Lideri i LSI z.Ilir Meta takim me 320 anëtarë të rinj në Fier. Meta bën thirrje për veprim

Lideri i LSI z.Ilir Meta takim me 320 anëtarë të rinj në Fier. Meta bën thirrje për veprim se shqiptarët kanë nevojë për punësim që t’ju rritet mirëqenia. Meta zhvillon një takim dhe ne një fabrike plastasi në Fier biznes që mban me punë dhjetëra familje në Fier 12:44

Meta: Eshtë koha për veprim. Vendi ka nevojë për punësim vendi ka nevojë për një drejtim me ambicie të mëdha por edhe që ata kanë dhënë prova që mund ta fusin Shqipërinë në rrugën e progresit

Lideri i Lëvizjes Socialiste për Integrim z. Ilir Meta zhvilloi një takim në Fier me 320 anëtarë të rinj të cilët morën kartën e anëtarësimit në LSI. Meta zhvilloi dhe një takim në një fabrikë në Fier ku bashkëbisedoi për shqerësimet që kishin drejtuesit e këtij biznesi që mbajnë me punë dhjetëra familje fierake. Në këtë takim Meta shoqërohej nga Nënkryetari dhe deputeti i LSI-së Dritan Prifti Kryetari i Bashkisë së Lushnjës Albert Sanxhaku anëtari i Kryesisë së LSI Fatos Klosi si dhe të tjerë drejtues të LSI-së në këtë qytet. Gjatë fjalës së tij përshëndetëse Dritan Prifti shprehu optimizmin e tij për suksesin histori që LSI-ja do të ketë në qarkun e Fierit duke dal forca e parë fituese.
Lideri i LSI z.Meta pasi falënderoi 320 anëtarët e rinj që i janë bashkangjitur LSI bëri një apel “se është Koha për Veprim”. Ky është apeli tha Meta që bashkon gjithnjë edhe më shumë shqiptarët rreth LSI-së dhe koalicionit tonë dhe që bashkon me ne dhe gjeneratën më të re. “Vendi ka nevojë për punësim vendi ka nevojë për një drejtim me ambicie të mëdha por edhe për ata që kanë dhënë prova që mund ta fusin Shqipërinë në rrugën e progresit. Sepse të rinjtë tha kreu i LSI kanë nevojë për më tepër mundësi sesa ofrohen sot për të ardhmen e tyre. Sepse shqiptarët kërcënohen në çështjet me jetike deri tek ekzistenca e tyre pra duke vënë në rrezik edhe bukën e gojës.
Sipas liderit të LSI këto realitete kërkojnë veprime të menjëhershme konkrete të përgjegjshme që do integrojnë jo vetëm njerëzit pa përkrahjen e shtetit por të gjithë shqiptarët.
Është Koha për Veprim në mënyrë që ndryshimi të jetë i prekshëm në mënyrë që ndryshimi të jetë vërtetë ai që do i bëjë shqiptarët jo vetëm të dëgjojnë fjalën ndryshim më shumë por të jetojnë shumë më mirë sesa dje” theksoi Meta.
Ish-Kryeministri Meta duke folur mbi vlerat dhe mbi filozofinë e LSI-së theksoi se- LSI-ja është forca politike ka për të thënë më shumë se kushdo tjetër në zgjedhje e 28 Qershorit dhe për të ardhmen. Është një forcë politike e re tha ai një forcë politike gjithmonë në rritje në të gjithë vendin është një forcë politike e cila ka një lidership të testuar në drejtimin e vendit por është një forcë politike e cila ka kualitete të  mëdha intelektuale dhe profesionale por mbi të gjitha është një forcë politike që ka besim tek aftësitë dhe talentet e gjithë shqiptarëve. Por gjithashtu është një forcë politike që ka një program që dëshiron t’i japë mundësi çdo të riu dhe te reje për të shpalosur këto aftësi dhe këto talente.
Gjithashtu Meta foli edhe për diversionet pa kripë të z.Berisha i cili përpiqet të përçajë të majtën. Sipas Metës LSI-ja nuk ka ndryshuar asnjë element esencial në politikat dhe qëndrimet e saj për të ardhmen. Sepse LSI-ja gjithmonë e ka bërë të qartë pa pasur frikë dhe pa pasur komplekse se është një forcë e majtë një forcë progresiste. LSI nuk është e majtë për t’i ndarë shqiptarët në të majtë dhe në të djathtë por LSI-ja është e majtë se ka politika të qarta sociale dhe kohezion social sikurse dhe integrim social që kanë nevojë shqiptarët. Duke shtruar pyetjen se kur kemi thënë ne ndonjëherë apo dikush nga ne që mund të bëjmë koalicion me Sali Berishën?! A mund të mbajmë ne përgjegjësi për diversionet e lodhura që bën Sali Berisha? Absolutisht jo.
LSI asnjëherë nuk ka rënë pre e diversioneve të Sali Berishës për të përçarë opozitën. Ne çdo ditë punojmë në mënyrë të sinqertë dhe pa ekuivok për fitoren e koalicionit që ne  përfaqësojmë dhe që ne drejtojmë. Ndaj dhe nuk ka pse të habitet askush kur ne theksuam për të disatën herë që LSI-ja në rast se nuk i fiton zgjedhjet vetëm me koalicionin e saj do të bëjë koalicion me partitë e majta dhe konkretisht me PS-së.
Nuk ka ndryshuar qëndrimi ynë për dhunimin e Kushtetutës qëndrimi ynë është i njëjtë. Nuk kanë ndryshuar as pikëpamjet tona për Kodin zgjedhor sepse ashtu sikurse u interpretua ai ne  e kishim paralajmëruar se do vinte në rrezik të madh standardin e zgjedhjeve që sot me të drejtë flasin dhe përfaqësuesit e Partisë Socialiste.

