Situata me coronavirusin, shkrimi emocionues i Pojanës/ Me besimin te Zoti që na krijoi do ia dalim

Anëtari i Kryesisë së LSI-së, Klevi Pojana ka sjellë një shkrim emocionues dhe motivues në këto ditë të vështira  nga situata e coronavirusit në vendin tonë por edhe në gjithë botën.

“Janë ditë ‘beteje’, në të cilat duhet të tregojmë përgjegjshmëri, përkujdesje dhe maturi. Por unë jam i bindur se ne do i’a dalim!Për pak kohë, coronavirusi do të jetë histori, por një histori nga e cila ne duhet të nxjerrim disa mësime për të gjithë jetën! Le të ndjekim rrugën e Atij që s’ka të dytë, duke u përmirësuar në raport me Të, me veten, me familjen, me të gjithë”-shkruan Pojana

Postimi i Pojanës:

Nuk je i/e detyruar ta lexosh, por nëse e lexon, LEXOJE DERI NË FUND

14 Mars, 2020

Gjithçka ka ndalur… qyteti, makinat, tymi, zhurmat… pothuajse gjithçka!

Ka ndalur e ‘mira’, përqafimet, puthjet, takimet, shtrëngimet.

Por ka ndalur bashkë me të edhe e ‘keqja’… u bënë disa orë që nuk po dëgjohet më për vrasje, plagosje, vjedhje, aksidente.

Është diçka e re, diçka që s’ka ndodhur kurrë më parë, diçka që askush se ka menduar asnjëherë.

Duket se gjithë ‘bota’ ka ndalur, e ndoshta kishim vërtet nevojë të ndalnim, por si gjithmonë nuk jemi as gati e as dakord me arsyen pse.

COVID-19 ja doli të ndalte ‘botën’, po po, një virus kaq i vogël, sa ta krahasosh me një grimcë rëre, do duhet ta përpjestosh mijëra herë, arriti ta ndalte turravrapin e botës humane.

Por vetëm kaq. Vetëm ne ka arritur të na ndalë.

Rrotullimi i tokës rreth vetes vazhdon, dita i’a lë vendin natës e nata përsëri bëhet ditë.
Edhe diellit vazhdojmë t’i përqarkemi si gjithmonë, në rutinën miliona vjeçare të sistemit tonë, është radha që pranvera t’ia lërë vendin verës.
Madje jeta vazhdon njësoj në të pesta mbretëritë e gjallesave, të cilat po ‘çuditen’ me ne humanët se pse kemi stopuar.

Nuk është fundi i botës… ende jo!

Por ka edhe diçka krejt humane që nuk ka ndalur…
Ajo është rrahja e zemrave tona.
Tik-taku vazhdon, e bashkë me të dhe dashuria, e cila shkrihet në detin e shkëlqimit të syve tanë.

Janë ditë të vështira, ditë që kërkojnë të jemi të bashkuar edhe pse duhet të rrimë të ndarë.

Janë ditë ‘beteje’, në të cilat duhet të tregojmë përgjegjshmëri, përkujdesje dhe maturi.

Janë ditë tepër unike, një luftë për jetën duhet fituar.
Armiku është një, i përbashkët dhe i pamëshirshëm për të marrë nga ne njerëzit më të shtrenjtë.

Por unë jam i bindur se ne do i’a dalim!
Për pak kohë, coronavirusi do të jetë histori, por një histori nga e cila ne duhet të nxjerrim disa mësime për të gjithë jetën!

Le të shohim thellë në sytë e atyre që duam më së tepërmi!

Le të besojmë më shumë tek Ai që i krijoi ata sy!

Le të ndjekim rrugën e Atij që s’ka të dytë, duke u përmirësuar në raport me Të, me veten, me familjen, me të gjithë.

Është dashuria e Zotit që na mban në jetë, dhe ne duhet ta jetojmë jetën me më shumë dashuri.

