Vasili: Ja si e gënjyen Ambasadorin Soreka, Gjiknuri me shokë (VIDEO)

Nga Petrit Vasili

Ja si e gënjyen Ambasadorin Soreka, Gjiknuri me shokë. (VIDEO).

Dje Soreka deklaronte në Euronews Albania se sot do të mblidhej Këshilli Politik i Reformës Zgjedhore.

Në fakt mblidhej Komisioni i Reformës Zgjedhore, por Rilindja gënjeu dhe u përpoq ta shiste ndryshe për të krijuar konfuzion.

/ In News / By Admin / Comments Off on Vasili: Ja si e gënjyen Ambasadorin Soreka, Gjiknuri me shokë (VIDEO)

REAGIM I LSI, ME ANË NËNKRYETARIT PETRIT VASILI SI ANËTAR I KËSHILLIT POLITIK

REAGIM I LSI, ME ANË NËNKRYETARIT PETRIT VASILI SI ANËTAR I KËSHILLIT POLITIK

Gjiknuri të heqë dorë nga sabotimi i punës së Këshillit Politik.

Propozimet e opozitës janë aty, por janë bllokuar pa asnjë përgjigje nga Gjiknuri dhe Gjiknurët e tjerë të Edi Ramës.

Këshilli Politik duhej të ishte mbledhur me kohë edhe online, por Gjiknuri kujtohet vetëm sot dhe ka përgjegjësi për bllokimin me urdhrin politik të ‘Rilindjes’ të Këshillit Politik.

Gjiknuri të mos vazhdojë të gënjejë më ambasadorët duke ju paraqitur Komisionin e Reformes Zgjedhore si Këshill Politik sepse i bën edhe ata qesharakë në qëndrimet e tyre.
Këshilli Politik nuk është ‘çunat problematikë’ të Gjiknurit.
E dimë që Rilindja kërkon bllokimin e Reformes Zgjedhore dhe logjikën e faktit të kryer për të miratuar një reforme hajdute votash me komisionin dhe parlamentin e karavidheve.
Por ta harrojë një herë e përgjithmone se mund ta bëjë këtë, pasi përgjigja do të ishte aq e fortë sa nuk ja pret mendja.

/ In News / By Admin / Comments Off on REAGIM I LSI, ME ANË NËNKRYETARIT PETRIT VASILI SI ANËTAR I KËSHILLIT POLITIK

Luan Rama: Këshilli i Lartë Gjyqësor, monument i pa amnistueshëm i injorancës në krye të drejtësisë

Zëvendëskryetari i Lëvizjes Socialiste për Integrim, Luan Rama duke marrë shkas nga vendimi i sotëm për Ardian Dvoranin deklaron se Këshilli i Lartë Gjyqësor u shndërrua në monument të pa amnistueshëm të injorancës në krye të drejtësisë.

Përmes rrjeteve sociale, Luan Rama shprehet se anëtarët e KLGJ-së nuk e njohin Kushtëtutën e Shqipërisë, ndaj edhe nuk e zbatojnë atë.

Reagimi i Luan Ramës

Këshilli i Lartë Gjyqësor: MONUMENT I PAAMNISTUESHËM I INJORANCËS NË KRYE TË DREJTËSISË

Ndryshe prej shumë të tjerëve; juristë, publicistë, politologë apo edhe të vetëshpallurve opinionistë, mua nuk më çuditi dhe as më surprizoi vendimi i sotëm i Këshillit të Lartë Gjyqësor, i cili, një çështje që duhej ta zgjidhte vetë, vendosi t’ia delegojë për mendim, praktikisht për vendim, dy shoqatave me statusin e asistentit; EURALIUS-it dhe OPTAD-it.

Me këtë akt të shëmtuar perversiteti profesional e në kundërshtim me atë që urdhëron Kushtetuta e Republikës së Shqipërisë dhe tërësia e korpusit ligjor të reformës në drejtësi, kjo tufë, politikisht e imunizuar për t’u përdorur deri në neveri prej pushtetit me interesa krejtësisht të kundërta prej parimeve mbi të cilat u ideua reforma në drejtësi, vetëm sa na dëshmoi e na dha edhe sot një provë tjetër të mjerimit e vet intelektual dhe të bjerrjes alarmante të skrupujve etikë dhe moralë, në raport me përmbushjen e përgjegjesive kushtetuese!

Nuk ka se përse habitemi!

Mediokriteti intelektual dhe perversiteti profesional janë kriteret që ata kanë zgjedhur të përveçohen!

