Vasili: Edi Rama, shqiptarët paguajnë taksa që të mbrohen nga coronavirusi!

Nga Petrit Vasili

Pandemia nga coronavurusi ka hyre ne një moment kritik pasi Italia vazhdon te këtë një situate tepër te rende si dhe ne Ballkan veçanërisht ne Greqi ku rastet kane pësuar rritje te menjëhershme, por edhe ç’faqja ne vende te tjera te rajonit.

Duhen përforcuar masat sanitare epidemiologjike ne Shqipëri me shume se kurrë. Këto masa kërkojnë para se gjithash materiale mjekësorë te bollshme dhe mbrojtjen e personelit mjekësor me çdo kusht si armata qe përballon ne vije te pare pandemine.

Është jetike te vendoset gjithë financimi i nevojshëm. Ky financim aktual është tërësisht i pamjaftueshëm. Edi Rama shpenzo taksat qe shqiptaret paguajnë për te garantuar mbrojtjen e personelit mjekesor.

Edi Rama shpenzoi taksat e shqiptareve per ti mbrojtur ata, jo per te bere shoë ti me parate e shqiptareve.

Edi Rama mjaft i shpenzove parate e shqiptareve per ti ndare me oligarket e tu me PPP dhe me tendera me 99.99% te vleres.

Edi Rama boll i shperdorove taksat e shqiptareve me rilindje urbane e lloj e soj idiotesirash grabitqare.

Edi Rama shpenzo nga taksat per coronavirusin aq sa shpenzon per 1 km rruge koncesionesh pra 20 milion euro.

Edi Rama po nuk e bere sot, gjithe urrejtja e njerezve do te bjere mbi ty.

Edi Rama mos harro qe shendetin nuk e fal kush, mos e harro kurre kete!!

8 Marsi/ Gjosha: Çdo politikë e mirë për një grua, i shërben familjes dhe gjithë shoqërisë

Nga Klajda Gjosha

 

Sot është një ditë e vecantë jo vetëm për vajzat dhe gratë por për gjithë shoqërinë.

Unë uroj që 8 Marsi të na shoqëroj cdo ditë të jetës tonë për të bërë më të mirën për secilën nga ju. Cdo politikë e mirë për një grua, i shërben familjes dhe gjithë shoqërisë.

Sot sytë duhet të kthehen te ato që ndjehen të diskriminuara, te viktimat e dhunës në familje, te kryefamiljaret që detyrohen të bëjnë më shumë se një punë për të rritur dhe shkolluar fëmijët, te puna e papaguar e atyre nënave që kanë zgjedhur të qëndrojnë në shërbim të familjes, te gratë e fshatit që me aq shumë sakrifica mundohen që nëpërmjet bujqësisë të fitojnë bukën e gojës!

Emancipimi i gruas është detyrë e gjithësecilit prej nesh, është duetyrë e cdo shoqërie, sado e zhvilluar të jetë ajo. Respekti ndaj gruas nuk është mëshirë, është investim për familje të shëndetshme!

“Koronavirusi është emergjencë dhe jo rutinë”, Vasili thirrje qeverisë: Zgjohu!

Nënkryetari i LSI-së, Petrit Vasili i ka bërë thirrje qeverisë që të marrë masa, ndërsa thekson se koronavirusi është emergjencë dhe jo rutinë.

Përmes një postimi në ‘Facebook’ Vasili shkruan se qeveria duhet të vërë në dispozicion të gjitha paratë që duhen për përmbushjen e plotë të mungesave skandaloze në materiale mjekësore.

REAGIMI I VASILIT

Qeveri zgjohu, coronavirusi është emergjencë dhe jo rutinë!

Coronavirusi si një emergjencë e jashtëzakonshme shëndetësore dhe që po shtrihet frikshëm në Europë duhet trajtuar si e tillë, pra si emergjencë shumë serioze dhe tepër e komplikuar.

Është e qartë se Qeveria shqiptare lidhur me financimin e kësaj emergjence globale po e trajton atë si rutinë dhe me shpresën e sytë nga qielli duke thënë: “hajt ishallah mbaron dhe ja hedhim pa shpenzuar lekë.”

