Monika Kryemadhi: Nderim të pafundëm për ata djem dhe vajza që sakrifikuan jetën për çlirimin e Shqipërisë

Fjala e Kryetares së LSI-së, Monika Kryemadhi

Do doja që në emër të LSI, nëpërmjet këtij ceremoniali, ku vendosim kurorat çdo vit, respektojmë dhe të nderojmë dëshmorët e Luftës Antifashiste Nacional-Çlirimtare, të gjithë ata djem dhe vajza që sakrifikuan jetën e tyre për çlirimin e tyre, për  ta renditur Shqipërinë si një vend fitues, në luftën kundër nazifashizmit. Nderimi ynë ndaj këtyre djemve dhe vajzave është më e pakta që mund të bëjmë për  ta sepse ata janë të cilët i dhanë çdo gjë Atdheut të tyre dhe nuk i morën asgjë. Prandaj nderimi i LSI-së për ta do të jetë pafundësisht, jo vetëm thjesht  në një ditë ceremoniale por do të jetë pafundësisht duke i kujtuar ata, duke i vlerësuar ata dhe duke i vendosur ata në historinë e shqiptarëve, të cilët e kanë të domosdoshme për t’jua kujtuar herë pas here, sepse ka pasur me qindra dhe me mijëra vajza, të rinj e të reja që kanë dhënë jetën për çlirimin e Shqipërisë. I kanë dhënë Shqipërisë dhe nuk i kanë marrë asgjë asaj.

Faleminderit!

/ In News / By Elisa Piperi / Comments Off on Monika Kryemadhi: Nderim të pafundëm për ata djem dhe vajza që sakrifikuan jetën për çlirimin e Shqipërisë