0x323030392d30332d3235 Meta duke dhene kartat e LSi per anetaret e rinj ne Fier.JPG

/ In Archived Articles / By LSI / Comments Off on Lideri i LSI z.Ilir Meta takim me 320 anëtarë të rinj në Fier. Meta bën thirrje për veprim

Deklaratë e Zv.Kryetarit të LSI

Deklaratë e Zv.Kryetarit të LSI z.Pëllumb Xhufi për ngjarjen e rëndë tragjike të vrasjes së dy efektivave të Policisë së Shtetit LSI dëshiron të shprehë tronditjen e thellë të anëtarëve dhe simpatizantëve të saj lidhur me ngjarjen e rëndë që ka ndodhur mbrëmë rreth orës 21.00 në fshatin Shën- Mëri të rrethit të Kukësit ku u vranë nga një dorë kriminale dy punonjës së Policisë së shtetit. Me këtë rast Lëvizja Socialiste për Integrim dëshiron të shprehë ndjenjat e solidaritetit dhe të bashkëpjesëmarrjes në këtë dhimbje të thellë familjeve të dy dëshmorëve më të rinj të policisë së shtetit miqve efektivëve të policisë ku ata kanë shërbyer me aq devotshmëri dhe armës së policisë së shtetit. Si asnjëherë më parë ne kërkojmë që organet e Prokurorisë të policisë dhe ato gjyqësore duhet të procedojnë me shpejtësi në identifikimin kapjen dhe sjelljen përpara përgjegjësisë të kriminelëve. Janë goditur dy qytetarë të ndershëm të këtij vendi janë goditur dy punonjës dhe shërbëtorë të devotshëm në mbrojte të ligjit dhe të rendit pra është goditur vetë shteti. Lëvizja Socialiste për Integrim në këtë moment të rëndë për familjet e Ramadanit dhe të Shkëlzenit i kërkon organeve të shtetit që të jenë afër familjeve të tyre për të kapërcyer dhimbjen vështirësitë që dalin e krijohen nga humbja e dy familjarëve. Nga ana tjetër Lëvizja Socialiste për Integrim shpreh dëshirën dhe bindjen se ky rast i rëndë përbën një shkas tjetër dhe një reflektim për të gjithë shoqërinë shqiptare për institucionet dhe në mënyrë të veçantë për të gjithë Qeverinë se lufta kundër krimit nuk është absolutisht një betejë e fituar ajo është një sfidë e përhershme. Është një sfidë serioze që shkon përtej llogarive partiake dhe atyre elektorale. 0x323030392d30332d3234

Meta takon disa familje të jetimëve në Tiranë

Meta takon disa familje të jetimëve në Tiranë që jetojnë në kushte tepër të rënduara. Meta premton se në qeverisjen që do vijë pas 28 Qershorit do të garantohet punësim dhe strehim për jetimët Meta: Në themel të gjithë angazhimit tonë të ardhshëm dhe qeverisës do të jetë punësimi dhe punësimi për jetimët do të jetë një prioritet i jashtëzakonshëm

Lideri i LSI z.Ilir Meta bëri një takim sot me disa familje në një prej qendrave të jetimëve të cilët jetojnë në kushte tepër të rënduara pranë Shkollës së Hoteleri-Turizëm në Tiranë. I shoqëruar edhe nga Nënkryetarja e LSI znj.Filloreta Kodra dhe Kryetari i Këshillit Bashkiak të Tiranës z.Sokol Dervishaj Meta bisedoi me Kryetarin e Shoqatës së Jetimëve z.Kadri Aliaj. Kryetari i Shoqatës së jetimëve por edhe jetimët që jetonin në kushte tepër të vështira në konviktin e shkollës së Hoteleri-Turizmit ku në një dhomë të vetme jetonte një familje me dy fëmijë të vegjël falënderuan z.Meta pasi ai është i vetmi politikan që po ju kushton vëmendje. Vetë jetimët shprehën shqetësimin që nuk kishin punë dhe se nuk arrinin të siguronin as të ardhura minimale për të jetuar. Njëkohësisht ata u shprehën se kishin 4 ditë që nuk kishin drita fare sikurse edhe uji mungonte herë pas here.
Duke dëgjuar gjithë këto shqetësime Meta i garantoi ata se pas 28 Qershorit do të ketë një tjetër qeverisje e cila do të mendojë për t’ju zgjidhur hallet kësaj shtrese shoqërore në nevojë duke gjetur mundësitë për punësimin dhe strehimin e tyre.

Deklarata e Metës pas takimit me jetimët:

Ne jemi sot këtu në këtë qendër të jetimëve të kryeqytetit në kuadër të dialogut dhe bashkëpunimit që ne kemi me përfaqësuesit e Shoqatës së Jetimëve. Natyrisht që jemi shumë të prekur nga kjo gjendje shumë e rëndë që dhe ju vetë si gazetarë e keni konstatuar që tregon në fakt një braktisje të kësaj shtrese që ka nevojë më shumë se kushdo tjetër për solidaritet dhe ngrohtësi nga shoqëria nga Qeveria nga shteti. Natyrisht që jemi këtu për t’u angazhuar për të realizuar një integrim sa më dinjitoz të gjithë jetimëve të Shqipërisë në gjithë proceset e zhvillimit të vendit dhe integrimit të shqiptarëve dhe njëkohësisht edhe të vendit në Europë. Në themel të gjithë angazhimit tonë të ardhshëm dhe qeverisës do të jetë punësimi dhe punësimi për jetimët do të jetë një prioritet i jashtëzakonshëm pasi është e tmerrshme të shikosh që njerëz që kanë qenë jetim që të vegjël të cilët edhe pasi kanë mbaruar shkollën e mesme ndihen jo vetëm jetimë por edhe të papunë të paintegruar të braktisur. Madje shpesh ka nga ata që përfundojnë në azile pa punuar pa u integruar në shoqëri. Mendoj se nuk duhet të ketë më në një Shqipëri të tillë. Një Shqipëri në NATO dhe një Shqipëri në Evropë duhet t’i japë mundësi të gjithëve dhe theksoj edhe një herë tjetër se duhet të japë mundësi jetimëve që të ndihen pjesë e gjithë kësaj familje të madhe që duhet të jetë Shqipëria jonë e përbashkët. Besoj se përmes gjithë programeve që ne kemi tashmë si prioritet që nga shkollimi në funksion të punësimit e sidomos lidhur me programet e punësimit ku punësimi jetik do të jetë një shtyllë për të luftuar varfërinë akute që ka prekur një pjesë të mirë të shoqërisë sonë ashtu si dhe vetë jetimët. Dhe programi ynë për punësimin e vazhdueshëm dhe afatgjatë do të ofrojë zgjidhje shumë të kënaqshme edhe për këtë shtresë shumë të rëndësishme dhe shumë të ndjeshme të shoqërisë sonë. Po kështu do të angazhohemi për zbatimin e ligjit për jetimët që nga problemi i strehimit që nuk zbatohet dhe nuk tregohet kujdes as nga Qeveria as nga organet e pushtetit vendor dhe pastaj tek çështja e punësimit që është çështje themelore. Këta jetimë duhet të krijojnë familjet e tyre duhet të ecin para në jetë dhe duhet të ndihen krejtësisht të barabartë me të gjithë shqiptarët e tjerë.
Jam këtu dhe me Kryetarin e Këshillit të Bashkisë së Tiranës dhe duke qenë se jemi në një qendër që ka të bëjë me Kryeqytetin shpresoj që dhe Këshilli i Bashkisë dhe Bashkia të tregojë më shumë vëmendje për t’i ndihmuar dhe për t’i mbështetur këto qendra dhe vetë banorët e këtyre qendrave që nuk duhet të ndihen të përjashtuar nga të gjitha vendimet e rëndësishme të shoqërisë sonë dhe kryeqytetit tonë.
0x323030392d30332d3234 Meta me jetimet 1.jpg

