shkodër që të ngrenë zërin dhe të jenë të ndjeshëm ndaj shqetësimeve që kanë banorët e rrethit të Shkodrës qoftë për mungesën e gjatë të energjisë elektrike për papunësinë e lartë në këtë qytet për infrastrukturën e dobët të cilat si rrjedhojë sjellin  nivel të lartë varfërie.

Gjithashtu Haxhinasto kërkoi nga drejtuesit e degës së LSI në Shkodër që të afrojnë sa më shumë njerëz të rinj me reputacion me vlera dhe me energji pranë LSI-së. Haxhinasto theksoi se tashmë LSI çdo ditë e më tepër po afirmohet si një forcë vizionare e cila në themel të filozofisë së saj ka integrimin europian të Shqipërisë. Sot e fituam një betejë politike theksoi Haxhinasto pasi partitë politike të mbledhura nga Presidenti i Republikës firmosën një deklaratë të përbashkët ku shprehën vullnetin e plotë politik për realizimin e një Reforme të plotë dhe afatgjatë e cila të garantojë zhvillimin e zgjedhjeve të lira të ndershme dhe demokratike si dhe u vendos që të ngrihet një Komision Parlamentar për këtë qëllim duke hedhur poshtë Komisionin Bipartizan i cili vepronte në interes vetëm të dy partive.
0x323030352d31322d3037 AKTIVITETE 21:50)”

Kryetari i LSI në Skrapar pas përmbytjeve. Qeveria të marrë masa urgjente për riparimin dhe kompensimin e dëmeve

” Kryetari i LSI në Skrapar pas përmbytjeve. Qeveria të marrë masa urgjente për riparimin dhe kompensimin e dëmeve Kryetari i LSI dhe njëkohësisht deputeti i zonës së Skraparit Ilir Meta u njoh sot nga afër me situatën e rënduar pas përmbytjeve të dy ditëve të fundit në këtë zonë. Gjatë një takimi të zhvilluar me kryetarin e Bashkisë së Çorovodës z.Avdyl Arra si dhe të tjerë drejtues të pushtetit lokal në këtë rreth Meta u informua me dëmtimet që ndodhën në urën qendrore të qytetit të Çorovodës e cila lidh dy pjesët kryesore të qytetit si dhe u njoh gjithashtu me dëmtimet që kishte pësuar ujësjellësi dhe mjaft rrugë lidhëse të tjera. Pas njohjes nga afër me këtë situatë Meta u shpreh se do të kërkojë nga qeveria ndërhyrje të menjëhershme për marrjen e masave për të kompensuar dhe riparuar dëmet e shkaktuara nga përmbytjet.    

LSI bën 120 anëtarësime të reja në Skrapar. Merr teserën e LSI edhe Kryetari i Komunës së Vëndreshit

Menjëherë pas takimit për njohjen e gjendjes nga përmbytjet e shkaktuara në rrugë ura dhe ujësjellësa Kryetari i LSIz.Meta së bashku me N/Kryetarin Prof.Sokol Axhemi zhvilluan një takim të zgjeruar në kinemanë e qytetit me rreth 500 anetare dhe simpatizante te LSI ne kete rreth.
Takimi që u mbajt në kinemanë e Corovodës u zhvillua ne formën e një bashkëbisedimi në mes të drejtuesve të LSI dhe të pjesëmarrësve në takim. Në këtë takim u bënë 120 anëtarësime të reja në LSI të cilët ishin intelektualë të rinj me vizion dhe energji.
Gjithashtu Kryetari i Komunës së Vëndreshit Sulejman Dervishi mori teserën e LSI duke u bërë kështu anëtar i saj.  
Gjatë këtij takimi Kryetari i LSI përsëriti se kërkon nga qeveria ndërhyrje të menjëhershme dhe marrjen e masave për përmbytjet e shkaktuara si në Çorovodë ashtu edhe në Poliçan. Pastaj duke u ndalur në p/buxhetin e vitit 2006 Meta tha se ky është një buxhet që nuk garanton ritme të larta të zhvillimit të vendit dhe luftë efikase kundër varfërisë. Përkundrazi u shpreh Meta ky ky buxhet rrezikon të shtojë më tepër problemet sociale dhe ekonomike duke thelluar varfërinë veçanërisht në zona të thella siç është Skrapari. Gjithashtu Meta u shpreh se buxheti i vitit 2006 i paraqitur nga Qeveria Berisha rrëzon disa nga premtimet kryesore që PD erdhi në pushtet.
0x323030352d31322d3032 AKTIVITETE 21:49)”

