Konferenca e plotë e zbardhur e Kryetarit të LSI

Konferenca e plotë e zbardhur e Kryetarit të LSI z.Ilir Meta të PDS-së z.Paskal Milo dhe të PAD z.Neritan Ceka Siç jeni në dijeni me vendimin Nr.8 dt.20.10.2005 Kuvendi i Shqipërisë miratoi ngritjen e Komisionit Hetimor për zbatimin e legjislacionit në përgatitjen dhe zhvillimin e procesit zgjedhor  të datës 3 korrik 2005. Në objektin e hetimit të këtij Komisioni parashikohej shprehimisht se ky Komision do të hetonte zbatimin e dispozitave të Kodit Zgjedhor dhe akteve të dala në zbatim të tij në lidhje me procesin e numerimit të votave për partitë politike dhe koalicionet nga Grupet e Numërimit të Votave si dhe pasqyrimin e tabelave të rezultateve të grupeve të numërimit në procesverbalin përfundimtar të hartuar nga Komisonet Zonale Zgjedhore. LSIPDS dhe AD nëpërmjet  anëtarëve të tyre në këtë Komision që në fillim të punës janë shprehur qartë dhe prerë që ky Komision do të realizonte detyrën e ngarkuar nga Kuvendi i Shqipëris vetëm nëpërmjet hapjes së kutive të votimit për tu treguar shqiptarëve se si u numërua dhe u llogarit vota e tyre e 3 korrikut.PD dhe PS shfaqën hapur mungesën e vullnetit politik për t’i shkuar deri në fund hetimit të kësaj çështje pasi ato penguan qëllimisht zbardhjen e së vërtetës e vërtetë që ndodhet në kutite e votimit. Nga krahasimi i rezultateve të tabelave të plotësuara nga Grupet e Numërimit të Votave me tabelën përfundimtare të plotësuar nga KZZ rezultojnë se ka mospërputhje të rezultatit dhe diferenca të theksuara. PRPSDPDR dhe PAA satelite të dy partive PS dhe PD në mënyrë haptazi të kundraligjshme në tabelat përfundimtare të plotësuara nga KZZ kanë një rezultat shumë herë më të madh se sa në të vërtetë për shkak se komisioneret militantë të dy partive PS dhe PD kanë falsifikuar hapur këto tabela duke u shtuar këtyre partive një numër të konsiderueshëm votash të cilat vetëm për 31 zona elektorale shkon në 15 mijë vota më tepër dhe në realitet këto falsifikime të rezultateve konstatohen në 89 zona zgjedhore. Këtë fakt të vërtetuar tashmë me prova të pakundërshtueshme e pohoi  para këij Komisioni Kryetari i KQZ z.Ilirian Celibashi i cili pranoi se tabelat e rezultateve për partitë politike të plotësuara nga KZZ janë të falsifikuara dhe rezultatet që ato pasqyrojnë janë jo të vërteta dhe fictive gjë që pasqyrohet edhe në Buletinin e Zgjedhjeve të botuar nga KQZ. Kjo deklaratë e bërë nga Kryetari i KQZ para Komisonit Hetimor e bëri të domosdoshme hapjen e kutive të votimit dhe numërimin e votave të tyre.
Në mbledhjen e djeshme të këtij Komsioni n/kryetari i tij Z.Bujar Nishani dhe përfaqsuesi i PR në këtë Komision kundërshtuan në mënyrë kategorike detyrimin dhe kërkesën tonë për hapjen e kutive të votimit dhe kërcenuan në mënyre të hapur arrogante anëtarët e këtij Komisioni dhe administratën e tij duke shprehur në këtë mënyre vullnetin politik të PD që kutite e votimit të mos hapen duke penguar në këtë mënyrë zbardhjen e krimit elektoral të 3 korrikut. Kjo tregon edhe njëherë se PD vazhdon në rrugën e saj të pregatitjes së manipulimit të madh të zgjedhjeve të tipit të 26 majit për zgjedhjet e ardhshme të pushtetit vendor duke u dhënë garanci komisionereve të tyre të ecin në rrugën e manipulimit. Të ndodhur para kësaj situate kur afati i punës së këtij Komisioni përfundon sot partite tona i drejtohen opinionin të gjerë si dhe Kuvendit të Shqipërisë që të shtyjë afatin e punës së këtij Komsioni me qëllim hapjen e kutive të votimit. Dorëheqjen e anetarëve të  KQZ duke qënë se ata me vendim përfundimtar shpallen rezulat të falsifikuar në proporcional.
 
 
Pyetje
 
Fakti se ju gjendeni sot të tri partitë së bashku mos do të thotë edhe bashkëpunim ndërparlamentar i juaji?
 
Neritan Ceka:
 
Prej kohësh ne jemi pjesëtarë të një aksioni politik i cili ka si synim që ti qëndrojë besnik Kushtetutës të ndërtojë institucione të qëndrueshme si dhe të kundërshtojë polarizimin e skajshëm i cili ka këtë rezultat: 50 mijë vota janë falsifikuar nga dy partitë e mëdha me qëllim që të deformojnë tërë imazhin e politikës shqiptare edhe në parlament. Mendoni se sa vota janë falsifikuar në kutitë e votimit. Këtu duhet të kuptoni se përse Partia Demokratike
Veçanërisht po mundohet që të mos hapen kutitë e votimit. E përsëris edhe njëherë që synimi jonë është që të jemi besnik ndaj Kushtetutës të jemi anëtarë të një aksioni veprimi politik i cili do të vazhdojë edhe në të ardhmen. Çështjet e formave nuk kanë ndonjë rëndësi të madhe besoj se prezenca jonë është kuptimplotë. Përsa u takon synimit të partive tona unë them se jemi përpara një politike të ndryshme nga ajo përpara 3 korrikut. Pra është një politikë që synon daljen nga klientelizmin pavarësisht rezultateve të deformuara. Kjo u shpreh jo vetëm në një aksion të përbashkët që ishte shumë rezultativ për kthimin e ligjit për financimin e partive politike por ne do ta çojmë këtë bashkëpunim deri në fund edhe përsa i përket pjesëmarrjes në komision me të drejta të barabarta në komisionin për reformën elektorale. Do të ketë edhe veprime të tjera që kalojnë edhe tre partitë tona. Keni parë se një bashkëpunim i tillë ndodh edhe me partitë përcaktuese edhe në pjesën e krahut të djathtë. Shpresoj që të jetë kuptuar se nuk bëhet fjalë për lëvizje kundër dikujt por është një lëvizje “për diçka”. Kjo është ajo çka na bashkon me LSI dhe PDS në këtë veprim të përbashkët politik.
 
 
Pyetje
 
I kërkoni Kuvendit që të shtyjë afatin e punës së këtij komisioni në fakt do të ketë një tendencë për të bashkëpunuar me grupet parlamentare brenda opozitës për të arritur një gjë të tillë ?
 
Ilir Meta:
 