20.03.09 – Lideri i LSI

20.03.09 – Lideri i LSI z.Ilir Meta flet për krizën ekonomike dhe rritjen e numrit të personave të papunë si pasojë e kësaj krize pas takimit të zhvilluar me Doris Pak Meta flet edhe për kartat e identitetit duke theksuar se LSI ka kërkuar prej muajsh shpërndarjen falas të kartave për shtresat në nevojë

Lidhur me takimin më të fundit midis delegacioneve parlamentare të vendit tonë dhe të Bashkimit Evropian dua të tërheq vëmendjen në veçanti për rekomandimin shumë të qartë që ka edhe deklarata e përbashkët e dy delegacioneve që kërkojnë nga Qeveria shqiptare të përgatisë dhe të zbatojë një plan në mënyrë që të reduktojë efektet e krizës ekonomike globale në Shqipëri. Ky plan në konsultim me gjithë institucionet e tjera dhe në veçanti ato përfaqësuese të biznesit duhet të ketë si fokus kryesor për të ruajtur stabilitetin ekonomik në vend dhe së dyti për të ruajtur dhe për të mbrojtur nivelin aktual të punësimit në vend që është i cënuar nga efektet aktuale dhe të pritshme të kësaj krize.
Me këtë rast unë dua edhe njëherë tjetër të përforcoj kërkesën e LSI-së adresuar Kryeministrit Berisha për të zhvilluar debatin në Kuvend lidhur me efektet aktuale të kësaj krize në ekonominë shqiptare në bizneset shqiptare dhe të qytetarëve shqiptarë në përgjithësi. Po kështu edhe miratimi i Planit Kombëtar për të përballuar këtë krizë pasi kjo është shumë e rëndësishme për t’u dhënë garanci edhe psikologjike biznesit investitorëve si dhe konsumatorëve shqiptarë ku kuptohet që edhe ethet e fushatës elektorale mund të kenë ndikimet e tyre përkeqësuese. Besoj se është një apel i parë që i drejtohet Qeverisë shqiptare për të marrë në konsideratë dhe për të hartuar një plan për menaxhimin e kësaj krize sepse ne nuk mund të presim që efektet e kësaj krize të jenë shumë më të mëdha për të miratuar këtë plan sepse do të jetë shumë vonë.
z. Meta duke dalë pak nga çështja e krizës ekonomike duke ju pyetur për një krizë tjetër sikurse është ajo e zgjedhjeve elektorale le të bëjmë këtë paralelizëm. A keni ndonjë koment në lidhje me propozimin e djeshëm të kryetarit të PS-së për paisjen falas me karta identiteti për personat që nuk kanë pasaportë?
Ne kemi shprehur prej muajsh këtë ide. Është e rëndësishme që çdo ide dhe propozim të gjejë konsensus sa më të gjerë. Njëkohësisht ne pas takimeve që kemi zhvilluar edhe me ODIHR presim edhe një mendim apo sugjerim të tyre lidhur me çështjen e kartave të identitetit dhe pavarësisht nga kjo unë mendoj se ne duhet të kërkojmë nga të gjithë qytetarët shqiptarë që të angazhohen për të aplikuar në kohë dhe për t’u pajisur me karta identiteti sa më shpejtë para zgjedhjeve pasi natyrisht ky është një proces i cili duhet të përparojë. Lidhur me motivimin e mëtejshëm të qytetarëve në këtë drejtim mendoj se nuk ka asgjë te keqe të bëhen propozime dhe të shikohen të gjitha mundësitë pasi kuptohet se koha është tepër e shkurtër dhe motivimi nuk është ai që duhet. Pavarësisht nga kjo unë ditën e hënë do të aplikoj për kartë identiteti personalisht për t’u bërë thirrje të gjithëve që të aplikojnë dhe të pajisen me karta pavarësisht se personalisht kam edhe pasaportë diplomatike. Mendoj se është një detyrë qytetare për tu pajisur me kartat indentiteti. Njëkohësisht është detyrë edhe e Komisionit Parlamentar për monitorimin e këtij procesi që të verifikojë se si po ecën ai dhe cilat janë mundësitë dhe kapacitetet teknike dhe të propozojë zgjidhje konkrete për të motivuar më shumë qytetarët.
0x323030392d30332d3230 2

Fjala e mbajtur në Kuvend nga Zv.Kryetari i LSI dhe kryetar i Grupit Parlamentar “E majta për integrim”

Fjala e mbajtur në Kuvend nga Zv.Kryetari i LSI dhe kryetar i Grupit Parlamentar “E majta për integrim” z.Pëllumb Xhufi për kërkesën e Prokurorisë për heqjen e imunitetit të deputetit të LSI z.Nikollaq Neranxi Xhufi: Kemi të bëjmë me një rast presioni të hapur politik që bëhet ndaj Neranxit për atë çfarë ai përfaqëson si individ dhe kundër forcës politike që ai përfaqëson dhe nuk besoj që të jetë vetëm mazhoranca në këtë histori…