/ In Archived Articles / By LSI / Comments Off on Kryetari i LSI në Skrapar pas përmbytjeve. Qeveria të marrë masa urgjente për riparimin dhe kompensimin e dëmeve

LSI tavoline te rrumbullaket per problemet e moshes se trete

” LSI tavoline te rrumbullaket per problemet e moshes se trete Lëvizja Socialiste për Integrim organizoi sot një tavolinë të rrumbullakët me përfaqësues të sindikatave shoqatave dhe personalitete për trajtimin e problemeve dhe sfidave me të cilat përballet mosha e tretë në Shqipëri. Këtë aktivitet e LSI e mbajti në kuadër të ditëve kundër dhunës në shoqëri dhe familje si shprehje e kujdesit të veçantë të LSI për këtë kategori sociale. Sugjerimet dhe konkluzionet që dolën nga ky takim do të integrohen në platformën që LSI do t’i paraqesë së shpejti Qeverisë dhe Parlamentit. Në takim merrte pjesë Kryetari i LSI z.Ilir Meta Zv.Kryetari i LSI-së Prof.Pëllumb Xhufi si edhe shume figura të rëndësishme nga Lëvizja Socialiste për Integrim si dhe dhe Kryetari i Sindikatës së Pensionistëve Prof.Isa Gorica

Në hapje të këtij takimi Nënkryetarja e LSI znj.Filloreta Kodra theksoi qëllimin e organizimit të kësaj tryeze si konsultim paraprak për hartimin e një pakete ligjore dhe plani masash për moshën e tretë që do t’i prezantohet parlamentit dhe qeverisë në mbështetje të deklaratës politike. Më pas fjalën e ka marrë kryetari i Lëvizjes Socialiste për Integrim Z.Ilir Meta i cili pasi ka falenderuar të pranishmit ka theksuar angazhimin e LSI-së në ndihmë të grupmoshës së tretë. “Dëshiroj të theksoj edhe njëherë tjetër angazhimin tonë si një forcë politike për të ndërmarrë të gjitha ato iniciativa që duhen në parlament sot por edhe në qeverisje nesër në mënyrë që të krijojmë një koncpet të ri përsa i takon respektit dhe trajtimit që duhet ti bëjë shoqëria shteti dhe qeveria moshës së tretë. Njëkohësisht dua të konfirmoj edhe njëherë tjetër angazhimin tonë për shpalljen e minimumit jetik zyrtar si një objektiv për përcaktimin e pensionit minimal. Kjo transparencë është e domosdoshme dhe gjithashtu domosdoshmëri për të vendosur një standart minimal i cili do të garantojë kërkesat më jetike dhe më të domosdoshme për çdo qytetar të këtij vendi. Është e domosdoshme gjithashtu që për të gjitha këto politika të reja për të gjitha këto nisma të cilat kanë nevojë që të mos mbeten në letër të shtohen fondet dhe burimet e financimit.

Më pas nënkryetari i LSI-së prof.Sabit Brokaj tha se programi i qeverisë Berisha ka mangësi për trajtimin dhe pensionet e grupmoshës së tretë dhe se për këtë arësye LSI do të angazhohet për konkretizimin e paketës ligjore. “Trajtimi i këtij problemi ka të bëjë me filozofinë e LSI-së si një parti e majtë. Dihet se cila është natyra e një partie e majtë. Ne këtë e kemi konkretizuar qysh në fillim të hartimit të programit të qeverisë ku ne kërkuam se cdo të bëhet me këtë grupmoshë pasi pamë se në program ishte një pikë e dobët.