Pikërisht në këto momente kritike, konstatimi i mungesës edhe në Qendrat Shëndetësore në mes të Tiranës të materialeve më bazike si maska, doreza si dhe mungesa e ujit e alkoolit dhe dezinfektantëve nuk është thjesht skandal, është potencialisht Risk Kombëtar.
Edhe një vatër e vetme e neglizhuar mund të bëhet pika e shpërthimit te epidemisë me pasoja shumë të rënda për gjithë vendin.
Coronavirusi nuk është rutine është një emergjencë shumë e rëndë.
Qeveria duhet të vërë në dispozicion të gjitha paratë që duhen për përmbushjen e plotë të mungesave skandaloze në materiale mjekësore.
Qeverisë në i mungofshin paratë, le tua marrë oligarkëve, që t’i mbrojë edhe ata vetë nga coronavirusi, i cili po shpërtheu nuk ben dallim mes oligarkut dhe njeriut të thjeshtë.
Qeveria duhet të kuptoje se me aq para sa ke vendosur deri tani nuk ka bërë thuajse asgjë përballimin e emergjencës nga coronavirusi.
Me coronavirusin nuk luhet, por luftohet.
Është në lojë shëndeti i qindra mijë shqiptarëve.
Respekt dhe mbështetje pa fund personelit mjekësor që lufton në vije të parë, ndonëse i pambrojtur dhe i papaguar si duhet.

7 Marsi, Kryemadhi uron mësuesit: Unë besoj te ju dhe misioni juaj!

Përmes një postimi në Facebook, kryetarja e LSI-së, Monika Kryemadhi ka uruar të gjithë mësuesit shqiptarë, të cilët festojnë sot 7 Marsin.

POSTIMI:

Sot është dita e mësuesve të Shqipërisë, influencuesve më të rëndësishëm në edukimin e brezit të ri dhe formësimin e të ardhmes së kombit tonë. Ndërsa misioni i tyre i përditshëm shkon te edukimi i fëmijëve, zotimi im për të gjitha familjet shqiptare është kthimi i Shqipërisë në vendin ku mësuesi që ka në duar edukimin e brezave do jetë më i fortë dhe i respektuar, se ai që në duar ka pushtetin apo armët e krimit.

Të dashur mësues, unë besoj te ju dhe misioni juaj! Sot duhet të bëhemi të gjithë bashkë për të ndihmuar fëmijët tanë. Ngrihuni, hiqni pluhurin nga vetja dhe filloni përsëri nga një perspektivë e freskët. Besoni te profesioni juaj dhe duajeni atë. Zgjoni pasionin që keni për lëndën tuaj ose për të mësuar dhe për të dhënë dije!

Mençurojini dhe ndihmojini brezat të rriten me dashuri. Ngrihuni çdo ditë dhe bëni atë që bëni më mirë.
Ju do të ndikoni te ata, që të bëhen më të mirë se sa e imagjinoni ndonjëherë. Mësojini fëmijët se ata nuk janë as “djaj “dhe as “engjëj”, ndoshta disa nuk janë aq shumë të zot dhe nuk shkëlqejnë, por ata janë e ardhmja jonë dhe meritojnë gjithë besimin dhe përkujdesjen tonë.

Unë besoj te ju mësuesit e mi! Ju të heshturit gjer në dhimbje, të mëdhenjtë gjer në madhështi!

Gëzuar festën, ju të mirët mësues! Gëzuar nga mot!

Skandali në Fier, Malaj: Besa Shahini një kukull, drejtoresha e DAR duhet të shkarkohet

Ish-zv.ministrja e Arsimit Nora Malaj ishte ftuar në studion e Abc News për të folur për situatën e ndodhur në shkollën “Janaq Kilica” në Fier.