Të nderuar kolegë deputetë! Pak minuta përpara se të fillonte seanca në një ambjent ngjitur me sallën e Parlamentit u mblodh Këshilli i Imuniteteve dhe Mandateve për të shqyrtuar kërkesën e Prokurorisë së Tiranës për heqjen e imunitetit të deputetit tonë Nikollaq Neranxit. Në kushte të tjera ne do të admironim vërtet këtë kërkesë të bërë me shumë shpejtësi nga Prokuroria por rasti absolutisht nuk është i tillë. Për të sqaruar kolegët dua të them se bëhet fjalë për shkelje doganore për një faturë e cila nuk mban as firmën e zotit Neranxi për një faturë që ka një shumë prej 15-20 mijë euro. Nuk ka rëndësi shuma dhe nuk e thashë këtë për të minimizuar problemin. Çështja është që problemi nuk ekziton absolutisht dhe zoti Neraxi të gjithë e dimë nisur nga një moment i caktuar e kanë ndjekur fatkeqësitë në këtë parlament. Dihet që në moment të caktuar tregoi një integritet të rrallë në këtë parlament duke u larguar nga Partia Agrare Ambientaliste në momentin kur ajo u bashkua me mazhorancën. Që në atë kohë gjithmonë na kujtohet sesi zoti Neranxi në mënyrë të dukshme këtu por ne dimë dhe fakte të tjera i janë bërë presione të vazhdueshme i janë bërë kërcënime nga mazhoranca i janë bërë kërcënime të hapura nga ministri i Financave pikërisht për ta shkatërruar atë dhe për të shkatërruar biznesin e familjes së tij. Arsyeja dihet sepse zoti Neranxi me një kurajo që e karakterizon dhe që nuk na karakterizon ne shumë të tjerëve ka denoncuar fakte korruptive të kësaj qeverie.
Dua ta mbyll këtë çështje në aspektin ligjor edhe sikur ky fakt të ekzistonte realisht unë dua të kujtoj që ka qenë kjo mazhorancë që pikërisht në shtator të vitit të kaluar kaloi ligjin 9886 lidhur me aminstinë fiskale që falte të gjitha detyrimet fiskale doganore të parealizuara. Gjithsesi tashmë këtu kemi të bëjmë me një rast presioni të hapur politik që bëhet ndaj personit Neranxi për atë çfarë ai që përfaqëson si individ dhe kundër forcës politike që ai përfaqëson dhe nuk besoj që të jetë vetëm mazhoranca në këtë histori.
Dua të theksoj dhe një aspekt tjetër që ka karakterizuar zotin Neranxi. Zoti Neranxi ka denoncuar me shumë forcë si askush në këtë parlament dhe jashtë tij afera në të cilat është përfshirë kryebashkiaku i Himarës zoti Bollano. Do të thoni ju ç’hyn këtu kryebashkiaku karagjoz i Himarës. Hyn sepse zoti Neranxi ka denoncuar pikërisht implikimet që ky njeri ka në afera të tmerrshme korruptive me njerëz të lartë në qeveri. Natyrisht dikush ose shumëkush në qeveri nuk do të pranonte t’ia falte.
Dhe të vijmë te problemi i prokurorisë. Ne si forcë politike kemi qenë në krah aq sa na lejohet për të bërë presionin e duhur politik për të shprehur solidaritetin për të inkurajuar prokurorinë në ndjekjen e shumë çështjeve të cilat ajo ka ose ka pasur deri tani në dorë. Për fat të keq nuk ka ndodhur dhe ka ndodhur një gjë e çuditshme sidomos nga momenti kur kaloi dhe ligji për prokurorinë të cilin vetë kryeprokurorja e përgjithshme e denoncoi si një ligj i cili e vë prokurorinë nën kontrollin e ekzekutivit. Janë fjalë që ajo ka thënë. Që nga ai moment prokuroria ka humbur shumë nga kurajoja që e ka karakterizuar ta paktën deri para dy-tre muajsh. Dhe për të cituar një apo dy shembuj përmend ato që kanë ndodhur këto ditët e fundit. Ajo dosja e famshme e korrupsionit dhe abuzimeve me rrugën Durrës-Kukës u gjet të dorëzohet me shumë vonesë në një ditë feste. Dhe çështja tjetër shpërthyese ajo e Gërdecit u kthye nga Gjykata e Lartë sepse kishte disa gabime banale të cilat sigurisht prokurorë sado të aftë apo të paaftë nuk mund t’i bëjmë.
Pra këtu kemi të bëjmë me një proces i cili kthehet përsëri në vëmendjen e opinionit dhe në vëmendjen tonë sepse çfarë do të ndodhë? Do të ndodhë që procesohet për korrupsion kundër një personi që është deputeti Nikollaq Neranxi i cili më fort se kushdo ka denoncuar pikërisht korrupsionin në këtë parlament ndërkohë që lihen nuk goditen ata segmente ata individë të korruptuar të cilët të tillë janë dëshmuar gjatë vitit të fundit.
0x323030392d30332d3139 FJALIME

/ In Archived Articles / By LSI / Comments Off on Fjala e mbajtur në Kuvend nga Zv.Kryetari i LSI dhe kryetar i Grupit Parlamentar “E majta për integrim”

Lëvizja Socialiste për Integrim fillon bashkëpunimin me kompaninë amerikane

Lëvizja Socialiste për Integrim fillon bashkëpunimin me kompaninë amerikane Greenberg Quinlan Rosner për fushatën elektorale. Lideri i LSI Meta dhe Zv.Presidenti i Greenberg deklarojnë detajet e bashkëpunimit Greenberg Quinlan Rosner është kompania që ka bërë fushatën e liderëve të majtë progresistë në botë si të ish-Presidentit Klinton ish-Kryeministrit të Britanisë Blair të Kancelarit të Austrisë Gusenbauer apo dhe të Mandelës
Zv.Presidenti i Greenberg Quinlan Rosner z. Feierstein: Problemi është jo vetëm që të zgjerojmë partinë tonë por në një mënyrë që të jetë e pranueshme nga të gjithë shqiptarët. Pra ky është parimi kryesor që zoti Barack Obama i është përkushtuar Partisë Demokratike dhe ne shohim një ngjshmëri dhe kapacitet të njëjtë të zotit Meta për partinë e tij
“Nëse kthehemi pas dhe shikojmë historinë e Shqipërisë dhe zhvillimin ekonomik do të shikonim që të gjitha investimet dhe zhvillimi janë bërë gjatë periudhës së qeverisjes së zotit Meta. Ai është dhe një mik shumë i mirë i Shteteve të Bashkuara të Amerikës. Ishte një aleat tepër i mirë i SHBA dhe ne kemi punuar shumë pranë së bashku në çështje të rëndësishme për vendin tim dhe për çështje të ndryshme rajonale”