Ndërkohë Kryetari i Sindikatës së Pensionistëve Prof.Isa Gorica theksoi me shqetësim se projektbuxheti I qeverisë Berisha nuk mjafton për përmisimin e niveleve të ulëta të pensioneve në Shqipëri. “Në Shqipëri janë rreth 170 mijë njerëz të grupmoshës së tretë të cilët trajtohen me pensione të cilat nuk janë të mjaftueshme për përballimin e kostos së jetesës. Nga aq sa jemi njohur në projektbuxhetin e qeverisë Berisha për vitin 2006 për rritjen e pensioneve është akorduar një shumë prej 1 miliard lekësh. Por kjo shifër është e pamjaftueshme pasi në fakt nevojiten 6 miliardë lekë dhe ky buxhet nuk e përmison aspak gjëndjen aktuale të pensioneve.
0x323030352d31322d3032 AKTIVITETE 21:49)”

Deklarate e perbashket e LSi-se dhe PDS-se

” Deklarate e perbashket e LSi-se dhe PDS-se Kryetari i Lëvizjes Socialiste për Integrim (LSI) z.Ilir Meta së bashku me Kryetarin e Partisë Demokracia Socialie (PDS) dhanë një konferencë të përbashkët për shtyp menjëherë pas përfundimit të tryezës së partive politike të thirrur nga Presidenti i Republikës z.Alfred Moisiu për Reformën Zgjedhore. Thirrja e kësaj tryeze ka qenë kërkesë e LSI-së që para disa muajsh e cila gjatë një takimi për Reformën Zgjedhore me Presidentin Moisiu i paraqiti atij edhe platformën e LSI për Reformën Zgjedhore:

Ilir Meta-Deklarata

Edhe njëherë dua të shpreh vlerësimet për Presidentin e Republikës për thirrjen e tryezës politike për të insticionalizuar edhe njëherë Reformën Zgjedhore në vend në mënyrë që të garantohen zgjedhje të lira dhe plotësisht të ndershme si përsa u takon atyre vendore të vitit të ardhshëm ashtu edhe për zgjedhjet e ardhshme parlamentare. Në këtë drejtim ne çmojmë rolin e Presidentit edhe në këtë moment por edhe përpara zgjedhjeve të 3 Korrikut ku qëndrimi i tij ka qenë gjithmonë një qëndrim i paanshëm në shërbim të një klime sa më pozitive dhe sa më të ndershme zgjedhore duke i ftuar të gjithë aktorët politikë për të treguar përgjegjësi për të respektuar Kushtetutën për të evituar fenomenin e Dushkut dhe kështu me rradhë. Njëkohësisht vlerësojmë edhe angazhimin e tij të menjëhershëm pas takimeve të bëra me forca të ndryshme politike në vend lidhur me këtë çështje por edhe pas daljes së raportit përfundimtar dhe rekomandimeve të OSBE-së- ODIHR-it lidhur me problemet dhe shqetësimet e zgjedhjeve të 3 Korrikut.
Me këtë rast unë dua të shpreh edhe njëherë tjetër vullnetin e Lëvizjes Socialiste për Integrim për të kontribuar në komisionin parlamentar për Reformën Zgjedhore në mënyrë që ai të arrijë të gjitha ato objektivat të cilat duhet të përputhen me realizimin e detyrimeve që vijnë jo vetëm nga mangësitë e zgjedhjeve të 3 Korrikut që janë mjaft serioze në veçanti fenomeni i Megadushkut por edhe nga të gjitha ato kërkesa që ka Bashkimi Europian lidhur me çështjen e zgjedhjeve në Shqipëri. Mund t’ju bëj të ditur se Këshilli i Çështjeve të Përgjithshmëve të Bashkimit Europian në diskutimin e fundit që sapo ka bërë në lidhje me Shqipërinë ka kërkuar dhe ka vlerësuar si të domosdoshme jo thjesht si të nevojshme apo si të dëshirueshme që të plotësohen të gjitha rekomandimet e OSBE-së ODIHR-it me zgjedhjet. Ajo që unë dua të theksoj në veçanti është se të gjithë forcat politike pjesëmarrëse u distancuan nga tradita e shëmtuar e komisionit bipartizan të deritanishëm i cili më shumë ka qenë një komsion dy partiak: PS- PD dhe që ka refletuar një mungesë transparence dhe ndershmërie në hartimin e reformës zgjedhore. Mendoj se është hedhur një hap shumë i rëndësishëm përpara në drejtim të rritjes së transparencës dhe të angazhimit të të gjitha forcave politike parlamentare në këtë proçes. Njëkohësisht edhe afati i vendosur që ky Komision të krijohet brenda muajit dhjetor është për t’u përshëndetur pasi në këtë mënyrë do të kemi kohën e duhur që të gjitha reformat të bëhen në kohë në mënyrë që zgjedhjet vendore por edhe ato të përgjithshme të realizojnë standartet e kërkuara.