Malaj akuzoi ministren e Asrimit Besa Shahini për keqmenaxhimin e situatës. Po ashtu Malaj u ndal edhe tek skandali me Drejtoreshën e DAR, Yllka Beci e cila ishte prezente në ambientet e shkollës ku ndodhi ngjarja, dhe debatoi me një pjesë të prindërve që ndodheshin aty dhe me gazetaren e ABC News, Valbona Davidhi.

Për të tërhequr vëmendjen, Beci tha se vajza e nxjerrë me barrelë nga shkolla është shtatëzënë, gjë e cila rezultoi se nuk ishte e vërtetë, dhe më pas vetë ajo e përgënjeshtroi duke thënë se e kishte fjalën për mësuesen.

Sipas Malajt, Beci nuk duhet të jetë më titullare e zyrës së arsimit. “Ministrja më mirë të mos kishte dalur se tregoi që vetëm ministre nuk është. Ajo tregoi që nuk e njeh sistemin e  arsimit. Por nuk dua të merrem se ministrja është thjeshtë një kukull.

Duhet të jemi realistë me atë që po ndodh në shkolla. Fieri po etiketohet në dy pozicione. Ndodhi njëherë ku një pjesë e nxënësve u shtruan dhe nuk u dha asnjë informacion, doli rasti i dytë, i përsëritur në dy herë dhe në momentin e dytë ku pas situat. Kjo nuk duhet të jetë më titullare e Zyrës së Arsimit. Kur ka kaluar fakti që nuk është e vërtetë e rëndon edhe më shumë situatën me qëllimin që ngjarja të  mos quhet më siç është por të kalohet nga një gjendje reale në një gjendje virtuale. Janë thyer të gjitha rregullat e kodit të komunikimit, etikës. Pasi u publikua kronika juaj familjarët kishin të drejtë të hedhin në gjyq. Cfarë do ndodhë me jetën e kësaj vajzës më pas? Këtu kemi me një keqmenazhim të titullarëve të sistemit të arsimit”, u shpreh ajo.

E pyetur se çfarë duhet të bënte ministrja Shahini, e cila e cilësoi ngjarjen edhe politike, Malaj tha: “Ministria e Arsimit duhet të ishte e par që duhet të bënte njoftimin publik. Duhet të krijonte grupin dhe të shkonte në terren. Shkuan por çfarë bënë? Ne akoma nuk e dimë çfarë ka ndodhur. Por ti duhet të përballesh me problemin.  Kemi të bëjmë me një gjë që nuk e dimë nga vjen. U vu re që mediat dje nuk u lejuan të hyjnë. Masat ishin të nivelit zero. Keqdashësia shkoi më tej ku e shikojnë këtë ngjarje si politike. Ne realisht shohim një shtete që është kapur në panik dhe nuk menaxhon dot”. /abcnews.al

Panariti: Letra e Presidentit drejtuar Komisionerit për zgjerimin e ndihmon vendin për në Evropë, nuk e pengon atë!

Nga Edmond Panariti

Presidenti tha të vërtetën! Ajo është e hidhur por vetëm njohja dhe pranimi i saj do të na shpëtoje.

Letra e Presidentit drejtuar Komisionerit për zgjerimin, e ndihmon vendin për në Evropë dhe nuk e pengon atë!

Gënjeshtrat, falsifikimet dhe lojërat e fjalës do të na mbajnë peng gjatë, siç na kanë mbajtur deri tani.

Të vërtetat e Presidentit dhe tonat!

Shkelja e rëndë e Kushtetutes nga shumica dhe përkatësisht e nenit 174 dhe e ligjit derivues mbi organizimin dhe funksionimin e gjykatës kushtetuese.
Shkelje të faktuara tashmë saktë dhe qartë, pa asnjë ekuivok!
Shkelje që i japin goditjen finale të sistemit, sepse “zaptojnë” majen e gjyqsorit ende të paprekur nga kalbëzimi i pushteteve të tjerë tashmë në një grusht të vetëm.

Këtë thotë dhe ka për detyrë të ndalojë që të ndodhë presidenti!
Sepse ai është aty për të ruajtur kushtetutën e cila sanksionon sistemin pluralist të demokracisë dhe ndarjen e pushteteve.