Dhe janë të vetëmjaftushëm për të na bindur se cilët janë, pa na shtyrë në ngasjen gjithësesi interesante, të analizës atropologjike të kafkave që ju rëndojnë mbi supe, pasi edhe pa qenë specialistë të fushës, mund të marrim edhe vetëm vizualisht informacione të bollshme të cilësisë së tyre intelektuale!

Ata jo se nuk duan, por realisht nuk e njohin Kushtetutën.
Dhe nuk kanë se si ta njohin, për sa kohë nuk dinë të lexojnë, nuk dinë të shikojnë, nuk dinë të flasin!

Këshilli i Lartë Gjyqësor (KLGJ) nuk u bë sot, ai është që prej krijimit, monument i paamnistueshëm i injorancës në krye të drejtësisë.

/ In News / By Admin / Comments Off on Luan Rama: Këshilli i Lartë Gjyqësor, monument i pa amnistueshëm i injorancës në krye të drejtësisë

Erisa Xhixho: Vendimi i KLGJ, dështim i radhës i reformës në drejtësi

Nënkryetarja e LSI-së, Erisa Xhixho shprehet se vendimi i sotëm i Këshillit të Lartë Gjyqësor për çështjen “Dvorani” është një turp i drejtësisë së re.

Në një postim në Facebook, Xhixho shprehet se “detyra e vetme që kishin sot anëtarët e KLGJ ishte të zbatonin nenin 136 të Kushtetutës i cili sanksionon se “ Gjyqtarët e Gjykatës së Lartë kanë një mandat 9 vjeçar, pa te drejtë riemërimi”.

Duke u ndalur në kërkesën për dhënie mendimi nga ekspertët e EURALIUS apo OPTAD, Xhixho shprehet se KLGJ duhet të kishte kërkuar mendimin e Gjykatës Kushtetuese.

Reagimi i plotë i Erisa Xhixhos në Facebook:

“Vendimi i sotëm i KLGJ dështim i radhës i reformës në drejtësi.

Vendimi i Këshillit të Lartë të Drejtësisë sot ishte mesazhi më i keq për qytetarët që besonin ende tek institucionet e reja të drejtësisë tek pavarësia e profesionalizmi .

Detyra e vetme që kishin sot anëtarët e KLGJ ishte të zbatonin nenin 136 të Kushtetutës i cili sanksionon se “ Gjyqtarët e Gjykatës së Lartë kanë një mandat 9 vjeçar, pa te drejtë riemërimi”

Për çfarë arsye kërkohet asistenca e EURALIUS apo OPTAD kur Kushtetuta e Shqipërisë flet qartë dhe nuk lë hapësirë për asnjë interpretim?

Edhe nëse do kërkohej një interpretim kjo mund t’i kërkohej Gjykatës Kushtetuese, prandaj ne ndërtuam drejtësinë e re.

Kjo ndodh pasi KLGj nuk ka pavarësi profesionale nga Rilindja për një vendimmarrje e kjo u pa mjaft qartë. Turp i madh , kjo shmangie vendimarrje e qëllimshme dhe aspak e arsyetuar ligjërisht për gjyqtarin Ardian Dvorani që i ka mbaruar mandati që në 2014 dhe rri në detyrë në mënyrë antikushtetuese kur tashmë prej marsit 2020 kemi 3 anëtarë të rinj nga juristet më të spikatur pjesë të Gjykatës së Lartë”.

/ In News / By Admin / Comments Off on Erisa Xhixho: Vendimi i KLGJ, dështim i radhës i reformës në drejtësi

Këshilli politik, Kryemadhi: Kemi dhënë 5 propozimet tona, presim përgjigje në 2 muaj, 60 mijë shqiptarë humbën punën

Fjala e plotë e Kryetares së LSI-së, Monika Kryemadhi pas takimit me aleatët

Unë e kam thënë dhe do të vazhdoj ta them. Megjithatë është ajo që ne nuk mund të dalim dot jashtë asaj e cila e gjithë infrastruktura ndërkombëtare është përfshirë. Por shqetësimi dhe problemi ynë më i madh nuk është sot distanca sociale që u imponohet shqiptarëve, nuk është distanca sociale që ju imponohet ju gazetarëve. Sot problemi më i madh është ekonomia. Sot që flasim janë 60 mijë shqiptarë që vetëm në 2 muaj kanë humbur vendet e punës. Pra do të thotë që 60 mijë familje kanë më pak ushqim ose nuk kanë fare në tryezat e tyre. Janë shumë më të varfër. Sot janë mbi 1 miliardë e gjysëm euro të cilat janë të humbura nga ekonomia shqiptare, drejtë për së drejti, që nga momenti i shpalljes së paligjshme të gjendjes së jashtëzakonshme e deri më sot dhe që do të jetë akoma dhe më e madhe shuma e humbjes ekonomike.