❤️

Vasili mesazh mjekëve dhe infermierëve: Forcë dhe kurajë, vetëm ju dini ta fitoni këtë betejë

Nënkryetari i LSI-së, Petrit Vasili ka dhënë një mesazh ditën e sotme për të gjithë mjekët e infermirët që po përballen me të betejën për të luftuar koronavirusin, i shpallur pandemi botërore nga Organizata Botërore e Shëndetësisë.

Përmes një mesazhi në “Facebook”, Vasili, u jep kurajë mjekëve, duke u shprehur se fjalët e veprat e tyre janë të shenjta.

Mesazhi i plotë i nënkryetarit të LSI, Petrit Vasili

Kolegë te mrekullueshëm mjekë dhe infermierë. Si në çdo moment të vështirë ju jeni aty, të përkushtuar dhe modestë. Ju nuk jeni vetëm. Të gjithë janë me ju. Unë jam me ju në çdo minutë. Të gjitha betejat me pandemitë i kemi fituar. Edhe kjo betejë do të fitohët. Fjalët dhe veprat tuaja janë të shenjta. Forcë dhe kurajë miqtë e mi, vetëm ju dini ta fitoni këtë betejë.

Spahiu: Opozita e Bashkuar me propozime konkrete sa i takon problematikave të krijuara nga coronavirusi

Ish deputeti i LSI-së, Përparim Spahiu ka reaguar me anë të një postimi në Facebook, ku ka komentuar deklaratat e Kreut të PD-së, Lulzim Basha.

Postimi i plotë i Spahiut:

Opozita e Bashkuar me propozime konkrete sa i takon problematikave të krijuara nga coronavirusi.

Kryetari i opozitës propozoi masa ekonomike për të mbështetur bizneset dhe qytetarët:

Pezullimin e fshirjen e pagesave të energjisë elektrike dhe të ujit për bizneset dhe familjarët në zonat e prekura

Të mos ndërpritet energjia edhe uji për ata që nuk arrijnë dot të paguajnë

Kompanitë të mos paguajnë sigurime shëndetësore për tre muaj dhe shlyerjen e pagesave me këste 12 mujore

Përjashtimin nga tatim fitimi i kompanive për 6 deri në 12 muaj.

Përjashtimm nga taksat dhe tarifat vendore për 3 muaj.

Përjashtimi nga gjobat dhe kamat vonesat për 3 muaj dhe 6 muaj për sektorin e turizmit, fasonë dhe call center.

Bankat të shikojnë mundësinë e riskedulimit të këstet të kredisë për bizneset dhe qytetarët

Rishikimi i buxhetit të viti 2020 me qëllim alokimin e fondeve për trajtimin e sëmurëve, dhe rritjen e testimeve për COVID-19, rritja e fondeve për shërbimet sociale.

Koronavirusi, Kryemadhi: Të vlerësojmë çdo moment, të dëgjojmë çdo rekomandim, të zbatojmë çdo këshillë dhe situata do të jetë e kapërcyer!

Kryetarja e LSI-së, Monika kryemadhi ka reaguar mbi situatën emergjente shëndetësore të shkaktuar nga Koronavirusi, i cila ka mbërthyer Shqipërinë.

“Është një moment që kërkon sakrificë, të cilës askush nuk mund ti shmanget, por të gjithë jemi të bindur se në këtë mënyrë do t’ia dalim ta kapërcejmë me sa më pak dëme situatën e pandemisë.” – shkruan Kryemadhi në një postim në Facebook.

Postimi i plotë:

Organizata Botërore e Shëndetësisë sapo shpalli gjendjen e pandemisë nga koronavirus.

Shqipëria është seriozisht e përfshirë në pandemi dhe sot për fat të keq një qytetare humbi jetën. Natyrshëm ngushëllimet e mia më të sinqerta shkojnë për familjen e së ndjerës.

Kjo situatë kërkon solidaritet të të gjithë qytetarëve dhe vëmendjen më të lartë ndaj këshillave dhe rekomandimeve të mjekëve.

Është një moment që kërkon sakrificë, të cilës askush nuk mund ti shmanget, por të gjithë jemi të bindur se në këtë mënyrë do t’ia dalim ta kapërcejmë me sa më pak dëme situatën e pandemisë.