Deklarata e Liderit të LSI z.Ilir Meta
Jemi sot përpara jush me Zv.Presidentin e Kompanisë së njohur amerikane “Greenberg Quinlan Rosner” me të cilën ne kemi vendosur të bashkëpunojmë në zgjedhjet e ardhshme elektorale të 28 Qershorit. Jemi shumë të kënaqur për mirëkuptimin dhe partneritetin që kemi vendosur me këtë kompani të njohur e cila mbështet jo vetëm në SHBA por edhe në Evropë apo edhe në Kontinente të tjera forca progresiste dhe kandidatë progresistë në shpalosjen e ideve dhe programeve të tyre.
Besojmë në një bashkëpunim shumë të suksesshëm për zgjedhjet e 28 Qershorit dhe jam i bindur që një bashkëpunim i tillë nuk do i shërbejë vetëm suksesit të Lëvizjes Socialiste për Integrim por do të jetë njëkohësisht dhe risi lidhur me fushatat elektorale në vend lidhur me strategjitë e këtyre fushatave.
Zv.Presidenti i Greenberg z.Feierstein ka këshilluar kandidatë dhe forca progresiste në SHBA Evropë dhe në Amerikën Latine. Ka qenë dhe në fushatën e fundit presidenciale në Shtetet e Bashkuara të Amerikës pjesë e Komitetit të financës dhe të ekipit të Politikës së Jashtme të kandidatit për President atëherë dhe sot President i SHBA-së z.Obama. Njëkohësisht ka qenë pjesë e administratës së ish-Presidentit Klinton. Vazhdimisht ka qenë i angazhuar në institucione të ndryshme si në Departamentin e Shtetit USAID në NDI dhe njëkohësisht ka eksperiencë shumë të gjerë në monitorimin e zgjedhjeve dhe në parandalimin e manipulimeve të zgjedhjeve në shumë vende të ndryshme në Botë.
Ne sigurisht jemi shumë të shqetësuar për standartet e zgjedhjeve ndaj një nga drejtimet e bashkëpunimit tonë do të jetë pikërisht bashkëpunimi për të mbrojtur standartin e zgjedhjeve të ardhshme që është rrezikuar seriozisht nga mungesa e vullnetit politik të dy palëve dhe në veçanti të mazhorancës për të garantuar zgjedhje vërtetë të ndershme të lira dhe të barabarta sipas standarteve ndërkombëtare. Së dyti mendoj se situata ekonomike në të cilën ndodhet vendi kërkon një përqendrim të plotë në çështjet ekonomike dhe në alternativat për zgjidhjen e tyre. Në këtë drejtim besoj se edhe eksperienca ime dy- vjeçare si Kryeministër në një periudhë post-krize dhe me shumë probleme të mëdha ekonomike dhe sociale pa dyshim që është një shembull sesi vendi në një kohë shumë të shkurtër kaloi drejtë një stabiliteti dhe u përgatit për procesin e Stabilizim -Asocimit dhe përjetoi një rritje të jashtëzakonshme ndryshimesh. Pikërisht kjo është një përvojë mjaft e domosdoshme për një lider që merr përgjegjësi në një situatë krize si kjo që po kalon sot vendi ynë por mendoj se kemi shumë elementë të rinj socialë dhe ekonomikë që ne do shpalosim në këtë fushatë në mënyrë që shqiptarët të jenë të bindur se nga kjo varfëri dhe nga kjo mungesë mundësish për t’u punësuar më mirë për të shikuar mundësitë e tyre për të ardhmen në këtë vend do t’i nxjerrë në radhë të parë programi i LSI-së dhe koalicioni tonë.
Z.Meta a mendoni që me bashkëpunimin tuaj si forcë politike me kompaninë “Greenberg Quinlan Rosner” do të garantoni sukses?
Ne jemi të bindur në suksesin e LSI-së në këto zgjedhje për të gjithë ato arsye që kemi përmendur shpesh. Por besoj se edhe ky bashkëpunim dhe kjo eksperiencë e shkëlqyer që ka kjo kompani janë një tjetër mundësi për të përforcuar suksesin e LSI-së në këto zgjedhje dhe mendoj se ky nuk është thjesht vetëm një sukses i LSI-së. Por mendoj se është vërtetë një kontribut dhe një investim për zhvillimin e demokracisë në Shqipëri e cila ka përjetuar goditje të forta në të gjithë sistemin e vet që nga Kushtetuta dhe Kodi Zgjedhor gjatë vitit të fundit apo tek një censurë e jashtëzakonshme mediatike që është rikthyer pas shumë vitesh në vend dhe deri tek ajo që mendoj se i preokupon shumicën e shqiptarëve sot; pasiguria për të ardhmen ekonomike. Ky mbetet një nga problemet jashtëzakonisht i madh dhe që shoqërohet me probleme sociale por edhe problem kombëtar sepse ne kemi përjetuar një krizë të jashtëzakonshme në vitet 96-97. Ndaj vendi duhet të dalë menjëherë nga ky rrezik i madh në të cilën ndodhen sot dhe për këtë jo vetëm duhet një lidership i provuar me vështirësi të tilla por njëkohësisht është e domosdoshme dhe një eksperiencë shumë suksesshme ndërkombëtare.
Deklarata e Zv.Presidentit të kompanisë amerikane Greenberg Quinlan Rosner Z.Mark Feierstein