Sikurse Profesor Ceka e bëri të qartë vetë shtyrja e punimeve të komisionit hetimor qëllimisht për një kohë të gjatë ka pasur si qëllim që të vihet komisioni para një fakti të kryer. Pikërisht në momentin më të rëndëishëm atë të hetimit konrekt të krimit që ka ndodhur në zgjedhjet elektorale ky komision të pushojë së funksionuari me pretekstin e procedurave të kuvendit. Në këtë drejtim ne jemi të hapur për bashkëpunim me të gjithë për problemin e zgjedhjeve. Mendoj se ne kemi qënë të hapur për të bashkëpunuar edhe me PS edhe me PD dhe me të gjithë partitë e tjera që komisioni të realizojë qëllimin e tij. Dhe qëllimi i komisionit ka qenë që të evidentojë pikërisht falsifikimet dhe manipulimet e zgjedhjeve. Dhe në rast se komisioni këtë gjë e ariti me sukses falë vendosmërisë të anëtarëve tanë në këtë komision përsa i takon falsifikimit zyrtar në buletinin zyrtar të KQZ-së në 89 zona elektorale nga 100 gjithësej (kjo është e dukshme tërësisht evidente dhe u pranua nga kryetari i KQZ-së) pikërisht PD ofron pengesë për hapjen e kutive të votimit sepse i tmerron krimi që ndodhet në kutitë e votimit dhe pa frikë i quaj kutitë e krimit elektoral. Është një krim i cili u ka mohuar u ka përçudnuar votën qytetarëve shqiptarë dhe përfaqësimin e tyre në kuvendin aktual.
Ne jemi të hapur të bashkëpunojmë me të gjitha partitë të cilat duan që ky komision të zbatojë ato qëllime që i takon vetes. Pra të evidentojë të gjitha shkeljet falsifikimet dhe manipulimet dhe mbi të gjitha në bazë të saj të çojë para përgjegjësisë penale të gjithë personat që kanë marrë pjesë në këtë krim të gjithë komisionerët e PD-së PS-së apo kushdo qoftë nga të gjitha nivelet. Ndaj ne do të vazhdojmë të këmbëngulim në të këtë drejtim.
Duket qartë se PD dhe përfaqësuesit e saj janë pengesa kryesore për hapjen e kutive dhe për zbardhjen e këtij krimi. Në rast se ata do të insistojnë deri në fund atëherë të gjithë ne kemi të drejtë jo vetëm të dyshojmë por edhe të jemi të shqetësuar-se pavarësisht justifikimit që ata i bëjnë pjesëmarrjes së tyre në Megadushk dhe në proçesin e falsifikimit të zgjedhjeve pasi procesi u iniciua nga PS- kjo forcë politike me ardhjen në pushtet po synon të përdorë pushtetin dhe maxhorancën jo vetëm për të mbuluar një krim elektoral që ka ndodhur më 3 korrik por edhe për të përgatitur krime të tjera elektorale. Nuk e kemi shuar nga kujtesa jonë hapjen e kutisë së Pandorës në drejtim të manipulimit dhe tjetërsimit të zgjedhjeve që ishte 26 Maji i 1996. Ndaj Z. Berisha nëse dëshiron që të jetë koherent me deklarimin e tij në mbrëmjen e 3 korrikut që PD pavarsisht se fitoi në kushtet e zgjedhjeve të pandershme pra përsëri kishte si qëllim të saj kryesor që të realizojë zgjedhje të ndershme dhe të lira në Shqipëri. Dhe që të gjithë ne të gjithë shqiptarët të kenë garanci për këtë gjë ai nuk duhet duhet të urdhërojë bllokimin e hapjes së kutive të votimit.
Në konfigurimin tuaj parlamentar tashmë qëndrimet tuaja politike do jenë të bashkuar apo të ndryshme?
Ne kemi dalë para medias për një proçes që nuk ka rëndësi jo vetëm për tre forcat politike që ne përfaqësojmë por ka rëndësi për të gjithë vendin për legjitimitetin e institucioneve i cili është dhunuar dhe që ne nuk duam që të përsëritet më.
Përsa i takon bashkëpunimit tonë ne do të synojmë të bashkëpunojmë për çdo gjë që është në interes të zhvillimit dhe konsolidimit të demokracisë në vend. Çështja e zgjedhjeve është problemi kryesor çështja e respektimit të institucioneve është pa asnjë diskutim një nga synimet tona kryesore. Pavarësisht nga rotacioni i partive në pushtet ne jemi të interesuar që kollonat e këtij shteti të mos minohen por të forcohen dhe të kenë vazhdimësi. Dhe është pa asnjë diskutim një sfidë e madhe për ne dhe për gjithë shqiptarët që t’i japim fund polarizimit ekstrem polarizimit të sforcuar polarizimit të manipuluar sepse nuk është më real ky lloj polarizimi PS-PD që nxisin krerët dhe politikat ekstreme dhe konfliktuale të këtyre dy partive të vjetra. Sepse nga polarizimi ekstrem nuk fiton demokracia nuk fiton argumenti nuk fiton arësyeja nuk fiton rotacioni paqësor dhe demokratik. Nga polarizimi ekstrem Shqipëria mund të ketë ngjarje si ato të 97 të cilat në fund të fundit i paguan të gjithë shqiptarët- jo vetëm me pasurinë por edhe me jetën e tyre- do të ketë ngjarje si ato të 14 shtatorit do të ketë ngjarje të cilat godasin demokracinë dhe stabilitetin e vendit. Ndaj ne jemi të angazhuar për të bashkëpunuar midis forcave tona politike që t’i japim frymarrje demokracisë që ta çlirojmë demokracinë dhe shqiptarët nga mankthi i sherreve i kacafytjeve por edhe i pazareve të fëlliqura PS-PD.
Nga 100 zona 89 janë falsifikuar në mënyrë zyrtare dhe janë të botuara në buletinin zyrtar të KQZ. Nuk ka më fare rëndësi aspekti formal i organizimit tonë në Kuvendin e Shqipërisë. Ajo që dua të theksoj është se ne kemi përshëndetur nënshkrimin e djeshëm paraprak të tekstit të Marrëveshjes së Stabilizim Asocimit të Shqipërisë me BE-në pavarsisht që e kemi theksuar që më 3 korrik se Shqipëria nuk ka arritur një nga standartet më domosdoshme dhe më elementare pra atë të zgjedhjeve të ndershme. Me këtë rast i kërkojmë edhe njëherë qeverisë aktuale që ta marrë seriozisht problemin e zgjedhjeve sepse ne nuk duam që të dëmtohet procesi i integrimit të vendit. Së dyti gjej rastin për të denoncuar përpjekjet tinzare të qeverisë së Z.Berisha që pikrisht dje kur u nënshkrua përfundimi i tekstit të Marrëveshjes së Stabilizim-Asoocimit midis Shqipërisë dhe Bashkimit Europian menjëherë pas një ngjare të rëndësishme por shumë shumë të vonuar- ndërmerr inisiativa që kanë si qëllim kontrollin e institucioneve të pavaruara siç është edhe problemi i mediave në vend. Pra mesazhe të tilla që jep Bashkimi Europian për të afruar Shqipërinë nuk duhet të shpërdorohen për të kaluar në revansh për përqëndrim pushtetesh të pavarura dhe demokratike dhe aq më keq për të mbyllur kutitë e krimit të 3 korrikut.
 
Deklarata e Milos
Ky bashkëpunim institucional politik i tre partive parlamentare është një zhvillim i ri politik. Ai duhet konsideruar i tillë por gjithnjë në funksion të zhvillimit demokratik në Shqipëri dhe të mbrojtjes së të ardhmes demokratike europiane të Shqipërisë nga ekstremizimi politik

Konferencë shtypi e Kryetarit të LSI-së z.Ilir Meta në degën e LSI në Durrës

Konferencë shtypi e Kryetarit të LSI-së z.Ilir Meta në degën e LSI në Durrës Sot Kryetari i LSI-së z.Ilir Meta dha një konferencë për shtyp nga dega e LSI në Durrës së bashku me Kryetarin e LSI-së së Durrësit Prof.Arben Dushi si dhe me anëtarë të Kryesisë së LSI në këtë qytet.

Deklarata e plotë e Kryetarit të LSI Meta

Së bashku me Prof.Arben Dushin kryetarin e Komitetit të LSI-së në Durrës dhe me drejtues të tjerë të LSI-së jemi para jush për të shprehur angazhimet e LSI-së për zhvillimin e Durrësit me një prioritet të rëndësishëm kombëtar pra jo thjesht rajonal apo lokal pasi dihet se Durrësi ka një rëndësi strategjike për të gjithë zhvillimin e vendit. Në këtë drejtim besoj se edhe ekipi i ri drejtues i LSI-së së Durrësit që drejtohet nga shumë intelektualë të spikatur që nga themelimi i LSI-së por edhe figura të reja të afruara në LSI kemi sot një ekip apo një lidership të LSI-së në Durrës që jam i bindur se ka kapacitetet më të mira nga çdo forcë tjetër politike për të ndërtuar një program realist për zhvillimin e Durrësit dhe për t’i dhënë përgjigje atyre pyetjeve dhe shqetësimeve më serioze që kanë qytetarët e Durrësit për problemet e tyre ekonomike dhe sociale të momentit dhe të perspektivës.