Të vlerësojmë çdo moment, të dëgjojmë çdo rekomandim, të zbatojmë çdo këshillë dhe situata do të jetë e kapërcyer.

Të kujdesemi për veten, sepse kështu kujdesemi edhe për personat e tjerë të familjes.

Solidaritet dhe mbështetje me gjithë zemër për mjekët, infermierët, sanitarët, inspektorët e shëndetit publik, epidemiologët dhe të gjithë forcat që po përballen me vetëmohim dhe sakrificë me pandeminë.

Respekt pafund për ta!

/ In Archived Articles, News / By Admin / Comments Off on Koronavirusi, Kryemadhi: Të vlerësojmë çdo moment, të dëgjojmë çdo rekomandim, të zbatojmë çdo këshillë dhe situata do të jetë e kapërcyer!

Nga Luan Rama/Koronavirusi: fakti, maskat dhe kryeministri!

Nga Luan Rama

Kryeministri ka të drejtë kur thotë se është koha për të qenë të gjithë bashkë, më së pari në zbatimin me rigorozitet të të gjitha masave që do të na mundësonin përballimin e epidemisë së koronavirusit me sa më pak efekte dhe demë!

Shqipëria, nga soditëse e lajmeve që vinin prej vende të tjera ku u përhap më parë virusi monstër, tani është bërë edhe vetë lajm; lajm për vete e për të tjerët.
Eshtë bërë edhe vetë teatri i luftës me epideminë, ku aktorë jemi të gjithë e ku potencialisht jashtë rrezikut të infektimit nuk është askush.

Eshtë një realitet që duhet përballuar. Duhet përballuar me përgjegjësinë e të gjithëve. Dhe me angazhimin e të gjithëve. Duhet përballuar me kujdes maksimal dhe duke respektuar pikë për pikë të gjitha rekomandimet e mjekëve, por edhe të gjitha vendimet shtetërore.

Eshtë një realitet që duhet mundur e që për t’a mundur, duhet të jemi të gjithë në një front e përkrah njëri-tjetrit. Pa panik, por me seriozitet, me rregull, me disiplinë. Duke u bërë vetë secili prej nesh shembull i respektimit të masave dhe rregullave e, edhe duke mos lejuar të tjerët t’i shkelin ato.

Lufta ndaj koronavirusit nuk bëhet me politikë. Nuk bëhet as me akuza, as me shfryrje mëlleftare e retorikë bajate nga “foltorja” e ngritur mbi një arrogancë dhe delirancë idiote e të pavlerë.

FAKTI

Kryetari i Partisë Demokratike zoti Lulzim Basha denoncoi publikisht një fakt: maskat profesionale, një sasi prej 1.2 milionë të tilla, të shpërndara për punonjësit e sistemit të shëndetësisë, rezultojnë të skaduara që prej vitit 2011!

Zoti Basha në këtë rast, as sajoi dhe as trukoi ndonjë gjë. Ai vetëm zbuloi dhe lexoi atë që zbuloi dhe që është e shkruar e zezë mbi të bardhë mbi kutitë e maskave nga prodhuesi i tyre, edhe pse e mbuluar “çuditërisht” në të gjitha kutitë njësoj, në të njejtën mënyrë, me një letër të ngjitur enkas mu mbi datën e skadencës!

Ky është fakti. Pas asnjë koment.
Dhe i pambuluar. Në sytë e të gjithëve.

Askush, madje asnjë njeri me sado pak aftësi për të kuptuar, nuk ka dilema e nuk dyshon se një produkt i skaduar nuk duhet përdorur! E më tej se kaq, shpërndarja e një produkti të skaduar, i çdo lloji qoftë ai, është vepër e dënueshme!

Në kësi rastesh, detyra dhe përgjegjësia është e prokurorisë. Prokuroria duhej që menjëherë pas denoncimit publik nga ana e kryetarit të Partisë Demokratike, të fillonte hetimin e faktit dhe referuar situatës alarmante në të cilën gjendet vendi, edhe të informonte me transparencë qytetarët për fillimin e hetimit.