Është një nder për mua që ndodhem këtu në këtë vend të mrekullueshëm dhe unë mezi pres të kaloj disa muaj këtu mes jush. Përpara se të mbaj fjalimin tim do të doja të prezantoja kolegët e mi në të majtën time zoti Xhon Moreira i cili është një zyrtar i lartë dhe këshillues politik. Xhon ka këshilluar disa parti politike nëpër botë dhe është një ekspert shumë i mirë në dizenjimin e metodave të sondazheve. Në krahun e djathtë të zotit Meta ndodhet Xhesika. Xhesika këshillon kandidatë në nivele të ndryshme pra në nivel qyteti shteti presidencial. Ajo ka qenë gjithmonë një menaxhere fushate në një nga fushatat më delikate të historisë Amerikane pikërisht në shtetin e Virxhinias aty ku demokratët priteshin të humbnin dhe një suprizë e madhe ndodhi kur kandidatët u shpallën fitues me një numër të madh votash dhe kjo falë punës së madhe të Xhesikas.
Do të flas pak për kompaninë dhe historinë tonë. Kompani jonë u themelua në vitin 1980. Pra kanë kaluar rreth tre dekada që në Shtetet e Bashkuara të Amerikës ne këshillojmë kandidatë demokratë dhe kemi punuar në rreth 70 vende duke punuar për kandidatë progresistë në parime dhe ideologji demokratike.
Kemi qenë vërtet me fat gjatë viteve sepse kemi punuar për kandidatë tepër të aftë në politikë sidomos në vitin 1992. Ky ka qenë viti kur kandidati Bill Klinton konkuroi me Xhorxh Bush dhe sigurisht që ka qenë një fushatë tepër e rëndësishme dhe me rezultate shumë të mira. Ne kemi vazhduar të punojmë për Bill Klinton në Shtëpinë e Bardhë duke luajtur rolin e këshilluesit për të. Ne kemi punuar në Britaninë e Madhe për Tony Blair. Me të kemi punuar në disa fushata rresht që kanë qenë me rezultate shumë të suksesshme. Kemi pasur një kënaqësi të madhe të punonim me Nelson Mandela në Afrikën e Jugut në vitin 1993 dhe në vitin 2006 kemi punuar për social- demokratët në Austri. Aty kemi pasur një fitore e cila u kurorëzua me fitues kandidatin e social- demokratëve Gusenbauer i cili më pas u bë Kryeministër dhe kancelar. Ndër fushatat e fundit që ne kemi kryer ka qenë në Salvador ku kemi punuar me kandidatin Mauricio Funes dhe kjo ka qenë fitorja e tij e parë në Salvador. Është vetëm diçka që bashkon të gjithë kandidatët tanë të gjithë klientët tanë për të cilët ne kemi punuar. Ata janë persona që shumë shpesh janë ndeshur me vështirësitë e fushatave. Por mbi të gjitha ata janë njerëz që vendosin dhe parashtrojnë para nesh ide të reja dhe projekte të mëdha për të ndryshuar vendin e tyre. Janë liderë të cilët kur i jepet mundësia për të qeverisur kanë rezultate tepër të mira dhe sjellin ndryshime të mëdha për vendet e tyre.
Po t’i kthehemi Shqipërisë partneri që kemi këtu është LSI dhe zoti Meta. Kjo është një vazhdimësi e traditës në punën e kompanisë sonë. Besoj se ju të gjithë e dini historinë e zotit Meta. Ai u bë Kryeministër kur ishte tepër i ri ishte vetëm 30 vjeç. Ai qeverisi në një periudhë tepër të vështirë për vendin tuaj kur sapo kishte rënë sistemi piramidal. Ai me të vërtetë që përmirësoi rrugët dhe infrastrukturën. Nëse kthehemi pas dhe shikojmë historinë e Shqipërisë dhe zhvillimin ekonomik do të shikonim që të gjitha investimet dhe zhvillimi janë bërë gjatë periudhës së qeverisjes së zotit Meta. Ai është dhe një mik shumë i mirë i Shteteve të Bashkuara të Amerikës. Ishte një aleat tepër i mirë i SHBA dhe ne kemi punuar shumë pranë së bashku në çështje të rëndësishme për vendin tim dhe për çështje të ndryshme rajonale.
Siç e shikojmë në këtë fushatë dhe po të shohim të gjithë të ardhmen e LSI dhe të zotit Meta ne kuptojmë se kjo do të jetë një fushatë tepër e madhe dhe e gjatë. Por ne jemi tepër të sigurt që të gjithë votuesit do të analizojnë mirë për kandidatët e ndryshëm dhe për partitë e ndryshme. Sigurisht që ato do të marrin në konsideratë momentin në të cilin po ndodh kjo fushatë dhe këto zgjedhje. Siç e dimë të gjithë jemi në mes të një krize globale e cila do të ketë dhe impakt mbi Shqipërinë. Votuesit sigurisht që do të gjykojnë eksperiencën e çdo kandidati kush ka eksperiencën kush është testuar dhe kush ka njohje të mjaftueshme politike për të ndihmuar Shqipërinë të kalojë këtë periudhë të vështirë.
Thuhet se zgjedhja për votuesit është mjaft e qartë pavarësisht se është në dorë të votuesit që ta bëjë këtë zgjedhje. Siç e dimë ka pasur shumë diskutime përsa i përket zgjedhjeve të kandidatëve dhe partive për procesin zgjedhor dhe problemet e ndryshme sesi do të bëhet i gjithë ky proces. Zoti Meta është në dijeni se unë kam punuar për NDI i cili i dedikohet vetëm zgjedhjeve dhe sistemit zgjedhor. Këtë do ta përdorim edhe përsa i përket punës sonë me këtë parti. Ne jemi tepër optimistë në atë çka do të ndodhë në këto muajt e fundit dhe mezi po presim të punojmë me LSI dhe me zotin Meta.
Pyetje: Pse zgjodhët të bashkëpunoni me LSI?
Kompania jonë punon me kandidatë progresistë dhe nëse shohim traditën e LSI do të gjejmë plot ngjashmëri mes tyre dhe kandidatëve tanë demokratë në SHBA dhe në parimet e kësaj partie. Po të shohim këto zgjedhje se çfarë Shqipëria ka nevojë