Për riklasifikimin e biznesit të vogël

Unë dua të shpreh edhe njëherë tjetër shqetësimin e LSI-së lidhur me mënyrën se si po bëhet riklasifikimi i bizneseve sidomos i bizneseve të vogla. Ne në parim jemi për klasifikimin sepse jemi kundër çdo lloj biznesi informal dhe kundër çdo evazioni fiskal që ka qenë mjaft prezent në vitet e fundit në të gjithë vendin por në veçanti këtu në Durrës. Por ne jemi kundër mënyrës arbitrare se si po bëhet ky riklasifikim jo transparent dhe në mungesë dialogu me komunitetin e biznesit. Ndaj ne do të marrim të gjitha nismat tona edhe në Parlament por edhe në dialog të vazhdueshëm nga komuniteti i biznesit edhe këtu në qytetin e Durrësit për të mbrojtur zhvillimin e biznesit të vogël por edhe duke luftuar ekonominë informale pasi ajo është një kërcënim për të gjithë zhvillimin e ekonomisë së vendit por edhe për konkurencën e ndershme.

Mbi pr/ligjin e legalizimeve

Një temë e rëndësishme që është hapur dhe që prek edhe qytetin e Durrësit është problemi i legalizimeve debat që ka të bëjë me problemin e legalizimeve dhe me problemin e ish-pronarëve ndaj ne mendojmë se këto janë dy çështje që kërkojnë një zgjedhje sa më të drejtë dhe sa më sociale. Ne kemi qenë kundër ligjit që u miratua nga qeveria socialiste që kishte filozofinë urbanizim pastaj legalizim pra filozofia shkatërim dhe lënia në mes të rrugës mijëra e mijëra familje dhe pastaj gjoja legalizim. Ne jemi të bindur se legalizim dhe pastaj urbanizim është filozofia më e drejtë më realiste dhe më sociale duke marrë në konsideratë edhe sprovat e vështira që kërkon zbatimi i këtij ligji. Ky nuk është një ligj i lehtë dhe i thjeshtë por ne mendojmë se me vullnet të mirë kjo zgjedhje duhet të vijë dhe njerëzit duhet të jenë të qetë në pronat dhe në shtëpitë e tyre ashtu sikurse për ish- pronarët duhet të gjendet një zgjedhje brenda mundësive dhe brenda atyre  pontecialeve ekzistuese që ka shteti për të respektuar të drejtën e pronës.
Ne do të jemi në dialog me të gjithë grupet e interesit për të diskutuar me komunitetet për të diskutuar p/ligjin aktual dhe në bazë të reagimeve të tyre ne do të vazhdojmë përpjekjet tona në Parlament në mëyrë që të kemi një ligj sa më të drejtë dhe sa më efikas që t’i zgjidhë këto probleme njëherë e mirë dhe të mos shtojë probleme të tjera.

Pyetje

A ka probleme LSI-ja këtu në Durrës?

Mendoj se LSI-ja në rrethin e Durrësit nuk ka pasur atë performancë që ne kemi dëshiruar dhe besoj që edhe qytetarët durrsakë kanë dashur të shohin në këtë forcë të re politike. Njëkohësisht komisioni nismëtar nuk ka funksionuar ashtu siç duhet dhe kjo ka qenë një nga ato arsyet që për një kohë të gjatë LSI-ja këtu në Durrës edhe para zgjedhjeve ka funksionuar në bazë të shtabeve elektorale sipas kandidatëve për deputetë dhe kjo situatë e detyroi Komitetin Drejtues Kombëtar të LSI-së në bazë të statutit që të merrte masat për të krijuar komitetin aktual që po merret me riorganizimin e plotë të LSI-së në Durrës. Përsa i takon pretendimit që ka ngritur Leonidha Gjermeni mendoj se për fat të keq ai ka qenë një nga pengesat kryesore që LSI-ja e Durrësit të kishte atë lloj bashkëpunimi dhe harmonie që do të realizonte ato objektiva që kishte LSI-ja këtu në Durrës. Ne gjithmon e kemi trajtuar me respekt këtë zotëri dhe na vjen keq jo pse ai ka ikur tashme nga LSI-ja në Partinë Socialiste por na vjen keq pse gënjen përpara opinionit durrsak sikur ai dhe 20 anëtarë të LSI-së së Durrësit nuk qenkan dakort me vendimet e LSI-së. Pasi së pari nuk ka pasur një kryesi të tillë sikurse e përmenda së dyti të gjithë atyre që kanë kontribuar në LSI është bërë e ditur edhe nga ana ime vendimi që ka marrë KDK e LSI-së po kështu ky zotëri ka qenë i përfshirë edhe në komitetin organizator të LSI-së por ai ka gjetur më të përshtatshme që të bashkëpunojë në mënyrë më të pandershme me Partinë Socialiste duke dshur të krijojë artificialisht probleme dhe sikurse këtu ka ndodhur ndonjë qamet i madhë pse po ikën ai tek PS-ja. Pra është e qartë edhe për gjithë qytetarët e Durrësit që e njohin këtë personazh është tashmë e qartë se ku u katandis reformimi që do i bën PS-së Edi Rama në Durrës pra u katandis tek Leonidha dhe tek 2 a 3 persona të tjerë të cilët kanë qenë informatorë të PS-së në LSI pra ditën vinin në LSI dhe natën i çonin listat për t’i hequr nga puna anëtarët e LSI-së. Jemi të çliruar nga njerëz të tillë sepse ne nuk mbajmë asnjë njeri me pahir në LSI dhe jam i bindur se njerëzit e tillë nuk po duronin dot ardhjen e njërëzve intelektulë dhe e panë më të nevojshme të largohen.

Synimet e LSI-së në Durrës dhe në të gjithë Shqipërinë

LSI në Durrës ka një synim fitoren në bashkinë e Durrësit dhe do të synojmë fitoren në të gjitha njësitë e tjera vendore. Në këtë drejtim jo vetëm puna e komitetit të ri ka nisur me intesitet të plotë dhe të pandalshëm por ne sysojmë që brënda fundit të këtij viti të dyfishohet numri i antarësisë dhe natyrisht të rritet cilësia e anëtarëve të LSI-së dhe të forumeve drejtuese të saj.
Njëkohësisht brenda muajit qershor do të përzgjidhen në mënyrë demokratike kandidatët tanë kudo për kryetar bashkie dhe komunash në të gjithë Shqipërinë duke e paraprirë këtij procesi me përzgjedhjen në mënyrë demokratike në fillim të muajit Prill të 11 kandidatëve tanë për kryetarë të 11 njësive bashkiake të Kryeqytetit dhe në fillim të muajit Maj me përzgjedhjen e kandidatëve tanë për Kreun e Bashkisë së Tiranës.

Rastin e Durrësit e shikoni të shkëputur apo ka një tendencë nga PS për të dobësuar LSI-në?

Ka një strategji të lidershipit aktual të PS-së për të dëmtuar LSI-në dhe ju e shikoni që fokusi i tyre i qartë nuk është Berisha dhe qeverisja e tij sepse Berisha i ka në dorë dosjet e korrupsionit që ja përmend kur do dhe nuk ja përmend kur i intereson që ata të thellojnë përçarjen e së majtës që siç po ndodh realisht. Kjo është një strategji vetëshkatëruese për drejtuesit aktualë të PS-së dhe kjo vërtet nuk është pozitive për të majtën në tërësi por në fund të fundit nuk është kjo strategji e aftë për të dëmtuar LSI-në. Përkundrazi largimi i Gjermenit është një kontribut i madh që ata kanë dhënë për shkatërimin e reformës së tyre dhe të kuptojnë që edhe ndonjë person i tillë me ngarkesa negative dhe i paaftë për të kuptuar zhvillimet e reja nuk është më në LSI sepse këtu vijnë njërëz të dialogut dhe kanë ndjenjën e solidaritetit dhe jo të mashtrimit.