Këtë do të bënte prokuroria në çdo vend normal, me njerëz normalë e të përgjegjshëm për detyrat që kryejnë.

Këtë duhej ta bënte prokuroria edhe në Shqipëri.
Do të duhej t’a bënte pa folur kryeministri e madje t’a urdhëronte kryeministrin që të mos fliste pa u shprehur zyrtarisht prokuroria!

Por kryeministri foli. Si zakonisht e sipas një modeli të vjetër, ai foli i pari, duke përcaktuar edhe vijësjelljen e të tjerëve, në këtë rast jo vetëm të ministrave të tij që e dëgjonin si guakë të matufepsur e gojëmbyllur, por përcaktoi edhe vijësjelljen e prokurorisë.
Foli dhe u hakërrua duke dëshmuar qoftë edhe me nervozizmin e tij të shpërfaqur rëndom kohëve të fundit, më së paku paaftësi dhe frikë, jo prej mbulimit të datës së skandencës në maskat e shpërndara, po prej maskës së pavlerë për të mbuluar fytyrën e paaftësisë qeverisëse.

MASKAT…

Maskat janë të skaduara. Ketë fakt as kryeminstri vetë nuk e mohoi. Por ai shtoi se ato, pra maskat, nuk janë të dëmshme për përdoruesit e tyre!
Një spekullim me termat. Sepse, mund të thuash që nuk janë të dëmshme në kuptimin që ato, maskat, nuk e dëmtojnë përdoruesin e tyre, por a e evitojnë, a e parandalojnë ato duke qenë të skaduara dëmin eventual mbi përdoruesin?!

Ndërkaq mjekët thonë të kundërtën.
Mjekët thonë që një produkt i skaduar nuk duhet përdorur.
Dhe kanë të drejtë.
Mjekët tanë e të gjithë punonjësit e shëndetësisë që janë në ballë të luftës me të keqen e virusit monstër, nuk mund të përdoren si kavie. Me ta nuk mund të eksperimentohet deri në caqet e ligësisë!

Maskat kanë skaduar që në vitin 2011! Shto këtu edhe kohën e gjatë të magazinimit e për më tepër kushtet e dyshimta të magazinimit në Shqipëri, për të marrë me mend se deri ku shkon skadenca e tyre.

Përballë këtij fakti cilido me të drejtë pyet:
Çfarë kuptimi ka data e skandencës mbi kutitë e maskave?
Përse prodhuesi ka vënë kohën e përdorimit dhe ka shënuar afatin e skandencës?
Dhe pyetja tjetër; përse është mbuluar data e skandencës?!
Këto e shumë pyetje të tjera duan përgjigje, nga PROKURIA dhe jo nga KRYEMINISTRI!
Të kërkosh zbardhjen e të vërtetës nuk është politikë, ashtu sikundër nuk është politikë denoncimi i të vërtetës, edhe kur këtë e bën një qytetar me atribute të përfaqësimit politik.
Solidaritet për t’i bërë ballë të keqes që na kanoset të gjithëve, nuk do të thotë të heshtësh e të mos e denoncosh të vërtetën, për të parandaluar përshkallëzimin e të keqes.

KRYEMINISTRI

Kryeministri mund ta përdorë maskën, por maska nuk i vlen as atij vetë. Sepse ajo është e skaduar!

Një kryeministër normal dhe i përgjegjshëm, menjëherë pasi merr dijeni për një fakt, gjëja e parë që bën kërkon informacion mbi faktin; është i vërtetë apo jo.
Dhe pasi mëson që fakti është i vërtetë, e administron me përgjegjësi shtetërore të vërtetën dhe krijon kushte që e vërteta të hetohet ligjërisht dhe në paanësi.
Një kryeminstër i përgjegjshëm thërret dhe konsultohet specialistët e fushës dhe më parë se të thotë që “maskat nuk janë të dëmshme”, duhet të na thotë se pse nuk janë marrë maska të paskaduara, ndërkohë qe po bëhen afro tre muaj që u paralajmëruam për koronavirusit, qysh prej kohës kur Kina u përballua me këtë realitet.