Deklaratë -Paskal Milo

Unë bashkohem me vlerësimet pozitive për rolin e presidentit të Republikës në inicimin e kësaj tryeze të 12 partive politike parlamentare. Është një risi e presidentit të Republikës dhe në mënyrë të veçantë në rrethanat aktuale ajo merr një rëndësi të veçantë. Për herë të parë u diskutua një çështje e cila është shumë e rëndësishme për të ardhmen e demokracisë në Shqipëri. Mund t’ju them sikurse u shpreh edhe z.Meta që sot është vendosur në mënyrë transparente ngritja e Komisionit Parlamentar për Reformën Zgjedhore dhe për herë të parë është shprehur shumë qartë se nuk do të ketë më komision bipartizan por do të jetë një komision i gjerë me prezencën e 12 partive politike parlamentare.

Kjo jep shanse edhe shpresa që mund të kemi realisht një bashkëpunim efektiv për të realizuar një reformë të thellë dhe të plotë zgjedhore me qëllim që të mbyllet njëherë e mirë kapitulli i zgjedhjeve të dyshimta të diskutueshme dhe të manipuluara që kanë ndodhur shpesh herë në këto 15 vjet të tranzicionit demokratik në Shqipëri. Sigurisht ky është vetëm një hap i parë dhe vullneti politik që u shpreh sot nga partitë politike prezente në tryezën e Presidentit të Republikës do t’u mbetet që tu qëndrojë provave të kohës. Sepse hapi i parë është për një rrugë të gjatë dhe ne ende do të duam në të ardhmen e afërt që të kemi siguri të tjera që dy partitë e mëdha politike do të jenë vërtet transparente dhe do të kenë frymën e bashkëpunimit të prodhuar jo vetëm në një dokument zgjedhor të paanshëm dhe transparent por edhe për një zbatim korrekt të tij në praktikë kur të vijë momenti i zgjedhjeve qofshin ato për zgjedhjet vendore apo ato parlamentare. Ne sikurse u shpreh edhe z.Meta edhe në emër të Partisë Demokracia Sociale do të mbështesim këtë nismë dhe do të jemi pjesëmarrës aktivë për ti dhënë vendit përfundimisht një Kod Zgjedhor të denjë për Shqipërinë e Shekullit 21 për Shqipërinë që pretendon dhe po ecën në rrugën e integrimit në strukturat euro-atlantike.

Pyetje:
A kishte sugjerime paraprake që Presidenti j’u vendosi për mënyrën se si duhej të bëhej reforma apo ranë dakord të gjitha partitë që do të kryhet ky komision në parlament për ta kryer këtë reformë?