Njiheni dhe pranojeni të vërtetën, sepse ajo do t’ju shpëtojë, thuhet në Bibël!
Mos e përzje te vërtetën me falsifikim dhe mos e fshi të vërtetën, sidomos kur ti e di atë, thuhet në Kuran!

/ In Archived Articles, News / By Admin / Comments Off on Panariti: Letra e Presidentit drejtuar Komisionerit për zgjerimin e ndihmon vendin për në Evropë, nuk e pengon atë!

Gjosha: Uroj që negociatat të çelen për shqiptarët, për t’i rikthyer atyre sado pak shpresë se Shqipëria do të bëhet

Ish deputetja e LSI-së, Klajda Gjosha ka reaguar me anë të një postimi në Facebook, mbi çështjen e integrimit europian.

“E pavarësisht kushteve të paplotësuara dhe investimit të mazhorancës për të mos i çelur negociatat, unë uroj që vendet anëtare të tregohen më strategjikë në vendimin e tyre për Shqipërinë. Uroj që negociatat të çelen për shqiptarët, për t’i rikthyer atyre sado pak shpresë se Shqipëria do të bëhet, duke pasur në krah një partneritet të fortë euro-atlantik.” – shkruan Gjosha.

Postimi i plotë:

Loja me integrimin europian të vendit vazhdon ende pa u ndalur, për ata që çdo ditë punojnë për ta minuar këtë proces jetik për të gjithë ne. Habitem kur dëgjoj disa deklarata boshe, konspirative, që kërkojnë të drejtojnë gishtin drejt institucionit të vetëm legjitim në vend, që është Presidenti i Republikës. Frika nga e vërteta që fshihet pas fasadës, frika nga falsifikimet për të kapur çdo qelizë të drejtësisë, e detyron mazhorancën që me nxitim të manipulojë opinionin publik por edhe institucionet europiane.

Fatkeqësisht qeveria ka dështuar të plotësojë kushtet e saj për të bërë të mundur çeljen e bisedimeve për anëtarësim dhe axhenda e saj shkon në kundërshtim me atë të qytetarëve të këtij vendi. Si gjithmonë, faji duhet të varet diku për paaftësinë, mungesën e vizionit, keq qeverisjen dhe shpërdorimin e besimit.

Nuk ka si të ndodhë ndryshe sepse po të donit negociatat për anëtarësim nuk do të shkatërronit drejtësinë nëpërmjet falsifikimeve, mashtrimeve, përdorimit që i bëhet institucioneve dhe përfaqësuesve të tyre në emër të kapjes së shtetit.

E pavarësisht kushteve të paplotësuara dhe investimit të mazhorancës për të mos i çelur negociatat, unë uroj që vendet anëtare të tregohen më strategjikë në vendimin e tyre për Shqipërinë. Uroj që negociatat të çelen për shqiptarët, për t’i rikthyer atyre sado pak shpresë se Shqipëria do të bëhet, duke pasur në krah një partneritet të fortë euro-atlantik!

Por mos harrojmë edhe diçka të fundit…Shqipëria nuk bëhet duke fshehur të vërtetat, duke mos pranuar përgjegjësitë, Shqipëria bëhet vetëm nëse të gjithë bashkë, me një dakordësi kombëtare ndryshojmë këtë realitet të hidhur në të cilën po kalon vendi!

/ In Archived Articles, News / By Admin / Comments Off on Gjosha: Uroj që negociatat të çelen për shqiptarët, për t’i rikthyer atyre sado pak shpresë se Shqipëria do të bëhet

Mehmetaj: Banda qeverisëse tentoi sot të manipulonte qëndrimet e Presidentit

Nënkryetarja e Lëvizjes Socialiste për Integrim, Kejdi Mehmetaj deklaron se banda qeverisëse tentoi sot të manipulonte qëndrimet e Presidentit.