Ne duhet të kthjellohemi që të gjithë. Duhet të qartësohemi, duke filluar nga i pari kryeministri i Facebook-ut, që të lërë shoë-n e tij mediatik si dhe propagandën. Të dali dhe të krijojë situatën që duhet dhe normalizimin e menjëhershëm. Sepse problemet që kanë shqiptarët, nuk kanë hallin e imazhit të tij, as të xhirove në bulevardet e bashkive, të cilat deri dje i kishte harruar, bashkitë që kanë pasur probleme me tërmetin e 26 nëntorit. Por të kthehet menjëherë në marrjen në dorë të situatës, ose në të kundërt të largohet se ka burra dhe gra shumë më të mire qoftë edhe nga PS për të vazhduar dhe për të ecur në menaxhimin e situatës dhe me realizimin e 15 kushteve të BE.
Znj. Kryemadhi ccfarë prodhoi mbledhja e ditës së sotme?
Bëmë një azhornim të të gjithë situatës, sigurisht që krijuam një axhendë dhe një strategji të punës, të gjithë opozitës sipas pozicionimeve dhe qëndrimeve politike të ccdo partie sepse mos të harrojmë që është një front opozitar i një spektri të ndryshëm politik dhe ajo që është shumë e rëndësishme, përvecc se update-uam shifrat, të dhënat dhe informacionet që kemi secili përsa i përket situatës së pandemisë dhe situatës absurde në të cilën gjendet sot Shqipëria, bën që të vazhdojmë me hapat e mëtejshëm përsa i përket të gjithë axhendës politike të partive të ndryshme nën kuadrin e një axhende opozitare.
Po për reformën zgjedhore? Duke marrë parasysh që nesër është një mbledhje komisioni ndërkohë pritet edhe një takim i Këshillit Politik, cili do të jetë qëndrimi i opozitës?
Duhet të sqarojmë sepse ka një keqinformim, ka një gabim të disa përsonave apo të zedhënësve, apo të instrumentëve politikë. Këshilli Politik nuk mblidhet tani sepse e ka mbaruar funksionin e tij, sepse ana e opozitës ka ccuar 5 propozime dhe po pret reagimin e Parlamentit, pra të komisionit dhe nesër mblidhet komisioni që do të njihet me 5 propozimet e opozitës. Pra ne si opozitë iu kemi ccuar 5 drafte të propozuara për të cilat në njërin nga këto drafte ne jemi darkord që duhet të bierë dakord shumica. Opozita ka qenë gati që në fund të shkurtit, pra 15 marsi ka qenë afati i fundit. Ne kemi qenë gati që në fund të shkurtit me propozimet tona që kemi patur dhe presim reagimin nga pala tjetër.
Sigurisht që çdo zvarritje që vjen nga mazhoranca nuk është e papritshme, ne e presim, ata atë duan që ta zvarrisin sa më shumë. Edhe një sekond më tepër në pushtet Edi Ramës i leverdis sepse thotë, ‘Një firmë për të vjedhur miliona euro me koncensione.’.
Znj. Kryemadhi a nevojitet ndërhyrja e ndërkombëtarëve duke qenë se Z. Gjiknuri ka kërkuar specifikish Ambasadores Yuri Kim ndihmë për mbledhjen e këshillit.
Ambasada Amerikane ka qenë prezente në të gjitha takimet e Këshillit Politik, ka qenë e informuar për të gjitha bisedat dhe takim që janë bërë rreth Reformës Zgjedhore. Unë kam përshtypjen që bashkëbisedimi midis tyre nuk mund të bëjë po themi hamendësime, jam e bindur që Ambasadorja do t’i ketë kërkuar Z. Gjiknuri që të lëvizë shpejt me Reformën Zgjedhore sepse ngërçi kryesor i mosmiratimit të Reformës Zgjedhore ka qenë nga pala e mazhorancës dhe Partisë Socialiste sepse ne si opozitë kemi mbaruar me propozimet tona dhe i kemi dorëzuar ato. Ne për 5 pikat të cilat kanë qenë kushtet e OSBE-ODIHR, ne kemi dhënë për secilën pikë propozimet tona, madje edhe nga 5 propozime. ‘Nuk të pëlqen e para, ke të dytën, nuk të pëlqen e dyta, ke të tretën, nuk të pëlqen e treta, ke të katërtën.’. Tani me thënë të drejtën as kalamajve nuk i’u shkojmë kaq shumë pas avazit me nga 5 dëshira. Partisë Socialiste i kemi dhënë 5 dëshira ne si opozitë.