Përgjigje:Ilir Meta
Lidhur me çështjet konkrete sigurisht që u shprehën mendime të ndryshme nga përfaqësuesit e forcave politike por nuk ka qenë objektivi dhe detyra e kësaj tryeze për të hyrë në çështje konkrete. Objektivi i tryezës së mbledhur nga Presidenti i Republikës mendoj se është realizuar. Të gjitha forcat politike kanë shprehur vullnetin e tyre politik që reformat të fillojnë menjëherë dhe prandaj Komisioni është nënshkruar nga të gjithë që do të fillojë brenda muajit dhjetor. Dhe kjo është një arritje sepse gjithmonë komisionet për Reformën Zgjedhore janë bërë vetëm në prag të zgjedhjeve gjë që ka dëmtuar cilësinë dhe transparencën e rezultateve të reformave të mëparshme. Për herë të parë është rënë dakord që ky komision mos të ketë frymën PD-PS pavarësisht nga fakti që roli i tyre padyshim është një rol i rëndësishëm dhe nuk duhet konsideruar si një komision bipartizan si komisionet e mëparshme të dështuara por si një komision i gjerë dhe gjithëpërfaqësues parlamentar pra me të gjitha forcat politike. Ky komision rrit transparencën rrit rolin e gjithë forcave politike parlamentare rrit kredibilitetin por edhe cilësinë e reformës zgjedhore që do të iniciohet. Sigurisht që të gjitha partitë në përgjithësi me ndonjë përjashtim të vogël janë distancuar nga problemi kryesor i zgjedhjeve të 3 Korrikut nga fenomeni i Dushkut. Në këtë drejtim do të vlerësoja edhe distancimin e qartë edhe të kryetarit të Partisë Socialiste të zotit Rama çka është një gjë për t’u vlerësuar dhe që ne dëshirojmë që të jetë një qëndrim institucional i vetë Partisë Socialiste. Po kështu pati edhe mendime të tjera për çështje të rëndësishme por mendoj se objektivat e kësaj tryeze të ftuar nga Presidenti i Republikës janë realizuar plotësisht për momentin. Më pas koha do të provojë vullnetin e të gjitha forcave politike lidhur me ecurinë dhe lidhur me ato reforma që duhen bërë e plotësuar në mënyrë të domosdoshme sikurse referon tashmë edhe Këshilli i Çështjeve të Përgjithshme të Bashkimit Europian dhe rekomandimeve të OSBE-së dhe ODIHR-it.

Pyetje 2
Zoti Rama ka deklaruar se LSI është në kërkim të identitetit të saj duke iu referuar kështu përçarjes të fundit pas votimit të ligjit të KLD-së. Cili është komenti juaj në lidhje me këtë deklaratë?

LSI e ka patur identitetin e saj që në fillimet e veta. Janë të tjerë që janë në kërkim të identitetit të tyre dhe mesa duket se vështirë se mund ta gjejnë. Nuk ka rëndësi se çfarë ka thënë zoti Rama për çështje të tjera ne këtu jemi për problemin e zgjedhjeve. Ajo çka unë vlerësova është se zoti Rama si kryetari i Partisë Socialiste e cila theksoj se ka qenë forca politike e cila inicioi Megadushkun në zgjedhjet e fundit u distancua këtë herë nga fenomeni i Dushkut dhe kjo është për ne një gjë shumë pozitive sepse kuptohet që Partia Socialiste ka një rol shumë të rëndëishëm për të luajtur edhe në këtë proçes. Dëshirojmë që ky të mos jetë një qëndrim i tij thjesht personal apo qoftë si kryetar por të jetë një qëndrim i gjithë strukturës dhe forumeve të kësaj force politike. Kjo ka rëndësi për ne. Për çështjet e tjera diskutojmë më vonë.
0x323030352d31322d3037 ”