Përmes rrjeteve sociale, Mehmetaj ngre dyshimet se halli i madh i Ramës është të justifikojë veten përpara shqiptarëve për moshapjen e negociatave dhe shtimin e kushteve të reja, apo se Komisioni po informohet mbi mashtrimet e mëdha që qeveria e tij ka bërë lidhur me Gjykatën Kushtetuese dhe tentativat e panumërta për ta kapur atë e për ta kthyer në një tjetër vegël që i shërben regjimit diktatorialo-Ramist.

“E trembur deri në palcë nga qindra mijëra shqiptarët që manifestuan të vendosur për ta mbrojtur me çdo kusht të ardhmen demokratike të vendit tonë, e duke planifikuar se si do i mashtrojnë shqiptarët për dështimin e radhës në hapjen e negociatave, banda qeverisëse tentoi sot të manipulonte qëndrimet e Presidentit. E ndërsa lexoja me vëmendje letrën e publikuar nga Presidenti i Republikës drejtuar Komisionerit Vàrhelyi më lindi kjo pyetje: Halli i madh i Ramës është të justifikojë veten përpara shqiptarëve për moshapjen e negociatave dhe shtimin e kushteve të reja, apo se Komisioni po informohet mbi mashtrimet e mëdha që qeveria e tij ka bërë lidhur me Gjykatën Kushtetuese dhe tentativat e panumërta për ta kapur atë e për ta kthyer në një tjetër vegël që i shërben regjimit diktatorialo-Ramist? Sido qoftë shqiptarët nuk gënjehen më, e thanë fjalën e tyre qartë e zhurmshëm në manifestimin e 2 marsit. Ndaj kujdes!!! Nesër mund të jenë më të shumtë e më të zëshëm, e kur sovrani flet nuk ka diktaturë që mbijeton”, shprehet Mehmetaj.

Kryemadhi-Kim: Reforma Zgjedhore të mbyllet në 15 mars

Ditën e sotme, Kryetarja e LSI-së, Monika Kryemadhi takoi Ambasadoren e SHBA, Yuri Kim.

Takimi zgjati rreth 1 orë e gjysmë dhe në fokus të tij ishte reforma zgjedhore, ku të dyja palët kanë ndarë angazhimin e përbashkët për realizimin e saj brenda datës 15 mars 2020, si date e përcaktuar në marrëveshjen e dakordësuar mes opozitës së bashkuar dhe mazhorancës për reformën zgjedhore.

Kryemadhi konfirmoi gjithashtu vullnetin e palëkundur të LSI dhe opozitës së bashkuar për ta përmbyllur këtë reformë dhe njëherazi për t’i hapur rrugë zbatimit të saj, ashtu sikurse përcaktohet edhe nga Bundestagu Gjerman.

Vasili: Tre pyetje për Ambasadën e SHBA, që s’marrin pergjigje prej kohësh!

Nënkryetari i LSI-së Pretit Vasili, përmes një postimi në rrjetet sociale, i ka drejtuar tre pyetje Ambasadës së SHBA-ve në Shqipëri, që sipas tij s’marrin pergjigje prej kohësh!

Postimi i plotë Vasilit

Tre pyetje te detyruara për Ambasadën e SHBA, qe s’marrin pergjigje prej kohësh!

Ja se si shante e fyente Edi Rama Presidentin Trump në Washington, në CNN dhe në anglisht dhe quante Z.Trump “turpi i qyteterimit” ose ne anglisht “Shame of our civilization”.

Sharjet dhe fyerjet ndaj Z.Trump vinin pas fotos së Edi Ramës me Z.Obama përmes financimit të paligjshëm dhe mashtrimit si gruaja e Bilalit.

  1. A është Edi Rama një qytetar si gjithë të tjerët për SHBA.

2. A ka ndonjë status të privilegjuar Edi Rama në SHBA, që shqiptarët nuk e dinë?

3. Po një qytetari të thjeshtë shqiptar a do t’i lejoheshin këto skandale, që lidhen me SHBA, pa i hyrë një gjemb në këmbë ashtu si Edi Ramës?

Jam i interesuar unë, por edhe të gjithë shqiptarët që të dëgjojmë shpjegimet e detyruara të Ambasadës, të cilat mungojnë të jepen prej vitesh.