Nuk kam arsye të paragjykoj kryeministrin, edhe pse pa qenë specialist merr përsipër të bëjë specialistin. Por kam të gjitha arsyet e botës të besoj mjekët.
Dhe mjekët thonë një produkt i skaduar nuk duhet përdorur! Dhe që ta kuptojë edhe kryeministri, dëm nuk është vetëm kur një produkt i prodhuar për të mbrojtur bën dëm drejtpërdrejt mbi përdoruesin, por edhe prej faktit që duke qenë i skaduar, nuk parandalon dot dëmet eventuale!

Unë e gjej veten në silidaritet të plotë me kryeministrin dhe qeverinë e tij dhe e mbështes maksimalisht në të gjitha vendimet e marra për përballimin e situatës emergjente të shkatuar prej epidmisë, por kjo nuk i jep atij të drejtë t’a përdorë epideminë dhe as solidaritetin tim e të të gjithë qytetarëve për të na e mbuluar të vërtetën me maskat e tij të skaduara.
Kryeminstri vetë është rasti ekselent kur maska nuk i bën më punë!

Kërpaçi: Qeveria të shtojë informacionin për publikun, fletëpalosje informuese në pallate, markete dhe vende të tjera publike

Deklarata për mediat e ish deputetes së LSI-së, Floida Kërpaçi

Përshëndetje,

Në fillim të këtij komunikimi publik shprehim ngushëllimet tona për humbjen e jetës së 73 vjeçares nga Durrësi të diagnostikuar me koronavirusin COVID-19.

Që prej momentit kur u bë publik prania e koronavirusit COVID-19 në Shqipëri fatkeqësisht raportimet e njerëzve të prekur janë rritur me ritme të shpejta duke na bërë të jemi në betejë me të panjohurën për shkallën e depërtimit të tij në popullatë.

Secili prej nesh duhet të kuptojë se kujdesi që duhet të tregojmë për higjienen personale është me rëndësi të jashtëzakonshme, për veten dhe familjarët tanë; për miqtë, për komunitetin tonë, dhe në tërësi për të gjithë popullatën pasi virusi shpërndahet lehtësisht nga kontakti njerëzor dhe neglizhenca mund të përkeqësojë situatën.

Mirënjohje dhe kurajo për të gjithë trupën mjekësore që po përballon situatën e vështirë. Për ata qindra mijëra mjekë të qëndrave shëndetësore, poliklinikave, që përballen me kontaktin e parë me qytetarët, si dhe me të gjithë mjekët, infermierët, të gjithë stafin mjekësor që kanë lënë familjet dhe janë mbyllur brenda spitaleve për të ndjekur rast pas rasti situatën e rëndë.

Qeveria dhe task forca për përballimin e situatës duhet të vijojë të marrë masa për parandalimin e shpërndarjes së virusit, pasi qytetaret ne keto momente kane nevoje per informacion dhe sensibilizim!

Duke parë se jo të gjithë qytetarët e republikës së Shqipërisë kanë akses në internet apo televizion, gjykojmë se duhet te merren urgjentisht masa nga organet kompetente per të realizuar pankarta informuese dhe sensibilizuese per qytetaret në të gjithë territorin, me qëllim primar maksimalizimin e vemendjes dhe vetëdijes se tyre.

Këto pankarta të vendosen në ambjente publike në të gjithë territorin e Shqipërisë, si psh. në stacionet e autobuzave, jashtë marketeve ushqimore, farmacive, etj.

Administratorët e pallateve gjithashtu të angazhohen në informimin e banorëve të pallatit nën administrim, duke realizuar shpërndarjen e këtyre materialeve informuese.

Për më tepër në kuadër të masave për ndalimin e shpërndarjes së koronavirusit duhet përforcuar rigorozisht kontrolli në pikat kufitare tokësore dhe detare që kanë më shumë fluks njerëzish.