/ In News / By Admin / Comments Off on Këshilli politik, Kryemadhi: Kemi dhënë 5 propozimet tona, presim përgjigje në 2 muaj, 60 mijë shqiptarë humbën punën

Pojana: 5 Maji është referencë krenarie, është thirrje për të zgjuar vetëdijen kombëtare, është amanet për të ruajtur dhe dashur atdheun!

Anëtari i Kryesisë së LSI-së, Klevi Pojana ka reaguar me anë të një postimi në rrjetin social Facebook me rastin  e 5 majit, Ditës së Dëshmorëve.

Pojana shkruan se ata ranë, për të mos vdekur kurrë… dhe vërtet, kurrë nuk vdesin heronjtë e kombit!

Postimi i plotë:
LAVDI E PËRJETSHME DËSHMORËVE TË ATDHEUT
5 Maj – Pezë, Tiranë
Ata ranë, për të mos vdekur kurrë… dhe vërtet, kurrë nuk vdesin heronjtë e kombit!
Përkujtojmë sot me nderim të gjithë ata që dhanë jetën për Shqipërinë, vepra e tyre na frymëzon!
5 Maji është referencë krenarie, është thirrje për të zgjuar vetëdijen kombëtare, është amanet për të ruajtur dhe dashur atdheun!
Nga Peza, vendi i orgjinës time, krahina martire që i dha Shqipërisë me qindra luftëtar në luftën për çlirim, aty ku prehen dhe të parët e mi që ranë për liri, them me bindje se DËSHMORËT JANË SHQIPËRIA!
R eferencë krenarie, etalon
Unë jam krenar për orgjinën time dhe të parët tanë!
Lufta e tyre për liri, gjaku i dëshmorëve dhe historia fituese e një populli që nuk di ti dorëzohet së keqes ka qënë që në vegjëli arsye krenarie dhe motivim!
Nën shembullin dhe modelin e tyre duhet që të rinjtë e sotshëm të udhëhiqen nga parimet e vlerat kombëtare dhe humane!
  
/ In News / By Admin / Comments Off on Pojana: 5 Maji është referencë krenarie, është thirrje për të zgjuar vetëdijen kombëtare, është amanet për të ruajtur dhe dashur atdheun!

Vasili nxjerr videon: Rama, i vetmi përgjegjës për vendimet e marra që shkatërruan vendin

Nënkryetari i LSI-së, Petrit Vasili deklaron se Edi Rama është i vetmi përgjegjës për vendimet e marra që shkatërruan vendin në këtë kohë pandemie.

Vaslili ka publikuar videon e mjekut Pëllumb Pipero, i cili u pyet nga gazetari Çim Peka për emrin e drejtuesit të Komitetit të Ekspertëve, që sipas Edi Ramës, është ky komitet që vendos për lehtësimin apo shtrëngimin e masave kundër përhapjes së koronavirusit. Por Pipero u shpreh se nuk i takon atij të flasë me emra.

Postimi i plotë i Vasilit në Facebook

Vetëm Edi Rama i ka marrë vendimet dhe jo ekspertët!!

Në 29 prill kam thënë ne REAL STORY i intervistuar nga gazetari Sokol Balla:

“Ç’të them kur akoma edhe sot që flasim nuk dimë përbërjen e grupit të ekspertëve të komitetit për COVID 19 dhe kush është Kryetari i grupit të ekspertëve. Ti nuk e ke as Kryetarin dhe as grupin? Minimumi do kishte dalë emri i Kryetarit. Ky komitet që ndihmon në vendimmarrje, ti vetë si gazetar s’ke as edhe një raport të grupit të ekspertëve mbi bazë të të cilit qeveria merr vendime. Ky është një sakatllëk”.

Shiheni VIDEON dhe binduni që i vetmi pergjegjes për vendimet e marra që shkatërruan vendin është Edi Rama.

Ekspertët nuk i ka begenisur fare as që t’i degjojë xhagajduri në krye të qeverisë që qeveris nga FB.