Kryetari i LSI

Kryetari i LSI z.Ilir Meta sqaron qëndrimin e LSI në votimin për ligjin për ndryshime në KLD Jemi sot përpara të gjithë mediave që dëshirojnë të informohen për qëndrimin e LSI-së për seancën  parlamentare të ditës së djeshme ku u vendos  për disa ndryshime në ligjin për organizimin dhe funksionimin e KLD-së. Duhet të nënvizoj se lufta kundër konfliktit të interesave dhe monopoleve ka qenë dhe mbetet një shtyllë kryesore e gjithë filozofisë programore dhe politike të LSI-së. Kjo ka qenë një nga temat kryesore dhe më të debatuara edhe atëherë kur një pjesë e jona ishte në Partinë Socialiste si dhe kur nga qeverisja e atëhershme refuzohej miratimi i ligjit të konfliktit të interesave. Edhe kur u krijua LSI-ja të parin projektligj që ka paraqitur si forcë e re politike në Kuvendin e Republikës së Shqipërisë ka qënë projektligji për konfliktin e interesave i cili u mënjanua nga mazhoranca e atëhershme. Njëkohësisht ky ka qenë një nga debatet dhe angazhimet tona gjatë fushatës elektorale në të gjithë Shqipërinë. Po kështu ka qenë dhe mbetet një nga angazhimet tona kryesore edhe në këtë parlament edhe në parlamentin e Mega- Dushkut që nga fillimi i funksionimit të tij.

Prandaj që prej dy muajsh LSI-ja në bashkëpunim me PDS dhe në bashkëpunim me shoqërinë civile dhe me Zyrën e Mbrojtjes së Qytetarëve në veçanti kanë paraqitur disa amendime të cilat u aprovuan dje në parlament lidhur me eleminimin e konfliktit të interesave në Këshillin e Lartë të Drejtësisë. Është e vërtetë se nga ana e PD-së iniciativa jonë legjislative për të eleminuar konfliktin e interesave nga KLD-ja u tentua të përdorej në interesin e vet që të deformonte qëllimet tona për të eleminuar konfliktin e interesave dhe për të krijuar hapësira abuzive për uzurpimin politik nga ana e saj të KLD-së. Por kjo gjë dhe të gjitha tentativat e z.Berisha dhe të përfaqësuesve të tij edhe në komisionin parlamentar të ligjeve janë refuzuar nga ana jonë duke u bërë të qartë se ne do të votojmë në parlament vetëm ato ndryshime të cilat kishim inicuar dhe mbështetur që në fillim. Me këtë rast dua të jap një përgjigje atyre që abuzojnë duke dashur të shpërndajnë një tymnajë tërsisht  absurde dhe qesharake dhe të papërgjegjshme lidhur me qëndrimin e LSI-së për këtë çështje dje në parlament.

Të gjithë që janë informuar për këtë çështje por edhe të gjithë ata që nuk e kanë të qartë se për çfarë bëhet fjalë konkretisht dua t’ju evidentoj edhe për një moment problemin në fjalë. KLD-ja është institucioni kryesor i cili ka përgjegjësinë për të kontrolluar gjyqësorin dhe njëkohësisht për të garantuar efektivitetin dhe intigritetin e sistemit gjyqësor dhe të sistemit të drejtësisë në vend. Konflikti i interesave qëndron për vetë faktin se disa prej anëtarve të Këshillit të Lartë të Drejtësisë janë vetëm 3 nga 15 anëtarë të KLD-së kanë një pozitë  të dyfishtë dhe konkretisht të papajtueshme me njëra-tjetrën. Janë gjyqëtarë dhe njëkohësisht janë dhe anëtarë të KLD-së. Pra janë njërëz të cilët kanë të drejtë të emërojnë veten në pozicionin e gjyqtarit dhe njëkohësisht si anëtarë të KLD-së të kontrollojnë dhe të inspektojnë veten e tyre. Ky është konflikti i interesave që ekzistonte deri dje në KLD.

KLD-ja përbëhet nga 15 anëtarë dhe PD sot ka vetëm një votë votën e ministrit të Drejtësisë sikurse dje PS ka pasur një votë brenda KLD-së.
Çfarë do të ndodhë pas votimit të djeshëm? Ajo që do të ndodhë është që këto tre zonja apo zotërinj pasi nuk kam parasysh as se kush janë dhe nuk ka asnjë rëndësi pasi kjo është një zgjedhje parimore dhe tërësisht e domosdoshme dhe e moralshme këta tre duhet të bëjnë një zgjedhje ose të qëndrojnë anëtarë të KLD-së ose të zgjedhin të jenë gyqtarë.