I bëjmë thirrje qeverisë të marrë masa për mbylljen e aktiviteteve private ku ka shumë punonjës dhe prani të madhe njerëzish, duke qenë se probabiltieti për përhapje është më i madh; duke siguruar që pagesat e tyre të mos cënohen.

Mjekët tanë po bëjnë të pamundurën në kushtet e pavafaroshme që politikat e qeverisë i kanë lënë, ndaj sot është koha që ne të gjithë të bëjmë me rigorozitet detyrat tona për ndalimin e shpërndarjes së virusit.

Ky eshte nje moment i rendesishem i cili ka nevoje per përgjegjshmeri në administrim nga ana e strukturave shtetërore përgjegjëse, si dhe nga çdo qytetar.

Në mbyllje apeli për të gjithë që ndjejnë se kanë simptoma të coronavirusit COVID-19 është të mos ndjejnë turp apo frikë. Ne të gjithë jemi njerëz dhe të gjithë mund të prekemi. Mos hezitoni të kërkoni ndihmë.

Mendoni për veten, për familjen dhe për gjithë shoqërinë!

Faleminderit

/ In Archived Articles, News / By Admin / Comments Off on Kërpaçi: Qeveria të shtojë informacionin për publikun, fletëpalosje informuese në pallate, markete dhe vende të tjera publike

Panariti: Çështja e afatit të skaduar të maskave të fshehur me pullë fiskale meriton hetim dhe dënim ekzemplar!

Nga Edmon Panariti

Çështja e afatit të skaduar të maskave të fshehur me pullë fiskale meriton hetim dhe dënim ekzemplar!

Perfytyroni sikur nje prodhues, tregetues apo shites te fshinte skadencen e produktit te tij duke ngjitur pulle fiskale…
Rezultati burg me denim te perforcuar nga kodi penal i ashper per shkelesin.
Per ceshtjen e perdorimit te maskave me tej pyesni Organizaten Boterore te Shendetesise dhe Qendren per Kontrollin e Semundjeve ne USA, se si po veprojnë ne te tilla raste.. Per keto pune ka protokolle teknike dhe jo politike.

/ In Archived Articles, News / By Admin / Comments Off on Panariti: Çështja e afatit të skaduar të maskave të fshehur me pullë fiskale meriton hetim dhe dënim ekzemplar!

Mehmetaj: Gratë kanë nevojë për politika konkrete që i fuqizojnë ato intelektualisht dhe ekonomikisht.

Ish-deputetja e LSI Kejdi Mehmetaj është takuar ditën e sotme me zonjat aktiviste për të drejtat e vajzave dhe grave përmes “Platformës Kombëtare për Gratë” të cilat zhvilluan takimin e tyre rajonal në qytetin e Fierit.

Mehmetaj shkruan se dhuna, mungesa e vendeve të punës, mungesa e edukimit cilësor, pabarazia me të cilën trajtohen në çdo situatë, vështirësitë që hasin kur tentojnë të jenë pjesë e vendimarrjes janë disa prej problemeve me të cilat gratë shqiptare përballen çdo ditë dhe njëkohësisht probleme të cilat nuk trajtohen seriozisht nga qeveria dhe madje as nga shoqëria jonë.

Postimi;

Sot pata kënaqësinë ti bashkohesha zonjave të nderuara aktiviste për të drejtat e vajzave dhe grave përmes “Platformës Kombëtare për Gratë” të cilat zhvilluan takimin e tyre rajonal në qytetin e Fierit. Dita e tyre filloi sot me një protestë simbolike në sheshin e qytetit dhe u mbyll me një konferencë nga e cila dolën me disa propozime konkrete.
Dhuna, mungesa e vendeve të punës, mungesa e edukimit cilësor, pabarazia me të cilën trajtohen në çdo situatë, vështirësitë që hasin kur tentojnë të jenë pjesë e vendimarrjes janë disa prej problemeve me të cilat gratë shqiptare përballen çdo ditë dhe njëkohësisht probleme të cilat nuk trajtohen seriozisht nga qeveria dhe madje as nga shoqëria jonë.
Gratë dhe vajzat nuk kanë nevojë për festa, madje as për lule, por për vlerësim e respekt. Kanë nevojë për politika konkrete që i fuqizojnë ato intelektualisht dhe ekonomikisht. Të tjerat vijnë vetiu…
Unë uroj që ne të gjitha ta gjejmë forcën brenda vetes për të reaguar e për të luftuar pa u ndalur për të drejtat tona e njëkohësisht shpresoj se shoqëria jonë do të mësojë ti promovojë gratë frymëzuese si modelet më të mira për brezat e rinj.
#8mars