/ In News / By Admin / Comments Off on Vasili nxjerr videon: Rama, i vetmi përgjegjës për vendimet e marra që shkatërruan vendin

‘Ekonomia është kryesore’, Kryemadhi: Nëse LSI do ishte në pushtet do kishte kthyer 260 mln eurot e koncesioneve, dhe një testim për cdo familje

Kryetarja e LSI-së, Monika Kryemadhi e ftuar në emisionin Open të Eni Vasilit u shpreh se  ekonomia është kryesorja sepse shëndetësisë nuk kemi çfarë t’i diskutojmë,shëndetësinë ne e kemi me Kushtetutë, që të na mbrojë shteti

Nëse LSI do të ishte në pushtet Karlo e para, nuk do të kishte bërë koncensione dhe do t’i kishte kthyer prapa të gjitha dhe ato 260 milionë euro që pagoi koncensionet, do të kishte blerë tamponë. Janë 1 milionë e 300 mijë kontrata energjie elektrike, pra me gjithë bizneset. Që do të thotë se nuk janë më shumë se 700 mijë familje apo ja maksimumi 800 mijë familje, 1 testim për familje në mënyrë të tillë për tu evidentuar. Nuk do të kushtonte tamponi që t’ua bëjë të gjithë shqiptarëve. Në themi kemi 50 njoftime në ditë nga Kryeministri në Facebook, ndërsa Gjermania bënte 50 mijë testime në ditë. Pra çfarë do të thotë? Për mua, gjëja e parë që duhej të bënte qeveria dhe do ta kishte mbyllur këtë situatë sepse qeveria do të ketë problem… tha edhe Z. Siamini, fasonët kanë 70 mijë punonjës të cilët sot janë të pa punë por mos të harrojmë pasojat që do të kenë fasonët më sezonin e verës që kanë qepur, dhe me sezonin e dimrit që do të vijë. Mos të harrojmë tjetër edhe të gjitha problematikat e pagës së luftës, e cila edhe ajo është një hesap tjetër më vete…
Vasili: U rikthyem përsëri të ekonomia. E bëjmë një herë tjëtër.
Kryemadhi: Po ekonomia është kryesorja sepse shëndetësisë nuk kemi çfarë t’i diskutojmë ne. Shëndetësinë ne e kemi me Kushtetutë, që të na mbrojë shteti.

/ In News / By Admin / Comments Off on ‘Ekonomia është kryesore’, Kryemadhi: Nëse LSI do ishte në pushtet do kishte kthyer 260 mln eurot e koncesioneve, dhe një testim për cdo familje

Kryemadhi: Në korrik Shqipëria do të diskutojë çështjen e bukës, duhet një task forcë dhe vendim kombëtar për situatën

Kryetarja e LSI-së, Monika Kryemadhi e ftuar në emisionin Open të Eni Vasilit u shpreh se  duhet një plan për të rimëkëmbur ekonominë e dëmtuar nga pandemia e koronavirusit.

“Unë për shembull e kam kërkuar, vazhdoj ta kërkoj dhe jam gjithmonë partizane që të kishte një koncension më pak të qeverisë dhe të testohej çdo familje, pra 1 në familje për sa i përket koronavirusit, në mënyrë të tillë që të bëhej e mundur lëvizja e njerëzve dhe menaxhimi për evidentimin e vatrës së qartë të koronavirusit. E dyta, për sa i përket ekonomisë, ajo që thotë zoti Sejamini është shumë e vërtetë. Patëm një lloj shprese dhe u gëzuam kur u bë konferenca e donatorëve, që ishte me 17 shkurt, që në fakt nuk ishte konferencë e donatorëve, por ndodhi tjetër për tjetër. Sepse kjo ndikoi që të gjithë donatorët të tërhiqen, e cila do të ishte një pjesë e cila do ta ndihmonte ekonominë shqiptare për çështjen e tërmetit. Të mos harrojmë që edhe sot e kësaj dite të gjitha familjet që kanë humbur shtëpitë që nga nëntori vazhdojnë dhe jetojnë në çadër dhe kanë edhe probleme të tjera shumë të mëdha. Dhe kjo është një nga arsyet që ne kemi thënë gjithmonë që duhet një plan, një task forcë po themi pa parti politike. Pse e themi këtë pa parti politike. Sepse duam apo nuk duam ne, na pëlqen apo nuk na pëlqen nëse unë do kërkoj diccka, të parët ju që jeni këtu do thoni, ti e thua nga inati se je në opozitë. Po ta thotë dikush tjetër, he se ti e thua se je në pushtet dhe ke hallin si të fitosh për vete. Kjo gjë nuk bëhet më kështu prandaj dhe unë ka 3 vjet që them, që kjo gjë kërkon një vendim kombëtar dhe vendimi kombëtar nuk ka të bëjë as me interesat e Eni Vasilit, as të bizneseve, as të oligarkëeve as të Kryeministrit. Kjo punë ka të bëjë me interesat e një vendi sepse në fund të ditës po të shikoni dhe një hartë që është shpërndarë para disa ditësh nga Banka Botërore apo nga FMN dhe nga disa institucione ekonomike, Shqipëria hyn te zona e kuqe e cila pas muajit korrik do diskutojë çështjen e bukës. A do kemi mundësi për të furnizuar me ushqim popullatën, sic janë dhe disa vende të tjera. Ky është një nga problemet më të mëdha. Në një farë mënyre duhen lënë jashtë në një moment po themi interesat tona politike. Pse e them interesat tona politike. Cfarë do që të duam ne të organizojmë sot, asnjë institucion nuk është i gatshëm të përgjigjet po themi ngjarjes së rastit të datës apo momentit që ndodh. Sot e vetmja gjë që kërkohet për mendimin tim është pra, se më sollën fotografinë e komitetit me specialistët që ishte ministria me disa mjeke, nuk kishte asnjë tjetër, nuk ia vlen dmth që të merremi më me komitetin. Ajo kërkon që të mblidhen ekspertët e ekonomisë. Unë nuk jam eksperte ekonomie, unë kam për detyrë që të transmetojë mediatikisht dhe politikisht atë mesazh të atyre njerëzve dhe atyre qytetarëve që unë takoj, komunikoj që janë mbështetës të mi, që janë kundërshtarët e mi, për shkak të politikave, kur LSI ka mund të ketë qenë në qeveri ka bërë një gjë, ose që janë suportues të fortë të LSI.”-u shpreh Kryemadhi