Analize nga Frrok Cupi

Analize nga Frrok Cupi Që sot LSI mund të quhet parti e parë.

Deri sot reporterët dhe politikanët kanë thënë “parti e tretë”; askush nuk e di pse ka vënë një numër. Megjithatë shpesh herë ndodh që fjala bën fole; e thua një gjë siç të është mësuar por nënkupton një gjë ndryshe. Zhargoni bën vend si pika e shiut madje edhe në psikozë; por si thyhen psikozat!?
Nuk është ndonjë çudi por ndodh e ka ndodhur praktikisht që në pjesën e Botës të quajtur Lindje (aq më shumë në Shqipëri) psikozat thyhen në sheshe. Sot populli i mbledhur nën thirrjen e LSI për “mbrojtjen e Republikës” do të jetë në shesh.
Lëvizja Socialiste për Integrim tani ndodhet para aktit të parë të çertifikimit: Është e treta është e dyta apo e para!? Ndërkohë do të çertifikohet pas 18 vjetësh edhe rëndësia e Lëvizjes Qytetare; vallë ku do të qëndrojë e para e dyta apo e fundit në shkallët e “demokracisë” së deformuar. Qytetarët e thirrur nga LSI sot do të ndodhen në shesh. Me këtë rast “qytetarët e Kushtetutës” do të vertetojnë sa qytetarinë në emër të ligjit aq edhe vetë përmasat e një partie që ndryshon shkallën e “Amfiteatrit”. Të paktën 50 mijë qytetarë do të ndodhen në shesh për të firmosur aktin e kthimit të vlerave të Kushtetutës me anë të referendumit popullor. Të dhënat janë se në sheshet e kryeqytetit do të mblidhen më shumë se dyfishi i 50 mijëve.
Nëse do të fitojë Referendumi popullor për Kushtetutën ky do të ishte një hap përpara për demokracinë dhe njëkohësisht një sukses i partisë iniciatore. Por edhe nëse nuk fiton qytetarët që e mbrojtën mbeten si vlerë demokratike.
Vlera tjetër e spikatur do të mbetet brenda radhëve të anëtarëve dhe simpatizanëve të krahut politik të majtë të cilët iniciuan Kushtetutën e parë demokratike të periudhës pluraliste të vendit. Në vitin 1998 pas një katastrofe shtetërore Partia Socialiste mundi të ngrejë më këmbë Ligjin themeltar të shtetit i pari ligj themeltar i shtetit të epokës demokratike në Shqipëri. Ligji Themeltar i shtetit i ngritur nga PS u rrëzua përsëri nga PS. Partia e ardhur nga “vuajtjet” staliniste nuk mundi ta mbajë gjatë peshën e Republikës së hapur. Mënyra e vetme për të vënë në vend padrejtësinë “kundër shtetit dhe demokracisë” është ringritja e kushtetutës po nga socialistët por tashmë nën flamurin LSI. Që sot Lëvizja Socialiste për Integrim nuk mund të thërritet më me numër si psh. “e treta”.

A do të jetë LSI që sot “parti e dytë” ose “parti e parë”?

Kjo është çeshtja. Në periudhën tonë të re të pluralizmit politik ulje-ngritjet e ekipeve politike janë shënuar jo rrallë. Shpesh herë ka ndodhur e paparashkruara. Disa nga liderët e LSI janë bashkëthemelues të pluralizmit politik në vitin 1990. Edhe atëhere iniciatorët e pluralizmit politik ndodheshin në “fund të radhës politike”. Por po themelohej fryma e re dhe sistemi i ri politik; radhët u kthyen në të kundërt.
Edhe sot në njëfarë mënyre ndodhemi në periudhën e “themelimit të pluralizmit”. Dy partitë që quhen të mëdha kanë dëmtuar rëndë ngrehinën e pluralizmit politik. Bashkimi i krerëve (PS-PD) në një projekt për bashkëqeverisje personale e ka shuar çdo nuancë opozitarizmi mes styre. Deri më sot fajtore kryesore dhe e dëmtuara e madhe mbetet PS. Kjo ka edhe përgjegjësinë që në historinë e saj fillimisht u rëndit kundër pluralizimit politik të shoqërisë; më vonë përparoi deri në krijimin e Kushtetutës së parë të shtetit demokratik. Rënia e saj do t’i kuishtojë shoqërisë duke kujtuar rënien fatale të së majtës në vitet ’20 të shekullit të kaluar në shtetet europiane. Kjo është arsyeja pse socialistët në rrugën për rikthimin e vlerave do të bashkohen me LSI.
Arsyeja e dytë është se Partia Socialiste tashmë nuk u përket socialistëve. Që nga kryetari i ardhur nga anarkizmi radikal shumë të tjerë kanë hyrë fshehurazi në kështjellën PS. Ndarja e socialistëve nga PS që nuk është socialiste bëhet me rastin e kujdesit për shtetingjë që i bën më të “ndershëm” . Pas kësaj PS nuk do të mund të quhet më as e dytë as e tretë radha e saj do të përcaktohet pas rikompozimit të së Majtës.
Lëvizja Socialiste për Integrim e cila u shkëput nga PS në vitin 2003 mori me vete shumë kritika nga e majta. Tani me sa duket po shërben si kështjella me dy hyrje e dalje. Socialistët që nuk e pranojnë kthimin pas dhe frymën antikushtetuese të liderve të PS po kalojnë në portën tjetër të së Majtës LSI.

Në qoftëse LSI do të jetë parti e parë në zgjedhjet e radhës të vitit 2009 kjo dëshmon se në trupin e Demokracisë ka gjak të ngrohtë.
0x323030392d30332d3139 ANALIZA

Analizë e Kryetarit të LSI

Analizë e Kryetarit të LSI ish-kryeministrit z.Ilir Meta botuar sot në gazetën më prestigjoze të Beogradit “Politika” Hashim Thaçi partneri i duhur i Serbisë