 
Deklaratë e Kryetarit të LSI-së së Durrësit Prof.Arben Dushi

Siç dhe jeni njoftuar Komitetit Drejtues Kombëtar i LSI-së dega e Durrësit është në proces riorganizimi të saj. Është krijuar në këtë rast një komitet i LSI-së në Durrës me 31 anëtarë në të cilin marrin pjesë intelektualë të aftë dhe të njohur të qytetit me një faturë morale profesionale në të vërtetë shumë të spikatur ku bëjnë pjesë inxhinierë mjekë avoktë ekonomistë mësuese dhe sportisë të ndryshëm. Ky Komitet ka për detyrë riorganizimin e strukturave të LSI-së në të gjithë rrethin e Durrësit në rang komunash rajonesh dhe bashkishë në mënyrë që LSI-ja të përgatitet për sfidën e ardhshme që janë zgjedhjet për pushtetin lokal.
LSI-ja e Durrësit është duke përgatitur një platformë të cilën do e bëjë shumë shpejt publike për mediat për qytetin e Durrësit me të cilën do prezantohet në këtë garë elektorale ku në këtë kuadër do të hapim edhe një sërë zyrash elektorale në të gjithë rrethin komunash rajonesh dhe njësish bashkiake të qytetit dhe shpresojmë se me këtë riorganizim synojmë dhe kemi besimin se do kemi një rezultat spektakolar. Ne jemi të bindur që politikën tonë ta adresojmë drejt kontaktit të drejtëpërdrejt me publikun durrsak ku do të synojmë të bëjmë një politikë realiste konkrete racionale në të cilën të evidentohen problemet e qytetarëve pa asnjë lloj pargjykimi dhe kompleksi. Ne jemi në një fushatë anëtarësimesh ku vetëm për këtë periudhë kemi antarësuar rreth 230 të rinj dhe synimi jonë është dyfishimi i numrit të anëtarësimit në LSI-në e Durrësit brenda këtij viti.
Në këtë proces ne jemi në krijimin e një forumi të intelektualëve të rinj të qytetit të cilët do të evidentojnë problematikat e qytetit në mënyrë që në hartimin e kësaj platforme të ndihet zëri i tyre.  0x323030362d30322d3038 14:32)

Konference shtypi – Sekretari i Pergjithshem i LSI-se

” Konference shtypi – Sekretari i Pergjithshem i LSI-se Petrit Vasili Jemi sot duke komunikuar me ju lidhur me ecurinë e jashtëzakonshme të LSI-së në planin organizativ dhe mbas përfundimit të dymuajshit anëtarsimesh intensive në LSI ku në periudhën  Dhjetor-Janar janë antarësuar mbi 3 mijë anëtarë të rinjë me një gjeografi shpërndarje që shkon që nga Malësia  e Madhe deri në Delvinë në Elbasan Vlorë Fier dhe kudo. Është për të shënuar që rreth 1/3 e tyre më shumë se 900 të anëtarësuar vijnë nga rradhët e Partisë Socialiste dhe kjo është një provë e qartë e pamundësisë së tyre të mëtejshme për të milituar në këtë parti. Duke qenë se motivi i tyre është të militojnë në të majtën e vërtetë sigurisht që shtëpia e tyre e vërtetë dhe e vetme është LSI. Njëkohësisht lidhur me disa prononcime apo disa artikulime gjithsesi të një fantilizmi për të ardhur keq lidhur me strategjitë për rikthim të të majtëve në Partinë Socialiste dua të them se këto strategji janë në dimensionin e intrigave të korridoreve aq karakteristike tashmë për këtë shtëpi me probleme të mëdha të çatisë që po i bie brenda. Desha të sjell në vëmendjen tuaj që për socialistët që u dhunuan dhe përballuan represionin e pashembullt të Berishës në vitet 1992-1997 sigurisht që është shumë e vështirë që ta ndajnë shtëpinë e tyre me njerëz të tipit të Blushit apo të Ramës që e kanë gjetur këtë shtëpi pas viteve 1997-1998 dhe kanë qenë shumë të preukopuar për të ngrënë apo për të gllabëruar qofte tw pushtetit dhe jo për të përballuar sakrificat e jashtëzakonshme të të qëndruarit në opozitë.

Gjithashtu dua të kujtoj se edhe humbja e së majtës dhe rikthimi i po këtij Berishe represiv ka qenë i lidhur dhe mbetet vazhdimisht i lidhur me korrupsionin e monopolet si dhe me intrigat pafund që e gërryen këtë shtëpi dikur shtëpi e socialistëve. Njëkohësisht korrupsioni i këtyre niveleve i ndaloi këta socialistë që të kishin kartat e identitetit të tyre karta me të cilat duhet ti pajiste zoti Blushi por të cilat nuk u bënë asnjëherë për hir të këtij korrupsioni dhe që i mundësuan Berishës dhe të tijëve që me shuka të tëra certifikata lindjesh të manipulojnë votat dhe tu rrëmbejnë pushtetin socialistëve. Pikërisht për këto arësye të mëdha shtëpia e madhe e të majtëve e progresistëve dhe atyre socialistëve që nuk e gjejnë më veten mirë në shtëpinë e intrigave të PS-së vazhdon të mbetet Lëvizja Socialiste për Integrim. Në këtë mënyrë të gjitha objektivat tona për të qenë fitues në mënyrë të bindshme dhe të thellë dhe për të konfirmuar edhe ato vjellje dhe padrejtësi që vetë Megadushku solli bazuar në këto anëtarsime të gjera që vazhdojnë intesivisht- jo më larg se disa orë më parë disa qindëra anëtarsime u bënë në takimet që zoti Meta në Elbasan dhe në komunat e fshatarët e tij- do të jenë realizmi i këtij objektivi të madh në zgjedhjet e ardhshme lokale.

Po kështu dua të sqaroj për disa komunikime apo vazhdim të prononcimeve intrigante destruktive edhe të zotit Rama dhe jam shumë i “mrekulluar” që në vend të shqetësimit për gripin e pulave- që është një shqetësim botëror dhe epidemic- sot zoti Rama dhe të tijtë e ka zënë ankthi i gripit të gjelave. Megjithëse është një zonë që ka gjela në Berat por nuk besoj se ky është shqetësimi kryesor i socialistëve të Beratit. Mendoj se socialistët e Beratit do ta kenë shumë të vështirë që të kuptohen me Ramën i cili pas dy mandatesh kryetar bashkie mandatin e  ministrit etj gjeti më në fund kohë dhe mundi ankthin e tmerrshëm për të marrë teserën e Partisë Socialiste. Unë besoj se është kaq shumë vonë në kohë sa aq socialistët nuk kanë kohë që të prisnin kaq gjatë Edi Ramën për të zgjidhur problemet e tyre.
0x323030362d30322d3034 14:31)”

Konferencë për shtyp e Kryetarit të LSI-së

” Konferencë për shtyp e Kryetarit të LSI-së z.Ilir Meta Sot jemi këtu për të denoncuar me forcë një tjetër turp e krim elektoral që këtë rradhë është zyrtarizuar me vulën e KQZ-së. Siç rezulton qartë nga Buletini Ligjor i rezultateve të 3 Korrikut 2005 botuar këto ditë nga KQZ në rreth 90 Zona Zgjedhore është kryer në mënyrë të organizuar e në tavolinë shpërndarja e votave të shqiptarëve sipas një skeme të paracaktuar nga ideatorët e zbatuesit e zgjedhjeve të 3 Korrikut që tashmë janë stigmatizuar si zgjedhjet e Dushkut.

Nga të dhënat e botuara në Buletinin e KQZ-së evidentohet një mospërputhje flagrante mes votave që u janë atribuar partive politike nga Grupet e Numërimit të Votave dhe atyre që janë vendosur përfundimisht nga Komisionet Zonale Zgjedhore. Një gjë e tillë ka ardhur si rezultat i rishperndarjes abuzive të votave sipas preferencave apo interesave të komisionerëve të korruptuar përfaqësues të binomit PS-PD dhe ekzekutues në terren të formulës së Dushkut.

LSI ka evidentuar të gjitha rastet ku diferencat e votave janë skandaloze dhe rezultatet përfundimtare nuk pasqyrojnë në asnjë mënyrë madje as rezultatet e procesverbaleve të Grupeve të Numërimit.

Për më tepër në shumë raste rezulton që numri i votave të numëruara sipas KZZ-ve në proporcional është më i madh se numri i votave të numëruara në mazhoritar. Kjo tregon qartë se KZZ-të i kanë dhënë të drejtën vetes në kundërshtim flagrant me ligjin të shpërndajnë vota për subjekte të cilat kanë patur në kontroll procesin.