/ In News / By Admin / Comments Off on Kryemadhi: Në korrik Shqipëria do të diskutojë çështjen e bukës, duhet një task forcë dhe vendim kombëtar për situatën

Vasili: Përfundimisht ose kurbë e sheshtë dhe masat duhet të hiqen ose të bëhen publike të vërtetat!

Deklarata për mediat e Nënkryetarit të LSI-së, Petrit Vasili

Të nderuar qytetarë dhe qytetare, bëhen plot 8 javë nga 8 marsi, që Shqipëria është mbërthyer në darën e kufizimeve të mëdha, të lirive të veta personale, të lirive të të bërit biznes dhe të mjaft lirive dhe oportuniteteve të tjera. Sigurisht është momenti sot i duhur për të thënë qartë e prerë, se ç’ndodhi në Shqipëri në këto 8 javë, cilat qenë të vertetat mbi këto 8 javë, çfarë u fsheh në këto 8 javë dhe çfarë u bë në dëm të popullit në këto 8 javë. Ju keni dëgjuar rëndom nga Kryeministri por dhe nga disa profesionistë me status moral dhe profesional sigurisht të kompromentuar rëndë që Shqipëria çuditërisht nga çdo vend tjetër i botës pati një ecuri të sëmundjes sipas një kurbe të sheshtë.

Të nderuar qyterarë, secili nga ju duhet ta ketë shumë të qartë që fjala kurbë dhe e sheshtë është një turp konceptual, është një tallje me qytetarërt. Kurba është një lakore pra do të thotë kjo që ju shikoni këtu. Kjo është kurba, ndërsa e shështë do të thotë një gjë e sheshtë. Mali është mal dhe fusha është fushë. Sipas kryeministrit dhe ca që rrinë prapa tij, ndryshe nga çdo vend tjetër Shqipëria e paska pasur sjelljen e virusit fushë. Nuk kemi pasur virus tjetër. Ka rënë i njëjti Covid-19 si në të gjithë botën, Europën, globin e çfarë të doni.

Është fare e qartë që ky është një spekulim i jashtëzakonshëm dhe i patolerueshëm, megjithatë pyetja që do bëjë çdo qytetar dhe unë në emër të qytetarëve bëj këtë pyetje. Në rast se kjo kurbë qenka gjithmonë e sheshtë cili qenka efekti i masave të ndërmarra për 8 javë rresht? Pra në një situatë që as ngrihet as ulet po ka të njëjtat luhatje ç’vlerë dhe ç’kuptim patën masat. Në llogari të kujt vajtën masat, kujt i shërbyen ato? Se qyterarëve dhe pandemisë nuk i shërbyen kjo është e qartë. Pasi një kurbë e sheshtë do të thotë që masat as e ngrenë dhe as e ulin. Pra efekti i masave është në kufijtë e asgjësë. Por çfarë ishtë kjo situatë dhe a mund të kemi kurbë të sheshtë? Sigurisht që jo!