Qëllimi i PD-së ishte për të ngrirë mandatin e tyre dhe kjo ishte diçka e papranueshme për ne. Me ndryshimin e ligjit ata duhen të bëjnë një zgjedhje sepse janë dy pozicione tërsishtë të kundër sepse një njëri nuk mund të emëroi veten dhe njëkohësisht të kontrolloi veten. Vetëm sistem demokratik dhe transparent ky nuk mund të jetë. Pra këta të tre mund të pranojnë që të jene anëtarë të KLD-sëpor atëherë nuk ndodhë asnjë çudi që PD-ja të ngelet vetëm me nje votë në KLD. Por ata mund të mbeten gjyqëtarë atëhere do të zbatohen procedurat demokratike sipas kushtetutës për këtë gjë dhe çfarë do që të ndodhë përsëri përfaqësuesit e PD gjithmonë do të jenë një minorancë në KLD. Pra morali i gjithë votimit të djeshëm është ai moral i cili ka të bëjë me domosdoshmërin e luftës kundër korrupsionit sistemeve të mbyllura okulte që ekzistojnë në Shqipëri. Është pjesë e moralit dhe filozofisë politike të LSI që nga themelimi i saj edhe para themelimit të saj. LSI-ja është një forcë e orientuar mbi parime të shëndetshme dhe mbi qëllimin tërësisht të rëndësishme kombëtare dhe të moralshme. Qëllimi ynë nuk është që të jemi një forcë politike as anti-Nano dhe as një forcë anti-Berisha përkundrazi qëllimi ynë është që të jemi një forcë konstruktive një forcë e cila ndihmon e kontribuon për integrimin evropian të Shqipërisë. Dhe Shqipëria nuk mund të integrohet në Evropë me këtë sistem të korruptuar. Shikoni rekomandimet e BE-së rekomandimet e Komisionit Evropian të delegacionit parlamentar për Evropën Jug-Lindore që zhvilloi takimin ndërparlamentar në Tiranë dhe gjitha çështjet rrahin në rradhë të parë në reformimin e sistemit të drejtësisë.Por edhe çështje të tjera siç është ajo e pronave përsëri kanë të bëjnë me problemet e sistemit të drejtësisë. LSI-ja nuk mund të niset nga motive personale që të mbrojë interesat e tre individeve dhe moralin e konfliktit të interesave përballë mijëra e mijëra shqiptarëve që për vite të tërë enden për gjykata dhe sistemin e drejtësisë dhe nuk marrin asnjëherë drejtësinë që kërkojnë apo që meritojnë. Ne jemi Lëvizja Socialiste për Integrim dhe për të përfaqësuar interesat e shtresat e gjëra shoqërore dhe jo interesat e grupeve të interesit  të cilat nuk kanë kuptuar asgjë nga vota e 3 Korrikut. Dhe nuk kanë nxjerë asnjë përgjegjësi nga vonesat e jashtëzakonshme që i kanë shkaktuar Shqipërisë në drejtim të integrimit Europian.

Pyetje: Cili është reagimi juaj ndaj deklaratës së Majkos se LSI dhe PDS nuk mund të jenë në opozitë pasi ato kanë ushqyer me oksigjen PD-në?