Këto abuzime janë kryer në bashkëpunim me KQZ-në e cila nëse do të kishte zbatuar ligjin në lidhje me ankimimet e shumta të partive të dëmtuara nga trafiku i brendshëm i votave do të kishte shmangur të tilla fenomene. Por KQZ-ja dhe kryetari i saj Celibashi rrëzuan te gjithë provat ligjore të ofruara nga partitë për masakrën që po bëhej përgjate procesit te numërimit te votave.  

Theksojmë se kjo është vetëm maja e ajsbergut pasi të vërtetat tronditëse të kësaj grabitjeje janë në kutitë e votimit që ideatorët e këtij krimi elektoral i ruajnë me fanatizëm për të mos u bërë publike.

LSI në vazhdim të përpjekjeve të saj për të denoncuar zgjedhjet e trafikuara të 3 Korrikut do të procedojë penalisht të gjithë personat përgjegjës të cilët janë autorë bashkëpunëtorë apo zbatues të këtij krimi.

Nga ana jonë do t’i kërkojmë Prokurorisë të administrojë të gjithë dokumentacionin e nevojshëm duke përfshirë edhe kutitë e votimit të cilat provojnë qartë fajësinë e komisionerëve dhe të porositësve të tyre politikë.

Me këtë rast garantojmë opinionin publik shqiptar se përpjekjet tona për të denoncuar gjithë shkeljet ligjore  nuk do të reshtin për më tepër në kohën kur vendi ka hyrë në fazën e përgatitjes për zgjedhjet e ardhshme vendore standarti i të cilave është po kaq i rrezikuar sa edhe 3 Korriku nga papërgjegjshmëria e aleancës PS-PD.  

——–
Në buletinin zyrtar të KQZ-së të cilin ekspertët tanë e kanë studiuar me përgjeshmëri të plotë bëhen të qarta votat të cilat janë shpallur sipas procesverbaleve të qendrave të numërimit dhe njëkohësisht sipas procesverbalit përfundimtar të komisionit të zonës ku diferencat janë të jashtëzakonshme dhe janë gati në 90 zona nga 100 zona elektorale. Pra është vetëm maja e ajsbergut sepse është një falsifikim që tashmë e kanë zyrtarizuar vetë dhe e prodhjnë vete këtë material që po e studiojmë do të gjejmë forma nga më bashkëkohoret për t’ia bërë të ditur gjithë opinionit publik edhe opinionit ndërkombëtar dhe gjithë institucioneve të cilat janë të interesuara për integrimin e Shqipërisë. Kjo prodhon edhe njëherë tjetër se sa i thellë është krimi elektoral që PD dhe PS kanë bërë së bashku më 3 Korrik. Kjo është ajo që i tmerron për të hapur kutitë e votimit nga Komisioni Hetimor Parlamentar i cili tashmë ka dështuar.

Z.Meta duke kaluar nga trafiku i votave tek trafiku i deputetëve që ndodh në Parlament jeni të rrezikuar si Grup parlamentar pas largimit të deputetit të PDS?

Nuk kemi asnjë shqetësim pas transaksionit të rëndomtë që ka ndodhur në 24 orët e fundit pra të atij që ju e përmendët si trafik deputetësh. Eshtë një aferë e rëndomtë dhe tërësisht e natyrshme dhe dinjitoze për lidershipin aktual të Partisë Socialiste. Nuk bëhet qameti se do të ndërtohet edhe një pallat më shumë në Tiranë deri në Tetor të këtij viti.

Si e komentoni deklaratën e Z.Rama që PS është e vetmja parti që po zbaton parimin një anëtarë- një votë?

Këtë edhe mund tja thotë ky zotëria ndonjë personi që nuk e di se çfarë ka ndodhur këtu. Ju e dini shumë mirë që Z.Rama konkuroi me një anëtar- një votë në Kongresin e fundit të PS dhe ju e dini shumë mirë se si ja rrëzuan këtë parim dhe ai ja faturoi një anëtar- një votë platformës Ruçi duke ja faturuar edhe dështimin atij. Dhe për tërë natën si një makiavelist që e njini të gjithë që është e konvertoi nga një anëtar një votë në “një pallat- një votë” dhe ky është parimi që po zbaton Partia Socialiste sot por deri në Tetor besoj.

Z.Meta a keni ndonjë llogaritje bazë që sa mund të jetë e dëmtuar LSI-ja nga këto pasaktësi në zgjedhjet e kaluara?

Pas verifikimit të detajuar ne do ja paraqesim këtë gjithë gazetarëve analistëve njerëzve të përgjegjshëm në këtë vend për demokracinë për institucionet pra do ta bëjmë tërsisht të detajuar dhe do të kemi mundësi që t’ju paraqesim me video-projektor të gjithëve ju zonë për zonë dhe në total dhe pastaj mund të bëjmë një bilanc përfundimtar të efekteve që vijnë vetëm nga ky falsifikim zyrtar pa llogaritur as formulën e Dushkut dhe as atë që ç’ka ndodhet brenda në kutitë që nuk guxojnë që të hapin PD dhe PS. Po unë ju siguroj që në çdo rast LSI-së i janë rrëmbyer i janë vjedhur mbi 12 mandate dhe për të mos thënë 20 mandate sepse dihet se votat në propocional përfituesja do të ishte forca e tretë politike dhe ju e dini dhe nga sondazhet jo thjesht të bërë nga LSI-ja por nga NDI por edhe institucionet e tjera (nuk flas këtu për sondazhet e ndonje OJQ-je që i merr porositë nga bashkia). Pra në të gjitha LSI-ja ishte në çdo rast mbi 11 për qind ndërsa partitë e tjera të cilët paraqiten sot me grupin parlamentar ku shumicën e kanë anëtarë të partive të tjera nuk kalonin as 1 apo 2 % përveç LZHK-së kështu që ishte ishte e qartë që LSI-ja do të ishte forcë e cila do të kishte mandatet e shumtë nga propocionali. Ndaj u bë edhe Mega-Dushku nga PS-ja që të të dëmtohej LSI-ja dhe të përfitonin të tjerat.

Mbas këtyre pasaktësive sa e besueshme është KQZ-ja për zgjedhjet?

KQZ-ja nuk ka asnjë besueshmëri për ne. Absolutisht këto janë prova të cilat ne do t’i paraqesim në të gjithë institucionet ndërkombëtare gazetarëve me deshirën dhe besimin dhe me misionin për të informuar publikun do t’i bëni të qartë se si në Shqipëri vazhdojnë dhe funksionojnë institucione të rreme të cilat mbrojnë dhe falsifikojnë votën e qytetarëve shqiptarë. Sepse ky Parlament i Megadushkut ky trafik deputetësh dhe ky imoralitet flet për mungesën e legjitimitetit për mungesën e një stabiliteti mungesën e institucioneve serioze dhe të besueshme dhe retorika e Berishës që do të luftojë krimin dhe korrupsionin në këtë Parlament është vetëm një përrallë sepse deri sa ne kemi rreth 30 qënie të trafikuara palamentare nuk mund të luftohet as trafiku i qënieve njerëzore dhe ndonjë lloj trafiku tjetër.
Kundër të gjithë ankimimeve pavarësisht nga provat që jepeshin nga diferencat e qarta që prodhoheshin nga LSI dhe LZHK tregon qartë se ky ishte një unitet i porositur nga PS dhe PD për të mos hapur kutinë e Pandorës pasi nuk kemi asnjë lloj besimi tek kjo lloj KQZ-je.

Ku do të gjeni ndonjë deputet tjetër për të mbajtur Grupin Parlamentar?

Merkaton e hapën ata ne nuk kemi ndërmend që të merremi me trafik deputetësh. Ne nuk i kushtojmë asnjë rëndësi as anës formale të të pasurit ose jo të Grupit Parlamentar në Parlamentin e Megadushkut. Ne kemi zërin tonë dhe të gjithë deputetët që ne kemi janë personalitete dhe nëse deri dje ju kam thënë që një deputet i LSI-së vlente sa 5 deputet të tjerë në Parlament sot po ju them se një deputet i LSI-së vlen sa 10 deputetë të PS.

Mendoni se Reforma Zgjedhore duhet të përfshijë edhe reformën në KQZ?