Këtë situatë e sjellin testimet shumë të pakta, minimale, arbitrare. Janë kryer 8 mijë e ca testime në harkun e më shumë se 90 e ca ditëve me një mesatare ditore, më e ulëta që mund të ekzistojë, por më e keqja është që nuk demonstron realitetin. Perkthyer ndryshe, qindra qytetarë të cilët e kalojnë koronavirusin, nuk e dinë që e kalojnë, ia transmetojnë të tjerëve të cilët as ata nuk e dinë që iu është transmetuar pra një situatë jashtë kontrolli. Kjo nuk është strategji. Kjo është zero strategji. Kjo është të dalë ku të dalë, nuk ka të bëjë me asnjë planifikim, as shkencor, aq më pak teknik dhe aq më pak që lidhet me pandeminë dhe me hapat e drejtpërdrejta që lidhen me të. Sot shqiptarët kanë mundësi pafund të ndjekin median lart e poshtë në botë, sepse këtë mundësi të paktën nuk ua ka kufizuar njëri. Sigurisht unë besoj që kryeministri do donte shumë që të ndalohej dhe radio dhe facebooku, patjetër të ktheheshim në ato ditë kur e diela si kjo e sotmja ka qenë si në kohën e Partisë së Punës, ku sigurisht kishte vetëm Radio Tiranën dhe Televizionin Shqiptar dhe asnjë mundësi tjetër në botë, po këto mundësi sot janë pa fund.

Shqiptarët nuk munden dhe nuk kanë për ta kuptuar dot asnjëherë masat kufizuese që ishin prodhim i neurozës politike të kryeministrit. Neuroza politik e kryeministrit çfarë prodhoi? Që të jemi të qartë me njërit tjetrin, prodhoi kufizime deri në orën 13:00, pra shqiptarëve duhet ti rrënjosej mendimi që deri në orën 13:00, pastaj në 17:30, pra deri në këtë orë virusi është i pa rrezikshëm, po çuditërisht virusi u bëka i rrezikshëm pas orës 1 të drekës apo sot pas orës 5 e gjysmë të masdites, po ka logjike shkencore që e bazon këtë?

Po pse të gjithë vendet e Evropës pa përjashtim mbajtën të gjitha shërbimet bazike, shërbimet për ushqime, artikujt ushqimor, farmacitë i mbajti 24 orë hapur, pikërisht për të evituar dendësimet, Shqipëria bëri të kundërtën, i mbylli farmacitë, i mbylli dyqanet me artikuj ushqimorë, po nuk mbylli ndërtimin, fadromat e ndërtimit vazhdonin, vazhdonin fadromat e oligarkëve, këto ishin kufizimet? Kufizime do të thotë kufizime drastike, çdo njeri dhe çdo komunitet punonjësish është një potencial i fortë infeksioz, për të mos mbështetur fasoneritë i lanë hapur, duke i kthyer në vatra për tu transmetuar Covidi, çfarë duhet të kishin bërë? Duhet ti kishin mbyllur në çast dhe të kishin bërë paketën e ndihmës për ta, për ti mbajtur në këmbë në mënyrë që këta njerëz të mos kërcënoheshin nga uria, por përkundrazi shpikën regjimin e dyfishtë, ju tjerët brenda, ju tjerët që duheni do rrini përjashta, me ca të shpëtojmë nga fatura që duhet të marrim përsipër, ca tjerëve ti hapim mundësi që miliardat të ecin. Sigurisht që njerëzit nuk munden dhe nuk kanë si ta kuptojnë që pse deri të premten virusi është i padëmshëm dhe të shtunë e të dielë shprehja emblematike e kryeministrit të gjithë brenda në shtëpi, ç’është ky që mbyll njerëzit brenda, ky inkuizitor i lirive dhe inkuizitor i shkencës, shkenca nuk e thotë këtë, shkenca thotë kufizime 24 orëshe proporcionale që radhojnë dendësimin e popullsisë, jo krijojnë mundësinë e dendësimit sepse njerëzit me shume të drejtë në panikun që do të mbyllen 60 orë brenda do të dendësoheshin dhe do të ndodhi dhe po ndodh dhe në këtë moment që po flasim bashkë, në kamerat e televizioneve shikohen plot njerëz që janë nga 4, nga 5 bashkë sepse shqiptarët e kanë dhënë përgjigjen nuk e besojnë këtë situatë, kjo është një situatë thjesht dhe vetëm e një neuroze politike e kryeministrit për të shtyrë hallet dhe ditët politike të tija.