Pergjigje: Ata siç na kanë përjashtuar më parë vazhdojnë të na përjashtojnë edhe tani. Kjo është pjesë e kulturës dhe mentalitetit të tyre përjashtues është njëkohësisht pjesë e verbërisë tyre politike që nuk kanë kuptuar asgjë se çfarë ndodhi në 3 Korrik dhe para tij dhe se çfarë po ndodh edhe sot. Por LSI-ja siç nuk pranoi në fund t’i jepte oksigjen qeverisjes e cila e shndërroi korrupsionin në sistem qeverisës dhe që e zbriti Shqipërinë për 2 vite në dhjetëra vende të klasifikimit botëror përsa e i përketë korrupsionit nuk ka asnjë qëllim dhe detyrim për t’i dhënë oksigjen qeverisë së dështuar të zotit Berisha. Ato ndryshime që u miratua dje nuk janë ndryshime të kërkuara të z.Berisha dhe PD-së por këto janë ndryshime të kërkuar dhe të inicuara nga LSI-ja nga PDS nga shoqëria civile dhe nga zyra për mbrojtjen e qytetarëve. Kështu që votimi i djeshëm nuk ka të bëjë fare me zotin Berisha por është sinjal se morali i konfliktit të interesave në të gjitha institucionet shtetërore duhet të marrë fund njëherë e përgjithmonë. LSI ka qënë e para që ka kundërshtuar përpjekjen e Berishës për të kaluar varësinë e administratës publike dhe reformën e shërbimit civil në varësi të Ministrisë së Brëndshme. Nga PD-ja na është kërkuar që të votojmë pro këtij kalimi i cili kërkon po 84 vota në Kuvend por refuzimi i LSI-së ka qënë i prerë se ne nuk mund t’i japim karakter policor një reforme kaq të rëndësishme dhe kaq të brishtë në vendin tonë dhe që është ende në fillimet e saj siç është reforma për shërbimin civil. LSI—ja nuk voton duke u nisur nga ajo se çfarë thotë Berisha dhe çfarë thonë drejtuesit e Partisë Socialiste dhe se çfarë votojnë ata. Ne kemi një program tonin i cili është bërë publik kemi angazhimet tona i jemi drejtuar elektoratit i cili na ka mbështetur në mënyrë të konsiderueshme dhe do të na mbështesë për shkak të koherencës dhe të integritetit tonë si një forcë politike konstruktive e cila në plan të parë vë interesat e vendit dhe të reformave. Në rast se kanë vendosur të na përjështojnë nga opozita ne na vjen vërtet keqë për ta që kujtojnë që janë pronarë të opozitës në rastë se kanë dëshirë të ballafaqohen në zgjedhet vendore ju e dini që ne nuk i shmangemi sfidave. Nuk i kemi konsideruar presionet e tyre kur ishin në majë të pushtetit dhe jo më sot kur nuk bëjnë do të një konferencë Tirane.

Ne nuk kemi mbyllur asnjë rrugë bashkëpunimi me PS por ai do të jetë mbi baza parimore dhe patneriteti së pari së dyti mbi një moral të ri dhe të shëndetshëm ne nuk mund të harrojmë se nuk na lejon elektorati ynë se PS inicioi Mega Dushkun që është vjedhje mandatesh nga LSI-ja për t’i ndarë partive të tjera që nuk ekzistojnë. Kuptohet që me dikë që të ka vjedhur dhe nuk kërkon as falje dhe nuk pranon të reflektojë është e vështirë të bashkëpunosh. I ftojmë të ndahen nga korrupsioni dhe nga konflikti i interesave nuk është mirë që ky të jetë problemi i tyre si në 3 korrik sepse nuk është aspak e mirë e ardhmja për ta. E dyta i ftoj që të mos provokojnë më LSI-në me editoriale të porositura se do të mbeten opozitë përgjithmonë. E kam fjalën për ata dhe jo për të majtën sepse të majtën ka kush e përfaqëson.
 
Pyetje–Kjo do të thotë që në mbledhjen e tryezës politike të inicuar nga  Presidenti ju nuk do të jeni si bllok i të majtës?

Pergjigje: Presidenti na ka ftuar individualisht dhe ne do të shkojmë në mënyrë individuale. Ne Presidentit ja kemi bërë të qartë platformën që mendojmë dhe domosdoshmërinë që ajo të nisë që tani. Gjithashtu e vlerësojmë aktin e Presidentit sepse ai është treguar i përgjegjshëm sepse u ka dhënë mesazhet e qarta dy forcave të vjetra për të mos aplikuar skemën antikushtetuese për skemën e Mega Dushkut. Ne ftojmë të gjitha forcat politike që të mos e shikojnë reformën e procesit zgjedhor si reformë të së majtës apo të së djathtës. Sepse nuk kemi zgjedhje të majta apo të djathta por kemi zgjedhje të ndershme ose të pandershme 0x323030352d31322d3037