Reforma zgjedhore duhet të përfshijë çdo gjë cila jep siguri dhe besim se në Shqipëri nuk do të ketë më maskarada të tilla dhe nuk do të ketë më Parlament të Megadushkut.
0x323030362d30322d3033 14:30)”

Konferenca për shtyp e Sekretarit të Përgjithshëm të Lëvizjes Socialiste për Integrim (LSI)

Konferenca për shtyp e Sekretarit të Përgjithshëm të Lëvizjes Socialiste për Integrim (LSI) z.Petrit Vasili Lëvizja Socialiste për Integrim ka nisur përgatitjet intensive në të gjithë territorin e Republikës së Shqipërisë dhe në çdo organizatë të LSI-së nga Veriu në Jug dhe nga Lindja në Perëndim në funksion të organizimit të strukturave tona për konkurimin në zgjedhjet e ardhshme të pushtetit vendor.
LSI ka një vendim politik të saj i cili është konkurimi në të gjithë bashkitë dhe komunat si dhe në çdo këshill Bashkie dhe komune.
LSI është në proçesin e ndërtimit të strukturave të cilat përshtaten për këtë objektiv të madh elektoral dhe mbi 6 mijë kandidatë të LSI-së do të konkurojnë për LSI-në në funksion të objektivave dhe fitores që ajo do të realizojë në zgjedhjet e pushtetit lokal për të konfirmuar forcën e saj për të konfirmuar atë vullnet të shqiptarëve që u deformua më 3 Korrik dhe për të qenë faktor përcaktues në ekuilibrat politik që do të krijohen mbas këtyre zgjedhjeve të pushtetit lokal.
Këto struktura janë në funksionim të plotë që nga Malësia e Madhe e deri në Sarandë dhe deri në komunat më të largëta të vendit. Ato do të jenë në bashkëpunim dhe në komunikim edhe me mediat lokale apo kombëtare për të komunikuar objektivat njerëzit e përzgjedhur momentin kur listat me këta kandidatë do të përfundojnë dhe për sjelljen e zërit të qytetarëve në këto media nga ana e strukturave tona të cilat faktikisht janë të vetmet që mund të përcjellin zërin e qytetarëve.
 
Pyetje: Kryetari i PS-së Edi Rama ka deklaruar se partia që ai drejton është e vetmja parti që po i nënshtrohet për herë të parë parimit një anëtar një votë. Duke patur parasysh se LSI e ka aplikuar këtë parim kohë më parë cili është komenti juaj në lidhje me këtë deklaratë?
 
Dihet tashmë që e vetmja parti politike që ka lindur dhe është krijuar mbi bazën e parimit Një anëtar- Një votë është vetëm Lëvizja Socialiste për Integrim. Dihet gjithashtu që LSI është e vetmja parti në Shqipëri që e ka aplikuar dhe zbatuar gjerësisht këtë parim demokratik në çdo strukturë të saj dhe çdo strukturë e saj është ndërtuar mbi këtë parim. Dihet gjithashtu publikisht që i vetmi kryetar partie në historinë e pluralizimit shqiptar i zgjedhur në bazë të parimit një anëtar-një votë është Kryetari i Lëvizjes Socialiste për Integrim. Njëkohësisht dihet që i gjithë ky proces ka qenë nën monitorimin por edhe në vlerësimin publik të atyre institucioneve ndërkombëtare që janë drejtëpërdrejtë të interesuara t’i monitorojnë proçese të tilla dhe në rastin konkret të Institutit Demokratik Amerikan. Ky i fundit e ka vlerësuar tërësisht pozitiv dhe shumë revucionalizues për politikën shqiptare këtë proçes.
Përsa i takon deklaratës politike të zotit Rama mund të them se qëkurse z.Rama u lejua të ishte kryetar i PSSH-së nga kongresmenët e stigmatizuar prej tij unë them që çdo javë lind nga një reformë e re e cila çuditërisht aplikohet për herë të parë në Shqipëri duke menduar që të gjithë reformat fillojnë për herë të parë kur thotë Edi Rama. Ka vërtetë një reformë të vërtetë të filluar nga kryetari i Partisë Socialiste një reformë e cila filloi dhe është në sytë e publikut. Ka qenë zëvëndësimi i trendafilit simbolik të Partisë Socialiste me ylberin. Dhe kjo reformë ashtu sikurse ylberi që qëndron vetëm pak kohë pasi hapet koha perëndoi dhe u shua. Kështu që mendoj se ky do të jetë edhe fati i këtyre reformave dhe aplikimeve për herë të parë ose i aplikimeve historike të Partisë Socialiste.
 
Cili është komenti juaj pas deklaratës së zotit Majko sipas të cilit LSI po e fut në krizë të majtën dhe se LSI duhet të bashkëpunojë pa kushte me PS?
E vërteta është se deklaratat e zotit Majko kanë një fat shumë të keq. Gjithmonë na zënë në befasi sepse përpara se të kemi mundësinë që ne të kthejmë përgjigje vetë drejtuesit e Partisë Socialiste e kanë kundërshtuar Majkon ndërkohë. Kështu që mendoj është një nga deklaratat e shumta të zotit Majko të cilat LSI nuk ka kohë për tu humbur duke i komentuar këto deklarata.
 
Doni të thoni se LSI do të dalë e vetme në zgjedhje?
 
Nuk ma ha mëndja se duhet të identifikohet çdo gjë që ka të bëjë me të majtën dhe Partinë Socialiste me zotin Majko sepse edhe Partia Socialiste nuk e shikon si të tillë zotin Majko. 0x323030362d30322d3032 14:30)

/ In Archived Articles / By LSI / Comments Off on Konferenca për shtyp e Sekretarit të Përgjithshëm të Lëvizjes Socialiste për Integrim (LSI)

Ilir Meta kërkon pagesën e gatishmërisë për mëse 200 punonjës të Poliçanit

Ilir Meta kërkon pagesën e gatishmërisë për mëse 200 punonjës të Poliçanit Kryetari i Lëvizjes Socialiste për Integrim z.Ilir Meta në cilësinë e deputetit të Skraparit ka kërkuar sot nga qeveria në emër të mëse 200 punonjësve të Poliçanit zhbllokimin e menjëhershëm të pagesës së gatishmërisë pasi kjo do të sillte pasoja dhe tension të panevojshëm social.
 
Kreu i LSI-së vlerësoi gatishmërinë e Ministrit të Mbrojtjes Fatmir Mediu dhe të ministrit të Punës dhe Shanseve të Barabarta Kosta Barka me të cilët Meta theksoi se “kemi rënë dakord për të përballuar efektet financiare që do të ketë ky vendim”.
 
Ndaj Meta kërkoi që të mos zvarritet më vendimi i qeverisë për pagesën e punonjësve të Poliçanit.  
 
Ndërkaq Kryetari i LSI-së dënoi dhunën e ushtruar ndaj deputetit Vangjel Tavo si dhe deklaroi se grupi parlamentar LSI-PDS është kundër informimit të Kryeministrit Berisha për 100 ditët pasi i duhet lënë kohë grupeve parlamentare që të përgatiten për debat.  0x323030362d30312d3330 14:29)

Sot Kryetari i LSI-së

Sot Kryetari i LSI-së z.Ilir Meta doli në një konferencë për shtyp së bashku me Kryetaren e Lëvizjes Rinore për Integrim (LRI) Erisa Xhixho dhe disa drejtues të tjerë të LRI-së… Sot Kryetari i LSI-së z.Ilir Meta doli në një konferencë për shtyp së bashku me Kryetaren e Lëvizjes Rinore për Integrim (LRI) Erisa Xhixho dhe disa drejtues të tjerë të LRI-se.
 
Deklaratë e Kryetares së LRI-së Erisa Xhixho

Lëvizja Rinore për Integrim vlereson se veprimet e ndërmarra në emër të reformës në arsimin universitar flasin për të kundërtën e saj. Një nga elementet themelore të një reforme efikase e cila bëhet në radhë të parë për studentët është pjesëmarrja e tyre në vendimarrje dëgjimi i zërit dhe kërkesave të studentëve.
Por ne konstatojmë me keqardhje një klimë të kthimit prapa dhe një tendencë të hapur të logjikës së faktit të kryer si dhe të anashkalimit të studentëve nga vendimarrja.
Ky problem bëhet më shqetësues kur konstatojmë se në një vendim të Këshillit të Ministrave vendoset një taksë vjetore prej 120 mijë lekë për studentët e të gjitha viteve. Ne kërkojmë të bëhet e qartë për të gjithë ne se si është proceduar për vendosjen e saj sepse i gjithë procesi i miratimit të saj ka qenë karakaterizuar nga një mungesë totale transparence.
 