Cili mund të jetë interlokutori ynë në Kosovë?- më pyeti Zoran Xhinxhiç kryeministri i ndjerë i Serbisë në Maj të vitit 2002. ‘Hashim Thaci’ – ju përgjigja pa asnjë mëdyshje duke vërejtur një habi të lehtë në sytë e tij. Habia ia la vendin shumë shpejt përqendrimit të tij në pritje të argumentave.
Në atë kohë Hashim Thaçi ishte Kryetar i PDK-së partia e dytë në koalicionin qeverisës por që i kishte dhënë asaj Kryeministrin zotin Bajram Rexhepi. Në kuptimin institucional Thaçi mund të mos ishte njeriu më përfaqësues për të nisur një proces komunikimi me Serbinë proces që nisi shumë kohë më pas me ndërmjetësimin ndërkombëtar. Por pa asnjë dyshim ai ishte më i përshtatshmi.
Hashim Thaçi ishte i shpenguar për të filluar një dialog me Serbinë i cili kërkonte kurajo të madhe politike e vizion të qartë. Ai ishte i çliruar nga çdo lloj ndroje për një dialog të tillë që krijonte klimë shprese për të hedhur pas të kaluarën konfliktuale.
Së pari askush nuk mund ta akuzonte e t’i kërkonte llogari Thaçit se po komunikonte me Beogradin. Askush nuk mund të vinte në dyshim qëllimet e mira dhe konstruktive të ish-drejtuesit politik të UCK-së për të ndryshuar historinë por tani përmes dialogut dhe bashkëpunimit.
Ndërkohë megjithëse Thaçi kishte qenë një luftëtar dhe drejtues i UÇK ndaj tij nuk u ngrit ndonjë akuzë nga gjykata e Hagës për krime apo atrocitete. Ai kishte qenë thjesht një luftëtar për lirinë e popullit të tij dhe jo kundër popullit serb. Lufta për të nuk ishte një vokacion por një zgjedhje e detyruar nga makina shtypëse e Serbisë së drejtuar nga Millosheviçi. Thaçi kishte provuar se zgjidhte marrëveshjen para konfliktit. Ishte ai që kishte firmosur Rambujenë duke bindur edhe më radikalët me qëllim që të shmangte luftën.

Unë personalisht isha i bindur për këtë sepse edhe si Kryeministër i Shqipërisë dhe më pas Ministër i Jashtëm në ato vite në politikën e hapjes dhe bashkëpunimit me Serbinë gjithnjë kisha patur edhe mbështetjen e Hashim Thaçit.
Për fat të keq takimi që ne shpresonim midis Xhinxhiçit dhe Thaçit nuk u realizua dot pasi në mars të vitit 2003 Kryeministri Xhinxhiç u vra dhe bashkë me të edhe një gatishmëri e guximshme për kohën për të ngritur ura të forta komunikimi dhe bashkëpunimi midis shqiptarëve dhe serbëve.
Sot në vitin 2008 gjashtë vjet pas asaj bisede jam akoma më i bindur për atë çka i thashë Kryeministrit serb në atë ditë të majit 2002: Hashim Thaçi është partneri i duhur i Serbisë në Kosovë.
Thaçi është tashmë Kryeministër i Kosovës dhe kryetar i partisë më të madhe në vend. Rrethanat e sotme janë edhe më favorizuese që ai të luajë rolin e lidershipit dhe udhëheqesit vizionar dhe kurajoz për të sjellë një erë të re në marrëdhëniet midis shqiptarëve dhe serbëve duke dhënë kështu një kontribut të rëndësishëm jo vetëm për Kosovën dhe Serbinë por për gjithë rajonin.
Tashmë Thaçi nuk është më vetëm luftëtari i lirisë por një politikan i pjekur e i moderuar. Dhe në Kosovën e sotme ka një duet luajal Thaçi-Sejdiu që ka moderacionin dhe vullnetin për të çuar me guxim përpara zhvillimin e Kosovës dhe për të konsoliduar rolin e saj në rajon e më gjerë.
Dikush mund të pyesë pse Thaçi është zgjedhja më e mirë për Serbinë? Natyrshëm kjo pyetje nuk mund të marrë përgjigje para se t’i përgjigjemi një pyetjeje tjetër: Po serbët çfarë kërkojnë në Kosovë? Përgjigjen më të mirë ja ka dhënë Presidenti Ahtisari dhe plani i tij që do të jetë në themel të pavarësisë së Kosovës e që parasheh së pari respektimin e të drejtave dhe siguri për minoritetin serb. Integrim i tyre në jetën sociale ekonomike e politike të Kosovës respekt për kulturën për objektet e kultit e trashëgiminë.
Përgjigjen e kësaj pyetje dhe përqasjen e tij për Kosovën multietnike Hashim Thaçi e ka shprehur në një artikull të gazetës Internacional Herald Tribune në nëntor 2005 kur sapo kishte filluar procesi për përcaktimin e statusit përfundimtar të Kosovës. “Ndoshta shkruan Thaçi motivimi më i mirë për të gjithë ne do të ishte që Bashkimi Evropian të pranonte Kosovën Serbinë dhe Malin e Zi si tre vende të pavarura të cilët kanë zbatuar të njëjtat standarte të zhvillimit demokratik mbrojtjes së minoriteteve dhe garancive ekonomike nën ombrellën e NATO-s. Në këtë menyrë i gjithë rajoni mund të çarmatoset të ketë kufinj të hapur lëvizje të lirë të njerëzve mallrave e shërbimeve të ketë sundim të fortë të ligjit dhe një ekonomi të qëndrueshme… Atëherë dhe vetëm ateherë urrejtjet dhe konfliktet e të kaluarës mund të kyçen me të vërtete në memorjen kolektive dhe të mos ringjallen në eksperiencën e çdo brezi pasues”.
Në detyrën e saponisur të Kryeministrit Thaçi po e realizon këtë përqasje të tij në mënyrë konkrete. Integrimi i komunitetit serb dhe pakicave të tjera në qeverinë e tij është një hap i parë. Ai është i ndërgjegjshëm se liria e Kosovës nuk mund të jetë e sigurtë dhe e qëndrueshme pa lirinë e minoritetit serb. Kosova është vërtetë para momentit historik të pavaresisë së saj dhe kjo nuk ka kthim. Sfida për Kosovën dhe për kryeministrin e saj është të menaxhojë gjithë problematikën e pas-pavarësisë në mënyrë të veçantë marrëdhëniet me Serbinë dhe me serbët e Kosovës. Suksesi i tij në këto sfida do të varet shumë edhe nga mbështetja ndërkombëtare e cila nga ana e saj do të varet pikërisht nga mënyra se si Thaçi e qeveria e tij do të respektojë të drejtat e serbëve.
6 vjet më parë më 14 Shkurt 2003 katër javë para se të vritej në një intervistë me Zërin e Amerikës Xhinxhiç shprehu gatishmërine për një takim me Hashim Thaçin si një politikan i cili mund të zbatonte gjërat për të cilat mund të arrihej mirëkuptim dhe kompromis. Ky takim ka mbetur akoma për t’u bërë nga njerëz me atë kurajo dhe vizion që kishte Xhinxhiç.

-Ish-Kryeministër i Shqipërisë
0x323030392d30332d3139 ANALIZA