Nora Malaj uron 8 marsin me tufën e mimozave: Gratë janë si kjo lule, të forta dhe të ëmbla njëkohësisht, respektojini

Ish deputetja e LSI Nora Malaj me anë të një postimi në “Facebook” ka uruar të gjitha gratë me një tufë mimozash.

Malaj shprehet se mimoza demonstron më së miri qenien e femrës, që është e butë dhe e fortë njëkohësisht e ndaj duhen respektuar, sepse ato janë nënat, motrat dhe vajzat tona.

Postimi:

8 Marsi dhe mimozat !
Mimozat janë të brishta dhe çelin ne Mars , së bashku me ardhjen e pranverës!
Mimozat janë nazike , ashtu siç është gruaja dhe vajza , plotë me vlera dhe përkedhelje!
Mimozat janë erëmirë , ashtu sic janë vajzat dhe gratë , që dhurojnë mirësi.
Mimozat janë të verdha, dhe simbolizojnë ngjyrën e njerëzve të fortë, siç janë dhe gratë e vajzat plote energji.
Mimozat janë lulet , që dhurohet në emër të dashurisë, ashtu siç do t’ia dhuronim
çdo nëne, vajze, gruaje e gjyshe në emër të shpirtmirësisë
E sot , në ketë 8 Mars , po jua dhuroj ju të gjithëve , në emer të kauzës sonë, këtë tufë mimosë , për të kujtuar çdo burrë e djalë , që jetën e kanë nga gratë emrëmira ,që dhurojnë e mbrojnë dashuri , dhe që respektë e mirënjohje duan gjithmonë!
Faleminderit ty, grua nënë, grua nuse, grua bijë, grua motër, grua që nuk lodhes së punuari, faleminderit ty grua e përkushtuar!
Faleminderit ty , Grua, që ekziston !
Për faktin që ti je Grua dhe botën e bene më të bukur.
Faleminderit për forcën, kurajon dhe energjitë , për ta bërë botën që jetojmë më të mirë!

/ In Archived Articles, News / By Admin / Comments Off on Nora Malaj uron 8 marsin me tufën e mimozave: Gratë janë si kjo lule, të forta dhe të ëmbla njëkohësisht, respektojini

Erisa Xhixho publikon shifrat e dhunës: Zëri i grave duhet dëgjuar më shumë

Nënkryetarja e LSI Erisa Xhixho, në Ditën e Gruas ka publikuar shifrat e frikshme të femrave të vrara e dhunuara ndër vite. Xhixho thekson se të dhënat janë alarmuese, ndërsa shton se zëri i gruas duhet të dëgjohet më shumë.

Postimi i Erisa Xhixhos:

Këtë 8 Mars vendosa të protestoj me një postim…

113 gra të vrara në 9 vitet e fundit

7 gra të masakruara në 2 muajt e parë të 2020.

E dashur shoqëri duhet të mobilizohemi

që t’i japim zë vajzave dhe grave që zërin e kanë humbur.

Postoni një foto ose video në rrjetet sociale

#harramtamblinenanës #harramqumshtinenënës për këdo që vë dorë mbi nje grua.

Kjo fushtë është nisur nga regjisoria Elkjana Gjipali dhe gazetarja Zhaklina Lekatari, vlerësim dhe mirënjohje për këtë iniciativë”.