Ne duam të njohim publikisht dhe hapur:
1. Arsyet e rritjes së kësaj takse e cila tashmë ka shkuar deri 5-fishin e asaj të mëparshme.
2.A ka një projekt të qartë se si do të përdoren këto miliarda lekë në favorin tonë dhe pse nuk ka një transparencë për mënyrën se si do të përdoren.
3.Jemi thellësisht të indinjuar se si shteti kërkon të përfitojë edhe nga kjo taksë duke përvehtësuar 10% të saj.
Ne shprehim shqetësimin tonë për këtë vendim arbitrar i cili jo vetëm që na rëndon por na ka përjashtuar nga çdo mundësi për të qenë pjesë e vendimarrjes.
Gjithashtu ne jemi thellësisht të preokupuar edhe për mënyrën e implementimit të Kartës së Bolonjës.
Nga konstatimet e shumta që ne kemi në sajë të iniciativës tonë për promovimin e procesit të Bolonjës në të gjithë qytetet studentore vërejmë se:
1.Ka mungesë informacioni për këtë proces
2.Ka një tendencë të dukshme për një implementim mekanik dhe jo përmbajtësor të saj.
3.Nuk ka një strategji për ndryshimet e domosdoshme të stafit mësimdhënës për garantimin e zhvillimit të sistemit master në çdo fakultet dhe qytet studentor.
4.Nuk ka një strategji të përmirësimit të infrastrukturës mësimore në përshtatje me kërkesat e Bolonjës dhe në veçanti të nivelit të laboratorëve dhe teknologjisë së eksperimentimit shkencor.
 
Deklarate e Kryetarit te LSI Ilir Meta në konferencën e shtypit
 
Në emër të Lëvizjes Socialiste për Integrim edhe unë do të dëshiroja që të shprehja mbështetjen tonë për shqetësimet e studentëve të cilat janë ngritur dhe sapo u konfirmuan edhe njëherë nga kryetarja e LRI-së Erisa Xhixho. Njëkohësisht kërkojmë nga qeveria dhe nga Ministri i Arsimit që reformat në fushën e arsimit dhe sidomos në atë të lartë të bëhen në dialog me të gjithë faktorët politik social dhe sidomos me studentët dhe natyrisht edhe me trupën pedagogjike. Të bëhen nëpërmjet dialogut dhe transparencës pasi mendojmë se reformat në arsimin e lartë dhe në sistemin arsimor në përgjithësi janë të domosdoshme. Vendi ka bërë shumë pak progres real në këtë drejtim edhe në vitet e fundit. Nuk e kam fjalën thjesht për investimet fizike por për një përmbajtje të re cilësore që duhet të ketë sistemi ynë arsimor. Në këtë drejtim ne besojmë se vetëm një reformë me një bazë të gjerë konsensuale jo vetëm politike por edhe shoqërore në fushën e arsimit do të kishte ato tregues të cilat vërtet do të bënin që të ripërtërihej dhe të modernizohej sistemi ynë arsimor si një element thelbësor për integrimin dhe modernizimin e vendit tonë si një vend europian. Për fat të keq ne shohim se jo vetëm nisma e fundit për 4-fishimin apo 5-fishimin e taksës për studentët por edhe nisma të tjera duket që më shumë vijnë nga grupe të ngushta konsultimi se sa si rezultat i një debati të gjerë në publik dhe në veçanti edhe me vetë studentët si palë të interesuar dhe si faktorë të rëndësishëm që duhet të jenë në këtë proçes vendimarrje. Ky nuk është rasti i vetëm. Ne kemi shprehur shqetësimin si Lëvizje Socialiste për Integrim edhe për përpjekjet- të cilat nuk e tepëroj po të them konspirative – që ka ndërmarrë qeveria e kryeministrit Berisha për të bërë një të ashtuquajtur një reformë të Akademisë së Shkencave pa komunikuar pa biseduar dhe pa ballafaquar mendimet alternative të qeverisë së re me ato të Akademisë së Shkencave të cilët njëkohësisht janë për ristrukturim reformim të Akademisë por jo për eleminim të saj dhe aq më tepër për politizim. Në këtë drejtim edhe njëherë tjetër duke shprehur solidaritetin tonë me problemet e studentëve duke shprehur angazhim tonë për ti zgjidhur ato për të mos i politizuar- por kjo do të varet shumë nga dialogu dhe nga konsensusi që do të kërkohet nga vetë qeveria ne edhe nëpërmjet përfaqësimit që kemi në komisionin parlamentar për arsimin edhe në parlament do të jemi aktiv që reformat në fushën e arsimit dhe sidomos në arsimin e lartë të ndihmojnë për të kapërcyer krizën e sistemit arsimor në të cilën ndodhet vendi dhe jo për ta thelluar atë akoma më tej.
 
Pyetja: LSI ka njoftuar se gjatë një takimi që ju keni patur me ish-kreyministrin spanjoll Aznar dhe ai ka konfirmuar vizitën e tij në Shqipëri. Cila do të jetë axhenda?
 
Me ish-kryeministrin e Spanjës zotin Aznar kemi rënë dakord për të organizuar në një të ardhme të afër një aktivitet në rajonin tonë lidhur me sfidat e reja të NATO-s dhe zoti Aznar është aktualisht edhe presidenti i një prej fondacioneve më prestigjioz në Europë SAES dhe po kështu ka publikuar së fundmi edhe një libër të tij lidhur me sfidat dhe konceptet e reja të ndërmarrjes së NATO-s në problemet aktuale sikundër terrorizmit ashtu edhe në mbështetje të demokracisë.
 
Çfarë qëndrimi do të mbajë grupi parlamentar i LSI-së në sencën parlamentare kur do të paraqitet raporti i kryeministrit për 100 ditët e qeverisjes si dhe plani për 6-mujorin e ardhshëm?
Mendoj se raportet e tilla mujore 100 ditore apo 6 mujore tregojnë qartë se qeveria e zotit Berisha nuk synon të qeverisë me rezultate konkrete të dukshme dhe të prekshme nga të gjithë por synon të qeversë me analiza me programe me vetëlavdërime dhe me një retorikë e cila siç e shohim të gjithë në vend që të prodhojë dhe smund të prodhojë rezultate qeverisëse shton konfliktet sociale dhe polemikat politike në vend. Ndaj besoj se qëndrimi ynë sikurse ka qenë edhe për buxhetin i cili u miratua në kundërshtim edhe me votat tona dhe me vullnetin tonë do të jetë kundër për të gjitha raportet 100-ditore apo 6-mujore të qeverisë së zotit Berisha.
Ndërkohë Gjykata Kushtetuese ka marrë në shqyrtim ankimimin e PS përsa i takon ndryshimin e ligjit për KLD-në çka ka qenë edhe nisma e LSI-së. Sa mendoni ju zoti Meta që ky ligj bie në kundërshtim me Kushtetutën?
Ne jemi forcë politike e cila ka në themel të filozofisë dhe të vetë themelimit të saj luftën për zgjidhjen e konfliktit të interesave si një nga prioritetet më kryesore. Duke qenë forcë politike ne kemi shprehur vullnetin tonë politik për eleminimin e konfliktit të interesave në Këshillin e Lartë të Drejtësisë gjë që nuk është kundërshtuar nga askush. Pra askush nuk ka thënë se nuk ka konflikt interesash përkundrazi edhe vëtë drejtuesit e KLD-së e kanë pranuar këtë gjë. Ka patur një kontestim i cili është shëndrruar edhe në proçedurë ankimimi në Gjykatën Kushtetuese nga ana e Partisë Socialiste. Është e drejtë e saj që të bëjë një ankimim të tillë ashtu sikurse është e drejtë e Gjykatës Kushtetuese që të marrë vendimin përfundimtar. Ne do të respektojmë çdo vendim të Gjykatës Kushtetuese duke e pranuar atë si organin suprem që ka Kushtetuta dhe vendi për të mbrojtur dhe për të respektuar Kushtetutën e Shqipërisë. Ne respektojmë çdo vendim të Kushtetutës ne kemi shprehur vullnetin tonë politik. Nëse është apo jo inisiativa jonë në përputhje të plotë me Kushtetutën kjo sigurisht që e ka një zgjidhje dhe kjo zgjidhje është përgjigjia e Gjykatës Kushtetuese. Ne nuk e paragjykojmë cilado që të jetë ajo. Ne do ta vlerësojmë dhe do ta pranojmë.
  0x323030362d30312d3330