Sigurisht që gjithë kjo zhurmë dhe gjithë këto kufizime u bënë vetëm më një qëllim për të fshehur mungesën e plotë të përgatitjes për pandeminë, fillimi zyrtar i pandemisë të pranojmë atë që thotë qeveria më 8 mars, i gjeti pa rezerva me teste të cilat filluan të prokuroheshin javë më vonë, i gjeti pa rezerva me mjete mbrojtëse për personelin shëndetësor, gjeti një pjesë dërrmuese të personelit shëndetësor jashtë betejës siç është mjeku i familjes, i cili do të kishte qenë një lehtësues shumë i madh dhe përqendrimin e çmendur antishkencor të një telefonate të vetme të fluksit kombëtar e të gjithë të gjithë interesimin dhe shqetësimit të qytetarëve.
Mbyllja e kufinjve ndodhi ditë më vonë pasi pandemia u shfaq dhe gjendja e fatkeqësisë natyrore pra situata që po pushtohej vendi sipas qeverisë u shpall 2 javë e gjysëm më vonë me kërkesën insistuese të opozitës e cila është masë proporcioanle për një situatë të caktuar dhe e shtrirë në kohë të caktuar për disa javë pra që nuk shkon më shumë se 4 javë.
Sot ka ardhur koha që të ndajmë njëherë e mirë atë që quhet qeveri abuzive e cila shpërdoron pushtetin dhe antiligjin që ka vendosur në anën e saj në dëm të qytetarëve, është shumë e qartë dhe po iua them dhe publikisht në qoftë se pranoni kurbën e sheshtë dhe vazhdoni t’i qëndroni kësaj largoni kufizimet.

Kurbë të sheshtë dhe kufizime nuk mund të bashkëjetojnë me njëra tjetrën.
Në rast se keni të dhëna të tjera, në rast se keni fakte të tjera, në rast se ekzaminime të tjera të cilat nuk doni që t’i bëni publike është momenti që t’i bëni publike dhe të justifikoni kufizimet me të cilat mbahen shqiptarët prej 8 javësh, sot bëhen 8 javë plot.
8 javë të cilat nuk kanë shërbyer për asgjë për të thënë kryeministri rrofsha unë, thotë unë kam bërë shumë mirë, unë ka gjetur strategjinë e duhur ndërkohë që u bindët të nderuar qytetarë që kjo ka qenë një 0 strategji pasi kurba e sheshtë dhe kufizimet janë gjëra që përjashtojnë njëra tjetrën.
Në rast se do të kishin ngjitje masat do të ndikonin që të kishim ulje dhe në rast se kemi të njëjtën gjë masat nuk kanë shërbyer për asgjë.
Kanë shërbyer vetëm e vetëm për të mbyllur gojët, për t’iu imponuar qytetarëve që mos të kërkojnë hesap për mosmarrjen e masave dhe e kanë bërë pikërisht për të shuar të vërtetat e mëdha.
Përfundimisht o kurbë e sheshtë dhe masat duhet të hiqen ose të bëhen publike të vërtetat që justifikojnë 8 javët dramatike, tragjike, shumë të rënda të cilat kanë krijuar premisat e dy pandemive që shoqërojnë këtë vend.
Pandemisë ekonomike e cila ka filluar të japi efektet e veta shkatërrimtare ku mijëra njerëz humbasin vendet e punës dhe pandemisë shëndetësore ku mijëra të sëmurë kronikë përshkak të ç rregullimit dhe keq menaxhimit të gjithë kësaj pandemie në mënyrën më të ç’organizuar dhe më antishkencore po përballen me lënie pas dore dhe spitalet dhe strukturat spitalore nuk iu përgjigjen dhe me një sistem primar i cili nuk u përgjigjet në kohë pasi është pushtuar nga antistrategjia për Covidin duke krijuar po ashtu premisat e një pandemie të sëmundjeve kronike më të rëndë dhe më vrastare, shumë herë më të rëndë dhe vrastare se sa Covid19.
Pra të nderuar qytetarë do të vazhdojmë të jemi vigjilent dhe të ndajmë me ju qartësisht të vërtetat dhe duke i ndarë ato nga shpërdorimi dhe përdorimi politik i atyre që për ca ditë më shumë në pushtet mund të sakrifikojnë çdo gjë dhe përfshirë këtu dhe jetën tuaj.
Faleminderit të nderuar qytetarë.

/ In News / By Admin / Comments Off on Vasili: Përfundimisht ose kurbë e sheshtë dhe masat duhet të hiqen ose të bëhen publike të vërtetat!