Dy deklarate per shtyp mbajtur nga Nenkryetari i LSI-se

Dy deklarate per shtyp mbajtur nga Nenkryetari i LSI-se Dritan Prifti dhe Filloreta Kodra Dritan Prifti: LSI po ndjek me shqetësim të madh zhvillimet e fundit që kanë të bëjnë me rritjen e barrës fiskale mbi biznesin e vogël në vend. Qeveria po klasifikon në mënyrë të dhunshme shumë aktivitete të biznesit të vogël duke i kaluar ato në biznes të madh. Në këtë mënyrë biznesit të vogël po i 30-fishohet barra fiskale. Në krahasim me një vit më parë rreth 2000 biznese të vogla do paguajnë rreth 30 herë më shumë taksa. Nëse në 2005 një biznes i vogël paguante një taksë vendore simbolike prej 30000 lekë dhe 1.5% tatim mbi xhiron në 2006 bizneset që forcërisht dhe arbitrarisht riklasifikohen në biznes të madh do të paguajnë 20% tatim fitimi 20% tatim mbi vlerën e shtuar dhe tatim mbi të ardhurat personale.

Këto masa falimentuese që i imponohen biznesit të vogël demaskojnë demagogjinë e disa muajve më parë për gjoja përgjysmimin e taksave të biznesit të vogël. Ky ishte një mashtrim populist i PD për të marrë votat kurse sot qeveria kërkon të godasë biznesin e vogël me taksat më të rënda që ky biznes ka pasur ndonjëherë në histori.  
Qeveria ka harruar luftën ndaj monopoleve kontrabandës dhe evazionit fiskal që bëjnë bizneset e mëdha me mbështetje politike. Nuk është biznesi i vogël që vjedh dhe mashtron me taksat por janë ata që dje fitonin miliarda nga kontrabanda dhe evazioni dhe që sot kanë ndërruar vetëm zotërinjtë e tyre. Qeveritarët socialistë që përfitonin nga kontrabandistët e djeshëm janë zëvëndësuar nga qeveritarët demokratë që përfitojnë nga të njëjtët kontrabandistë.  

I bëjmë thirrje qeverisë të ndalojë sulmet ndaj biznesit të vogël. Nëse vazhdojnë këto sulme do të kemi rritje të papunësisë rritje të çmimeve në treg por dhe rritje të numrit të të varfërve në vend. Qeveria të përqëndrojë luftën tek monopolet dhe kontrabanda që dëmtojnë më shumë se çdo gjë tjetër konsumatorin shqiptar.

 
Filloreta Kodra: Ne jemi sot këtu për të shprehur edhe një shqetësim tjetër lidhur me grevën e shoferëve të autobuzëve urbanë dhe ndërqyetas që ka disa ditë që ka filluar. Ne i themi qeverisë që të marrë masa dhe të ulet me këta njerëz në tavolinën e bisedimeve. Jetojmë në ekonominë e tregut të bazuar mbi konkurencën e lirë dhe të ndershme. Për këtë i themi qeverisë ti trajtojë kërkesat e këtyre njerëzve si pjesë e kërkesave të atyre njerëzve që punojnë për zhvillimin e ekonomisë shqiptare. 0x323030362d30312d3237 14:27)

Konference per shtyp mbajtur nga Sekretari i Përgjithshem i LSI-së

Konference per shtyp mbajtur nga Sekretari i Përgjithshem i LSI-së z.Petrit Vasili Lëvizja Socialiste për Integrim po vëren me shqetësim se i ftohti i jashtëzakonshëm me te cilin po perballet Shqipëria ku tashmë temperatura shënon nën zero gradë nuk po gjen reagimin e duhur nga strukturat shtetërore përgjegjëse për situata të tilla.
Një mot i tillë i cili është një rrezik real për shëndetin e gjithë popullatës dhe në mënyrë të veçantë të fëmijëve dhe të moshuarve nuk mund të përballet me improvizime apo me mbajtjen e syve nga qielli duke pritur përmirësimin natyror të situatës.  
Vendosja e qeverisë në një gjendje gatishmërie maksimale për përballimin e një situate të një emergjence natyrore është hapi i parë i domosdoshëm dhe konkret. Gjithnjë në këtë këndvështrim ministritë me një interesim të drejtpërdrejtë si ajo e Arsimit Shëndetësisë të Punëve Publike dhe Transportit dhe Drejtoria e Pushtetit Lokal në Ministrinë e Rendit dhe ajo e Emergjencave Natyrore duhet të bashkërendojnë veprimet në kuadrin e një grupi emergjence i cili të ndjekë orë pas ore situatën.
Krijimi i rezervave në barna mjekësore dhe ekipeve të specializuar të gatshëm për të ndërhyrë në zona të izoluara si dhe këshillimi në vazhdimësi të popullatës për t’u mbrojtur nga të ftohtit janë masa të domosdoshme për përballimin e emergjencave shëndetësore.
Vlerësimi i situatës nga ministria e Arsimit detyrimisht duhet të konsiderojë edhe nevojën e pezullimit të procesit mësimor në përgjithësi në të gjithë vendin por në mënyrë të veçantë në ato zona ku kushtet e motit janë tepër të rënduara dhe që kushtëzojnë sëmundshmërinë e rritur të nxënësve në shkolla për arsye të mungesës së ngrohjes.
Popullata duhet të njoftohet në mënyrë të vzhdueshme nëpërmjet medias dhe mjeteve të tjera komunikuese për gjendjen e rrugëve duke këshilluar dhe evitimin e udhëtimeve në zonat e bllokuara që mund të rrezikonin jetën dhe shëndetin e qytetarëve.
 
 
 
Cili është reagimi juaj për vendimin e Komisionit të Ligjeve që hodhi poshtë dekretin e Presidentit Moisiu për financimin e partive?
 
Ky vendim i Komisionit të ligjeve sigurisht nuk është një suprizë sepse shëmtira e këtij ligji u miratua pikërisht nga ky komision dhe dihet që ky komision është i dominuar nga Partia Demokratike dhe Partia Socialiste.
Ne e konsiderojmë thjesht një zhvillim të mëtejshëm të aleancës tashmë të filluar dhe të deklaruar midis PD dhe PS ku pas grabitjes masive të votës më 3 Korrik ky është akti i fundit i kësaj farse elektorale por njëkohësisht edhe një tragjedi elektorale që përfundon edhe me grabitjen e fondeve publike aq të domosdoshme për një funksionim normal dhe legal të partive.    0x323030362d30312d3234 14:27)

LSI dënon dhunën ndaj deputetit Vangjel Tavo

” LSI dënon dhunën ndaj deputetit Vangjel Tavo Lëvizja Socialiste për Integrim u njoh nëpërmjet mediave me incidentin e ndodhur në mes të banorëve të fshatit Nepravishtë dhe forcave të rendit.

LSI shpreh keqardhjen për degradimin e këtij konflikti dhe dënon ushtrimin e dhunës fizike e cila nuk kurseu as deputetin Vangjel Tavo.

Ushtrimi i dhunës ndaj kujtdo sidomos kur ajo bie edhe mbi deputetët është një demonstrim i një klime konfliktuale të panevojshme që po instalohet.

LSI mendon se zbardhja e menjëhershme e rrethanave dhe shkaktarëve si dhe nxjerrja e këtyre të fundit para përgjegjësisë dhe komunikimi transparent me publikun janë hapa të domosdoshme për të demonstruar një sjellje demokratike të qeverisë.

LSI i uron shërim të shpejtë deputetit Tavo dhe kërkon prerazi që akte të tilla të mos përsëriten më.
0x323030362d30312d3233 14:25)”